Boston marathon 2012

Flugum út til Boston á laugardeginum og tókum því nokkuð rólega um kvöldið. Á sunnudeginum var farið á Expo-ið, númerið og annað nauðsynlegt var sótt og svo var rölt um svæðið og hlaupadót skoðað. Gleymdi mér aðeins í að smakka orkudrykki og annað matarkyns en hætti því fljótt því ekki vildi ég koma maganum í uppnám daginn fyrir hlaup. Eftir Expo-ið fórum við í skoðunarferð um bæinn og maður reyndi eftir bestu getu að taka því rólega. Fór svo uppá hótel og tók því rólega fram að kvöldmat.

Fórum þá út að borða í North end og enduðum á Mothers Anna‘s og fékk mér þar eins einfaldan pasta rétt og ég gat valið. Snemma í háttinn til að vera tilbúin fyrir morgundaginn.

Vaknaði um kl. 5 og beið hálfpartinn eftir því að leggja að stað niður að Tremont Street þar sem við Íslendingarnar ætluðum að hittast áður en við myndum leggja af stað til Hopkinton. Boston er ekki eins og venjulegt maraþon þar sem er hlaupinn 42,2 km hringur heldur er það frá pkt. A til pkt B eða rétta sagt frá smábænum Hopkinton og svo er hlaupið til Boston.

Ég, Siggi, Ásgeir og Stefán vorum svo mættir kl. 6 fyrir utan bíóið og förum svo fljótlega upp í bus-ana sem keyrðu okkur til Hopkinton. Voru komnir þar um kl. 7 og tókum því rólega í skugganum og undirbjuggum okkur svo fyrir átökin. Fékk mér tvær hnetusmjörs samlokur í rútunni og drakk smá af vatni og orkudrykk. Sólin skein og hitinn var kominn upp fyrir 20°C þarna um morguninn og átti bara eftir að aukast. Fékk mér svo banana og nartaði í eina tóma beyglu á íþróttasvæðinu.
Ég og Siggi fórum svo að skila dótinu okkar og tókum létta upphitun. Þá loksins áttaði maður sig á því hversu mikill hitinn var og hvernig það væri að hlaupa í þessum hita. Fórum svo og röltum í átt að start-svæðinu og komum okkur í okkar bás. Svo var beðið með eftirvæntingu þangað til að flautan gall og mann hafið fór af stað.

Alveg sama þó að allir skipuleggjendur í hlaupinu og aðrir fjölmiðlar voru að hamra á því að enginn ætti að reyna að hlaupa á sínum besta tíma (PR) útaf miklum hita sem var spáð á mánudeginum, þá var nú erfitt að gefa markmiðið alveg upp á bátinn. Var búinn að æfa mikið á 4:00 maraþon hraða og í lokin fór ég í 3:55 hraða. Þetta myndi skila manni í mark á ca. 2:45-2:49 klst. Markmiðið var því að komast  undir 2:50 og lágmark fannst manni að ná sínum besta tíma eða undir 2:55:13 sem ég átti úr Vormaraþoninu í fyrra (þó svo að sú braut hafi líklegast verið aðeins of stutt). Það var því ákveðið að reyna að keyra út á ca. 4:00 pace-i og sjá hvað maður myndi endast í hitanum. Maður var ekki beint vanur að hlaupa í hátt í 30°C hita.

