Blogg-listinn og eitthvað til að gleyma...

Þarf nú að fara uppfærða þennan lista um blogg hérna til hliðar. Stuðkveðjurnar hættar, Meinhornið hætt, Burrinn hættur, Reynz hættur og Gummi Van Ingvarsson líka. Frekar slappt. Sem sagt allir sem voru undir “catagory-inu” félagar eru allir hættir að blogga.
Þá er Ingvar einnig hættur og mun hann detta út líka.

Spurning hverjir eiga að koma inn í staðinn?

Þá er ég búinn að vera koma upp nýju tölvunni hennar Ömmu sem Afi gaf henni. Hún er ekki alveg jafn nýjungagjörn og Afi og er því nokkuð ósátt við nýju mulningsvélina á meðan barna barn hennar dauð öfundar hana af þessu úber tæki.
Annars þarf ég að setja netið hjá gömlu upp í kvöld og þá kannski skánar þetta hjá henni.

Annars var það The Forgotten í gær. Dæmi um það að kvenfólk eigi ekki að fá að velja bíómyndir en Anna hélt að þetta yrði alveg frábær mynd. Hér á eftir kemur smá “spoiler” þannig að ef þú vilt horfa á þessa hörmung ekki lesa lengra.
Í staðin fyrir að skrifa sjálfur þá tók ég nokkur “comment” af IMDB síðunni.
“After seeing the forgotten, I only wish the Aliens could jump out of the screen and make me forget how much I paid to see this colossal dropping.”
“This movie has little more fun factor than a highly realistic car crash and...well...that's about it.”
Eins og sést fannst mér þessi mynd vægast sagt léleg. The Forgotten fær því 4 Örlish!

Upprisa matarklúbbsins

Eftir árs ‘25 ára afmælis’ pásu var haldinn fyrsti Matarklúbbur ársins 2005. Góð mæting var og voru allir mættir nema Hinni Hero og Gummi Van Ingvarsson.
Það var Gísli Herjólfs sem hélt klúbbinn á föstudaginn og bauð hann uppá ljúffengan Indverskan kjúklingarétt með sætum kartöflum, nan-brauði og hrísgrjónum. Mjög gott hjá Gísli.
Þá var Vítapunkturinn frægi rifinn upp og menn spreyttu sig á honum og fóru Austfjarða skelfirinn, Reynz og Uncle G með sigur af hólmi.
Eftir það var svo farið í bæinn og fyrst farið á Hverfisbarinn svo í ‘utanaflandipartý’ til Burra og eftir það fór allur skarinn á Sólon þar sem þeir Michael Jackson og Justin Timberlake hefði mátt vara sín því slíkir voru taktarnir á dansgólfinu.
Skemmtilegasta skrallið í langan langan tíma og gaman að Matarklúbburinn er kominn á skrið aftur.

Þá finnst mér að Evrópusambandið ætti að styrkja stuðningsmenn Liverpool með Prosac meðferð eða álíka slíkir eru taktarnir hjá þeim þessa dagana.

Slæmt bragð...og fullt fullt annað

Hef alltaf ætlað að horfa á allar myndirnar hans Peter Jackson alveg síðan ég sá fyrstu Lord of the Rings myndina. Á miðvikudaginn settist ég svo loks fyrir framan sjónvarpið og ætlaði að kanna hvernig þessi meistari þróaðist sem kvikmyndagerðarmaður. Ég byrjaði auðvitað á fyrstu mynd hans en það er Bad Taste frá árinu 1987. Þrátt fyrir það að ég hafi vitað að hann hafi byrjað sem ‘splatter’ og B-mynda leikstjóri þá var þessi mynd vægast sagt léleg. Einhvernvegin hafði ég bara ekki húmor fyrir þessu í einn og hálfan klukkutíma. Fyrstu 20 mín voru ok en svo var það bara hraðspól. En ein búin þrjár eftir.
Bad Taste fær falleinkunn eða 3 Örlish!

