Liverpool efstir um áramótin

Svei mér þá, ég sem ætlaði að bíða til áramóta áður en ég myndi fara gera mér einhverjar væntingar til Liverpool liðsins. Nú eru að alveg koma áramót og Liverpool eru öruggir í efsta sætinu. Nú er bara spurningin hvort maður eigi þora að fara gera sér væntingar um titil í vor eða bíða fram að páskum og sjá svo til.

Án þess að ég haldi að Liverpool séu að fara landa Englandsmeistaratitlinum í vor þá er ég mjög ángæður með gengi liðsins í dag. En það vinnst ekki neitt um áramót (eins og Arsenal menn vita) þannig að ég vona bara eftir góðri og skemmtilegri keppni í þeirri ensku fram að vori og vona svo innilega að Liverpool verði með í baráttu sem lengst.

Djöfull er svo leiðinlegt að lenda í öðru sæti í póker...til hamingju Kiddi.

Jólakveðja 2008

Ég vill óska öllum duggum lesendum þessarar síðu gleðilegra jóla og farsældar á komandi ári.

Búið að vera mikið að gera undanfarna daga og því algjör lúxus að slappa af í dag (jóladag). Kári reyndar með einhverja smá pest sem gerir það að verkum að hann sefur ekki nógu vel á nóttunni og þar af leiðindum ekki foreldrarnir heldur. En jólin verða notuð til að slappa af og hafa það gott.

Hérna er svo jólakortið í ár.

Jóla jóla jóla...

Eitt sem ég var að spá um daginn var afhverju enginn hefði búið til jólalag (þeas heilt lag) úr þessu frábæra stefi sem er notað í Vodafone auglýsingunni með Pétri Jóhanni.



Þá kom það auðvitað í ljós að þetta er erlent lag sem er búið að breyta í þetta jólastef. Alveg frábært lag og mig langar að setja það á topp 10 yfir erlent lög ársins, veist samt ekki hvort það sé sanngjarnt. Í fyrsta lagi kom það út 2007 og í öðru lagi heyrði ég það fyrst í gær 22 des. Kemur í ljós á milli jóla og nýárs þegar ég smíða listann fræga.

Gat á hausinn

Þá hefur enn eitt gatið bæst í hóp margra og fínna gata á hausnum mínum. Var að hjálpa í Gulaþingi um helgina. Var að setja saman IKEA skápa (enda mikill IKEA specialist) og þegar ég er svo að fara setja hurð á einn skápinn þá næ ég að reka hurðina í ljósakrónu sem brotnar og dettur beint á hausinn á mér með tilheyrandi afleiðingum. Allt í blóði og ég með gat á hausnum og nokkrar skrámur í andlitinu.
Svo var það skemmtileg bið á biðstofu Slysadeildar Landspítalans áður en sjálfur söngvari hljómsveitarinnar Dikta tók sig til og saumi eitt spor í hausinn og notaði tonnatak á rest. Svo voru deyfilyf afþökkuð til að gera þetta meira hardcore, enda er maður enginn aumingi, bara smá klaufi.

Nóvember

Þá er nóvember kominn inn.

2008 - Nóvember

1. í aðventu

Helgin var alveg hin fínasta. Hrefna Rán kom í pössun á föstudaginn og var mikið stuð hjá frændsystkinunum. Hrefna bað sérstaklega um að fá að fara í pössun til Kára og því var þetta mikill heiður. Hjartað á frúnni var ekki stærra en það að hún var sótt að pabba sínum um kl. 1:30 um nóttina, honum til mikillar ánægju :)

Laugardagurinn hófst svo eins og venjulega með íþróttaskólanum. Í þetta skiptið kom Elmar Daði með og tók Kári það á sig að leiðbeina vini sínum í gegnum þrautirnar með miklum sóma. Alveg ótrúlegt hvað Kári hefur gaman af þessu. Öskraði alveg uppfyrir sig þegar han sé glitta í Smárann, "iotta-olinn" eins skýrmæltur og hann er.

Seinna um daginn var svo farið í fjölskylduferð og horft á þegar það var kveikt á jólatréinu í Hamraborginni og auðvitað horft á frú GJ syngja með Samkór Kópavogs, vona að ég hafi fengið nokkra plúsa í kladdann þar. Þá komu einnig jólasveinar og sungu nokkur vel æfð lög, Kári og börnin alveg dolfallinn yfir þessum skrítnu köllum. Eftir á var svo farið inn í Molann þar sem smá atriði úr Dýrin í Hálsaskógi var sýnt fyrir börnin og fullorðna fólkið sem fannst gott að komast úr -9°C unum.

Ég ásamt The misses fórum svo út að borða á Fiskimarkaðinn (Fish Market) í tilefni af afmæli Önnu fyrr í vikunni. Það var kominn tími til því um 3 ár eru síðan við fórum seinast tvo út að borða, já rómantíkin að drepa okkur.
En það var svo hann Gulli sem matreiddi ofaní okkur heila 9 rétti og vorum við á staðnum frá ca. 8-12. Hélt að við myndum þurfa hjólastól til að komast þarna út því matur var svo góður og svo mikið að borða og smakka. Krabba klær, Smokkfiskur, Rif, Andarsalat, Susi, Nætursaltaður Þorskur, Túnfisksteik, Hreindýr og Gæs ásamt vægast sagt frábærum eftirrétti var matseðill kvöldsins.
Held ég geti auðveldlega sagt að þetta sé það besta sem ég hef smakkað þegar maður fer út að borða og mæli ég því eindregið með Fiskmarkaðinum.

Gærdagurinn fór svo í jólaundirbúning. Jólaskrautið grafið upp úr kössum (sem erfitt var að finna) og hengt upp. Get samt nú ekki sagt að það sé komin einhver mikill jólastemmning í mannskapinn.

Set svo nokkrar myndir hérna inn frá helginni.

Myndir frá sumrinu

Þá er ég búinn að setja inn fjöldann allan af myndum á Picasa síðuna mína. Á reyndar eftir að setja myndir frá því í maí inn og á eftir að klára myndir frá júní. En júlí, ágúst og sept er komið inn.

Þetta tekur ógeðslega langan tíma að flokka allar myndirnar, endurskíra þær eftir dagsetningu, gefa þeim stjörnur, tag-a þær og skrifa við þær en ég held að þetta muni borga sig þegar fram líða stundir og maður vill leita af einhverri ákveðinni mynd í öllu safninu. Ég skrifa kannski smá leiðbeiningar einn daginn til að hjálpa fólki að koma smá skipulagi á ljósmyndasafnið sitt.

En hérna er hægt að sjá myndirnar:
http://picasaweb.google.com/orvars

Stifataflan

Smá áminning fyrir þá sem eru að missa sig yfir gengi Liverpool þessa dagana. Í fyrra var tímabilið (í deildinni) búið í lok desembers eftir nokkra slæma leiki. 2 desember það ár var Liverpool með 30 stig eftir 14 leiki. Sjá töflu.

Núna hins vegar eru allir að tala um að þetta ár getur verið árið sem Liverpool vinnur deildina en liðið er aðeins með 3 stigum meira en í fyrra (eða 33 stig) eftir sama fjölda leikja og miklu færri mörk skoruð.
Það má einnig benda á það að Arsenal liðið var með 36 stig eftir 14 leiki í fyrra en endaði samt í 3 sæti í deildinni. En það er í sjálfu sér ekkert leiðinlegt að sjá Arsneal með 13 stigum minna í ár en á sama tíma í fyrra.

Þannig að ég held mig við mína skoðun að bíða allavega fram yfir áramót áður en ég ætla að láta mig dreyma um meistaratitil á Anfield.

Afmælisbarn dagsins

Hún elsku Anna mín er 26 ára í dag og vildi ég að sjálfsögðu óska henni til hamingju með afmælið.


Það var haldinn afmælisveisla í tilefni dagsins í gær í H23 þar sem plássið ræður ríkjum. Frúin bauð uppá dýrindis tælenska fiski súpu með uppáhalds nanbrauðinu mínu. Algjört lostæti sem gott veður að fá aftur í kvöld.