1km – 15km
Startið var þröngt og vorum við Siggi nokkuð framarlega því í fyrstu bylgju vorum við í bás 2 af 9 og svo elítan fremst. Vorum því innan við mínútu að komast yfir byrjunarlínuna og þá hófst fjörið. Brautin byrjar á frekar brattri brekku niðurámóti og smá erfitt að komast í takt í svona mannþröng. Fyrstu 15 km eru að mestu niðurhallandi og var maður því að passa sig að fara ekki of hratt á þessum kafla. Þessir 15 km gengu fínt og ég og Siggi vorum að hlaupa þetta saman á ca. Sub. 4:00 pace-i og gekk fínt að halda hraða þrátt fyrir hitann. Þarna var mjög þétta á milli manna og mikið um sikk sakk til að komast fram hjá mönnum, sérstaklega þegar komu litlar brekkur. Það hægði yfirleitt á manni hjá vatnsstöðunum sem voru á 1 mílu fresti. Þá þurfti maður að passa sig að komast sér í sæmilega stöðu til að ná í sér Gatorade og svo vatn seinna á vatnsstöðinni.
Maður kom sér fljótlega upp í rútínu að ná sér fyrst í Gatorade, reyndi að drekka slatta af því og svo eitt vatnsglas yfir sig til að kæla og svo annað til að fá sér smá að drekka. Gekk stundum ekki og þá gat maður náð stöðinni sem var á hinni hlið vegarins.
Tímarnir:
5km á 19:44 (3:57)
10km á 29:38 (5km á 19:54 / 3:59)
15 km á 59:51 (5km á 20:13 / 4:03).
Þarna hélt ég að við værum vel undir 4 pace-i en skv. official klukkunni þá var þetta hraðinn á okkur og þarf maður að passa sig á gps vs. raunlengd. Held að maður þurfti að vera ca. 3 sekúndum hraðari en gps-ið segir til að vera á réttum hraða.

15km – 25km

Næstu 10km voru svo nokkuð sléttur kafli. Þegar það fór svo að sléttast úr brautinni þá misstum við aðeins hraðann og maður þurfti að hafa aðeins meira fyrir því að halda hraða. Eftir ca. 17km þá fannst mér við farnir að vera full hægir og gaf aðeins í til að vera nær 4:00 pace-inu þó svo ég hafi verið aðeins yfir því, fannst það samt í lagi útaf hitanum og vildi ekki ofgera hraðann í fyrri hlutanum. Gekk samt ágætlega upp í 20km á 1:20:03 (5km á 20:12 / 4:02). Fór svo í gegnum hálft á 1:24:26 og ennþá allt í góð en lærin farin að þyngjast aðeins.
Náði að halda hraðanum sæmilega upp í 25 km og fór í gegnum þá á 1:40:20 (5km 20:17 / 4:03). Þarna var maður búinn að rúlla ca. 10 km á nokkuð sléttri braut en fyrstu 15 km tóku greinilega nokkuð vel úr lærunum og þarna var maður kominn á ca. lægst pkt. í brautinni. Tímarnir:
20km á 1:20:03 (5km á 20:12 / 4:02)
21,1km á 1:24:26.
25km á 1:40:20 (5km 20:17 / 4:03)

25km-33km
Var mikið búinn að hugsa um að komast upp í 25km með lærin í lagi því þarna taka við 8-9 km af rúllandi hæðum sem endar með sjálfri Heartbreak Hill. Var svona sæmilega sáttur við lærin þó svo þau hafi verið farin að þyngjast. Gekk fínt að hlaupa og var að fara mikið framúr mikið frá ca. 20km til 30km. Fannst brekkurnar ganga sæmilega en lærin farin að þyngjast og hitinn farinn að hafa mikil áhrif. Fékk á þessum kafla fyrstu klakana sem voru algjör guðsgjöf. Fór 30 km á 2:01:26 eða 5km á 21:06 / 4:13. Mikið af brekkum á þessum kafla og fannst ég fljóta með straumnum en var greinilega að missa hraðann.
Það var samt á þessum legg þar sem hitinn orðinn gjörsamlega steikjandi og maður var hættur að spá mikið í á hvaða hraða maður væri að fara heldur var maður þarna kominn í hálfgert survival mode og ætlaði bara að reyna að klára þetta sæmilega.
Áfram hélt maður, lærin orðin nokkuð vel steikt og farið að hægjast á manni. Var alveg viss þegar ég var kominn upp í 32 km að Heartbreak Hill væri lokið en svo kom önnur brekka og það slóg nokkuð á mann. Þessar rúllandi brekkur fóru nokkuð illa með mann og fannst mér niður kaflinn á þeim yfirleitt verri heldur en sjálf brekkan. Þrátt fyrir að lesa mikið um brautina þá held ég að maður hafi samt farið of hratt af stað og ég hefði þurft að eiga meira inni til að tækla þessar brekkur.
Efst uppi á Heartbreak í 33km kom svo Siggi framúr mér og  leit mjög vel út, hann kastaði á mig kveðju og ég sagði honum að lærin voru í steik og reyndi að gera mitt besta. Svo hljóp ég niður Heartbreak Hill brekkuna og það var virkilega vont. Nokkuð löng brekka sem för illa með lærin sem voru fyrir orðin vel þreytt. Hitinn var ekkert að minnka og var maður kominn í nokkuð skrýtið ástand alveg að sálast úr hita og lærin að drepa mig. Fór í gegnum 35km á 2:22:42 eða 5km á 21:16 / 4:15.
35km á 2:22:42 eða 5km á 21:16 / 4:15

