fútball

Helgin var góð!
Fór í útskrift, spilaði fótbolta, horfði á fótbolta og slappaði af. Helsta afrek helgarinnar var að ég þreif bílinn sem hafði setið á hakanum ansi lengi.

Fyrir helgi fór ég og frúin í leikhús að sjá Viltu finna milljón. Alveg ágætis leikrit, smá pirrandi á köflum en einnig fyndið á köflum. Eggert Þorleifsson er algjör snillingur og var hann bestur svo lék Helga Braga leiðinlega ofleikna týpu.
Á maður að setja einkunn á þetta? Viltu finna milljón fær 6 Ö.

Allir aðal þættirnir eru að fara klárast og nú var það önnur sería af Lost. Til hvers er maður eiginlega að pína sig með að horfa á þessa þætti? Forvitnin ein saman lætur mann vilja fylgjast með þessu. Ef þú ert ekki byrjaður þá mæli ég með að þú sleppir því, kannski í góðu þegar serían er hætt og þá veistu ca. hvað mikla "vinnu" þú þarft að leggja í að horfa á þetta.

The Evolution of Dance

Það er gaman að dansa og þetta myndband getur gefið þér góða hugmynd um hvernig maður hefur litið út á dansgólfinu í gegnum árin.

Veisla

Það er fótbolta veisla í sjónvarpinu þessa dagana, HM fer ótrúlega vel af stað. Þá á ég við fullt af skemmtilegum leikjum og fult af mörkum. Mjög ánægður með mótið í alla staði, það sem komið er að minnsta kosti.
Ég er í tveimur tipp keppnum eins og ég hef áður sagt. Einni í vinnunni sem er eiginlega 1X2 keppni og svo einn í vinahópnum sem er meira svona 1x2 + markatala. Ég er allavega búinn að henda upp excel skjali sem fylgist með framgöngu okkar strákana og sett það á netið.
Hérna er staðan.
Ég er búinn að klikka á tveimur leikjum en annars haft alla hina rétta (þeas 1x2). En ég hef samt ekki verið að gera góða hluti í markatölunni og ennþá eftir að hitta á rétta þannig. En það kemur nú allt saman. Þetta er langhlaup en ekki spretthlaup eins og menn segja.

Maður lá nú ekki bara í fótbolta alla helgina en ég fór aðeins upp í bústað á laugardaginn og var það mjög gott enda langt síðan maður komst þangað.

Þá kláraði ég Prison Break í gær og jússímía ekkert smá spennandi. Var hræddur um að þættirnir væru að dala en það var ekki og alveg mögnuð sería staðreynd. Mæli eindregið með þessum þáttum.

HM

Ussss HM er að fara byrja eftir ca. 3 klst, djö hlakka ég til. Er í tveimur tipp leikjum, einn í vinnunni og einn í vinahópnum. Vill samt ekki birta spánna mína fyrr en mótið er hafið.

Þá vill ég benda mönnum á google talk ef þeir vilja tala við Gumma Sverris. Kópavogsbær er ekki búinn að loka á það. Þú verður samt að hafa Gmail til að skrá sig í þetta en það er ekkert mál því ég á 97 boðsmiða eftir. Þá er Gmail með 2732 MB geymslupláss á meðan hotmailið er með 2 MB eða er búið að hækka það upp í 25 MB.
Annars er google talk nú ekkert merkilegra en msn og býður reyndar uppá færri möguleika.

Þá vorum við strákarnir að steggja Hinna um helgina og var það mjög vel heppnað. Tan, Listflug, Fjórhjól, leikir, grill, bjór, sumarbústaður og 14 strákar. Þetta gat ekki klikkað.
Set samt ekki myndir inn fyrr en eftir brúðkaupið.

Til hamingju með afmælið

Til hamingju með afmælið pabbi. Pabbi er orðinn 56 ára og á afmæli á þessum merkis degi 06/06/06.
Þá er Bubbi einnig afmælisbarn og er með tónleika í Laugardalshöllinni af því tilefni, ég fer reyndar ekki á þá þó svo að það hefði örugglega verið gaman. Hlustaði samt á Bubba í vinnunni í dag.

