Jólakveðja

Ég vil óska öllum dyggu lesendum þessarar síðu gleðilegra jóla og farsældar á komandi ári.


Jólakortið má fá í betri upplausn hérna.

Kári Örvarsson

Kári var skírður á laugardaginn í Hjallakirkju og gekk athöfnin og veislan mjög vel. Hann fékk fullt fullt af fínum gjöfum og viljum við Anna bara þakka kærlega fyrir drenginn okkar.

Hérna er svo myndband sem ég sýndi í skírninni. Þetta eru myndir af fyrstu fjórum mánuðum Kára.

Ísland

Kominn til Íslands.
Ótrúlega gaman að koma heim og hitta alla. Allt á fullu að undirbúa skírn þannig að maður er ekki mikið að fara í heimsóknir núna, það verður að bíða fram yfir helgi.

Annars gekk ferðalagið fínt, hef í sjálfu sér ekki meira að segja í bili.

Jú það var eitt, er með gamla símanúmerið mitt: 6942979...

Kveðja
Örvar á Íslandi

Jólafrí og heimför

Jæja þá er ég búinn í prófum og fer heim á morgun. Gekk ágætlega í því sem ég gerði í prófinu en það var mjög langt og gat ég því ekki klárað það, eins og reyndar allir aðrir sem tóku þetta próf.

Nóg um það, búinn að vera á fullu síðan ég kláraði prófið.
Fyrst fór ég niður í bæ að versla jólagjafir. Eftir það var farið heim og þrifið og þegar það var loks búið þá var farið í að pakka.

Nú er ég loksins búinn að öllu og klukkan er 23:28, sannkallaður próflokafagnaður hjá mér :) Er reyndar að fá mér ísköku sem til var inní frysti (ekki má hún skemmast) og ætla svo að setja fæturnar upp í loft og horfa aðeins á sjónvarp. Aldrei að vita nema maður fái nú sér einn bjór, er það ekki skilda eftir próf?

Það verður mjög gaman að koma heim og hitta Kára, Önnu og alla hina sem ég hef ekki séð í langan tíma.

Nóg í bili, sjáumst á Íslandi...

Stál og ál

Eftir ca. 14 klst verð ég búinn í prófum...

Þá fer ég að:
-versla jólagjafir
-pakka
-þrífa íbúðina

og svo á ég bókað flug frá Þrándheimi kl. 10:20 á miðvikudaginn.

Atyglisbrestur

Ég held ég sé kominn með atyglisbrest, gengur ekkert að einbeita mér af lærdóminum. Held að þetta sé líka í fyrsta skipti á ævi minni sem ég hitti ekki eina manneskju yfir daginn. Búinn að vera lokaður hérna inni í íbúð í allan dag og reyna læra, hefði betur skroppið á Íslendinga messuna hérna í Þrándheimi, sem haldin var í dag.
Spurning hvort að það hafi svona áhrif á mann að vera burtu frá fjölskyldunni manns?

Jæja þýðir ekki að röfla yfir þessu. Farinn að horfa á tv og svo að sofa, vonandi verður athyglin komin í lag á morgun.

Kveðja
þessi hressi

Próflestur

Já manni leiðist stundum alveg óheyrilega í próflestri.

Hérna er það nýjasta sem ég tók uppá, jebb svona er maður nú klár í photoshop :). Annars eru fleiri myndir hérna.

Eins og sést á þessari mynd er ekki ennþá kominn vetur í Þrándheimi þó svo að það hafi nú komið snjór í lok október þá er hann löngu farinn og búið að vera hiti núna í nokkrar vikur. Ekki að veðrið skipti mig miklu máli núna þar sem maður er 95% sólarhringsins inni þessa dagana.

En þetta er sem sagt líf mitt þessa dagana.

Afmælis"barn" dagsins

Já maður má ekki gleyma henni Grímu. Gríma er eins árs í dag og eins og sést á myndinni er hún hundur. Hérna er hægt að sjá blogg um gotið.
Til hamingju með afmælið litla systir.

Ég hlakka mikið til að sjá hvernig skæruliðinn hefur það, örugglega búin að stækka heilmikið síðan maður sá hana seinast.

Acapella

Ég hef tekið þá stóru ákvörðun um að stofna hljómsveit. Þetta verður acapella hljómsveit þar sem röddin er í fyrirrúmi. Ég verð auðvitað aðalsöngvarinn en ég tek við umsóknum hérna í comment kerfið um hinar stöðurnar í hljómsveitinni.
Hugmyndin er að vera fjórir, já fjórir sagði ég því þettta verður sko karlmanns hljómsveit.

Þetta lag hér verður það fyrsta sem verður æft.


Ted er einfaldlega bestur og atriðið þegar 0:54 mín eru liðnar af myndbandinu er algjört gull. Þó svo að Scrubs hafi dalað eins er þetta einnþá gott stöff eins og þeir segja.

Einn í kotinu

Þá er maður orðinn einn í kotinu. Keyrði Önnu og Kára út á flugvöll í morgun, sjá mynd, og eru þau sem stendur í Pizza Hut í Osló. Þau lenda svo á Íslandi eitthvað um fjögur á íslenskum tíma, það verður tekið á móti þeim í Smáralindinni og mun Á móti sól syngja við þetta tækifæri.

Annars er frekar skrítið að vera svona einn eftir hérna í Þrándheimi og það er komin veruleg tilhlökkun í að koma heim.
Ég er búinn að breyta eldhúsinu í læriaðstöðu. Ágætt að komast út úr kompunni inní herbergi í aðeins stærra rými með glugga.