33km - 42,2km
Eftir Heartbreak Hill er restin af brautinni nokkuð niðurhallandi og slétt en alltaf einstaka hækkun. Hitinn orðinn ógeðslegur og lærin í steik og áfram skrölti maður þó, það var svo í ca. 38km sem maður var gjörsamlega að sálast og þá var tekin mjög erfið andleg ákvörðun og það var að labba. Þurfti að labba smá til að ná áttum og reyna að þola sársaukann í löppunum. Allt troðið af fólki að styðja og alveg ömurlegt að þurfa að labba, reyndi að fara af stað eins fljótt og ég gat. Þarna voru margir í sömu sporum og ég en samt margir að fara framúr. Kláraði svo 40km á 2:45:39 eða 5km á 22:57 / 4:35. Held að þetta hafi verið versti kaflinn fyrir mig í hlaupinu, að eiga 8-9km eftir og vera að sálast í löppunum er ekki góð skemmtun, eftir því sem styttist því betra er það og reyndi maður ýmiskonar hugaræfingar til að koma sér í gegnum þennan kafla.

Bara 2,2 km eftir en það var alveg nóg. Þarna var maður hættur að fylgjast með umhverfinu sínu og tók ég ekkert eftir því þegar ég fór framhjá Fenway Park. Gekk seinustu vatnsstöðina og líka aðeins ein undirgöng þar sem ég fékk hvatningu frá einu hlaupara og þá drattaðist ég af stað og tók ca. seinustu míluna á hlaupum. Seinustu 5km voru í algjörum áhorfenda göngum og alveg brjálaður stuðningur allan þennan tíma.

Þegar maður beygði svo loks inná Boylston Street þá komst maður loksins á sæmilega siglingu. Heyrði því miður ekki í Önnu sem stóð og öskraði hvatningu til mín, maður var líka smá „out of it“ enda með augun föst á endalínunni og maður gat ekki beðið eftir því að klára. Reyndi samt aðeins að svipast um eftir Önnu en nokkuð erfitt í öllum þessu mannhafi. En hávaðinn var mikill þarna og var þetta eins og draumi að hlaupa í mark með allan þennan mannfjölda að hvetja sig áfram. Rúllaði svo yfir endalínuna á 2:55:42 eða 4:34 pace-i seinustu 2,2km. Gekk ekki lýst því hvað ég var ánægður að þetta sufferfest var lokið.
40km á 2:45:39 eða 5km á 22:57 / 4:35.
42,2km á 2:55:42 eða 4:34

Ég var í sæmilegu ástandi miðað við marga aðra sem voru í kringum mig. Það voru frekar lærin sem voru að drepa mig en ekki vökva skortur. Fékk mína medalíu, vatn og orkudrykki og fór fljótt á „family meeting area“ og beið þar eftir Önnu.

Var að svipast um eftir Sigga en sá hann hvergi. Frétti svo seinna um kvöldið að hann hafi fengið hitasting á 41km og finn alveg mikið til með honum að hafa lent í því svona stutt frá markinu. En hann er heill heilsu og komst vel frá þessu sem betur fer.

Anna fylgdi mér svo upp á hótel enda treysti hún mér ekki einum í þessu ástandi. Svo var farið að fá sér bjór og „rölta“ um Boston. Við Íslendingarnir hittumst svo um kvöldið og áttum gott kvöld saman og deildum okkar sögum um þessa mögnuðu upplifun. Frábær dagur í alla staði þó svo að þetta hafi verð alveg ógeðslega erfitt.