Annars er ég búinn að vera duglegur að horfa á myndir en nenni nú ekki að fara mjög ítarlega í þetta allt saman annars gerir maður ekkert annað en að skrifa um einhverja helvítis myndir. En hér koma nokkrar.

Horfði á Starsky & Hutch á fimmtudaginn og fannst mér hún mjög fyndin. Þetta er húmor fyrir minn smekk og einnig voru þar Ben Stiller, Owen Wilson og Snopp Dogg töff.
Starsky & Hutch fær 7,5 Örlish!

Fór svo á franska kvikmyndadaga í Háskólabíó á laugardaginn. Myndin sem varð fyrir valinu var Un long dimanche de fiançailles (Langa trúlofunin) eftir Jean-Pierre Jeunet eða sama leikstjóra og gerði Amilie. Fannst hún mjög góð en ég þurfti að berjast við þreytu alla myndina.
Un long dimanche de fiançailles fær 7 Örlish!

Þá var það loks Mystic River sem var í TV-inu mínu í gær. Vel leikinn og vel útfærð mynd og alltaf er Clint Eastwood að vaxa sem kvikmyndaleikstjóri, verst að hann fer að drepast bráðum. Þá voru einnig eðal leikarar sem stöðu sig allir mjög vel. Annars hafði ég ætlað að sjá þessi mynd mjög lengi og ekki verð ég fyrir vonbrigðum.
Mystic River fær 8 Örlish!

Áfram Burnley...

Fór á skíði upp í Bláfjöll í gær með frúnni og tengdó litla brósa. Nú var “gamla” stólalyftan opin en ekki er ennþá búið að opna nýju. En færið var ágætt en það var kalt en samt ekki mikill vindur.

En það besta við þessa skíðaferð var að ég missti af leiknum Liverpool – Burnley. Að tapa á móti þessu drasli með sjálfsmarki og vera að mér skilst miklu lélegri allan leikinn er í einu orði sagt ömurlegt. Ekki nóg með að tapa á móti United ógeðinu þá bætir þetta ekki um betur. En allaveganna var ég mjög feginn að gleyma mér á skíðum á meðan mínir menn í Liverpool voru að drulla upp á bak.

Kveðja frá Örvar sem skíðar til að gleyma...

The Terminal

Horfði á The Terminal með Tom Hanks á föstudaginn en Steven Spielberg leikstýrði þessari mynd. Var nú ekki búinn að heyra góða hluti um þessa mynd og var því ekki með miklar væntingar plús það að myndin gerist á flugstöð þannig að nema þetta sé Die Hard 2 þá getur hún bara ekki verið góð.
Þessi mynd fjallar um mann sem festist á JFK flugvellinum í USA vegna stríðsástands í heimalandi hans (sem var eitthvað Kasibútuland). Tom Hanks leikur útlending ágætlega en Indverjinn er senuþjófur og var lang fyndastur í myndinni. En þetta var nú svo sem ekki mikil snilld en nær að ganga án þess að láta manni leiðast mjög mikið og fær þannig ágætis einkun.
The Terminal fær 6 Örlish!

Á play-listanum í dag eru svo hljómsveit sem heitir !!! og gaf út diskinn Louden Up Now í fyrra. Virkar nú ekkert sérstakur í fyrstu hlustun en gæti unnið á. Hann var á nokkrum 2004 listum sem ég las. Þá er ég núna að hlusta á John Mayer með diskinn Heavyer Things. Ágætis gítarrokk þar á ferð.
Mæli þið með einhverju skemmtilegu til að hlusta á?

Hinni Hetja

Hinni stóð sig ótrúlega vel á föstudaginn þegar hann bjargaði stelpu út úr brennandi íbúð á Akureyri. Ég var að horfa á fréttirnar og þá kom viðtal við Hinna útaf málinu og stóð hann sig með mikilli prýði. Einhvern vegin kemur þessi frétt manni samt ekki á óvart því maður veit hvernig Hinni er gerður og þar er sko sannkallað gæðablóð á ferð.