Svona er lífið þessa dagana í Þrándheimi.

Próf og HM

Var í prófi í gær í Finite Element eða Elementmetoden eins og það heitir á norsku. Gekk ekkert alltof vel enda hafði ég bara 3 daga til að læra sem var einfaldlega ekki nóg. Komst ekki nógu vel yfir allt efnið og þá sérstaklega heimadæminn sem ég skilaði ekki, þ.e. heimadæminn sem komu eftir að maður var búinn að ná próftökurétti. Það var einfaldlega of mikið að gera í öðrum fögum þegar var komið svona seint á önnina. En nóg með það.

Þá var fyrsta skipti í um 2-3 vikur smá pása til að slappa af. Ég ásamt öðrum meðlimum í fjölskyldunni skelltum okkur því í smá búðarleiðangur. Við fórum í HM og að dressa mig upp fyrir jólin. 3 skyrtur, 2 buxur og 1 húfa var árangur dagsins, sjá mynd.
Þannig að þegar ég kem heim um jólin verð ég eins og klipptur út úr HM tískublaði enda keypti ég mér aðrar buxur og peysu einnig í HM fyrr í vetur.

Þannig að núna í dag er vika í næsta próf (Stál og ál) og maður er á fullu að skipuleggja sig og klára að prenta allt út.

Anna og Kári eru svo að fara á fimmtudaginn heim til Íslands og það á eftir að vera erfitt að kveðja þau og vera einn í kotinu, en sem betur fer er svo einnig stutt í að ég komi heim. Ég á pantað flug heim 13. des og verð til 9. jan, þannig að nóg af tíma til að kíkja í heimsóknir.
Fyrir þá sem ekki vita, verðum við fjölskyldan hjá tengdó upp í Kambaseli í Breiðholtinu og því er ekki hægt að koma í heimsókn til okkar í Hlíðarhjallann.

Jæja nóg í bili.

Próf á morgun

og það er gaman...

Vonn dávn end tú tú gó

Gekk alveg ágætlega í steypu prófinu í dag. Hefði alveg viljað ganga betur en svona er þetta bara stundum þegar búið er að vera mikið að gera hjá manni allan veturinn, þá verður eitthvað að sitja á hakanum. Var því frumlesa nokkuð fyrir prófið og það er nú aldrei gott. Annars áhugavert fag en erfitt að ná mjög djúpum skilningi með því að lesa allt á norsku. Þetta kemur smán saman samt.

Það var bara nokkuð gaman að taka próf í öðru landi. Þetta er greinilega eitthvað alþjóðlegt að láta gamalmenni sitja yfir í prófum því þarna var alveg heill hellingur af þeim. Mun meira eftirlit með öllu hérna í Þrándheimi og fékk maður fylgdarlið á klósettið ásamt því að vera með prófið í þríriti.
Prófið var í Trondheimspektrum sem er niðri í bæ. Þetta er svona samansafn íþróttahúsum þar og var ég í prófi með svona 500 manns gróflega áætlað.

Jæja nóg um það í bili. Strax byrjaður að læra undir Elementmetoden, enginn tími til að slaka á því næsta próf er á mánudaginn.

Fæðingarblettir

Hvaða snillingur fann upp nafnið á fæðingarblettum? Kári er allavega ekki með neinn fæðingarblett og hann er nú nýfæddur...og ég er ekki nýfæddur og alltaf eru að fæðast fæðingarblettir á mér!

Bara svona pæling.

Algjör steypa

Þetta orðatiltæki er oft notað um eitthvað sem maður skilur ekki í eða á erfitt með að átta sig á. En í dag á þetta vel við því á morgun fer ég í steypupróf (Betongteknoloki) og er því á fullu að læra um steypu. Þó ég skilju nú alveg eitthvað í þessu er þetta nú oft algjör steypa, hehehe.

Þegar tengdó var í heimsókn spurði hún mig hvaða próf ég væri að læra undir. Ég sagðist vera að læra undir steypu og var svipurinn á þeim mæðgum eins og ég hefði sagst vera læra undir 5 bekkjar stærðfræði. “Er ekki öll steypa eins?” var spurt. En nei, það er ekki alveg eins einfalt og það hljómar. Þetta er nú ekki bara sement, sandur og vatn eins og margir halda. Heil mappa af lesefni á norsku og eitthvað um 420 síður af hreinu fjöri.

Þó svo mér finnist steypan áhugaverð þá er bara svo drep leiðinlegt að sitja heima hjá sér og læra allan daginn, og hvað þá að lesa, alltaf skemmtilegra að reikna.

Afmælisbarn dagsins

Afmælisbarn dagsins er mjög sérstakt (á góðan hátt) í dag, því það er engin önnur en húsmóðir heimilisins, Anna Harðardóttir, sem er 24 ára í dag.

Til hamingju með afmælið ástin mín.

Það var nú þannig að hún var búin að fá bæði afmælisgjöfina frá húsbóndanum og mömmu sinni og pabba og ég var að segja henni að hún fengi nú alveg örugglega engan pakka á afmælisdeginum, sem gerði hana auðvitað mjög sorgmædda.
Nema hvað að ég vissi ásamt flestum öðrum að mamma hennar væri að koma óvænt í heimsókn sem lifandi afmælisbakki með fullt af gjöfum frá Íslandi. Þannig að stúlku kindin tók nú hamingjuna á ný í gærkvöldi þegar mamma hennar hringdi í hana frá Osló og spurði hvort að ég (lesist Örvar) gæti komið að sækja hana á flugvöllinn.