Hár

Hárið var klippt í gær eða snoðað í burtu. Verð alveg hryllilegur þegar ég er komin með smá lubba því í fyrsta lagi er hárið mjög erfitt meðhöndlunar og svo í örðu lagi nenni ég engan veginn að hirða það nógu vel. Því er þetta besta lausnin fyrir alla. Svo heldur Anna að ég sé að verða sköllóttur þannig að það er um að gerast að venjast þessu ;)

Annars er einn galli við þetta sem ég fattaði ekki fyrr en ég var kominn út í morgun. Nú þarf maður að fara vera með húfu undir hjálminum á leið til vinnu, því einangrunin á hausnum er ekki eins góð með 6 mm hár.

Þá var Kári alveg æstur í að ég myndi klippa hárið hans líka, þegar hann vaknaði og svo klippinguna hjá pabba sínum. Spurning hvað langaafi hans myndi segja um það.

Sá merkilegi atburður átti sér stað um helgina að ég fór í Kringluna í fyrsta skipti í rúm tvö ár (fyrir utan eitt stutt bankastopp 2007). Svo var farið í fjölskylduferð í Smáralindina og kíkja á jólaföt á drenginn. Þessi mynd var tekin af bestu vinunum Kára og Mikka mús við það tækifæri.

Það má svona benda þeim sem kíkja hér við að ég er búinn að setja inn fleiri myndir inná myndaalbúmið. Koma svo fleiri albúm / mánuðir í vikunni.
Hérna eru myndasíðan:
http://picasaweb.google.com/orvars

2008 - Október

Nýjir myndir frá Október komnar inná netið.

2008 - Október

Djöfull er maður að stand sig.

Myndbönd með Kára

Allur að koma til í að henda dóti á netið. Núna er það Kári.

Í gær fórum við feðgarnir á sleða eftir leikskólann. Litla manninum fannst það ekkert smá gaman og var farinn að kalla "meira, meira" áður en við vorum stopp. Hérna erum við að labba upp brekkuna. Stutt og gott myndband.



Kári fótbolta snillingur í íþróttaskólanum á laugardaginn. Var búinn að rekja boltann um allt hús og auðvitað klikkaði þetta þegar maður tekur myndband.



Þriðja og síðasta myndbandið er af Kára þegar hann var nýbúinn að fá "nýja" rúmið sitt.

Kára fréttir

Þá ansi fínni og rólegri helgi að ljúka. Anna var/er að vinna um helgina þannig að við feðgarnir erum búnir að dunda okkur saman sem var kærkomið eftir köben ferðina.

Nú verður vikunni/helginni lýst í myndum.

Kári í nýja rúmminu sínu sem hann fékk í vikunni. Það var alveg hoppað og skoppað af ánægu með að fá nýtt stórt rúm. Tók alla bangsana sína og raðaði þeim ekkert smá flott upp í rúmminu og var alveg að missa sig honum hlakkaði svo til að fara sofa. Það endaði svo þannig að minn maður svaf í svona ca. 20% af rúmminu þvert á það, eins og myndin sýnir. Annars hefur þetta gengið mjög vel að skipta úr rimla rúmmi yfir í venjulegt. Kári hefur ekkert kvartað og aldrei tekið röltið fram eftir að hann fer að sofa. Vona að ég sé ekki að jinx að þetta núna...

Það var farið í íþróttaskóla BREIÐABLIKS á laugardaginn þar sem Kári skemmti sér mjög vel. Heimilsfaðirinn ekkert smá ángæður að drengurinn er byrjaður í Breiðabliki aðeins rétt rúmlega tveggja ára :).

Í gærdag var svo tekin sú merka ákvörðun að senda drenginn í klippingu og var það bara gamla góða heimilisvélin notuð. Kári sat sallarólegur og horfði á sjónvarið á meðan fögru lokkarnir voru klipptir af. Þannig að nú þarf maður ekki að berjast við drenginn að greiða honum á morgnanna í smá tíma. Ég vorkenni honum bara þegar skipt í miðju tískan kemur aftur...

Ég og Kári fórum í heimsókn til Guðrúnar frænku í morgun upp í snjóríkið við Elliðarvatn. Það var mikið fjör hjá þeim frændsystkinum á Stiga sleðanum hennar Guðrúnar og skiptust við bræðurnir að vera toglyftan.
Fjörið tók svo snöggan endi þegar Kári rallýökumaður tók góða vinkilbeygju úr leið og andaði með því að frændsystkinin skutust af sleðanum beint ofan í snjóskafl eftir að hafa klesst á stóran stein. Sem betur fer fór allt vel þó svo að börnum og feðrum hafi verið smá brugðið. En ætli þessu svaðilför dæmist ekki á mig og svo vil ég nú kenna 2 ára barninu mínu smá um :)

Er svo búinn að klóra mig í gegnum það að merkja og skrifa við allar myndirnar frá Köben. Þær eru hérna:
http://picasaweb.google.com/orvars/2008KBen02#

Note to Myself

Ekki reyna að beygja þegar þú ert að hjóla niður bratta brekku í snjó og slabbi, það er vont að detta á hjólinu.

Eins gott og gaman það yfirleitt er að hjóla í og úr vinnunni þá flokkast þessi morgun ásamt mánudeginum með þeim leiðinlegri. Slydda og snjór er ekki vinur hjólreiðamannsins.

Kominn hjem fra Köben

Þá er maður kominn heim frá Köben. Frábær ferð og mitt fyrsta skipti í þessari merku borg. Það var farið í gönguferð með leiðsögn um miðborgina, Hr. Carlsberg var heimsóttur, labbað um á Strikinu, göngutúr um konungshöllina og nærsvæði, árshátíð, sigling um Kaupmannahöfn og loks Tívolíð.

Það eina sem var keypt var bjór og matur og það kostaði líka sitt (þó svo að það var verslað aðeins á Kára). Maður reyndi að hugsa sem minnst um hversu dýrt allt var og einbeita sér að því að skemmta sér. Það tókst og allir komu heim þreyttir, fátækir og ánægðir.

Nú þarf ég að taka mig á og reyna að koma myndum á netið bráðlega.

Annars vildi ég nota tækifærið og auglýsa nýtt gsm númer á þessum bænum: Kominn með 665 6217.

Conor Oberst

Svona fyrst það er kominn föstudagur og maður er kominn í blogg gírinn aftur þá er um að gera að henda inn einu eðalstuffi. Conor Oberst er algjört snilldar tónlistarsení og er maðurinn / strákurinn á bakvið Bright Eyes, sem ég er mjög hrifinn af og hef sett nokkur myndbönd með honum hingað. Hann er búinn að gefa út einhverjar 20 plötur þrátt fyrir vera algjört ungbarn eða 28 ára.

Í haust gaf hann út sóló plötu undir sínu eigin nafni eða einfaldlega Conor Oberst. Snilldar plata sem ég hvet alla til að athuga.

Hérna er eitt lag af plötunni sem heitir Souled Out!!!:


Hérna er svo eitt af bestu lögum á plötunni á mp3:
Conor Oberst - Milk Thistle

Verði ykkur af góðu og góða helgi

Ísland - Skotland

Horfa á leikinn í gær heima í stofu. Svekkjandi að tapa þessum leik þegar Ísland var síst lakari aðalinn í leiknum.

Þrennt sem ég einfaldlega þoli ekki að sjá hjá atvinnumönnum í knattspyrnu sem ég tók eftir í leiknum.

1: Taka horn. Er svona erfitt að koma með boltann ca. fyrir fram markteiginn? Þoli ekki að sjá boltann svífa yfir allt og alla bara til að fara útaf hinum megin á vellinum.
2: Fyrirgjafir. Svipað og með hornspyrnurnar nema að boltinn er kannski á hreyfinu. Þegar lítið var eftir og Ísland einum fleiri kemur Indriði með ömurlega fyrirgjöf sem endaði fyrir aftan mark. Tök sérstaklega eftir því hvað Indriði var lélegur eftir að hann kom inná.
3: Skallaboltar. Þegar það kemur hár bolti á varnarmann og enginn sóknarmaður nálægt þá reynir varnarmaðurinn að skalla eins langt og hann getur og endar yfirleitt á sóknarmanni hins liðsins. Í staðinn fyrir að skalla boltann niður á næsta mann. Þetta gerðist líka þegar Ísland var einum fleiri.