Þá las ég skemmtilegt blogg hjá Sigmari í Kastljósi. Það er um Dr. Gunna syndrómið og er mjög skemmtileg pæling, þó svo að þetta sé nú ekki heilagur sannleikur.
Þeir sem ég þekki og eru með syndrómið eru þeir Árni Magnússon og Ægir Eysteinsson.

24 - Day 5

Kláraði síðustu tvo þættina af 24 í gærkvöldi, úff hvað þetta var skemmtilegt sería. Held svei mér þá að þetta hafi verið sú besta.
Lítið sem ekkert af svona frekar pirrandi persónulegum vandamálum og alveg ótrúlega góð "twists" á söguþræðinum. Þá lýst mér einnig vel á næstu seríu. Bless í bili Jack, sjáumst í haust.
Fyrir áhugasama þá á ég fyrstu tvær seríurnar af 24 á DVD diskum.

Annars held ég að 24 sé það besta sem í boði er í sjónvarpinu í dag. Þá góða við 24 er að vandamálin leysast og maður fær alltaf að vita í lokin hver er vondi kallinn og svona. Lost getur verið nokkuð pirrandi ef þetta ætlar að teygjast eitthvað endalaust áfram og einnig Prison Break.

Ég myndi segja að topp 5 listinn væri svona:
24
Prison Break
Desperate Houswives
Lost
Boston Legal

Þá er bara löng helgi framundan og ekkert nema gott um það að segja.

Jæja

TLC 10 - 3 Gimsó og kallinn setti eitt mark, þó svo maður hafi þurft að dúsa í vinstri bakverði allan leikinn. Svona er maður nú góður í fótbolta.

Annars bara farinn heim í dag og vonandi ég nái að plata Önnu í að klára 24...uss hvað þetta er spennó.

4 ára afmæli

Smá mont póstur...

Þá eru 4 ár liðin síðan ég hætti að borða nammi og drekka gosdrykki. Sumarið 2004 var reyndar smá undantekning á gosinu en það gerir ekkert til. Get nú alveg sagt að þetta er bara ekkert mál og mig langar mjög mjög sjaldan í nammi og gos.
Anna segir reyndar að ég drekki bara þeim um meiri bjór og borði meira snakk! Það getur svo sem vel verið en ég borða samt ekki nammi og drekk ekki gos :)

Ég sé ekki fram á að fara borða nammi í bráð enda tímir maður ekki að eyðileggja svona langt bindindi.

Til hamingju með það Örvar, takk takk

Helgin var:

Laugardagur:
Vinna í kostningunum, var í kjörstjórn í 6. kjördæmi í Kópavogsskóla. Alltaf gaman að merkja í kladdann.
Útskriftar/innflutningspartý hjá Stebba og Sillu. Mjög gaman en bæjarferðin mjög misheppnuð.

Sunnudagur:
Þynnka + að horfa á Lost, hvert eru þessir þættir að fara???

Úff hvað er gott að mánudagurinn sé að verða búinn, bæði spila og horfa á bolta í kvöld.

Bolti og Da Vinci Code

Það fór svo þannig að TLC vann sinn fyrsta leik í ár 3-1. Meira um það hér.

Þá fór ég í Fossvoginn í gær að sjá Víking taka Breiðablik í nefið, hrein hörmung að sjá mína menn spila svona illa. Gátu bara ekki neitt og ég er næstum því viss um að TLC hefði gert mun betri hluti í þessum leik. Dekkingar, sendingar, mótökur var eins og að horfa á 6 flokk. Úff þarna gerði maður sér grein fyrir því að þetta á eftir að vera erfitt sumar hjá Blikunum.