Þannig að nú á eftir er nóg af pökkum og kökuboð fyrir þá sem vilja mæta :)

Æði

Alltaf gaman að taka afrit að dags vinnunni og copy-a yfir nýja skjalið með gömlu útgáfunni...heill dagur í verkefna vinnu farinn.

Anna labbaði meðfram veggjum í gærkvöldi til að forðast mig.

Maður er svona að ná sér og er nýhættur að skalla veggi enda er ég kominn með sár á ennið.

Veðrið

Djöfull....tónleikunum var frestað...

Allt á kafi í snjó heima og hérna er bara þetta fínasta veður, logn og 3 stiga hiti. Og svo voru allir að tala um kuldan í noregi?
Þessi mynd er reyndar frá gærdeginum en veðrið í dag er nú nokkuð svipað.

Jæja áfram að læra.

Sufjan

Maður á ekki að horfa á Prison Break rétt áður en maður fer að sofa, það er áskrifa á andvöku.

Fyrst að ég kemst ekki á tónleikana með Sufjan Stevens í kvöld þá læt ég mér það duga að hlusta á hann yfir verkefna vinnu, ekki alveg það sama en maður verður samt að vera þakklátur fyrir það sem manni býðst.
Hef ekki frá miklu að segja og læt því eitt lag með Sufjan fylgja hér. Ég hvet alla sem ekki þekkja hver þetta er að kynna sér hann, tekur smá tíma að detta inní þetta en það er þess virði, mjög góður tónlist maður þar á ferð.
Sufjan Stevens - To Be Alone With You.mp3

Stress

Þessi mynd tengist póstinum ekki neitt, bara að sýna hvað við feðgar erum fallegir...

Það er komið smá stress í mann þegar hugsað er til þess sem þarf að gerast áður en maður kemur heim um jólin. Þetta er svona stressblandaður spenningur eða spenningsblandað stress, eftir því hvernig fólk vill hafa það.

Á eftir að skila tveimur verkefnum í einu fagi sem er próflaus áfangi og í öðru þeirra er maður varla byrja vegna tafa á gögnum frá Íslandinu. Eitthvað skriffinnsku leyfis vesen með að fá gögnin, en svona er þetta, fæ vonandi eitthvað fyrir helgi. Þannig að helgin framundan verður spennandi verkefna vinna.

Þannig að það er innan við mánuður í að maður komi heim í jólafrí og það bíða manns tvö verkefni, þrjú próf ásamt öllu öðru sem þarf að gera... stuð að vera í skóla.

Annars kemur tónlist alltaf vel af notum þegar maður er í skóla. Það hefur bjargað mér í gegnum margan próflærdóminn að vera með eitthvað gott í eyrunum og það á eflaust eftir að reynast vel núna. Fólk getur séð hvað maður er mest að hlusta á í ipodinum hér til hliðar. Er alltaf að taka iTunes meira og meira í sátt þó þetta sé ennþá svona love/hate samband.

Hlakka samt frekar mikið í að komast heim og hitta alla.

Jæja farinn að fá mér einn øl og horfa á Prison Break.

Farsdag og bjórkvöld

Það hlaut að koma að því að maður færi út á lífið og fengi sér einn eða tvo øl. Það var bjórkvöld hjá Íslendingafélaginu Kjartani á laugardaginn og hittist hópurinn á Den Gode Nabo í Bakklandet. Alltaf gaman að hitta aðra íslendinga í "útlöndum" og spjalla og drekka øl. Á myndinni eru ég og Stefán Geir sem er í jarðverkfræði hérna úti.
Það endaði svo mað því að maður tók strætó heim, hvenær myndi maður bæði fara á djammið og koma heim í strætó á Íslandi?

Þá var Farsdag á sunnudaginn sem ég hafði ekki hugmynd um og það fyrsta sem beið manns þegar maður vaknaði hálf myglaður eftir kvöldið áður var Farsdagspakki frá Kára. Hann var mjög duglegur að fara svona einn niður í bæ ok kaupa gjöf handa pabba sínum. En ég fékk sem sagt ljós á hjólið þannig að maður sé nú ekki að hjóla í næsta runna í skammdeginu. Á myndinni eru við feðgarnir saman á Farsdag.

En langt síðan maður fékk sér í glas og maður er greinilega kominn úr formi því það var eins og maður hafði orðið fyrir vörubíl daginn áður svo ég vitni aðeins í Jóhann. En samt gott að komast út áður en maður læsir sig inni fyrir próflesturinn.

Nóg í bili, ha det bra...
Örvar

Stór strákur og íslensk haust

Kári varð 3 mánaða í gær og Anna fór niður á heilsugæslu til að vikta drenginn. Hann var orðinn hvorki meira né minna en 7.360 gr og 63 cm. Geri aðrir 3 mánaða guttar betur, hann er því þyngri en bæði Brynjar Örn og Kristófer á sama aldri, svona til að vinahópurinn hafi eitthvað viðmið.

Nú er búið að vera sannkallað íslenskt haustveður í Þrándheimi. Það er búið að rigna núna undanfarna daga og allur snjórinn er farinn, ofan á það þá er einnig búið að vera rok sem maður er nú ekki vanur hérna í Þrándheimi.
Þetta á að vera svona út vikuna og þá vonandi fer að koma gott veður aftur.

Karen og Víðir Freyr voru í heimsókn í seinustu viku og fóru þau á mánudaginn. Gaman að fá þau í heimsókn en Anna sá aðalega um að sinna þeim og sína þeim bæinn á meðan ég var að læra.
En við náðum samt að fara öll saman út að borða á Peppes Pizza og var það í fyrsta sinn sem við förum út að borða síðan Kári kom í heiminn. Gaman að komast út úr húsinu á kvöldin sem maður hefur nú ekki gert mikið af seinustu mánuði.