Ég setti fréttina inná myndasíðuna mína þannig að þig geti séð þetta. Þá fékk Hinni einnig hrós dagsins í Fréttablaðinu í dag fyrir hetjuskap.

National Treasure

Við Jim Bob fórum í bíó í gær að sjá National Treasure með Nicolas Cage. Maður verður að fara með réttu hugafari á svona bíómyndir annars verður maður bara fyrir vonbrigðum. Veit ekki hvenær Jerry Bruckheimer og félagar ætla að fatta það að Cage er ekki hasarhetja. Enda maður sem segir “Put... the bunny... back... in the... box” er bara ekki töff. Enda átti Cage eitt alveg magnað atriði í myndinni sem ég vil ekki segja frá en djöfull var það fyndið (átti að vera töff).
Þetta er Da Vinci Lykillinn mætir Indiana Jones formúlu mynd sem er bara allt í lagi. Gerist full mikið í stórborg en ég var að vonast eftir að sjá meiri Indiana í myndinni en þetta var svona meira hlaupa í stórborginni mynd. Alveg samt magnað hvað vondi gæinn er allt með góðar tímasetningar í bíómyndum.
En National Treasure fær 6 Örlish!

Svo í lokin kemur ein góð með Cage, úr hvað mynd er þessi.
“This is fight night and I am the king”

RIP

Þá eru tvær af þremur útvarpsstöðvunum sem ég hlusta á hættar. Norðurljós hættu með X-ið og Skonrokk í gærkvöldi. Þetta þykir mér mjög leitt. Fjölmiðlaveldið kaupir góðar stöðvar og þegar þeir eru búnir að drepa alla samkeppni þá hætta þeir bara með stöðvarnar, skil ekki hvernig þetta lýst? Sendum samkeppnisráð á þetta drasl.
En það góða við þetta er að það hlýtur að koma upp góð rokk stöð núna í eigu einhvers annars en Norðurljósa. Annað gott er að Freysi (Andri) hættir í útvarpinu sem er mjög gott enda var sá maður gjörsamlega óþolandi sama hvort að hann var að grínast eða ekki með þessum þætti sínum. Kúka í beinni, hvað er það?
Annars er það bara play-listinn á tölvunni og svo að hlusta stöku sinnum á poppland á Rás 2. Hvað annað er í boði?

Skíði
Annars er skíðatímabilið 2005 hafið hjá mér. Ég og Johnny Hawk fórum í Bláfjöll í gær og var bara flott skíðafæri. Svolítið kalt en það gerði nú ekkert til. Náðum nú ekki að vera til 9 því Jónki stútaði bindingunum sínum en góð skíðaferð engu síður.
Nú er bara halda áfram að vera duglegur að fara á skíði og vona að nýja stólalyftan opni bráðum.

Palmdot.com

Ég fékk alveg frábærar fréttir í dag. Fékk í pósti þær upplýsingar að ég væri búinn að vinna síma frá Palmdot.com í einhverju leik. Ég mátti velja milli tveggja síma en ég ætla sko að taka Motorolla símann sem þeir buðu mér ókeypis. Djöfull getur maður verið heppinn stundum. Þeir voru búnir að reyna að ná í mig áður en ég hef misst af því. En nú náðu þeir í mig og heppin ég því ég fæ síma útá það.
Nú er bara að senda heimilisfangið sitt, kreditkortanúmar og kannski ég láti nú bara undirskriftina mína fylgja með útaf þetta fyrirtæki er svo frábært.

Imbinn

Maður er búinn að vera duglegur að hreyfa sig það sem af er að árinu 2005. Markmiðið sett á þrisvar á viku í ræktina og tvisvar í bolta. Nú viku eftir að ég byrjaði í ræktinni er ég loksins orðinn laus við harðsperrurnar og vona að þær komi nú ekki strax aftur.