Skellti mér svo í bíó að sjá Da Vinci Code. Ég er búinn að lesa bókina en var samt mjög spenntur að sjá myndina. Var svona hæfilega langt síðan ég las bókin þannig að maður mundi hana ekkert 100% en nóg til að vita hvað gerðist næst.
Ég var búinn að heyra ekkert alltof jákvæða dóma um myndina og var því ekkert að gera mér of miklar vonir. Var samt ánægður með myndina, fylgdi söguþráðinum vel og kom öllu því helsta til skila. Leikararnir voru góðir, það eina var að Tom Hanks var kannski aðeins of töffaralegur fyrir Robert Langdon þeas ef Tom Hanks getur verið töffaralegur, hann hefði mátt vera í meiri svona nörda prófessor galla.
Da Vinci Code fær 8 Ö

Fótbolti og veður

Hvaða rugl er þetta með veðrið í dag! Það var 1°C á leiðinni í vinnuna í morgun og ekki nóg með það heldur rok líka, sem betur fer var ég búinn að ákveða að fara á bílnum í dag. Á svona "sumar"dögum er gott að vinna inni.

Þá er Utandeildin að fara af stað og fyrsti leikur stórliðsins TLC í kvöld. Leikurinn hefst kl. 21:00 á Tungubökkum í Mosó, allir að mæta á völlinn og styðja ykkar lið.
Verð nú að viðurkenna að ég hefði nú alveg verið til í betra veður svona þegar maður er að fara hlaupa um á stuttbuxum um 10 leitið á kvöldin. Enda búið að fresta mörgum leikjum í dag.

*****Smá Survivor spoiler hérna*****

Já ég horfi á Suvivor, það er eini raunveruleikaþátturinn sem ég horfi á, maður má hafa einn þannig til að horfa á.
Allavega var loka þátturinn í gærkvöldi var mér eiginlega alveg sama hvor keppandinn, sem komstu í úrslit, myndi vinna. Enda ættbálkurinn sem náði yfirhöndinni hver öðrum leiðinlegri. Það var bara Terry Captain America úr betri ættbálknum sem komst langt en náði aðeins í þriðja sætið.
Fyrir þá sem ekki vita var það Jóga gúrinn Aras sem vann.

Júróvision og nýjar myndir

Þá fór svo að þannig Finnarnir unnu Júróvision, ég var bara mjög sáttur við það enda hélt maður með þeim, fannst lítið varið í önnur lög.
Ívar hélt Júróvision partýið að þessi sinni og var það bara mjög vel heppnað. Hópurinn mætti og grillaði saman og svo var horft á keppnina og stigagjöfin, sumir fóru í bæinn og aðrir beint heim. Eins og sést á myndinni var mikið fjör á tímabili.

Þá eru nýjar myndir komnar inn á netið og hér má finna þær:
Júróvision
B.S. kynning hjá Önnu og Beggu

Svo er hægt að finna allar myndirnar á http://www.flickr.com/photos/orvars

Þá vann Breiðablik lélegt lið ÍBV 4-1. Blikarnir að gera góða hluti í deildinni og eru efstir með 6 stig 4 mörk í plús. Frábært.

Hjúkrunarfræðingurinn, næstum

Ég vildi óska Önnu til hamingju með glæsilega kynningu á B.S. verkefninu sínu "Hreyfing og næring 11-15 ára íslenskra skólabarna". Anna og Berglind (sem var með henni í verkefninu) voru með kynningu í Eirbergi og voru ca. 25 manns mættir til að horfa á þær. Þær stöðu sig frábærlega og er ég mjög stoltur af Önnu minni.

Nú er næstum því allt búið hjá henni, búin að fá úr öllum prófum en þær eiga eftir að leiðrétta ritgerðina eftir athugasemdir frá kennaranum og þá er þetta komið.

Þannig að bráðum getur Anna farið að kalla sig Hjúkrunarfræðing.

Aðeins af Júróvision...
Nú getur allt "I told you so" fólkið verið ánægt, Silvía Nótt komst ekki áfram eftir vægast sagt slæmar mótökur í Grikklandi.
Þessi keppni gæti allt eins heitið Balkanvision eins og Reynir talar um. Nú þurfum við bara bíða eftir að öll austan-evrópu löndin séu komin upp í aðalkeppnina og öll vestur-evrópu löndin í undankeppnina þá gætum við slysast til að komast í keppnina.