Var með tvær megin áhyggjur fyrir hlaupið. Sú fyrri var hvort að lærin gætu þolað þetta niður hlaup fyrstu 15km og svo rúllandi hæðir á 8-9km kafla akkúrat á þeim tíma sem lærin hafa verið að stífna upp hjá mér. Seinni ástæðan var hvort að maginn myndi halda allri þessari vökva inntöku sem var nauðsynleg í þessum hita. Ég drekk vel og mikið og kannski bjargaði það mér að byrja að labba seinustu drykkjarstöðvarnar og náði þannig vel inn að vökva á seinustu km. En það voru enn og aftur lærin sem voru að klikka í maraþoninu hjá mér enda ekki beint braut sem er þekkt fyrir að fara vel með þau. Held ég þufti að nálgast næsta maraþon sem öðrum hætti og breyta eitthvað æfingaáætluninni til að fá meiri styrk í lærin.
Endaði 30 sek frá mínum besta tíma en náði þó ekki mínu markmiði. En ef maður tekur inn hitann þá er ekki hægt annað en að vera ánægður með þennan tíma.

Fékk mér eitt gel 15 mín fyrir hlaup og svo þrjú önnur á leiðinni, seinasta um km 30 held ég. Var með tvö önnur en tók þau ekki, ætli öll þessi Gatorade drykkja hafi ekki verið nóg til að halda uppi orkustiginu.

Áhorfendur voru alveg magnaðir alla brautina og gerðu allt til að hjálpa manni, dreifa appelsínum, klökum og vatni og einnig að spraut vatni yfir keppendur til að hjálpa við að kæla. Veðrið lék við áhorfendur en ekki keppendur, stundum er það þannig og það er ekkert sem maður getur gert í því. Ánægður að hafa valið þetta hlaup og í lokin ánægður að hafa náð að klára þetta hlaup á sæmilegum tíma þó svo að maður hafi ætlað sér betri tíma. En frábært hlaup með frábæra áhorfendur, frábær borg með frábæru fólki. Maður var að fá hamingju óskir alveg fram á miðvikudag því maður gekk um eins og asni og fólk áttaði sig fljótt á því hvað orsakaði það...

Hreyfing í október

Á einni af mörgum heiðum sem voru tæklaðar í Noregi, okt. 2011

Nú er kominn nýr mánuður og því fínn tími til að líta yfir farinn veg, skoða hvað maður var að gera í október og einnig fara yfir markmið í nóvember.
Ekki búinn að hreyfa mig eins mikið og ég vildi hafa gert. Missti 8 daga út útaf vinnu í Noregi, var þá reyndar að hreyfa mig mikið alla dagana nema ferðadagana. Mikið gengið um óbyggðir Noregs í erfiðu landslagi. Þá fóru 3 dagar í að undirbúa bæði afmælið hans Óttars og einnig í undirbúningi fyrir Noregs ferðina.
En byrjum á hreyfingu í október:
Hlaup: 197 km - 15:30 klst - 15 dagar
Hjól: 42 km - 1:50 klst - 3 dagar
Sund 2,35 km - 1:10 - 3 dagar
Ganga um Noreg: 7 dagar
Engin hreyfing: 7 dagar
Ekkert mjög slæmt en mætti laga eitthvað í þessu. Ekki búinn að hjóla nógu oft og sömuleiðis lítið um sund. Sund er frábær virk hvíld og því um að gera að nota það með hlaupunum. Hef einnig verið að hlusta á bókina "I'm here to win" sem fjallar um þríþrautar kappann Chris McCormak og þá byrjar maður sjálfkrafa að horfa aðeins á þríþrautina sem góðan kost. Annars alveg fyrirmyndar bók fyrir þá sem hafa áhuga á afreksíþróttum og hlutum sem tengjast hugarfari og andlega þættinum í íþróttum.

En næst eru það hvað maður ætlar að reyna að gera í þessum mánuði. Markið nóvermber mánaðar eru því:
Hlaup: 300 km
Hjól: Hjóla allavega 1 sinnu í viku í vinnuna
Sund: Synda allavega 1 sinni í viku
Halda áfram að gera styrktaræfingar og auka þrek.