Nóg í bili, bið að heilsa í bili.

Afmælisbarn gærdagsins

Það gleymdist víst að óska afmælisbarni dagsins í gær til hamingju með daginn. Til hamingju með 2 ára afmælið Hrefna Rán. Við feðgarnir sitjum hérna og sláum saman inn þennan texta þannig að þetta verður ekki langt í þetta skiptið.


Hérna eru frændsystkynin saman þegar Kári var 6 daga. Hún var svo góð að kyssa hann bless.

Kveðja frá Þrándheimi.

gsm & heimsókn

Þá er ég loksins kominn með gsm númer hérna í Noregi.
Síminn hjá mér+47-97471935.

Þannig að núna geta allir hringt í kallinn og ég þarf ekki lengur að borga :). Þannig að þegar þér leiðist í vinnunni, þá er um að gera að taka upp tólið og hringja (svo maður hljómi nú eins og auglýsing).

Anna mun svo bráðum fá sér gsm númer, það var nefnilega þannig að við þurfum að skrá okkur á netinu og þurfum að hafa kennitölu til þess. Hún kom í seinustu viku þannig að þá var hægt að ganga frá málinu.

Annars lítið að frétta héðan. Karen og Víðir Freyr eru í heimsókn núna og það er ennþá allt fullt af snjó.

Rosenborg meistari 2006

Fórum á Rosenborg-Viking á sunnudaginn og sáum Rosenborg vinna 4-1. Þeir tóku svo á móti meistaratitlinum við mikinn fögnuð heimamanna og okkar :)

Við fórum fyrst í pizzuboð til Jóhanns og Kittýar og svo héltum við öll á leikinn. Lerkandal Stadium er mjög flottur völlur og var alveg troð fullur á sunnudaginn í snjókomunni. Kári var mjög góður allan tíman, svaf í fyrri hálfleik og svo horfði hann áhugasamur á seinni hálfleik.

Hérna er Stefan Iverssen að skora fyrsta mark leiksins.
Viking voru aðeins betri í fyrri hálfleik en Rosenborg voru svo betri í seinni hálfleik og kláruðu leikinn með þremur mörkum í seinni hálfleik. Sungið og trallað og þetta var mjög gaman.
Mun flottari völlur en Craven Cottage sem við fórum á í fyrra.

Hérna er svo ein mynd af Rosenborg taka á móti meistaratitlinum.

Sunnudagur

Jæja það var tekið gott átak í að setja myndir á netið um helgina. Nú eru nýjustu myndirnar frá gærdeginum, uss hvað maður er duglegur.

Það er nefnilega þannig að þegar maður er duglegur að blogga og setja myndir á netið þá er ég jafn lélgur að læra.

Þá er von á Kareni (vinkona Önnu) og Víði Frey (syni hennar) á morgun (mánudag). Það verður mjög gaman að fá þau í heimsókn og sjá Víði Frey sem hefur örugglega stækkað heil mikið síðan við sáum hann seinast.

Erum að græja okkur upp til að fara á Rosenborg-Viking. Aðeins meira prógram þegar maður er með lítinn pjakk.

Tripptrapp

Aðeins fallegra vetrar/haust veður í dag eins og sést á þessari mynd.

Fórum svo í dag á flakk og fundum mjög stórt svæði af verslunarmiðstöðum þar sem gott verður að fara fyrir jólin.
Þá var keyptur Tripptrapp stóll handa Kára í fyrirfram skírnargjöf frá ömmu og afa í Hlíðarhjallanum. Eins og sést á þessari mynd var drengurinn mjög ánægður með að fá nýja stólinn. Hann náði meira að segja að sitja rólegur allan kvöldmatinn í stólnum.

Loksins komnar fleiri myndir á netið. Hérna er t.d. heimsóknin hjá m&p.
Fleiri nýjar myndir hér. Fer vonandi að komast nálægt deginum í dag með þessar myndir.

Snjókorn falla

Þá er fyrsti snjórinn kominn hérna í Þrándheimi. Snjóaði svona 10 cm í nótt og var allt skjanna hvítt í morgun þegar ég tók þessa mynd.
Það var nú ekkert sérstaklega auðvelt að hjóla í skólan þó svo að það felist nú aðallega í því að láta sig renna. En ekki var mikið frost þannig að fljótlega byrjaði að rigna, þó svo að veður guðirnir eiga eitthvað erfitt með að ákveða sig hvort það eigi að snjóa eða rigna.

Við létum það ekki á okkur fá og fórum í göngutúr í rigningunni og slabbinu þegar ég var loksins búin með öll verkefnin sem ég átti að skila í vikunni. Hérna er Anna og Kári fyrir ofan íbúðina okkar eftir göngutúrinn. (Íbúðin okkar er hægra megin á myndinni).

Áfram Rosenborg

Þó svo að fótbolta helgin hafi verið léleg í Englandi þá var hún ansi góð hérna í Noregi.
Það var nefnilega þannig að Rosenborg vann Brann 1-3 í gær og eru því komnir með 9 fingur á titilinn. Það eru tveir leikir eftir og Rosenborg er með 6 stiga mun á Brann og mun betri markatölu.
Þannig ef allt fer eftir áætlun þá tekur Rosenborg á móti titlinum sunnudaginn 29. okt.