Eins og ég sagði í byrjan. Annars var þetta nokkuð gott bara, fyrir utan að fá á sig tvö mörk. Hefði verið ansi sætt að landa sigri í þessum leik.

Mynd tekin af fotbolti.net

Ríkið

Ég horfði á fyrsta þáttinn af Ríkinu í gærkvöldi. Þetta eru grínþættir sem byrjuðu í ágúst á stöð 2 og eru t.d. með Sveppa, Audda Blö og Víkingi Krisjáns í aðalhlutverkum. Held að handritið sé eftir Silju Hauks og Sigurjón Kjartansson þó svo að leikarar koma líka inní þann pakka.

Var búinn að sjá stiklu (e. Trailer) úr þessum þáttum, þeir virkuðu vel á mann og var maður því orðinn nokkuð spenntur að sjá þessa þætti. Ég hélt að það væri meiri söguþráður í þessu en þetta er meira svona sketsar sem gerast fyrir sama fólkið.

Það er einstaka atriði sem var fyndið annað var eiginlega bara vandræðalegt. Sést alltof vel hverjir eru leikarar og hverjir ekki. Það vita það allir að Auðunn Blöndall kann ekki að leika þó svo að hann geti komið einstaka hlutverki frá sér.
Þannig að þessi þáttur flokkast undir vonbrigði þó svo maður eigi eftir að kíkja á hina þættina í von um að þetta batni eitthvað.

Hér er ein stikla sem er nú nokkuð góð:


og ein sem er nokkuð léleg:

Maður er bara svo busy...

Nú verður maður að fara að gíra sig upp í þessum blogg bransa áður en maður verður laminn af blogg þyrstum lýðnum. Anna er líka búinn að fá nokkrar lífshótanir fyrir myndaleysi á barnalandinu.

Það er nú bara þannig að maður hefur verið eitthvað mikið upptekin frá því að maður kom heim. Hvort sem það er í heimsóknum, vinnu, ferðalögum, hlaupum eða að koma sér fyrir, þá hefur ekki verið neitt alltof mikinn tími eftir. Svo er Anna byrjuð aftur í handbolta og er það nú efni í póst út af fyrir sig (fötum út í það seinna).

Það spilar einnig inní málið að nú erum við ekki lengur með borðtölvu sem alltaf er kveikt er á og alltaf nettengd. Nú erum við bara með fartölvuna og er netið nokkuð mikið að detta út í henni. Þetta skýrir myndaleysið á barnalandi þar sem það kerfi sem barnaland bíður uppá er vægast sagt glatað þá hefur Anna reynt eitthvað að setja myndir inn og svo dettur allt út þegar netið dettur út í 5 sek, eins hressandi og það er þá nennir fólk ekki að standa í þannig mausi.

En nú þegar fer að hausta þá hefur maður alltaf einhvernveginn meiri tíma á kvöldin og þá vonandi hefur maður einhvern tíma til að blogg og henda myndum inná veraldarvefinn.

Á maður ekki að segja þetta gott í bili

Man Al-City

Enski boltinn byrjaður og það var enginn smá dagur á mánudaginn á seinasta degi leikmannakaupa gluggans. Nýjir eigendur hjá Man City og allt stefnir í það að annar og stærri Roman sé kominn til sögunnar. Ég veit ekki alveg hvað maður á að segja við svona fréttum. Með þessu áframhaldi sé ég fram á dvínani áhuga á mínum bænum á enska boltanum. Útaf öfund eða öfgum veit ég ekki alveg en maður þarf að fara að drífa sig á Anfield áður en þetta fer út í tómt rugl.

Annars nokkuð sammála umræðunni á liverpool blogginu.

Hálf maraþoni lokið (1:37:09)

Eins og þeir sem hafa kíkt inná þessa síðu vita eflaust þá ætlaði ég í hálfmaraþon í Reykjarvíkur maraþoni Glitnis. Ég endaði á að hlaupa á 1:37:09 sem skilaði mér í 103 sæti skv. hlaupatíma en 117 í skottíma (þ.e. sá tími frá því að skotið reið af). En þar sem ég var greinilega of aftarlega þá duttu þarna nokkrir á undan mér.

Maður var mættur niður á Lækjargötu kl. 8:40 í morgun þegar skotið var af og öll hrúgan hljóp af stað. Enginn smá fjöldi og frekar asnalegt að hlaupa þegar svona margir voru á götunum. Var í smá vandræðum að taka framúr liði fyrstu 2-3 km og svo komst maður í góða ryðma. Svona eftir á passaði ég mig kannski of mikið að hlaupa ekki of hratt fyrstu 10 km því ég var á 49:21 (ætlaði að vera á 50 mín). Eftir þá fann ég að ég átti nóg af orku inn og fór þá að gefa aðeins í og taka fram úr fólki. Held að ég geti alveg ábyrgst það að það fór enginn fram úr mér eftir þessa 10 km. Svo var hlaupið út Sæbrautina út að Klepp í gegnum gáma svæðið við höfnina þar, án efa lang leiðinlegasti parturinn af leiðinni. Eftir að hafa hlaupið fyrstu 10 km á 5 mín/km þá fór ég næstu 5 km á ca. 4:30 mín/km og eftir ca. 15 - 16 km þá fór ég að gefa ennþá meira í og var farinn að hlaupa um 4 mín/km. Á seinstu 5 km rauk ég fram úr fólki eins og vindurinn og endaði svo með rosa spretti niður (upp) Lækjargötuna.

Frábært í allastaði, ekkert smá gaman að sjá hve mikið af fólki var komið að styðja hlauparana áfram (þó svo það hefði verið gaman að hafa sína eigin stuðningsmenn ;), smá kvart). En það er alveg á hreinu að ég mun reyna að komast í Reykjavíkur maraþonið árlega.

Þannig að nú verða hlaupa skórnir saumaðir á í vetur og maður hleypur eins og vindurinn í slabbinu.

Í lokin vil ég óska Reyni Bjarna Egilssyni til hamingju með að hafa náð alveg stórkostlegum árangri í maraþoninu. Hann hljóp á 2:57:03 og endaði í 3 sæti af Íslendingum. Flott að fá einn úr Kaldbak á pall :). En þetta er alveg frábært þegar maður hugsar til þess að hann byrjaði bara í ár að fara út að hlaupa (af einhverju viti). Ég mun kalla hann Reyni Pétur það sem eftir er...enn og aftur til hamingju.

Be Champions

Nýtt tímabil í enska boltanum byrjað og þýðir aðeins eitt, The Special One is Back!



Frábærir þættir sem ég fylgdist mikið með úti í Norge í fyrra. Mesta snilldin er Wenger. Meira um þetta er hér:
http://www.setanta.com/IOSS/

Be Champions...

Hálf maraþon

Ég er búinn að skrá mig í hálf maraþon (21,1 km) í Reykjarvíkur Maraþoni Glitnis. Var aðeins að hlaupa í vetur með þetta í huga en án þess að taka því eitthvað alvarlega. Ákvað svo í sumar að kýla á þetta og byrjaði að hlaupa 15. júlí og búinn að vera ágætlega duglegur síðan þá.

Helgin var ekki alveg eins og plönuð því ég fékk eitthvað smá kvef drasl í mig og svo er næsta helgi einnig erfið því það er vinnudjamm á föstudaginn og svo brúðkaup á laugardaginn, spurnig hvaða áhrif það hefur á undirbúning.

Markmiðið er að vera í kringum (helst undir) 1 klst og 45 mín. Hægt að heita á mig hér. En hlaupið er sem sagt kl. 8:40 laugardaginn 23. ágúst.