Ég var allavega ánægður með að við reyndum þessa leið, hún virkaði ekki og nú vitum við það.

Mæli svo með að fólk kíki á þennan þráð. Alveg meiri háttar umræða, fólk sem virkilega heldur að Ágústa Eva sé svona hrokafull og að þetta hafi verið raunverulegur fréttamaður sem var hent út af fréttamannafundinum.

Hérna er smá comment sem hún Haga skrifaði á þessu spjalli:
"Annaðhvort ertu svona óörugg lítið vesin, sérstaklega þar sem kærasti þinn svara fyrir þig þegar fréttamenn vilja tala við þig. Að láta kærasta þinn mæta fyrst á fréttamannafund og krefjast að engin horfi þig í augun! Ég meina pía góð, ertu ekki rétt".

Barca og Júró

Þá er Barcelona orðið Evrópumeistarar. Frábært að það var Barcelona sem tók við titlinum af Liverpool enda held ég með Barcelona í spænsku deildinni og það er svona "hitt" liðið mitt.

Dómarinn var reyndar að skíta á sig að leyfa ekki markinu að standa og gefa Lehmann bara gult. Arsenal menn geta nú samt varla mótmælt þessari ákvörðun, ætti frekar að vera Barcelona sem tapaði á henni, enda snýst fótboltu um að skora mörk.
Henry að rífa kjaft yfir dómaranum og að Barca hafi verið að dýfa sér, sá hann ekki Eboue dýfa sér til að fá aukaspyrnuna sem Arsenal skoraði úr, nei segi bara svona.

Var reyndar ekki sammála Hödda Magg um að Barca hafi ekki átt sigurinn skilin, þeir lenda bara í því að spila á móti 10 manna varnar múr og það getur verið ansi erfitt.

Svo er það Júróvison í kvöld, ætli Silvía komist áfram, ég held og vona það nú.
Það eru voða margir farnir að láta alla þá umfjöllun um hana fara í taugarnar á sér. Ég segi bara ekki lesa fréttirnar um hana á mbl og ekki horfa á kastljós, þá sleppir þú nokkurn vegin við þetta.

And my vote goes to...

Hjólað og Liverpool eru Evrópumeistarar

Þá er hjólað í vinnuna átakið búið. Ég náði að fara 224 km og tók þátt í 9 daga (af 10 mögulegum). Þetta gerir meðaltalið 25 km á dag sem er nú bara nokkuð gott miðað við að það eru bara 10 km fram og til baka heiman frá í vinnuna.

Ekki er alveg á hreinu hvernig hæða mótið (hérna í vinnunni) fór en við vorum allavega með flesta km eða 1.227 km talsins og eins og glöggir lesendur sjá er það um 20% af hjólaðri vegalengd á minni hæð. Línuhönnun endaði svo í 12 sæti í sínum flokki sem hlýtur að vera svindl, því við vorum lang best.

Þá er ég HIT meistari vorið 2006 og jarðaði þá keppni og varð "back to back" meistari (þeas tvö skipti í röð) því ég vann einnig haustið 2005. Ég fór auðveldlega í gegnum tímabilið og hélt efsta sætinu frá 5 umferð til loka.
En fyrir þá sem ekki vita er HIT, Hið Íslenska Tippfélag og samanstendur af 7 strákum sem voru saman í verkfræðinni.

Svo er það auðvitað meistaradeildin sem er í kvöld. Barcelona og Arsenal mætast og spái ég að Barca vinni en það verður tæpt. Eigum við ekki bara að segja 2-1, Henry skorar og svo setur Ronaldinho eitt og Messi kemur inná og skorar sigur markið.
Annars er ekki fræðilegur að þetta verið eins gaman og að horfa á Liverpool úrslitaleik því vanalega enda þeir 3-3 og svo framlenging og vító.
En ég vonast eftir góðu leik og drepst nú ekkert þó svo að Arsenal vinni enda ekki mikill Arsenal hatari (meira svona Manutd og Chelsea).

Liverpool eru Evrópumeistarar í smá stund í viðbót og á maður að njóta þess.