En það má geta þess að við fjölskyldan ætlum að skella okkur á leikinn, já öll fjölskyldan, Kári og allt.
Við erum nokkrir íslendingar sem ætlum saman. Það verður örugglega ótrúleg stemmning á vellinum og ekki væri það leiðinlegt ef það tækist að landa titlinum.

Það má geta þess að eftir sumarfríið í norska boltanum hefur Rosenborg halað inn 36 af 38 stigum. Held líka að þá hafi nýr þjálfari tekið við en það er Knut Tørum, takk fyrir það.

Áfram Rosenborg, svo er það bara meistaradeildin á næsta ári :)

Klipping

Það var kominn tími á klippingu, vélin var tekin upp og hárið fór af.

Ákvað að gera smá gjörning úr þessu og mynda þetta og skella þessu saman í eina mynd í photoshop, svona er maður listrænn. Hanakamburinn fékk bara að vera í 5 mín.

Nú skilur maður að Jón Haukur hafi keypt sér rakvél og byrjað að snoða sig þegar hann bjó út í Þrándheimi. Anna fór og tékkaði hvað klipping kostaði og það kostaði 350 kr norskar, og þá bara fyrir klippingu. Spurning um að snoða hana líka?

Þá voru settar nýjar myndir inn, er samt ekki kominn með ferðina hjá m&p inn en þetta fer allt að gerast. Hérna er flickr.

Heimför

Það er komið á hreint hvenær við komum "heim" í jólafrí. Vorum að kaupa okkur miða í flug heim til Íslands í gærkvöldi.
Anna og Kári fara aðeins á undan mér eða 7. des og ég kem svo 13 des. Er búinn í prófum 12. des þannig að ég verð aðeins lengur en þau.
Þá förum við svo aftur til Noregs 9. janúar.

Þá er það komið á hreint, við erum byrjuð að taka á móti pöntunum í matarboð. Fyrstir koma fyrstir fá :)

Heimsóknin

Þá eru m&p komin og farin. Helgin var mjög góð og við náðum að túristast alveg helling með gamla settinu.

Þau komu sem sagt á föstudaginn og var nú lítið gert þann dag en á laugardeginum var farið í langa gönguferð niður í bæ. Þar löbbuðum við meðfram Nidelva, um gamla bæinn og fengum okkur svo að borða í Solsiden sem er gamall slippur, mjög flott svæði.
Eftir það héldum við áfram um miðbæinn og skoðuðum einnig Nidarosdomen. Ágætis afrek þetta og Kári svaf allan tíman. Um kvöldið var svo eldað lambalæri sem m&p komu með frá Íslandi.

Sunnudagurinn var nú ekki síðri í gönguferðum. Fyrst förum við gangandi Kristiansten festning og skoðuðum okkur um þetta gamla virki og náðum góðu útsýni yfir miðbæinn. Fínt að fara eitthvað sem maður hefði ekki komið áður.
Seinna um daginn var svo farið í aðra gönguferð upp að Estanstadhyttu og skoða skógin og vötnin þar í kring. Ekki var þá allur kraftur úr liðinu heldur fórum við einnig í Tyholts turninn sem er 120m hár sjónvarpsturn með veitingarstað í ca. 75m. Ætluðum að fá okkur kaffi um 5 leitið en þá var Norðmaðurinn mættur í kvöldmat þannig að við slepptum því.

Góð helgi sem var alltof fljót að líða. Fínt að fá smá frí frá skólalífinu og þetta var eins og að skreppa aðeins til útlanda, eða svona næstum því. Frábært að fá svona heimsókn.

Myndir fara svo bráðlega að koma á netið, lofa samt engu, nóg að gera í skólanum þessa dagana.

Mynd dagsins

Ég fékk þessa frábæru mynd senda í pósti í dag. Þarna erum við frændurnir Gummi, Örvar og Kiddi, myndarlegir ekki satt. Þakka Eyþóri kærleg fyrir þessa sendingu.

Helgin var góð hérna í Þrándheimi, á laugardaginn fórum við í helgargöngutúrinn niður í bæ og löbbuðum þar um og skoðuðum bæinn og á sunnudeginum var labbað um svæðið hérna í kring. Næsta helgi verður mjög skemmtilegt því þá er von á mömmu og pabba í heimsókn. Við ætlum að finna eitthvað skemmtilegt að gera með þeim en þau koma nú aðalega til að sjá meistarann eins og pabbi kallar Kára.

Nóg í bili.
He det bra.

The Whitest Boy Alive

Þá er kominn tími til að kynna ykkur fyrir góðri tónlist frá Noregi. Erlend Øye er forsprakki þessarar sveitar en fólk gæti þekkt hann frá hljómsveitinni Kings of Convenince.
Skiptir allavega ekki máli, hann kemur frá Bergen og er ótrúlega góður tónlistarmaður.

The Whitest Boy Alive gáfu út sína fyrst plötu á árin og heitir hún Dreams og hefur fengið góða dóma víða og hér er einn frá Rjómanum.
Þeir munu spila á Iceland Airwaves og mæli ég því með að allir sem ætla að kíkja þangað tékki á þessari hljómsveit.

Hérna eru nokkur lög með The Whites Boy Alive
The Whitest Boy Alive - Burning.mp3 (Mæli sérstaklega með þessu lagi)
The Whitest Boy Alive - Inflation.mp3
The Whitest Boy Alive - Don't Give Up.mp3

Endilega látið mig vita ef þetta er eitthvað fyrir ykkur...jæja farinn að læra.

Afmælisblogg dagsins

Kiddi (Önnu bróðir) er 27 ára í dag, til hamingju með það ungi. Ég get sko sagt þér það að 27 er góður aldur, nú förum við bráðum að toppa í fótboltaferlinum, þannig að þetta eru eðal ár.