Tvö ár

Kári er tveggja ára í dag. Fyrir tveimur árum kl. 14:57 kom þessi gullmoli í heiminn og hefur ekki verið neitt annað en frábær alla tíman.

Til hamingju með afmælið sonur sæll.

Við Anna höfum ekki verið neitt voða dugleg að setja myndir á netið í sumar og því fann ég þessa mynd af Kára og Guðrúnu hjá Jóni Hauki. Hann er meira að segja í þessari sömu peysu í dag :)

Stór fjárfesting

Það voru gerð stórinnkaup fyrir heimilið í gær. Húsbóndinn skrapp í Elko og keypti eitt stykki ísskáp eða réttara sagt kæli- og frystiskáp. Þar sem maður var farinn að þurfa að vera með heyrnarhlífar vegna láta í ísskápnum þá var alveg kominn tími á að kveðja gamla góða Candy ískápinn sem ég fékk ókeypis frá vinkonu mömmu fyrir ca. 8 árum. Erfitt fyrir mig sem Liverpool maður að kveðja Candy ísskápinn en allt tekur einhvertíman enda og í staðinn verður bara Calsberg bjór í ísskápnum.

Fyrir valinu far útlitsgallaður Electrolux ískápur af gerðinni ERB34321X svo allir séu með þetta alveg á hreinu. Þar sem við erum yfirleitt með fullt af myndum á ísskápnum þá er það í góðu lagi að hafa rispu á framhliðinni þar sem henni verður hvort sem er kaffært í myndum.

Smá tækniupplýsingar:
175 cm stálskápur með anti-fingrafarahúð. Kæliskápurinn er 223 lítra, innréttaður með 4 rimlahillum og 2 stórum og djúpum grænmetiskúffum. Frystirinn er 92 lítra með 3 skúffum.

Þar hafi þið það.

Litla frænka

Það kom þá loksins að því að maður nennir að blogga smá.

Margrét og Jón Haukur eignuðust í gær aðra stelpu og er mikil hamingja í fjölskyldunni með það. Þannig að núna er Guðrún orðin stóra systir, Kári stóri frændi og mamma og pabbi komin með þrjú barnabörn.
En til hamingju með stelpuna ykkar og okkur hlakkar til að koma í heimsókn.

Anna er búinn að vera í fríi og er því alltaf með Kára í fullri skemmtidagskrá. Guðrún frænka er búin að vera dugleg að koma í heimsókn og ná þau frændsystkinin alveg frábærlega vel saman. Alltaf mikið fjör þegar þau hittast og ekki var það minna í gær þegar Guðrún var í pössun á meðan foreldrarnir og litla systir voru uppá fæðingardeild. Enda Kári mikil félagsvera og skemmtir sér best í leik með öðrum börnum.

En leikskólastrákurinn Kári kemst ekki inná leikskóla fyrr en í byrjun september þannig að það verður gríðarlegur hressleiki að brúa bilið milli þess og þegar Anna fer að vinna (sem er 5. ágúst). Þannig að ef einhver vill fá drenginn lánaðann í ágúst ætti að vera lítið mál að redda því ;)

Annars er bara búið að vera mjög mikið að gera síðan við komum heim. Mikið út úr bænum og svo einnig að koma sér fyrir í Hlíðarhjallanum. Komin alveg með nóg af því að skrúfa IKEA húsgögn saman en þetta er samt allt að koma.

Læt þetta duga í bili og sjáum svo til hvað maður nennir að vera duglegur á þessum vettvangi.

Ekki dauður

Bara búið að vera mikið að gera.

Seinsta bloggið frá Noregi

Það er búið að vera nóg að gera undanfarna daga. Skilaði verkefninu 16. júní og eftir það fór maður strax í að undurbúa heimför. Við erum búin að vera vera þrífa allt hátt og lágt undanfarna daga með því að pakka því sem á að fara heim. Það varð því einhvernveginn lítil "ég er búinn með mitt nám" tilfinning útaf flutningum og tilhlökkun í að koma heim.

Ég og Stebbi keyrðum svo til Olsó með gjörsamlega stútfullan sendiferðabíl á fimmtudaginn 19. júní. Bílinn var reyndar það fullur að við þurfum líka bílinn hans Stebba til að koma dótinu fyrir og hafðist það með naumindum. Mikið stuð að keyra til Osló og til baka ca. 1000 km. Ég hélt að ég væri að missa vitið þegar ég var fastur fyrir aftan einhvern flutningabíl í ca. 100 km án þess að komast framúr honum. Norskir vegir með öll sín tré eru ekki að gera gott mót þegar kemur að því að reyna að sjá eitthvað lengra en ca. 50 framfyrir sig. En allt gekk þó þetta vel og allt dótið er komið í gám hjá Samskip (takk Gummi). En ég hef alveg átt fjörugri afmælisdaga en þetta (þeas að keyra heim frá Osló). Þetta var líka í fyrsta skipti sem ég minntur á það að ég eigi afmæli og Anna átti heiðurinn af því. Vildi líka þakka öllum sem sendu mér póst og kveðju á fésbókinni.

Anna og Kári fyrir utan Herman Kragsveg 30 á leið út á flugvöll.

Anna og Kári flugu svo til Ísland í morgun og eru þau því mætt á klakann, um að gera að panta tíma hjá Önnu ef fólk vill hitta litla manninn og fylgdar dömuna.

Eftir að hafa keyrt liðið út á völl var svo farið heim að gera allt endanlega klárt. Ég er búinn að þrífa íbúðina, pakka í bílinn og gera hjólið klárt (sem fer á toppinn á bílnum). Á reyndar eftri að koma sjónvarpinu fyrir í annars stúttfullum bíl en geri það seinna í kvöld þar sem ég sit þessa stundina og horfi á Spán vs. Ítalíu.

Á morgun er svo keyrt til Bergen og sú ferð tekur ca. 10-11 klst, það verður hressandi. Á þriðjudaginn tek ég svo Norrænu frá Bergen og kem til Íslands um kl. 12 á fimmtudaginn 26. júní. Þá er bara eftir að bruna í bæinn.

Þetta er hálf skrítin tilfinning að vera að fara frá Noregi eftir tveggja ára dvöl. Ég veit það alveg að ég mun koma til að sakna Þrándheims en á sama tíma er tilhlökkunin að koma heim mikil. Búinn að vera hér úti í 11 mánuði án þess að koma heim og það verður án efa skrítið að koma heim og sjá alltar breytingarnar.

En læt þetta duga og kveð ég því í bili.

Bless bless Þrándheimur.

Meistari

Kallinn með masters verkefnið sitt 16.06.2008

Þá hef ég formlega lokið minni skólagöngu við NTNU í Þrándheimi. Skilaði inn meistaraverkefninu mínu kl. ca. 14 í dag. Var eiginlega búinn með verkefnið á föstudaginn en tók laugardaginn í að lesa yfir og laga aðeins til. Sunnudagurinn var svo notaður í að gera allt klárt og senda í prentun. Sótti svo verkefnið áðan og fór með það rakleiðis inná skrifstofu til að skila. Svo þurfti maður að fá undirskriftir uppá hitt og þetta um að maður væri búinn að skila hinu og þessu til að vera formlega "útskrifaður".

Þannig að nú í sept (að ég held) fær maður plaggið sent heim og þá getur maður löglega kallað sig Verkfræðing.

En núna krefst ég þess að allir kalli mig "Meistari Örvar", "Meistari" eða bara "Meistarinn" ég mun ekki koma tilmeð að svara ef ég verð bara kallaður "Örvar".

Þá er bara að fara á fullt að pakka (sem er reyndar byrjað).

For tú gó

Var með smá kynningu fyrir leiðbeinandann minn og einn annan sem vinnur hjá sama fyrirtæki á verkefninu mínu. Rann snökkt í gegnum hvernig forritið er uppbyggt og svo tóku við eitt sýnidæmi. Gekk vel og fékk bara smávægilega athugasemdir um hvað mætti fara betur, redda því í dag.

