Sumarbúðir fyrir skrifstofublókir

Það væri sniðugt að opna sumarbúðir fyrir skrifstofublókir sem eru fastir alla daga fyrir framan tölvuna. Fara með þá út úr bænum um helgar og senda þá í smá byggingarvinnu. Leyfa þeim að negla nagla og rífa.

Ég fór í mínar "sumarbúðir" upp í bústað um helgina. Skrýtið hvað það getur verið gott að komast aðeins í burtu frá internet sambandi og sjónvarpi og vinna í sveitinni. Við kláruðum að loka nýju viðbyggingunni og einangra veggi. Þannig að það styttist alltaf í að nýja viðbyggingin verði klár og svo vonandi í sumar kemur heiti pottur, þá verður gaman.

Annars hef ég lengi sagt að ég væri alveg til í að vinna við byggingarvinnu á sumrin. Það var alltaf gaman að rífa, naglhreinsa, skafa og steypa, enda var maður nú í þessu í ein 7 ár eða svon. Þó svo ég sagna þess ekkert ógurlega að fara út að skafa kl. 7:30 í jólafríinu. Kannski er bara ágætt að vera skrifstofublók.

Ég vitna því í einu bestu grínmynd seinni ára:
"PC Load Letter"? What the fuck does that mean?
Ein fyndnasta setning kvikmyndasögunar, allavega fyrir þá sem þola ekki prentara.

Tóndæmi vikunnar

Wolf Parade er hljómsveit sem ég er núbúinn að uppgötva. Hún er búin að malla í winamp-inum í vinnunni og var í toppsætinu á audioscrobbler hjá mér í síðustu viku. Snilldar band sem er Kanadískt og er búið að hita upp fyrir samlanda sína í The Arcade Fire.
Í tóndæmi vikunnar eru tvö lög af frumraun þeirra og heitir platan Apologies to the Queen Mary og kom hún út í september á þessu ári. Þannig að ég segi bara njótið:
Wolf Parade - Dear Sons and Daughters of Hungry Ghosts
Wolf Parade - Grounds For Divorce

Uppfært
Núna vikar þetta. Þurfið að smella á linkinn eða opin in new window...það vikar ekki að hægri smella og save as...

Örvína Jónsdóttir

Jebbý...þá er maður orðinn föður bróðir. Jón Haukur brósi og Margrét eignuðust litla stelpu á þriðjudaginn 4. okt kl. 22:56 og var stúlka 3370 gr. og 50 cm. Sem sagt lítil og mjó eins og pabbi sinn. Ótrúlega sæt og sver því sig svo sannarlega í ættina og mamma sagði meira að segja að hún líktist mér þegar Örlish var ungur. Ekki er það slæmum að líkjast segi ég nú bara...
Ég þarf varla að útskýra hver er hvað á þessari mynd?

Annars vil ég líka óska Kidda Hö (Önnu bróðir) til hamingju með afmælið, stráksi er 26 ára í dag og er hann því velkominn í góðra manna hóp.

Tónleikar og bústaður

Tónleikarnir með Emiliönu Torrini voru ótrúlega góður. Tók flest lögin af nýju plötunni og nokkur gömul. Hún talaði mikið um lögin og ein skemmtilegasta sagan var um þegar hún var í Þingó og var með Kalla Krókrassa sem var þá trommarinn í Sororicite (hvernig skrifað?), nenni samt ekki að þylja hana upp hér.
Þetta finnst mér eitt besta lag Emiliönu, það er af plötunni Love in the Time of Science en ég byrjaði að "fíla" það eftir að ég heyrði það í þessari útgáfu. Þetta var líka eitt besta lagið á tónleikunum í gær.
Emiliana Torrini - Tuna Fish (Live at Hamburg)
Þá var trúbadorinn Þórir einnig góður og alveg á hreinu að maður þarf að redda sér einhverju með honum.

Þá mætti hitt liðið ekki í leikin í gær þannig að úr var bara létt æfing og 3-0 sigur.

Þá verð ég bara að benda á þennan link. Þetta finnst mér fyndið. Annars er ég að taka Crouch í sátt. Var aðeins að skoða tölfræði á þá skoraði hann t.d. meira en Drogba fyrir Chelsea, Baros fyrir Liverpool og einu marki minni en Rooney fyrir manutd. Þá er bara vona að hann hafi ekki verið one hit wonder...