Tvö bestu lög mánaðaris fá að fljóta með, eitt íslenskt og eitt erlent.
Fyrst Of Monsters and Men með frábært lag.


Svo meistararnir í R.E.M. Svona í tilefni þess að þeir eru hættir. En eitt besta lag þeirra í langan tíma, titill lagsins er líka mjög í samræmi við markmið mánaðarins.

Kominn hjem fra Köben

Þá er maður kominn heim frá Köben. Frábær ferð og mitt fyrsta skipti í þessari merku borg. Það var farið í gönguferð með leiðsögn um miðborgina, Hr. Carlsberg var heimsóttur, labbað um á Strikinu, göngutúr um konungshöllina og nærsvæði, árshátíð, sigling um Kaupmannahöfn og loks Tívolíð.

Það eina sem var keypt var bjór og matur og það kostaði líka sitt (þó svo að það var verslað aðeins á Kára). Maður reyndi að hugsa sem minnst um hversu dýrt allt var og einbeita sér að því að skemmta sér. Það tókst og allir komu heim þreyttir, fátækir og ánægðir.

Nú þarf ég að taka mig á og reyna að koma myndum á netið bráðlega.

Annars vildi ég nota tækifærið og auglýsa nýtt gsm númer á þessum bænum: Kominn með 665 6217.

Heimför frá Norge

Var í þessu að bóka far með Norrænu (á eftir að fá þetta staðfest) heim til Íslands. Samkvæmt planinu þá tek ég ferjuna frá Bergen 24. júní og verð mættur til Seyðisfjarðar í hádeginu 26. júní. Þannig að ef allt gengur vel ætti maður að vera mættur í Kópavoginn góða um kvöldið 26. júní.
Ég á að skila verkefninu mínu 16. júní þannig að ekki er unnt að fara 17. júní, þannig að þetta virðist vera besti kosturinn.
Anna og Kári munu svo koma heim (til Íslands) með flugi eitthvað á undan mér og hefur 22. júní verið nefndur í þeim efnum.

Var að renna í gegnum ferðina mína á flickr, hægt að skoða hér. Þetta var ansi mikið ævintýri að keyra með stútfullan bíl frá Kópavoginum kl. 20:30 umkvöld með þriggja vikna gutta heima, svo var keyrt alla nóttina til Egilsstaða og farið frá Íslandi 24. ágúst 2006.

Þannig að nú verður fólk bara að fara skipuleggja heimkomu partý...

Stökkva

Er að vinna í myndunum frá Lillehammer og horfa á Liverpool spila við Inter. Vona að það sé óhætt að horfa á Liverpool spila í meistaradeildinni, var nú eiginlega búinn að lofa mér að sleppa því alveg það sem eftir er að þessu tímabili.

En allavega þá fann ég þetta video frá Hafjell. Einn ágætur á bretti í snowparkinu í Hafjell, þarna fór maður nokkrar ferðir en taktarnir voru ekki þeir sömu.

Skíði í Hafjell

Þá er maður kominn heim eftir frábært viku frí á skíðum. Eins og sagði frá hér á undan vorum við á skíðum í Hafjell í Øyer, sem er ca. 15 km norður af Lillehammer. Þetta svæði var notað á Ólympíuleikunum 1994 í Lillehammer.

Skíðasvæðið í Hafjell

Skemmtilegt svæði með fjölbreytilegum brekkum. Mikið af óruddum brautum og því skemmtilegt að skíða í þeim þegar snjóar eins og var þessa vikuna. Ekki er hægt að kvarta yfir veðrinu sem var bara fínt, nægur snjór í brekkunum og snjóaði nokkuð oft þannig að færið var mjög gott, sem er höfuð atriðið.

Hyttan góða í Roabakken

Komum á laugardeginum um 5 leitið og þá var allt liðið frá Íslandi mætt í hyttuna (þessi vinstra megin á myndinni). Hyttan var alveg frábært og fór alveg ótrúlega vel um alla þá 15 sem gistu. Það helsta sem var hægt að kvarta yfir var að hún var í of brattri hlíð til að geta verið með börnin á snjóþotum eða skíðum. Restina af vikunni var svo skipst á að skíða, passa börn, snjóþotuferðir, eldamennsku og spila Trivial Pursuit.