Svo fékk ég Haakon vin minn til að lesa yfir verkefnið mitt, ég vona að ég fái það til baka á morgun með fullt af rauðum strikum. Gaf honum reyndar val á því hvort hann vildi lesa fræðilega kaflann sem er jú byggður mikið upp úr bókum.

Svo er bara að leiðrétta, skrifa samantekt og þá er þetta allt að smella. Samt alveg ótrúlegt hvað maður getur verið lengi í einhverju svona dútli. Já skil á mánudaginn og verkefnið þarf að vera komið í prent kl. 04:00 á mánudagsmorgun. Reikna alveg með að það hafist.

Þannig að for deis tú gó og þá er maður búinn með sinn námsmanna feril, ég verð að minnsta kosti glaður og ég efast nú um að gleðin verði eitthvað minni hjá Önnu.

Okur

Dr. Gunni er án efa einn mesti snillingur samtímans. Hef um nokkurt skeið verið að fylgjast með Okur síðunni hans og manni ofbýður alveg við að lesa þetta. Held það geri öllum gott að renna yfir þetta og sjá hvað sumar verslanir eru að nauðga neytendum. Ég ætla að minnsta kosti að leggja mig fram við að skoða verð í verslunum hér eftir.
Okur síða Dr. Gunna

Hérna er eitt gott dæmi:

#781 Í Vörðunni kostar eitt hjól undir Silver cross balmoral barnavagn 18.900 kr, en það minna 15.900. Vááááá þvílíkt okur... Ég þarf að setjast. Nagladekk undir 4x4 pickupinn minn kosta 14.700 kr. stykkið. Hvað er að? Fyrirgefið en vá!

Dr. Gunni fékk neytendeverðlaunin fyrir þessa síðu fyrr í ár.

Hamingja

Ég er alveg búinn að átta mig á hvaðan lífshamingja Íslendinga kemur frá.

Eftir því sem kaldara og ógeðslegra veður úti því betra er að vera undir sæng að sofa. Eftir því sem betra er að sofa því glaðari og betur upp lagður er maður = hamingjusamur. Ef manni er of heitt á nóttinnu þá getur maður ekki sofið eða allavega á maður erfiðara með þá yðju. Þar af leiðindum er maður úrillur og ekki vel upp lagður = óhamingjusamur.

Datt þetta bara í hug á leiðinni á klósettið áðan.

Þess ber að geta að Kári svaf illa í nótt og því svaf fjölskyldan illa. Það er samt strax komið gat í kenninguna mína því ég er bara í fínu skapi í dag. Kannski er það útaf veðrinu, hvað veit ég.

2 vikur í skil

Í dag eru tvær vikur í skiladaginn, 16. júní. Gengur fínt með verkefnið, flest það sem á að vera inni er komið inn, þó svo að verkefnið getur ekki talist full klárað. Núna er bara að lesa yfir og bæta við það sem vantar, örugglega hægt að vera í svoleiðis dundi endalaust.

Í forritið á eftir að gera smá breytingar og útskýringartexta. Svo þarf ég að laga VBA (Visual Basic) kóðann svo hann sé skiljanlegur í viðaukanum, og auðvitað smá útskýringar þar einnig.

En veður spáin fyrir vikuna er svona:

og það sem meira er að þessi blessaða veður spá sýnir yfirleitt verri spá en veðrið er í raun og veru. Tölum ekki um hitann sem var á föstudaginn og á laugardaginn, varla kynnst öðru eins á norrænum slóðum. Verst að maður situr inni allan daginn.

Bestu lög ársins 2008, það sem komið er

Svona fyrst það er kominn 1. júní og það er besti mánuðurinn þá er hérna nokkur af lögum ársins af mínu mati. Hef ekki verið neitt sérlega heillaður af því efni sem komið hefur út á árinu, engin plata sem ég er gjörsamlega að missa mig yfir en ætli MGMT og Vampire Weekend fari þar ekki næst. En svo er von á fullt af eðal stöffi núna í júní, vonandi fara að detta inn einhverjar últra mega plötur. En ætla að leyfa tónlistinni að útskýra þessi lög.

1. MGMT - Kids



2. Weezer - Pork And Beans



3. Nada Surf - See These Bones



4. Grand Archives - Torn Blue Foam Couch



5. Guillemots - Falling Out of Reach

6. Mates Of State - Get Better



7. The Kooks - See The Sun



8. Sigur Rós - Gobbledigook



9. Why - These Few Presidents



10. Jack Johnson - Sleep Through the Static



Þar hafi þið það

Góðan dag

Góðan dag, aldeilis hressandi dagur í Þrándheimi í dag. 20°c þegar ég hjólaði í skólann í dag.

Svaka flott bursdagfest hjá Jóa í gær enda kallinn orðinn 30 ára. Grillað og drukkið bjór og rauðvín í fáránlegum hita. Þetta er eins og að búi á sólarströnd þessa dagana. Góður matur og góður félagsskapur. Svo var gengið heim með Kára steinsofandi í vagninum enda var hann ekkert á því að fara að sofa í partíinu.
Vildi koma á framfæri kærum þökkum fyrir okkur í Moholti 30.

Annars vildi koma eftirfarandi hamingju óskum á framfæri.

• Guðmundur Sverrisson, til hamingju með 29 ára afmælið, vonandi áttu til með að eiga góðan dag í dag. Þú færð hamingju óskir á undan litla bróður því, jú þú ert nú eldri en hann er það ekki.
• Kristinn Sverrisson, til hamingju með 29 ára afmælið, vonandi áttu til með að eiga góðan dag í dag.
• Arnar Harðarson, til hamingju með stúdentsprófið, leiðinlegt að missa af veislunni í kvöld en ég hefst ekkert um að við fáum veislu þegar við komum á klakann. Skemmtu þér vel í kvöld.
• Dóra frænka, til hamingju með 15 ára afmælið, ekkert smá hvað tíminn líður hratt, litla frænka orðin 15 ára.
  

Heimsókn á morgun

Sól og blíða hér í Þrándheimi þessa dagana, veðrið hér í Noregi tekur aldeilis vel á móti mömmu og pabba. Þau koma í eina af styðstu heimsóknum sem sögur fara af. Þetta detta nefnilega til Þrándheims í tæpa 4 klst á morgun. Ekki er ferðin skipulögð með þeim tilgangi að hitta okkur heldur að sigla strandlengju Noregs með Hurtigruten. En aftur á móti verður rosalega gaman að hitta þau og verður gaman hjá Kára að hitta ömmu og afa.

En talandi um Kára, það er eitthvað mismunandi hvað drengur sefur lengi. Eftir helgina hefur hann verið að sofa lengur en vanalega. Þurfti t.d. að vekja minn mann í gær um kl. 7:45 til að komast í skólann á skikkanlegum tíma. En þá var þessi mynd einmitt tekin.
Í morgun var svo annað upp á teningnum, minn maður kominn framúr kl. 6:40 að hjálpa mömmu sinni að taka sig til fyrir vinnuna. Eitthvað var húsföðurinn þreyttur og nennti því ekki framúr, þegar Anna fór svo í vinnuna kemur minn maður með Ensk/Norska vasaorðabók og vill að ég lesi fyrir hann. Það var minnsta málið og við feðgarnir lágum upp í rúmi og ég las Ensk/Norska orðabók fyrir hann, þó svo að ég hafi sagt barbapabba sögu en það er annað mál.

Já maður gerir ýmislegt til að fá að hanga lengur upp í rúmi.

Afhverju ekki sauðdrukkinn

Flott auglýsing með flottu lagi



Lag: Gary Jules - Mad World [mp3]

Endalaust partí

Maður gerir ekkert annað að vera í partíum þessa dagana.
Á fimmtudaginn var Júróvisjon partí hjá okkur (svona þar sem við héldum að við kæmumst ekki áfram).
Á laugardaginn var partí hjá Önnu norksu, þar sem íslendingar fjölmenntu í bæði grill og júróvisjon gláp.
Svo endar þetta á afmæli hjá Jóa á föstudaginn þar sem kallinn er að detta í 30 árin.
Þetta gera þrjú partí á 8 dögum, sem er bara nokkuð gott miðað við ástandið seinustu tvö ár.

