Hálf maraþoni lokið (1:37:09)

Eins og þeir sem hafa kíkt inná þessa síðu vita eflaust þá ætlaði ég í hálfmaraþon í Reykjarvíkur maraþoni Glitnis. Ég endaði á að hlaupa á 1:37:09 sem skilaði mér í 103 sæti skv. hlaupatíma en 117 í skottíma (þ.e. sá tími frá því að skotið reið af). En þar sem ég var greinilega of aftarlega þá duttu þarna nokkrir á undan mér.

Maður var mættur niður á Lækjargötu kl. 8:40 í morgun þegar skotið var af og öll hrúgan hljóp af stað. Enginn smá fjöldi og frekar asnalegt að hlaupa þegar svona margir voru á götunum. Var í smá vandræðum að taka framúr liði fyrstu 2-3 km og svo komst maður í góða ryðma. Svona eftir á passaði ég mig kannski of mikið að hlaupa ekki of hratt fyrstu 10 km því ég var á 49:21 (ætlaði að vera á 50 mín). Eftir þá fann ég að ég átti nóg af orku inn og fór þá að gefa aðeins í og taka fram úr fólki. Held að ég geti alveg ábyrgst það að það fór enginn fram úr mér eftir þessa 10 km. Svo var hlaupið út Sæbrautina út að Klepp í gegnum gáma svæðið við höfnina þar, án efa lang leiðinlegasti parturinn af leiðinni. Eftir að hafa hlaupið fyrstu 10 km á 5 mín/km þá fór ég næstu 5 km á ca. 4:30 mín/km og eftir ca. 15 - 16 km þá fór ég að gefa ennþá meira í og var farinn að hlaupa um 4 mín/km. Á seinstu 5 km rauk ég fram úr fólki eins og vindurinn og endaði svo með rosa spretti niður (upp) Lækjargötuna.

Frábært í allastaði, ekkert smá gaman að sjá hve mikið af fólki var komið að styðja hlauparana áfram (þó svo það hefði verið gaman að hafa sína eigin stuðningsmenn ;), smá kvart). En það er alveg á hreinu að ég mun reyna að komast í Reykjavíkur maraþonið árlega.

Þannig að nú verða hlaupa skórnir saumaðir á í vetur og maður hleypur eins og vindurinn í slabbinu.

Í lokin vil ég óska Reyni Bjarna Egilssyni til hamingju með að hafa náð alveg stórkostlegum árangri í maraþoninu. Hann hljóp á 2:57:03 og endaði í 3 sæti af Íslendingum. Flott að fá einn úr Kaldbak á pall :). En þetta er alveg frábært þegar maður hugsar til þess að hann byrjaði bara í ár að fara út að hlaupa (af einhverju viti). Ég mun kalla hann Reyni Pétur það sem eftir er...enn og aftur til hamingju.

8 maðurinn

Allt á fullu í kringum EM um helgina.

Fjölskyldan saman á landsleik Íslands og Slóvakíu.

Búinn að fara á alla þrjá leiki Íslands. Leikurinn á fimmtudaginn voru mikil vonbrigði þó svo að stemmningin hafi verið ótrúlega góð á leiknum. Alveg frábært að sjá allan stuðninginn sem Íslenska landsliðið fær hérna í Þrándheimi. Eins og leikmenn liðsins hafa sagt er þetta eins og að vera á heimavelli. Ekki leiðinlegt að fá að taka þátt í þessu.

Kári hress á EM í handbolta, lætur sitt ekki eftir liggja og klappar með.

Á laugardaginn var svo alvöru flugeldasýning, 16-5 í hálfleik. Kári kom með í þetta skiptið og skemmti hann sér bara nokkuð vel. Fannst reyndar skemmtilegast að sitja öfugt í sætinu og horfa á brjálaða stuðningsmenn hoppandi og öskrandi sitt lið áfram. Nenni nú ekki að fara út í einhverjar lýsingar á þessum leikjum því flestir vita nú hvernig okkar mönnum hefur gengið.

