Var að klára að hlusta á hljóðbókina I'm Here to Win sem er bók eftir þríþrautarmanninn Chris McCormack. Hann vann Ironman Kona bæði 2007 og 2010, þá 37 ára ásamt því að hafa unnið flest allt annað í heimi þríþrautar.
Mér fannst þetta bæði skemmtileg og einnig hvetjandi bók. Hann fer vel yfir ferilinn sinn og snertir á því hvað það er sem gerir hann að afreksmanni í þessari íþrótt. Fer mikið út í pælingar hvernig eigi að bæta sig í sínum veikleikum og hikar ekki við að nota lausnir úr öðrum íþróttum eins og boxi og vaxtarrækt. Einnig fer hann vel í það hvernig andlegur styrkur, kænska og útsjónarsemi hefur fleytt honum langt áfram.
Bók fyrir þá sem hafa áhuga á hlaupum og þríþraut.
Á einni af mörgum heiðum sem voru tæklaðar í Noregi, okt. 2011
Nú er kominn nýr mánuður og því fínn tími til að líta yfir farinn veg, skoða hvað maður var að gera í október og einnig fara yfir markmið í nóvember.
Ekki búinn að hreyfa mig eins mikið og ég vildi hafa gert. Missti 8 daga
út útaf vinnu í Noregi, var þá reyndar að hreyfa mig mikið alla dagana
nema ferðadagana. Mikið gengið um óbyggðir Noregs í erfiðu landslagi. Þá
fóru 3 dagar í að undirbúa bæði afmælið hans Óttars og einnig í
undirbúningi fyrir Noregs ferðina.
En byrjum á hreyfingu í október:
Hlaup: 197 km - 15:30 klst - 15 dagar
Hjól: 42 km - 1:50 klst - 3 dagar
Sund 2,35 km - 1:10 - 3 dagar
Ganga um Noreg: 7 dagar
Engin hreyfing: 7 dagar
Ekkert mjög slæmt en mætti laga eitthvað í þessu. Ekki búinn að hjóla nógu oft og sömuleiðis lítið um sund. Sund er frábær virk hvíld og því um að gera að nota það með hlaupunum. Hef einnig verið að hlusta á bókina "I'm here to win" sem fjallar um þríþrautar kappann Chris McCormak og þá byrjar maður sjálfkrafa að horfa aðeins á þríþrautina sem góðan kost. Annars alveg fyrirmyndar bók fyrir þá sem hafa áhuga á afreksíþróttum og hlutum sem tengjast hugarfari og andlega þættinum í íþróttum.
En næst eru það hvað maður ætlar að reyna að gera í þessum mánuði. Markið nóvermber mánaðar eru því:
Hlaup: 300 km
Hjól: Hjóla allavega 1 sinnu í viku í vinnuna
Sund: Synda allavega 1 sinni í viku
Halda áfram að gera styrktaræfingar og auka þrek.
Tvö bestu lög mánaðaris fá að fljóta með, eitt íslenskt og eitt erlent.
Fyrst Of Monsters and Men með frábært lag.
Svo meistararnir í R.E.M. Svona í tilefni þess að þeir eru hættir. En eitt besta lag þeirra í langan tíma, titill lagsins er líka mjög í samræmi við markmið mánaðarins.