Annars er fátt betra en að leggjast fyrir framan imbann þegar maður er búinn að vera duglegur að hreyfa sig en ég er búinn að horfa á þrjár myndir undanfarna daga.
Shrek 2 þekkja allir enda snilldar mynd þar á ferð. Núna eru þeir Mike Myers, Eddie Murphy og Antonio Banderas að fara á kostum í myndinni og ein fyndnasta ‘perónsa’ í kvikmynd er Gosi og voru bestu senurnar í myndinni eiginlega í kringum hann. Annars mjög fyndin og góð mynd og ótrúlegt að þetta sé mynd nr. 2 því seinni myndirnar eru yfirleitt verri en þær fyrr en hér á það ekki við.
Shrek fær 8 Örlish!
The Bourne Supremacy með Matt Damon er þessi klassíski njósna hasar sem gerir sitt verk vel. Spennandi og ekki hugsa of mikið og bara fínasta mynd. Þetta er einnig nr. 2 mynd og finnst mér þessi mynd betri en sú fyrri sem er nú nokkuð gott fyrir nr. 2 mynd.
The Bourne Supremacy fær 7 Örlish!
Þá er það Godsend sem ég horfði á í gærdag í leti. Ég viðurkenni það alveg að ég var ekki beint upplagður í að horfa á einhverja svona mynd og kemur það því kannski niður á dómnum. Og einnig það að ég hraðspólaði yfir helminginn af myndinni. En þarna eru þau Greg Kinnear, Robert De Niro og Rebecca Romijn-Stamos í klón spennu/drama mynd sem ég var ekkert að fíla (ef Rebecca Romijn-Stamos er eiginkona John Stamos þá fær myndin náttúrulega fleiri Örlish því John Stamos er John Stamos :). Myndin tók heila eilíf að byrja og byrjaði að vera áhugaverð alltof seint.
Godsend fær 4 Örlish!

Gleðilegt nýtt ár.

Gleðilegt nýtt ár og takk fyrir það gamla. Með nýju ári koma nýjar venjur og ætla ég sem og aðrir Íslendingar að fara taka mig á. Búinn að setja mér nokkur markmið á árin en ekkert sem ég ætla að gefa upp því ég held ég hafi aldrei staðið við áramótaheit. Þau eru samt ekkert háfleyg eins og hjá sumum.
Annars er komið nýtt kerfi á Örlish! kvikmyndagjöfina. Nú verður skalinn 1-10 Örlish! og ætla ég að reyna að henda Örlish! á allar nýjar myndir sem ég horfi á á árinu.

Horfði á Hidalgo á sunnudaginn. Þetta er svona ævintýra mynd ‘ala’ Indiana Jones með Viggo Mortensen í aðalhlutverki. Hún á að gerast 1890 og fjallar um hesta kapphlaup (maraþon) um eyðimerkur Arabíu og er hann eini útlendingurinn sem hefur tekið þátt. Hann lendir auðvitað í fullt af óvæntum ævintýrum á sinni leið þar sem allir eru á móti honum.
En þetta er nú ekkert sérstök mynd en góð ræma til að slökkva á haus stykkinu og horfa á smá ævintýri. Maður veit svo sem alveg hvað á eftir að gerast en handritasmíðin ekkert meistaraverk en smá spenna og svona.

Þannig fær Hidalgo 6 Örlish! í nýju Örlish gjöfinni.

Bestu erlendu lög ársins 2004

Þá er seinasti dagur ársins og öllum brennum hefur verið frestað. Það verður samt skotið upp í kvöld og er ég með eina stóra köku og eina stóra rakettu til að dúndra upp. Bræður mínir eru vanir að hafa þetta allt mjög flott og vænti ég þess sama þetta árið.

Annars eru hérna bestu lög ársins 2004 að mínu mati. Ég veit vel að ég sé að gleyma einhverjum lögum en þessi lög voru inná tölvunni hjá mér og því auðvelt að finna þau.