En eftir leik var farið heim og horft á Svíþjóð - Frakkland og bætt á sig nokkrum øl. Fórum svo niður í bæ á Monte Cristo og var þar mjög góð stemmning. Eiríkur Hauksson var að sjálfsögðu á staðanum og maður stóðst ekki mótið og fékk mynd af sér með kallinum (á eftir að fá hana senda frá Jóa). Hann tók bara vel í þetta og virtist nú ekkert vera of pirraður á fullum íslendingum. Þó svo að bærinn hafi verið fullur af fullum nýjum íslendingum þá héldum við Íslendingarnir sem búum hérna eiginlega hópinn og úr varð ansi gott djamm. Enduðum svo kvöldið á einhverju diskóteki sem var ekki alveg minn tebolli, eftir að hafa farið á klósettið týndi í ég öllum en tókst svo loksins að finna allt liðið í einhverju útskoti sem var svona bar innaf diskótekinu.

Ég og Finnur á Monte Cristo, aldrei getur maður verið eðlilegur á mynd...

Heilsan á sunnudaginn var svo eitthvað að stríða mér en maður náði að koma sér í gírinn fyrir leik Íslands og Frakka. Misstum Frakka alltof langt á undan okkur og stemmningin á pöllunum leið aðeins fyrir það. Síðsti leikurinn í mínum bókum.

Jói fær svo stóran blús í bókina fyrir að drullast niður á Monte Cristo og spila með engum öðrum en Eiríki Haukssyni. Við misstum reyndar öll af þessu en sá myndbrot sem Jói sést "rokka" með Eika.

Annars frábærri helgi lokið og Ísland komið í milli riðlana, sem verður spilaður hérna í Þrándheimi. Held samt að við höfum ekki efni á að kaupa okkar á restina af leikjunum, þetta er alveg fáránlega dýrt. Þannig að maður verður bara vera heima og horfa á þetta í sjónvarpinu.

Ísland og Örvar í Trondheim Spektrum í kvöld

Stórleikur Íslands og Svíþjóðar í kvöld í Trondheim Spektrum og að sjálfsögðu verður maður staddur á svæðinu til að styðja sína menn. Við erum meira að segja búin að fá pössun þannig að Kári þarf ekki að vaka langt fram yfir sinn háttatíma og hlusta á sveittar handboltabullur taka æðisköst. Einn leikskólakennarinn bauðst í gær að koma og passa þegar ég sagði henni frá því að við ætluðum á leikinn með unga manninn og því yðri hann nú örugglega þreyttur á föstudaginn. Ekkert smá gott að fá svona hjálp þar sem allar ömmurnar og afarnir eru nú heima á Íslandi.

En í þetta skiptið fer meður ekki illa sofinn með hnút í maganum niður í Trondheim Spektrum heldur með tilhlökkun. Trondheim Spektrum er nefnilega prófstaður þeirra í NTNU og er maður vanir að fara þangað til að taka sín próf. En ekki í þetta skiptið, maður er nú búin með þann pakka.

Það verður samt að viðurkennast að ég er nú ekkert mesta handbolta bulla í heiminum, en aftur á móti mjög spenntur fyrir þessu móti. Ekki alltaf sem handbolta landsliðið kemur að heimsækja mann til Þrándheims. Annars er Anna miklu meiri handbolta bulla heldur en ég, æsir sig alltaf miklu meira yfir handboltanum, á meðan ég er þessi rólegi. Verður fróðlegt að fylgjast með frúnni í kvöld, rjóða í kinnum og óskrandi eins og hún eigi lífið að leysa.
Þannig að allir að horfa á sjónvarpið í kvöld og sjá mig við hliðina á einni kolbrjálaðri bullu ;)

Evrópumótið í handknattleik

Hver vill koma í heimsókn í janúar 2008 til Þrándheims?

Nú er það komið á hreint að Ísland verður í D-riðli á Evrópumótinu í handbolta og fer sá riðill fram í Þrándheimi, frétt.

