Í skóm drekans

Í skóm drekans var frumsýnd í gær. Auðvitað var ég á meðal frumsýningargesta, missi ekki af því þegar fína og fræga fólkið hittist. Vann miða á Radíó X og ákvað að kíkja á myndina fyrst að ég komst ekki í verkfræðibolta sökum meiðsla.

Allaveganna kom myndin mér bara nokkuð á óvart. Nokkuð fyndin og auðvitað koma Ungfrú Ísland.is stelpurnar mjög heimskulega út, ekkert nema gaman af því. Skil nú ekki af hverju allt þetta vesen með lögbann og framvegis var! Ekkert það merkilegt sem kom í ljós í þessari heimildarmynd. Þó svo að sumar stelpurnar koma illa út er það ekki það slæmt, skárra en þær sem voru með „blurað“ andlit allan tímann.
Fyndið að sjá keðjureykjandi uppreisnarsegg í Ungfrú Ísland.is. Ekki alveg tilbúin að leggja jafn mikið á sig og hinar stelpurnar. Hrönn var nokkuð góð og mamman var eiginlega skemmtilegust.
Ætla ekki að segja neitt meira um myndina. Veit samt ekki hvort ég hefði borgað mig inná þessa mynd, samt örugglega betra en margt annað sem er í boði í bíóhúsum landsins.

Matarklúbbur með meiru

Rosa mikið að gera um helgina.

Það var Matarklúbbur á föstudaginn, Gísli Herjólfs hélt hann. Hann var með steina steik og fondUUUU ( hvernig sem maður skrifar það!!!!!!!!!!!). Svaka fjör, svo var farið á Hús Málarans á eftir, ein pylsa og svo heim.

Laugardagur í þynnku
Fór svo í leikhús í gær. Hver er hræddur við Virgeníu Wolf ( eitthvað svoleiðis)
Óttaleg þvæla en samt alltaf gaman að fara í leikhús. Ég hafði nú aldrei áður verið á Litla Sviðinu í Þjóðleikhúsinu. Mér finnst nú að ÞJÓÐLEIKHÚSIÐ ætti að skammast sín yfir þessu sal. Ótrúlega lítill og ílangur salur þar sem leikararnir frussa og guppa yfir gestina.

Annars vann Liverpool um helgina og þá eru menn bara sáttir.
Later