Heimilislífið gekk mjög vel og var ansi fjölskrúðugt þegar öll börnin voru á fullu. Kári og Valdimar voru flottir saman þó svo að það hafi hellst uppá vináttuna einu sinni eða tvisvar. Svo var Guðrún flott með báðum frændum sínum, hvort sem hún var að leika við þá eða gera eitthvað annað.

Kári á skíðum í Hafjellet

Guðrún og Hera voru ótrúlega flottar á skíðunum sínum og duglegar að standa sjálfar á skíðum. Kári fékk svo að prufa skíðin hennar Heru og gekk mínum manni bara ótrúlega vel. Stóð í lappirnar og hafði gaman að renna niður barnabrekkuna. Kári fékk svo að fara nokkrar ferðir í alvöru brekkuna á bakinu á pabba sínum sem honum fannst mjög gaman.

Ekki var öll vikan tóm sæla því Anna ásamt tveimur öðrum lögðust í einhverja flensu pest. Þau misstu því út næstum þrjá daga, þó svo að þau öll hafi farið eitthvað út á skíði þessa daga. Kári var svo komin með gubbuna (eins og Guðrún frænka) þegar við vorum komin til baka og hefur átt mjög bágt síðan þá. Anna er ennþá veik og rétt í þessu bárust þær fréttir að ekki nóg með að hún sé búin að vera með hita, kvef og hósta þá bættist þessi umrædda gubbubest við allt saman, hressandi.

En samt gott að vera komin til baka úr skemmtilegri skíðaferð.

Skíðaferð til Lillehammer

Þá er loksins komið að skíðaferðinni til Lillehammer. Búinn að bræða ofan í skíðin og ættu þau að vera í nokkuð góðu standi, bíll búinn að fara í fokdýra smurningu og þá er bara að henda fötunum í töskuna og þá er allt tilbúið.

Á morgun verður ferðinni heitið í vikuferð til Hafjell sem er aðal skíðasvæðið "í" Lillehammer (15 km fyrir utan Lillehammer). Þar munum við hitta 11 manna hóp frá Íslandi og munum við gista í þessari hyttu sem er auðvitað í miðri hlíðinni. Held að aðstæður gætu ekki litið betur út, varðandi snjó og aðstæður í fjallinu. En svo er alltaf spurning hvað við verðum heppin með veður.

Svona til að gera skíðafólk öfundsjúkt þá er hægt að finna allar upplýsingar um Hafjellet hér:
http://www.hafjell.no/en/

Hafjell, her kommer vi...víííí

Duved

Eins og ég sagði frá fyrir helgi þá fórum við til Duved (Åre) í Svíþjóð um helgina. Nenni ekki alveg að útlista hvað var gert en ferðin var góð. Borðaður góður matur og drukkið gott vín. Anna skrifað góðan pistil um ferðina sem ég ætla að láta mér duga að copy/pasta-a hingað. Anna take it away...

Skelltum okkur til Sverige, nánar tiltekið Duved með þrem öðrum íslenskum fjölskyldum. Leigðum 4 hyttur/stuer/bústaði. Við fjölskyldan lögðum af stað á föstudaginn þegar Anna var búin í vinnunni, leifðum Kára reyndar að vera bara á leikskólanum meðan það var klárað að pakka og svo var brunað af stað um 3 leitið. Þegar við vorum komin yfir landamærin beið okkar snjór í Svíþjóð. Kom okkur frekar á óvart, vissum reyndar að það væri hvítt, en áttum ekki von á svona miklum snjó. Hann stoppaði reyndar ekki lengi og á laugardeginum var hann næstum allur farinn.