Hérnu eru hann og Kári, sem er aðeins eins dags á þessari mynd. Þá gleymdi ég að nefna það í gær að Kári átti 2 mánaða afmæli.

Annars vorum við að koma úr tveggja tíma göngutúr niðri í miðbæ, alltaf jafn fallegt þar og mikið af mannlífi.

Til hamingju með afmælið Kiddi,
kveðja frá Örvari, Önnu og Kára.

Haustið

Það virðist sem haustið sé "loksins" að koma hérna í Þrándheimi. Nú er orðið kaldara á morgnana og laufin aðeins byrjuð að falla af trjánum. Þetta er nú samt ekkert í líkingu við íslenska hausið, ekki mikið um rok og rigning hérna, þó svo að það rigni nú alveg.
Það góða við þetta er að núna er þolanlegra að hjóla heim úr skólanum.

Tók þessa mynd út um eldhúsgluggan í morgun. Frábært að hafa svo flott útsýni út um eldhúsgluggan.

Þá fórum við í dag niður á skattstofuna í Þrándheimi til að fá kennitölu. Vorum búin að láta senda fluttningsvottarð að heiman til þeirra og héldum að það væri nóg til að koma ferlinu af stað en það virkar því miður ekki þannig. Þannig að núna tekur það 3-4 vikur að fá kennitölurnar og á meðan getum við ekki stofnað bankareikning né fengið lækni fyrir Kára.
En þannig er það nú bara.

Þá setti ég fullt af myndum inná myndasíðuna. Á eftir að skrifa við myndirnar en það er nú ekki hægt að gera allt í einu.

Extreme Makeover

Þá hefur síðan loksins fengið upplyftingu. Síðan er núna rauð í tilefni þess að við erum í Noregi.
Það var kominn tími á að uppfæra alla linka og ákvað ég þá í leiðinni að setja upp nýtt "look" á síðuna. Tók mig smá tíma að finna eitthvað sem mér fannst bæta síðuna og er ég nokkuð ánægður með þetta. Á reyndar eftir að gera smá lagfæringar en ekkert voðalega.

Nú er kominn linkur á Kára og einnig helstu bloggin sem ég skoða og einnig búin að uppfæra stubba linkana.

Er að setja inn comment kerfið og teljara og þá ætti þetta að vera að mestu komið. Hvað finnst ykkur um þetta?

Guðrún 1 árs

Til hamingju með afmælið í gær litla frænka. Guðrún Jónsdóttir er sem sagt orðin eins árs og við missum því miður af fyrsta afmælinu hennar. Hún fær þó pakka sendann til landsins.

Hérna eru frændsystkinin saman í H23 áður en Kári fór til Noregs.
Það er svo langt síðan að maður sá hana seinast og verður gaman að sjá hana um jólin hlaupandi um eins og skæruliði :)

Þá óska ég eftir því að foreldrar hennar sendi myndir af henni til okkar ekki seinna en strax. Einnig væri gaman að fá fleiri myndir af þeim tveimur saman (á sama tíma og þessi mynd var tekin). Senda þær á steingri@stud.ntnu.no :)

Segjum það í bili.

Kári Örvarsson

Eins og ég sagði í póstinum hérna á undan ákváðum ég og Anna nafn á strákinn okkar á mánudaginn.
Eftir smá umhugsun ákváðum við svo einnig að leyfa öðrum að fá að vita nafnið hans og höfum við verið að stríða fólki smá og láta það giska á nafn.

En eins og segir hér í fyrirsögninni heitir drengurinn Kári og erum við ótrúlega ánægð með það nafn, fer honum vel. Hérna kemur svo ein mynd af Kára með öndina sína í baði.

Þá koma fleiri myndir inn um helgina.

Nafnið mitt er...

Þessi litli kall er kominn með nafn.

Ömmurnar eru búnir að fá að giska á rétt nafn og tókst það hjá þeim báðum furðu snemma. Nú geta aðrir prófað...
Fleiri vísbendingar koma svo á morgun ef þetta gengur illa.

Annars er ég búinn að vera hér í mánuð í dag, magnað hvað þetta er fjlótt að líða.

Þá á Styrmir bróðir afmæli í dag, strákurinn orðinn 29 ára, til hamingju með það gamli. Það eina sem þú færð í afmælisgjöf frá mér er símtal. En hérna (á myndinni) erum við bræður og Styrmir meira að segja með bindi.

Gamli bærinn

Helgin var mjög góð, ekki bara fótboltalega séð. Fórum í langann göngutúr niður í gamla bæ á laugardaginn og löbbuðum í meira en tvo tíma í frábæru veðri (eins og myndirnar sínar) á meðan litli maðurinn svaf. Ótrúlega fallegt að labba um bæinn í svona góðu veðri og skoða allar byggingarnar og mannlífið.

Til að skoða myndirnar þá farið þið þar sem nýjasta myndin er og þá er hægt að fletta í gegnum allar myndirnar með því að klikka á hægri myndina (af tveimur myndum) undir orvar's photostream í hægra megin á síðunni, vona að þetta hjálpi. Á reyndar eftir að skrifa við myndirnar en kannski ég geri það seinna í kvöld.

Fundum svo skemmtilega gönguleið nálægt Moholti á sunnudeginum sem er ekki nálægt neinum umferðargötum. Mjög fínt labba það og einnig í góðu veðri.