Ef fólk er með Facebook getur það sé fullt af myndum úr Júrópartínu på lørdag.

Annars er það að frétta að ég eyði mestum hluta dags niðri í skóla að skrifa. Gengur ágætlega og vonast ég til að klára þetta með stæl og skila inn 16. júní.

Svo mæli ég með að fólk fari hingað og sæki nýja Sigur Rósar lagið sem er svona anskoti gott. Það heitir Gobbledigook og vona ég að þetta sé eitthvað sem koma skal fyrir nýja plötu sem kemur út 23. júní.

Hérna er svo myndbandið þar sem er fullt af sprellum og júllum, svona ef þú ert mjög viðkvæmur. Annars er það í betri gæðum og heimasíðunni sem ég benti á hér fyrir ofan.



Þar hafi þið það

Júróvisjon

Júrósvisjon í kvöld og auðvitað vonar maður að Ísland vinni, þó það gerist aldrei í helvíti. En aftur á móti finnst mér þetta lag lang flottasta lagið í keppninni. Búið að renna gegn oft og mörgum sinnum í mediamonkey-inum mínum.



Annars er þetta ágætt maður getur haldið með þremur löngum.
1. Ísland
2. Norge
3. France

Jæja þá er bara að hjóla heim í sólinni.

22. maí

Svona í tilefni af seinustu færslu að það sé bloggleti í gangi á þessum bænum þá...

Í dag er 22. maí og það þýðir ýmislegt:

• Ívar Gestsson afmæli í dag, til hamingju með það.
• Eurovision er í kvöld og verður haldið "partý" í Moholti.
• Það er mánuður þangað til Anna og Kári koma heim á klakann.

Meira varð það ekki í bili.

16 maí

Það er 16. maí í dag og það þýðir ýmislegt.

• Það er einn mánuður í að ég eigi að skila meistaraverkefninu mínu.
• Í dag á Ola, besti vinur hans Kára, afmæli
• Á morgun er 17. maí sem er þjóðhátíðardagur Norðmanna

Hér er svo tvö frábær lög með mínum uppáhalds tónlistarmanni / hljómsveit:





Er alltaf að uppgötva nýjar og nýjar perlur með þessum snillingi.

Eftirapar

Sverrir Stormsker að blogga, hvað getur klikkað? Akkúrat ekkert. Hérna er síðan hans þar sem hann er að skjóta á Jón Ólafs.
Legg til að orðið eftirapar verði sett í orðabók.

Hér er svo ein mynd sem var tekin 2007 og ég lék mér aðeins með í Photoshop, þessi mynd ef hún hefur heppnast ætti að líkjast litlu líkani af Þrándheimi.

Annars er ég bara að skrifa...på norsk

Komin og farin

Frændsystkinin Hrefna og Kári að skoða Voll gård í Þrándheimi

Kiddi, Laufey og Hrefna Rán komin og farin. Frábært að fá þau í heimsókn og veðrið skartaði sínu allra flottasta á meðan dvöl þeirra stóð yfir. Margt var brallað með þeim á meðan þau voru hérna. Helstu túrista staðir Þrándheims voru skoðaðir, farið í miklar göngur um bæinn og ekki síst legið fyrir fram húsið í sólbaði á meðan að börnin voru að leika sér. Það var reyndar einhver kvef drulla í mér allan tímann og er maður loksins að losna við þann horbjóð, ekki að maður hafi látið það aftra sér eitthvað, maður er soddann nagli.

Frábært að sjá frændsystkinin leika sér saman, leiðast og faðmast.

Kiddi að tjilla með einn kaldann á meðan kellurnar voru á búðarflakki, ef þetta væri alltaf svona.

Anna duglega búin að setja inn myndir á barnaland og mæli ég með að fólk vippi sér þangað ef það vill skoða.

Nú er lærdómurinn tekin við og verður maður í einhverju norsku móki þangað til að maður skilar þessu blessaða verkefni 16. júní. Alveg skelfilegt hvað maður er eitthvað takmarkaður þegar kemur að því að skrifa ritgerð á norsku. En ég var í sjálfu sér búinn að vara leiðbeinandann minn við því að búast ekki við einhverju stórvirki í norskum bókmenntum.

Besøk fra Island

Ekki mikið að frétta héðan úr Þrándheimi þessa dagana. Ég er á fullu að vinna í meistaraverkefninu mínu. Sit heima alla daga og skrifa og vinn í "forritinu" sem ég er að búa til. Maður er ekkert sá allra fljótasti að skrifa norskuna en þetta gengur alveg. Leiðbeinandinn minn var allavega ánægður með forritið þegar ég talaði við hann seinast en auðvitað þarf maður alltaf að gera einhverjar breytingar og bæta við, held að maður geti verið að dúlla sér í þessu endalaust.

Anna er búinn að vera mikið í vinnunni undanfarið, búin að vinna seinustu tvær helgar og einnig á frídaginn 1. maí. Hún var að vinna um þar seinustu helgi og svo einnig um helgina til að vinna sér inn tvo auka frídaga þegar Kiddi, Laufey og Hrefna Rán koma í heimsókn.

Sem sagt ég og Kári að dúlla okkur saman um helgar og svo er Anna dugleg að vera með hann þegar hann er búinn á leikskólanum svo maður geti lært aðeins lengur.

En að máli málanna. Kiddi, Laufey og Hrefna Rán eru að koma í heimsókn til okkar og ætla að vera frá þriðjudegi til sunnudags. Anna er í þessum töluðu orðum að ná í þau út á flugvöll og ég var að enda við að gera allt fínt í HK-30. Það er stundum gott að vera í lítilli íbúð, þá er maður ansi fljótur að þrífa hana.

Þannig að það eru skemmtilegir dagar framundan hjá okkur og býst ég ekki við að láta mikið í mér heyra á þessum vettvangi þangað til þau fljúga heim.

Eitt í viðbót. Eins og sést á myndunum sem fylgja þessari færslu þá voru foreldrarnir komnir með leið á stjórnlausa hárinu á drengnum. Í gærkvöldi var því rakvélin tekin fram og rennt yfir hárið og erum við bara mjög ánægð með útkomuna.

Vonum Kára vegna að skipt í miðju tískan komu ekki aftur svo hann þurfi nú ekki að ganga í gegnum það vandræða tímabil eins og pabbi hans.

Apríl / maí

Búinn að uppfæra myndasíðuna mína. Myndir frá apríl og svo einnig frá því í dag komnar inn.

2008 - Apríl

2008 - Maí

Veðrið hér í Þrándheimi er búið að vera alveg hreint frábært seinustu vikurnar, ekki nóg með að sólin er búin að skína vel og mikið þá hefur hitastigið rokið upp úr öllu valdi. Það versta við þetta er að því lengra sem góða veðrið varir því styttra er í rigninguna og 5°c hita (kulda). Kiddi, Laufey og Hrefna Rán koma í heimsókn til okkar núna á þriðjudaginn og verða fram á sunnudag. Því getur maður gert ráð fyrir að það byrji að rigna ca. kl. 19:00 á þriðjudaginn og það hættir um kl. 12:00 á sunnudaginn. Nei segi svona.

Fótbolti

Já það verður horft á fótbolta þetta miðvikudagskvöldið, alveg eins og seinustu tvö þriðjudags og miðvikudagskvöld. Í kvöld mætast nefnilega Chelsea og Liverpool á Stamford Bridge. Svona fyrir þá sem ekki vita þá er þetta seinni leikurinn í undan úrslitum meistaradeildarinnar, fyrri leikurinn fór 1-1.

Spá kvöldsins:
Chelsea 1 - Liverpool 1, Drogba og Torres með mörkin. Liverpool tekur þetta svo í vító. Þrátt fyrir þessa spá er ég ekkert sérlega bjartsýnn fyrir leik kvöldsins (ekki frekar en vanalega þegar kemur að Liverpool).

Jæja maturinn eldar sig ekki sjálfur.