Krabbi eldaður á sænskan máta var á boðstólnum á föstudagskvöldinu og sænskar kjötbollur fyrir þau yngstu. Rosa góður matur og skemmtilegt að borða hann. Börnin voru svo sykruð upp til að þau gætu nú vakað í partýinu :) Kári skemmti sér alveg konunglega með öllum stelpunum og fór að sofa langt fram yfir hátta tíma 1.árs barna :)

Laugardagurinn var nýttur í að skoða aðeins Åre og versla ódýra hluti sem verða ekki nefndir á barnalandi... Liðið var nú eitthvað orkulaust á eftir skemmtilegt föstudagskvöld þannig að innkaupin voru nú ekkert glæsileg hjá liðinu.... hehe. Sænskt svín var svo á boðstólnum á laugardagskvöldinu og ekki má gleyma Subway sem var etinn í hádegismat :) Aðeins rólegra partý á laugardagskvöldinu og því þurftu börnin ekki eins mikinn sykur til að vaka, enda fengu þau að fara að sofa fyrr en kvöldið áður ;) Kári var reyndar svo þreyttur að hann sofnaði fanginu á mömmu sinni meðan spilað var Mr. and Mrs. (sem by the way við unnum....)

Sunnudagurinn fór svo í tiltekt í hyttunum og svo var verslaður matur í Ica Åre. Alltaf gott að fara til Sverige og spara smá peninge.

Oppdal 2007

Jón Haukur, Margrét og Guðrún komu í heimsókn hingað til Noregs í mars á þessu ári og við skelltum okkur öll á skíði í Oppdal. Hérna er smá myndband sem ég gerði um ferðina. Flott fyrir þá sem eru áhugasamir að kíkja til Noregs á skíði :)

Åre

Við fjölskyldan skelltum okkur til útlanda um helgina, nánar tiltekið til Åre í Svíþjóð. Ekkert voða langt en samt 162 km (skv Google). Búin að ætla að fara þangað í nokkur tíma en einhvernvegin aldrei farið. En nú skelltum við okkur þar sem vikan var nú búin að vera mjög svo róleg. Fyrir þá sem ekki vita er Åre "þekktur" skíðastaður, búin að vera nokkur stórmót þar þó svo ég viti nú ekki alveg hvaða mót.

Ekki vorum við heppin með veður því þegar lagt var af stað var mikið rok hérna í Þrándheimi (sem er óvanalegt) og einnig þegar við komum til Åre. Leiðin sjálf var falleg á köflum þó svo að stór hluti leiðarinnar hafi maður verið að keyra í trjágöngum (ef þið fattið hvað ég meina).

Gaman að koma í þennan skíðabæ en gáfum okkur ekki mikin tíma í að skoða bæinn vegna veðurs. Maður er orðinn of góður vanur þegar maður er farinn að kvarta yfir smá roki.

En núna getum við loks kallað okkur alvöru Norðmenn. Búin að fara yfir til Svíþjóðar í innkaupaleiðangur. 3 kg af kjúklingabringum, 3 svínalundir, 1 nautalund, stór skinka, beikon, ostur og ekki má gleyma áfenginu, 6 léttvín og kassi af bjór. Ágætis árangur þó svo að gróðinn hafi fokið í burtu þegar ég fékk stöðumælasekt fyrir að leggja bílnum fyrir utan húsið allan nóttina, alveg glatað.

En nóg í bili

Laugardagurinn góði...

Laugardagurinn síðastliðinn var mjög góður. Anna og Kári komu heim, Mamma og pabbi komu í heimsókn og Liverpool vann Arsenal 4-1. Hvað getur maður beðið um meir?

Það er annars búið að vera mjög gaman hjá okkur í Páskafríinu en ég byrjaði sem sagt í Páskafríinu á föstudaginn. Búið að gera margt: fara í bæinn, nokkra gönguferðir, skoðað útsýnið yfir Þrándheim, næsa nágrenni Þrándheims skoðað og svo í gær var farið til Røros sem er námubær sem er á heimsminjaskrá. Allt þetta var nú mjög gaman en dagurinn í dag fer ekki á topp 10 daga hér í Þrándheimi, 6 tíma búðarráp er ekki minn tebolli.

Liverpool í meistaradeildinni í kvöld en spurning hvor ég þurfi að leyfa liðinu að horfa á Kurt Wallender framhaldsmyndina... maður fær víst ekki að ráða öllu þó svo ég hafi nú náð að láta Jón Hauk og Margréti horfa á meistaradeildina þegar þau voru í heimsókn.