1-10
1. The Libertines - Can't Stand Me Now
2. Modest Mouse - Float On
3. The Futureheads - Meantime
4. Interpol - Slow Hands
5. Razorlight - Vice
6. Franz Ferdinand - Take Me Out
7. The Killers - Somebody Told Me
8. The Hives - A Little More for Little You
9. Kings Of Leon - The Bucket
10. Badly Drawn Boy - Four Leaf Clover

11-20
11. Razorlight - Golden Touch
12. Modest Mouse - The View
13. The Thrills - Whatever Happened to Corey Hai
14. Interpol - Evil
15. The Von Bondies - C'mon C'mon
16. The Libertines - What Katie Did
17. The Killers - All These Things That I've Done
18. The Bravery - Honest Mistake
19. Dashboard Confessionals - Vindicated
20. Lost Prophets - Last Train Home

21-30
21. Snow Patrol - Spitting Game
22. Keane - Somewhere Only We Know
23. The Walkmen - The Rat
24. The Hives - Dead Quote Olympics
25. Green Day - Boulevard Of Broken Dreams
26. Eminem - Just Lose It
27. The Killers - Mr Brightside
28. Sparta - Hiss The Villain
29. The Charlatans - Up At The Lake
30. The Vines - Winning Days

Hér kemur svo 31-50 en þetta er nú ekki alveg í réttri röð en svona nokkurn vegin samt.
31. The Used - Take It Away
32. Jimmy Eat World - Pain
33. Razorlight - Rip It Up
34. The Prodigy - Hot Ride
35. Gomez - Catch Me Up
36. Sum 41 - Were All To Blame
37. The Cure - the end of the world
38. Good Charlotte - Predictable
39. Embrace - Gravity
40. Green Day - American Idiot
41. Beastie Boys - Check It Out
42. Los Lonely Boys - Heaven
43. Five For Fighting - 100 Years
44. The Streets - Fit But You Know It
45. Rammstein - Amerika
46. Finn Brothers - Won't Give in
47. The Music - Breakin'
48. Morrissey - First of the Gang to Die
49. Scissor Sisters - Laura
50. The Bees - Horsemen

Þetta er ekki tæmandi listi yfir bestu lögin á árinu 2004. Þessa er alla veganna ‘play-listinn’ minn fyrir bestu lögin 2004.

Bestu erlendu plötur ársins 2004

Þá er árið senn á enda og þá keppast allir við a gera upp árið 2004. Ég ætla nú aðeins að vera með í þess og ætla að koma með erlendu plötur ársins 2004. Þessi listi endurspeglar mínar skoðanir á góðum plötum sem heilstæðum grip ekki bara með 3 helvíti góð lög og afgangurinn skítur sem ekki er hægt að hlusta á.
Hérna kemur listinn.

1. Interpol – Antics
Þetta er önnur plata með piltunum frá New York. Þeir fylgi vel á eftir meistarastykkinu Turn on the Bright Lights með bestu plötu ársins 2004. Þetta er Indie rokk af bestu gerð og í rólegri kantinum. Alveg magnaður heilstæður gripur sem ég hef hlustað mjög mikið á. Bestu lögin eru: Evil, Slow Hands og Next Exit.

2. Modest Mouse - Good News For People Who Love Bad News
Ég sé ennþá eftir að hafa misst af þeim á Airwaves 2003. Þetta er sjötta platan þeirra og alveg furðulegt að maður hefur ekki áttað sig á þeim fyrr. Hef reyndar ekki komist í að hlusta á eldra efni með þeim en þessi plata er hrein snilld. Þetta er einnig Indie Rokk og mjög fjórleg lög inná milli. Bestu lögin eru: The View, Float On, The World at Large o Ocean Breaths Salty.