Veðrið kemur manni skemmtilega á óvart. Maður áttar sig ekki beint á þessu og þarf yfirleitt að tékka á netið og skoða hvað hitastigið er og reyna að klæða sig eftir því og samt klæðir maður sig yfirleitt í of mikið.

Þá horfðum við á Running Scared á laugardaginn og var hún frekar döpur. Gengur einhverveginn ekki upp. Fær 5 Ö.

Jæja þarf maður ekki að fara læra smá.

Góður fótboltadagur

Blikarnir enduðu í 5 sæti í Landsbankadeildinni. Unnu Keflavík 2-1 eftir að hafa komist í 2-0 og Maggi Palli hetja dagsins, ótrúlegt en satt.
Þannig á næsta sumar verða tvö lið úr Kópavogi í úrvalsdeildinni. Það verður gaman að fara á Kópavogsvöllinni næsta sumar og horfa á Breiðablik - hk, eða á ég að segja að horfa á Breiðablik vinna hk.

Þá er Liverpool einnig komið á gott skrið í ensku og unnu Tottenham 3-0. Sá ekki leikinn en náði í mörkin á netinu og voru þau af dýrari gerðinni. Hérna eru við feðgarnir í tilefni dagsins. Litli meistarinn í búningi frá Arnari frænda sem er svona 2-3 árum of stór en það gerir ekkert til. Svo er ekki verra að manutd gerði jafntefli.

Þá er bara að vona að TLC vinni Elliða í 8-liða úrslitum í utandeildinni á morgun og sömuleiðis Barca vinni Valencia og svo einnig að Rosenborg vinni sinn leik á mánudaginn. Þá er þetta fullkomin fótboltahelgi.

Að skíta upp á bak

Þegar maður er orðinn pabbi þá áttar maður sig loksins á því hvaðan þetta orðatiltæki er komið. Meistarinn var nývaknaður og náði þessari svaka bombu upp á bak, gott hjá honum.

Þá var tekið stórt skref í gærkvöldi í að velja nafn á drenginn. Upphaflega voru 11 nöfn og nú höfum við náð að skera þetta niður í 3. Þannig að ákvörðun um nafn á drenginn verður vonandi tekin um helgina. usssss, spennó.

Annars er maður nokkuð stressaður með fótboltann heima. Breiðablik mætir Keflavík í dag í loka umferð Landsbanka deildarinnar og verður að vinna eða ná stigi til að halda sér uppi. Grindavík fá FH í heimsókn og erfitt að gera sér grein fyrir áhuga FH á að mæta af fullum krafti í þann leik. Þá er Víkingur - ÍA einnig og vonandi vinnur ÍA þann leik, þó svo ég voni að Grindavík falli.
Eina góða við þetta er að Keflavík eru að fara spila úrslitaleik í bikarnum næstu helgi þannig að þeir eru vonandi að hugsa um þennan leik.

Það var svo horft á Fun with Dick and Jane í gær. Fín mynd en ekki mikið meira en það. Fær 7 Ö.

Það eru nú um 3 mánuðir síðan ég fór að djamma og hef nú ekkert saknað þess voðarlega en ég verð nú að viðurkenna að ég væri alveg til í að vera á klakanum í dag og mæta í matarklúbbinn sem Ívar heldur í þetta skiptið. Uss það verður örugglega gaman hjá þeim í kvöld.

Þá verður maður að halda áfram að læra.

Fréttir frá Norge

Allt gott að frétta héðan frá okkur.
Þessi vika var nú mun rólegri en sú seinasta. Búinn að vera smá tími til að vera í pabba leik og hjálpa til heima fyrir. Veðrið er búið að vera ágætt þó svo að það hafi rignt nokkuð í vikunni en það er eins og mesta rigningin sé á kvöldin og á nótunni. Þá er einnig komið gott veður núna, sól og 20°C.

Maður er að komast í betri rútínu í skólanum, veit hvenær á að skila hverju og ca. hvað þetta tekur allt langan tíma. En norskan er samt ekkert að skána hjá mér, held að Anna sé miklu betri en ég þó svo að ég hafi verið að hlusta á þetta í 4 vikur.

Af litla manninum er allt gott að frétta. Hann er að berjast við að reyna að halda haus og gengur það ágætlega. Hann er nokkuð góður að hreyfa hann til þegar hann liggur á maganum.

Hann er nú þegar kominn með nokkur áhugamál. Það fyrsta er að gubba á foreldra sína þegar þau eru í nýkomin í hrein föt. Þá er einnig mikið sport að pissa útfyrir bleyjuna sína og það skiptir engu hvort hann sé í fanginu á foreldrum sínum eða sofandi upp í rúmi, einhvernvegin tekst honum þetta foreldrum sínum til mikillar gleði.
Þá erum við (lesist Anna) að reyna að koma smá vanagangi á hann, hvenær hann á að drekka og sofa á daginn og þess háttar, gengur hægt en við erum allavega byrjuð.

Nóg í bili.
Med venlig hilsen
Örvar

Víííí

Það er kominn helgi hjá mér þar sem ég er ekki í skólanum á föstudögum.
Það væri nú gott að geta sofið út um helgina en einhvern veginn læðist að mér sá grunur að það verði ekki hægt.

Miðbær og Korsvika

Nú er veðrir búið að vera alveg frábært í viku eða síðan tendó fóru héðan, skildi þetta tengjast eitthvað? Það er búið að vera sól, 15-20°C hiti og logn alla vikuna. Ekki alltaf sem maður fær svona veður í september.