Skíðaferð til Oppdal

Jón Haukur, Margrét og Guðrún fóru heim til Íslands á miðvikudaginn eftir mjög skemmtilega viku heimsókn hérna í Þrándheimi.
Það fyrsta sem Guðrún gerði var að vilja faðm frá frænda sínum og kúrði sig hjá manni, ekki leiðinlegt að fá svona mótökur hjá litlu frænku. Þá var mjög gaman að fylgjast með Kára og Guðrúnu "leika" sér saman. Kári lét stóru frænku ekki vaða yfir sig og barðist fyrir sínu, þó svo að stóra frænka hans hafi nú haft yfirhöndina í flestum tilfellum.

Við fórum svo í skíðaferð til Oppdal frá föstudegi til mánudags. JHS var búinn að leigja íbúð alveg í einni skíðabrekkunni. Maður þurfti að labba ca. 10 m og þá var maður kominn í brekkuna.
Kynni mín við gönguskíði voru endurnýjuð á föstudeginum og eftir brösótta byrjun gekk ferðin vel. Á laugar- og sunnudeginum var svo skíðað og voru skiptst á að vera á barnavaktinni, þannig að allir komust á skíði. Á mánudeginum var svo tekinn stuttur skíðadagur þar sem við vorum búin að skila húsinu og því ekki með góða aðstöðu til að sinna tveimur börnum.

Oppdal er alveg frábært skíðasvæðið og ekkert smá gaman að komast loksins í almennilega aðstöðu til að stunda skíði. Veðrið um helgina var líka mjög gott en svo á mánudeginum var komið íslenskt rok og ekkert sérstakt skíðaveður.

Mjög skemmilegt heimsókn og ekkert smá gaman að komast aðeins í burtu á skíði. Nú tekur svo alvaran við og maður þarf að leggjast í bækurnar. En annars búið að vera gott frí hjá okkur einnig.

Sjó kajak

Svaka helgi!!! Það var farið á sjókajak á Stykkishólmi, skoðaðar voru eyjur og dýralíf á þeim, mjög gaman. Einnig var farið á listarsýningu á einni eyjunni, hversu menningarlegt er að mæta á kæjak á listasýningu?
Um kvöldið var farið að Ölkeldu á sunnanverðu Snæfellsnesi og gist þar. Það var svo engin ölkelda þarna, þornuð upp!!!
Á sunnudaginn var farið í göngutúr á Eldborg, mjög flott og svo var farið í klettaklifur í Gerðubergi.
Við ætluðum svo í náttúrulegan heitapott en þá var einhver bóndadurgur sem var búinn að setja einhverjar fáránlegar reglur!! Sem ég nenni ekki að fara útí!!
Þá var bara farið í venjulegan pott og brunað heim!!!!
Mjög góð helgi

SUMAR

Jæja núna er komið sumar og ætli maður fari ekki að reyna að skrifa eitthvað misgáfulegt hér á blogginu.

Það sem hefur verið að gerast er að horfa á HM, drekka bjór og vinna. Er þetta ekki yndilegt líf.

Núna er ég reyndar að hugsa um að fara að minnka drykkjuna aðeins, taka mér frí næstu helgi. Reyna að koma mér og konunni í ferðalag.

Annars gekk bara mjög vel í prófunum, náði öllum með glæsibrag, jíhúúúú!

Skíðaferð

Fór í skíðaferð til Akureyrar um helgina.

Veðrið var ekki nógu gott, þannig að á laugardeginum var farið á gönguskíði og svo skellt sér til Dalvíkur á skíði. Það var ekki nema 25 m/s í Hlíðarfjalli á laugardeginum.
Á sunnudeginum var gott veður niðri í bæ, en frekar slæmt upp á fjalli. Komst í tvær ferðir með Fjarkanum og svo bilaði hann og ég var fastur upp í lyftu í 30 mín í skíta kulda. Þá var restin af deginum tekin í diskalyftunni og svo brunað heim. Horft var á Lord of the Rings á leiðinni heim. Sem sagt svaka fjör.

Þórsmörk

Ég var að prófa að búa til þessa síðu!

Annars var svaka fjör um helgina. Fór upp í Þórsmörk í 30. afmæli til bróður míns Jóns Hauks, svaka fjör.