D-riðill, Þrándheimi:
Ísland
Frakkland
Svíþjóð
Slóvakía

Þannig að hver ætlar að bóka pláss í Þrándheimi 17. janúar?

TLC Golfmót og Djamm

Um helgina fór fram árlegt golfmót TLC, TLC-Closed, á Selsvelli á flúðum. Heppnaðist mótið með eindæmum vel í alla staði og enn léku veðurguðirnir við TLC, sól og blíða meðan leikið var á laugardaginn. Gist var í félagsheimili TLC að Flúðum sem komið hefur verið fyrir í göngufæri við golfvöllinn.

Úrslitin úr golfmótinu voru þessi :1.sæti Kiddi Túnfisksalat á 20punktum

2.sæti Ívar Helgadóttir á 16pkt

3.sæti Robert van Gaarg á 14 pkt

4.sæti Brynjar Kartöflub(p)oki 13pkt

Besta skor Robert van Gaar á 48 höggum

Flest birdie Davíð Örn Guðjónsson

Flestir týndir boltar Addi

Flest upphafshögg Hjalti á 7. braut

Flestar spurningar á hring Addi, Örvar fylgdi fast á eftir.

En rétt er að geta þess að Addi, Hannes og Örvar ákváðu að skella sér 18 holur og spiluðu á 78höggum sem er bara býsna gott en þar sem þeir spiluðu 18 holur duttu þeir úr leik í 9 holukeppninni.

Eftir mótið var haldið í félagsheimili Plöggerana og þar var slegið upp grillveislu með prumpi og pragt og að loknum snæðingi var síðan verðlauna afhending með tilheyrandi látum.

Dánarröð : Fyrstur varð Hjalti Gogo langt fyrir aldur fram og þykir þetta sæta nokkurra tíðinda þar sem Guðmundur Jájá hefur nú yfirleitt verið fyrstur manna til að deyja drottni sínum. Stutt seinna greip þó Guðmundur gæsina og gekk til liðs við Hjalta, sigri hrósandi eftir að hafa blásið á allar spár um að hann myndi verða manna fyrstur í dauðann. Ívar fylgdi kynbróður sínum úr Kópavoginum eftir í dauðann og afsannaði þar með að hann er ekki alltaf annar, nokkuð ljóst þykir að Ívar hefur eflaust ekki gert sér grein fyrir ástandi Hjalta og því hafi hann farið að hugsa sér til dauða og hert drykkjuna verulega fljótlega eftir að hann sá að Guðmundur var farinn. Það verður að geta þess að talsverður tími leið frá því að fyrstu tveir drápust þar til að keðjuverkunarinnar varð vart. Addi og Róbert voru á svipuðu róli og flýtti Robert sér það mikið að ná sínum stað í rúminu að hann sleppti því að æ** áður en hann fór inní dauðann, þessa ákvörðun fengu allir að vita nokkuð oft þegar hann reis upp frá dauðum. Þegar hingað var komið til sögunnar áttar Davíð sig á því að Hjalti,Addi og Robbi hafa hertekið gröfina hans og því ákvað hann að drekkja sér í öli. Eftir að hafa verið að tala um það sama í 6 klst gefst Örvar upp enda skrifaði hann undir dánarbeiðni um leið og hann hóf umræður um Hákon nokkurn. Kiddi greip tækifærið og át sig til dauða með túnfisksalatinu hans Róberts. Eftir voru því Fyrirliðinn og Hanskinn og nú voru góð ráð dýr öll grafir í félagsheimilinu fullar nema ein. Í ölæði sínu grípur Fyrirliðinn og kartöflupokinn til þess ráðs að röfla Hanskann til dauða í stað þessa að drekkja sjálfum sér og þar með hafði hann grafið sína eigin gröf.....



Frábær ferð og vel heppnuð í alla staði, fyrir ykkur sem misstuð af henni þá misstuð þið af RUGLINU EINA því að þetta var hrein og tær snilld............

TLC-ekkert venjulegt lið