Eftir mjög annasama viku var helgin tekin í afslöppun og að kynnast aðeins Þrándheimi. Á laugardeginum fórum við að rölta niður í miðbæ en litli maðurinn var ekki mjög sáttur við það þannig að við gátum ekki verið þar nema ca. klst. Þá var ákveðið kíkja í Korsvika sem er eiginlega Nauthólsvík þeirra Þrándheimbúa. Skoðuðum okkur aðeins um þar en ákváðum að kíkja aftur daginn eftir í göngutúr um það svæði.

Eins og ég sagði áðan kíktum við svo á sunnudaginn í Korsvika sem er mjög fallegt svæði. Fórum þar í göngutúr en lentum svo eiginlega niður á iðnarhöfn og snérum því við og fórum í hina áttina. Þar var betra útsýni og fallegra og mjög gott að geta framlegt sumarið svona því það er ekkert að því að labba um í sól og 17°C hita.

Þá er ég einnig búinn að setja myndir helgarinnar inná netið.
http://www.flickr.com/photos/orvars/

Ha det bra
Örvar

Ljósmyndir frá Noregi

Var að setja inn fullt fullt af myndum inná ljósmyndasíðuna mína. Þetta eru myndir frá 2. sept til 16. sept.
Hérna er linkur á fyrstu myndina.
http://www.flickr.com/photos/orvars/245467056/
Til að fletta svo í gegnum nýjustu myndirnar smelli þið á myndirnar hægra megin á síðunni undir orvars' photostream. Þar er smellt á hægri myndina (IKEA) þá farið þið í réttri tímaröð áfram....

Vonandi fatti þið þetta.
Annars er hérna linkur á allar myndirnar.
http://www.flickr.com/photos/orvars/

Fleiri myndir frá helginni koma svo seinna í dag.

Vi snakkes
Hilsen Ørvar

Skole

Það er tímabært að láta í sér heyra. Hef haft lítinn tíma í að vera gera eitthvað annað en að læra og sjá um drenginn, þó svo að Anna beri nú mesta hitan af drengnum þessa dagana.

Var að skila stóru verkefni í Anleggsteknikk eða Construction Engineering. Þetta er próflaus áfangi og þess vegna er mikil vinna í verkefnum. Þetta var eitt af fjórum verkefnum í þessu fagi og var ég mjög feginn í gærkvöldi þegar ég ýtti á send takkann á tölvunni.

Ég er sem sagt í fjórum fögum sem er fullt nám hérna úti. Þessi fög eru:
Finite Element Methods 1
Construction Engineering
Concrete Technology
Steel and Aluminium Structures

Það er búið að vera mikið af verkefnum í Steel og FEM fögunum og þennig hafa hin fögin setið aðeins á hakanum þangað til að stóra verkefnið kom í Anleggsteknikk. Þessi fög eru öll kennd á norsku og er allt efni á norku nema í FEM þar er bókin á ensku og einnig glærurnar sem er ágætis tilbreyting.
Þetta eru allt áhugaverð fög en mis vel gengur að skilja kennarana, get nú ekki sagt að ég skilji mikið í sumum þeirra eða norsku yfir höfuð. Gengur reyndar ágætlega að lesa efnið.
Skólinn er líka mjög flottur og öll aðstaða til fyrirmyndar. Ég setti nokkrar myndir af skólanum á netið og er hægt að finna þær hér.

Þetta er ágætt í bili og nú skal ég reyna að vera duglegri að koma með fréttir frá Þrándheimi.

Ha det bra fra Trondheim
Ørvar

Herman Kragsvei 30

Þá er kominn tími til að kynna heimilið okkar næstu tvö árin. Við erum sem sagt flutt til Þrándheims í Noregi. Við búum í íbúð 41 á Herman Kragsvei 30 í Moholti, sem er stúdentaíbúðir og er þetta mjög vinalegt hverfi. Það eru nokkrar búðir mjög nálægt og svo er leikskóli við hliðiná á húsinu.

Íbúðin er 51 fermetrar og saman stendur af: Stofu, eldhúsi, gangi, klósetti, baðherbergi, svefnherbergi með litlu barnaherbergi og svo lítil geymsla.

Síminn hjá okkur er: (0047) 73888412. Það er sem er inní sviga er ef þú ert að hringja frá Íslandi.

Hérna eru myndir af íbúðinni í slideshow-i: Hermankragsvei30.

Þá eru komnar fleiri myndir inná síðuna mína.

Ferðamyndir

Þá eru myndirnar af ferðalaginu frá Kópavogi (Íslandi) til Þrándheims í Noregi komnar á netið. Myndir varð batteríslaus í DK en náði samt nokkrum myndum eftir það. Hérna eru þær:
http://www.flickr.com/photos/orvars/

Þá eru einnig komnar nýjar myndir inná barnalandssíðuna.

Flugvöllur og IKEA

Þá sameinast fjöldskyldan bráðum á ný.

Er að stytta mér stundir á meðan ég bíð eftir því að Anna og kúturinn minn komi frá Íslandi til Þrándheims. Þau lenda eftir ca. 1,5 klst og ég hlakka alveg ótrúlega til.

Litli kúturinn dafnar mjög vel og er orðinn 4300 gr og 54 cm hvorki meira né minna. Hefur því þyngst um ca. 600 gr. frá því að ég sá hann seinast sem er ekkert smá mikið.
Þá var farið í fyrstu ferðina í IKEA í dag og keypt barnarúm sem drengur fær í sængurgjöf frá Ömmu og Afa í Kambaseli. Þá var líka keypt hitt og þetta á heimilið og einnig auka sæng og koddi fyrir þá sem vilja kíkja til Þrándheims :)

Svo koma glænýjar myndir frá Þrándheimi á morgun.