3. Razorlight - Up All Night
Ég datt inná þessa plötu fyrir svona tveimur mánuðum og hún hefur varla farið úr spilaranum. Þetta er svona Indi rokk svipað og Franz Ferdinand og The Libertines. Útvarpsstöðvarnar eru reyndar nýbyrjaður að spila lög með þessari hljómsveit sem kemur frá London. Þetta er fyrsta platan þeirra og lofar hún mjög góðu fyrir framhaldið. Það er mjög erfitt að velja bestu lögin á þessari plötu því þau eru svo mörg en hér koma nokkur: Golden Touch, Vice, Stumble and Fall og Rip It Up.

4. The Libertines - The Libertines
Veit ekki hvort þetta séu einhver álög á manni. Þegar maður byrjar að fíla einhverja hljómsveit þá hættir hún. Nú eru komnar sögur að þessi snilldar hljómsveit frá London sé hætt en ég las fyrst um hana í mogganum og þá var aðal efnið dópneysla annars söngvarans. Tékkaði á henni og ekkert smá góð þó svo að það séu nokkur ekki nógu góð lög inná milli. Þetta flokkast víst líka undir Indie rokk og því ekki flókið að sjá hvernig tónlist er í uppáhaldi hjá mér þetta árið. Bestu lögin eru: Can’t Stand Me Now, What Katie Did og Music When The Lights Go Out.

5. Badly Drawn Boy - One Plus One Is One
Púff hvað ég er búinn að hlusta á þessa skífu oft í bílnum. Þessi plata er ‘easy listening’ og rennur mjög vel í gegn. Þetta er víst einnig Indie rokk en í rólegri kantinum. Var búinn að heyra tvö lög af plötunni og voru það Four Leaf Clover og Year Of The Rat sem eru með bestu lögum plötunnar en það er mjög erfitt að velja hér lög því þetta rennur svo vel í gegn þannig að ég sleppi því í þetta skiptið.

Þá er alveg ógrynni af plötum sem mér fannst mjög góðar en komast ekki á topp 5. The Franz Ferdinand, The Hives og The Killers voru næst því að sleppa inn en eru ekki eins góðar plötur en með snilldar lögum inná milli. Þá eru aðrar eins Sparta, Snow Patrol, Keane The Thrills, Eminem, Green Day, Rammstein, Scissor Sisters, The Music og The Used.

Þá eru einnig fullt fullt af plötum sem ég hef ekki komist yfir og get því ekki sagt um. En mig langar að tékka á eftirfarandi: The Futureheads, The Walkman, Morrissey og margt margt annað ásamt því að hlusta betur á þær plötur sem komust ekki inná lista eins og Sparta, Snow Patrol, Green Day og Scissor Sisters.

Þá ætla ég að skjóta á að The Futureheads verið 'The next big thing'.

Þannig lýtur þetta út þetta árið. Kannski ég komi með topp 10 lög ársins en það er kannski of erfitt, sjáum til.

Jólin

Þessi jól eru nú ekkert til að hrópa húrra yfir. Persónulega fæ ég 12 tíma frí (þ.e.a.s. tvo föstudaga) útaf jólunum og áramótunum sem er nú ekkert voða mikið. En síðan leit ég á dagatalið 2005 og þá er þetta ennþá verra eða einn frídagur fyrir bæði jólin og áramótin. Ömurlegt, af hverju gat þetta ekki verið svona þegar maður var í skóla, ég bara spyr?

Annars er ég nýlega búinn að horfa á myndina Bad Santa sem Jim Bob mælti með. Þetta er svona “svört komidíu” jólamynd um Billy Bob sem var alltaf voða fullur jólasveinn og dverg sem var alltaf að passa hann. Ætlaði að "starta" því að komast í jólaskap en það gekk ekki alveg þar sem þessi mynd var bara ekki nógu góð. Ekkert meira um það að segja og er maður farinn að efast um kvikmynda smekk Árna Töff.

Ísland í dag.

Stundum skammast maður sín fyrir að vera íslendingur...guð minn góður...
Alltaf verið að kvarta yfir því að enginn kaupir plötur lengur. Held að það þurfi að fara kenna Ömmum á Íslandi að kaupa góða tónlist handa barnabörnunum þeirra.