Gleðilegt sumar

Þá er víst komið sumar heima á Fróni. Í tilefni sumardagsins fyrsta voru grillaðar pylsur og bananar með súkkulaði úti í góða veðrinu. Veðrið er búið að vera frábært hérna í Þrándheimi alla vikuna og gaman að geta sótt Kára á leikskólann og leikið úti í góða veðrinu. Það er erfitt að draga börnin inn í svona góðu veðri og vilja flest öll börnin stoppa á rólóinum hérna fyrir utan og er því mikið líf hérna í Moholti þessa dagana.

En eins og ég sagði þá var ákveðið að nýta góða veðrið og borða "kvöldmatinn" úti. Grillaðar voru gómsætar SS pylsur og ekki var slæmt að fá grillaða banana í eftirrétt. Vonandi heldur vorið áfram að vera svona gott (þó svo að það sé spáð rigningu um helgina).

Til að nýta góða veðrið ennþá meira þá ákvað ég að fara út að hjóla í gærkvöldi. Stefnan var tekin á Bymarka og ætlaði ég að hjóla langleiðina uppá topp á Gråkallen (552 m.y.s.) sem er fjallið hérna á móti okkur í dalnum. Þessi hjóla túr var aðeins lengri en ég hélt en útsýnið var alveg frábært þegar maður var loksins kominn upp (með smá labbi). Gaman að fara út að hjóla og er þetta eitthvað sem ég ætla að reyna gera meira af þegar maður kemur heim.

En ástandið í dag er bara nokkuð gott eftir 1 klst og 56 mín. hjólatúr (með smá stoppi uppi). En djöfulli var kalt að bruna niður þessa ca. 500 metra á hjólinu án hanska. Þegar ég hélt að puttarnir væru að detta af þá tók ég uppá því að klæða mig úr sokkunum og notaði þá sem hanska, já maður getur verið sniðugur.

if setning

Þetta er án efa lengsta if setningin sem ég hef gert í excel:

=IF(N4="Kamstål B500C";IF(O5=200;(LOOKUP($O$6;$B$8:$B$12;$D$8:$D$12));IF(O5=265
;(LOOKUP($O$6;$B$8:$B$12;$E$8:$E$12));IF(O5=320;(LOOKUP($O$6;
$B$8:$B$12;$F$8:$F$12));IF(O5=400;(LOOKUP($O$6;$B$8:$B$12;
$G$8:$G$12))))));IF(N4="Gjengestang_K4.6";IF(O5=200;(LOOKUP(O6;
$B$13:$B$16;$D$13:$D$16));IF(O5=265;(LOOKUP(O6;$B$13:$B$16;
$E$13:$E$16));IF(O5=320;(LOOKUP(O6;$B$13:$B$16;$F$13:$F$16));
IF(O5=400;(LOOKUP(O6;$B$13:$B$16;$G$13:$G$16))))));IF(N4=
"Gjengestang_K5.6";IF(O5=200;(LOOKUP(O6;B17:B18;D17:D18));
IF(O5=265;(LOOKUP(O6;B17:B18;E17:E18));IF(O5=320;(LOOKUP(O6;
B17:B18;F17:F18));IF(O5=400;(LOOKUP(O6;B17:B18;G17:G18))))));
IF(N4="Gjengestang K8.8";IF(O5=200;(LOOKUP(O6;$B$19:$B$20;
$D$19:$D$20));IF(O5=265;(LOOKUP(O6;$B$19:$B$20;$E$19:$E$20));
IF(O5=320;(LOOKUP(O6;$B$19:$B$20;$F$19:$F$20));IF(O5=400;
(LOOKUP(O6;$B$19:$B$20;$G$19:$G$20))))))))))

Já excel getur verið hressandi

Spennó

Það verður háspenna lífshætta í kvöld þegar Liverpool mætir Chelsea á Anfield. Það er kominn nettur spenningur í mann fyrir þessa viðureign, þriðju undanúrslitin á móti Chelsea á 4 árum er náttúrulega bara rugl.

Spá kvöldsins er 1-1, Gerrard og Cole með mörkin.

Er samt mjög hræddur um að nú sé kannski kominn tími á að heppnin falli með Cheslea í þessari keppni.

Ég hafði þetta að segja um leikinn í fyrra.

Annars er maður bara á fullu í verkefninu, búin að vera heima undanfarið að læra, ágætis tilbreyting.

Heimsókn nr. 5/6

Held það sé kominn tími á að láta heyra aðeins frá sér.

Mikið stuð að segja muuu í heimsókn á Voll gård (13.04.2008)

Tengdó voru í heimsókn í seinustu viku og fóru heim til Íslands á mánudaginn. Alltaf gaman að fá þau í heimsókn en aftur á móti var í þetta skiptið aðeins erfiðara að finna eitthvað nýtt að gera. Við fundum þó margt áhugavert sem bæði við vorum ekki búin að gera og einnig eitthvað sem átti eftir að sýna þeim.

Farið var í Vísindasafnið hérna í Þrándheimi (sem ég hafði mjög gaman af), öndunum var gefið brauð við Nidelva, Korsvika var skoðuð og svo var farið í ferð á bóndabæinn Voll gården ásamt fullt af öðru skemmtilegu.

Kári hafði mjög gaman af hafa afa sinn og ömmu í heimsókn og notaði þau óspart í að láta stjana við sig.

Anna ásamt Kára lagðist svo í veikindi og var Anna alveg off frá sunnudegi til miðvikudags á meðan Kári fékk augnsýkingu og kvef. Hressandi veikinda vetur að baki og vonandi fer þetta nú að minnka.

En góð heimsókn og næst á dagskrá eru það Kiddi, Laufey og Hrefna Rán sem koma í maí.

Ég, Anna og Kári fyrir utan bygginguna sem ég er með les aðstöðu í (miðjuglugginn vinstra megin á myndinni).

Annars er maður bara búinn að vera vinna í verkefninu og gengur það ágætlega þó svo að stressið varðandi það sé að fara stigmagnast.

Tónlist í kvikmyndum

Mér finnst alltaf stór plús við kvikmyndir þegar þær eru með góða tónlist, annað hvort eitthvað ferskt og nýtt eða þá gamalt og gott. Væri reyndar hægt að bæta við öðrum flokki með lögum sem maður myndi aldei heyra ef það væri ekki fyrir tilstuðlan myndarinnar.

Hérna eru nokkur frábær lög að mínu mati, vær så god!

Kvikmynd: Things We Lost in the Fire (2007)
Lag: The Velvet Underground - Sweet Jane (1970)



Kvikmynd: The Darjeeling Limited (2007)
Lag: Peter Sarstedt - Where Do You Go To (My Lovely) (1969)



Kvikmynd: Into the Wild (2007)
Lag: Eddie Vedder - Guaranteed (2007)



Kvikmynd: Juno (2007)
Lag: The Moldy Peaches - Anyone Else But You (2001)

Fótbolti er skemmtileg íþrótt

Langt síðan ég var svona spenntur yfir fótbolta leik, úff hvað er stundum gaman að styðja Liverpool.

Auðvitað getur fótbolti verið ósanngjörn íþrótt en stundum dettur þetta bara með öðru liðinu. Ef þetta var víti í gær þá átti Arsenal að fá víti í fyrr leik liðina. En þó svo að þeir hefðu fengið víti þá þýðir það ekki að þeir hefðu farið áfram.

Magnað hjá Liverpool að koma tvisvar til baka eftir að hafa lent undir. Ég hafði engar áhyggjur eftir fyrsta markið, var nokkuð viss um að Liverpool myndu skora í þessum leik, sem og þeir auðvitað gerðu. Torres er alveg yndislegur og Babel með frábæra innkomu.

Hérna eru mörkin úr leiknum:


Á lið sem er með Senderos í liðinu skilið að komast í undanúrslit?

Annars er það Chelsea í undanúrslitum í þriðja skiptið á fjórum árum.

Sandkassinn

Það gerðist frekar lítið markvert um helgina. Anna var að vinna og ég og Kári því að dunda okkur saman. Fórum í hjólatúr og svo var aðalstemningin úti á róló í sandkassanum. Loksins er maður farinn að geta leikið sér í sandkassanum aftur eftir veturinn. Verst hvað það er leiðinlegt þegar Kári skemmir fyrir manni, getur verið mjög erfitt að byggja flottan sandkastala þegar maður er með einn 20 mánaða sem hjálparhellu. Nú er Jói fluttur úr Moholtinu þannig að þá þarf ég að finna mér einhvern annan til að byggja sandkassa með, ekki nema að maður fari einn út til að geta verið í friði. Segi svona.

Annars fáum við heimsókn í kvöld. Tengdó að koma í heimsókn og mikil tilhlökkun í hópnum fyrir því. Ekki skemmir að fá flotta matarsendingu með frá Íslandinu.

Spá fyrir kvöldið: Liverpool 1 - Arsenal 0, mikið spenna komin í mann fyrir þennan leik.

Þá er það ekki lengra í bili.

Áhorf nr. 1

Into the Wild (2007)
Þessi bíómynd er gerð eftir bók sem fjallar um ævintýramanninn Christopher McCandless. Hún fjallar um ungann mann sem ákveður eftir að klára menntaskóla að fara og búa í náttúrunni. Gefur allar sínar eigur og húkkar sér far út í óbyggðirnar. Á leiðinni lendir hann í skemmtilegum ævintýrum og hittir skemmtilegar persónur.

Frábær mynd í alla staði. Góð leikstjórn, frábær leikur og sagan sögð á mjög skemmtilegan hátt þar sem sagan ferðast fram og aftur í tíma.
Hérna er bíóbrot úr myndinni.

Einkunn: Into the Wild fær 9.

Dan in Real Life (2007)
Fjallar um ekkil sem á þrjár dætur og fer að hitta alla fjölskyldu sína í fjölskylduboð. Þar hittir hann mjög áhugaverða konu sem hann virðist fella fyrir bara til að komast að því að þetta er kærasta bróður hans. Góð skilgreining er Drama, rómantík og grín.

Veit ekki alveg hvað maður á að segja um þessa mynd. Hún daðrar við framhjáhald og það lætur manni alltaf líða hálf ansaleg í bíómyndum en aftur á móti eru á ferð greinilegir sálufélagar og það gerir þetta hálf vandræðalegt allt saman. Svo eru þetta fjölskylduboð (sem nær yfir nokkra daga) full mikið "happy happy joy joy" á tímum. En Steve Carell leikurinn ekkilinn mjög vel og lætur manni finna til með honum. Eftir að maður varð foreldri þá er einhvernveginn öðruvísi að horfa á svona myndir, maður finnur meira til með persónunum (kannski er maður bara að verða svona gamall).

Fín mynd sem gengur lítið út á grín, bara svo fólk haldi ekki að það sé að fara sjá Steve Carell í sínu vanalega hlutverki. Hérna er bíóbrot úr myndinni.

Einkunn: Dan in Real Life fær 7.




In the Valley of Elah (2007)
Þetta mynd fjallar um föður sem leitar af týndum syni sínum sem er nýkomin heim úr stríðinu í Írak. Hann fær svo hjálp frá staðarlöggunni sem aftur á móti fær litlar þakkir fyrir frá bæði starfsfélögum og svo einnig herlöggunni. Þessi mynd er nokkurskonar stríðsádeila á stríðið í Írak.

Ágætis drama / ráðgátu bíómynd en ég bjóst við henni betri.

Einkunn: In the Valley of Elah fær 6.

Snakes on a Plane (2006)
Skemmtilegri mynd en ég bjóst við, eins og nafnið gefur til kynna þá fjallar myndum um snáka í flugvél. Samuel L. Jackson er að flytja vitni í máli gegn einhverjum glæpon sem fyllir flugvélina af snákum.

Heilalaus spennumynd sem þjónar alveg sínu hlutverki.

Einkunn: Snakes on a Plane fær 6.

Michael Clayton (2007)
Lögfræði tryllir/drama um Michael Clayton sem er svona "reddari" fyrir stórt lögfræði fyrirtæki, vinur hans missir svo alveg vitið í einhverju risastóru máli og er hann fenginn til að sjá um vin sinn og kemst að ýmsu sem best er að fara ekkert nánar útí.

Nokkuð langt síðan að ég sá hana en þetta er mjög góð mynd.

Einkunn: Michael Clayton fær 8.

En stóra spurning er hvað finnst þér? Hefur þú séð eða langar þig til að sjá eitthvað af þessum bíómyndum?

Áhorf nr. 2

The Darjeeling Limited (2007)
Þessi mynd fjallar um þrjá bræður hafa ekki talað saman í heilt ár og hittast í Indlandi til að "finna sig aftur og ná að tengjast". Wes Anderson leikstýrir og skrifar þessa mynd þannig að maður veit nokkurn vegin við hverju er að búast. Hann hefur meðal annars gert myndir eins og Rushmore, The Royal Tenenbaums og The Life Aquatic with Steve Zissou, allt frekar sérstakar myndir sem sumir fíla og aðrir hata. Þessi mynd er ekkert ósvipuð í stíl og aðrar myndir frá Anderson og því má búast við að þeim sem líkar ekki fyrri verk hans eiga að halda sig frá þessari mynd. Hérna er bíóbrot úr myndinni.

Persónulega finnst mér nokkuð gaman af þessum myndum þó svo ég sé nú ekkert að missa mig yfir þessu. Það er sérstök stemmning yfir þessum myndum og eins sem heldur henni gangandi er skemmtilegur frásagnar stíll. Owen Wilson, Adrien Brody og Jason Schwartzman eru góðir í sínum hlutverkum.
Einkunn: The Darjeeling Limited fær 6.

Varg Veum - Bitre blomster (2007)
Myndin fjallar um einkaspæjarann Varg Veum sem leitar af ungri stelpu sem týnist og inni söguna flækjast starfsmenn efnaverksmiðja. Þetta er myndaröð með nokkrum myndum sem gerð er eftir skáldsögum og svipar til Erlends á Íslandi og svo Kurt Wallander í Svíþjóð. Kvikmyndatakan og allir litir eru svipaðir og íslenskum bíómyndum.
En fín spennumynd en ekkert meira en það, hef alltaf lúmskt gaman af því að horfa á norskar bíómyndir.
Einkunn: Varg Veum - Bitre blomster fær 6.

American Gangster (2007)
Frábært glæpamynd (löggu/bófa mynd) í alla staði. Góður leikur og skemmtilegt handrit. Fjallar um upprisi fíkniefnakóng (Denzel Washington) í New York og svo löggu (Russell Crowe) sem er að vinna í sérstakri sérsveit sem vinnur gegn fíkiefnum. Flott mynd ekkert flóknara en það. Hérna er bíóbrot úr myndinni.
Einkunn: American Gangster fær 8.

The Heartbreak Kid (2007)
Er ekki kominn tími á að Ben Stiller fari að finna sér nýtt hlutverk? Ætlaði að horfa á eitthvað léttmeti eftir frábæran og langan páskadag en þá gerði maður þau mistök að velja þessa mynd.

Þessi mynd fjallar um mann sem ákveður eftir nokkur misheppnuð sambönd að demba sér útí djúpulaugin og giftast eftir stutt samband. Svo kemst hann náttúrulega að því að gellan er klikkuð og þau ná engan vegin saman. Hittir svo sína sönnu ást í brúðkaupsferðinni og þannig gengur þetta út myndina. Þessi mynd byrjar ágætlega en svo missir hún marks og maður verður hálf pirraður á að horfa á þessa vitleysu, og yfirleitt þykir mér þannig myndir leiðinlegar. Hérna er bíóbrot úr myndinni.
Einkunn: The Heartbreak Kid fær 4.

Aðrar myndir:
The Brothers Solomon (2007) fær 3.
Balls of Fury (2007) fær 5.
Big (1988) fær 5.

En stóra spurning er hvað finnst þér? Hefur þú séð eða langar þig til að sjá eitthvað af þessum bíómyndum?