Svo verður það sumarbústaðurinn í Svarfhólsskógi um helgina og ætla góðir gestir að fjölmenna og fara í golf, sund, boccia, grill og spil...verður eflaust mjög gaman ef spáin stendur við stóru orðin...

Nýjar myndir

Var að setja inn nýjar myndir af Blikaballinu. Við hittumst nokkrir gamlir '79 Blikar í V15 til að fagna glæstum árangri Blika í sumar. Eftir það var svo farið á Blikaballið með Á móti sól sem ótrúlegt en satt var ekkert smá gaman.
Hérna er linkur á myndirnar: Blikaball
En hérna eru tvær góðar...

Bræðurnir Kiddi, Hákon og Gummi Sverris á Blikaballinu.

Stebbi, Atli og Gísli í miklu stuði á dansgólfinu.

Þá er alveg snilldar helgi lokið og vinnuvikan byrjuð með “bangó” blíðu. Ég og Anna fórum upp í bústað á föstudaginn og vorum endalaust lengi að komast út úr Mosfellsbæ. En loksins þegar það hringtorg var búið þá komast maður á skrið og flaug í gegnum Hvalfjörðinn í engri umferð og glampandi sól.

Á laugardeginum mætti svo góður hópur og var stefnan tekin á Þórisstaði í golf. Stefán Karlsson vann golfmótið á 42 höggi og í öðru sæti var svo ég sjálfur á 51 höggi. Gísli (55), Kiddi (58) og Gummi Sverris (59) voru svo seinastir. Þá vann Anna kvenkyns mótið og Silla kom stutt á eftir. Ekki má gleyma Kristófer sem “vann” ungliða mótið og Emblu sem “vann” hundamótið. Enda vorum við í ekkert smá flottu holli. Ég og Anna með hund og Stebbi og Silla með Kristó í barnavagni. Ekki oft sem þú sérð það á golfvellinum.

Eftir golf var svo farið í sund á Hlöðum og svo beint upp í bústað aftur að grilla.
Það var svo gott veður að allir borðuðu úti á palli og vorum menn berir á ofan mestan tíman. Eftir matinn var svo þrautskipulagt Bottcia mót þar sem Guðmundur Sverrisson fór með sigur af hólmi. Um klukkan 10 var svo farið inn í bústað og spilað actionary þar sem bræðurnir ógurlegu Gummi og Kiddi fóru með sigur af hólmi eftir að hafa spilað mjög alvarlega. Gummi að banna Kidda að fá sér meiri bjór og svona. En svo fór fólk eitt af öðru í hátt þegar umræður kvöldsins voru komnar út í mjög gáfulegar umræður.

Á sunnudaginn var ekki alveg jafn gott veður en var á laugardeginum en alveg nokkuð gott samt. En dagskráin var svipuð þar sem allir fóru í golf með aðeins lakari árangri og einnig nú með einum hundi meira, því Katrín kom með sinn hund, og eftir það var svo farið í sund og brunað heim eftir frábæra helga og frábært veður.

Ég lofa að myndirnar koma inn í kvöld ef ég fæ þær frá Víðigrundarbræðrum.

Sumar

Þá er loksins komið sumar. Búið að vera frábært veður í vikunni og þá er maður nú skyldugur til að rífa sig upp af rassgatinu og gera eitthvað.

Ég og Kiddi fórum í golf í staðinn fyrir að horfa á Liverpool spila við TNS. Það var ekki slæm ákvörðun því veðrið var vægast sagt frábært. Tókum einn hring á Ljúflinginum og spilaði ég mitt besta golf í sumar. Ég fór völlinn á 44 höggum og Kiddi á 47, þannig að ég vann, hehehe. Annars er þetta lítill bar þrjú völlur þannig að ekki misskilja höggfjöldann.

Svo í gær var það línuskautar í Kópavogsdal, hvar annarsstaðar? og bolti um kvöldið. Svona á sumarið að vera.

Annars eru stórliðið TLC að spila í kvöld í Árbænum og vænti ég að sjá alla þar...

Þá er ég líka að fara á tónleika með Emiliönu Torrini í kvöld á Nasa og í tilefni þess er hér eitt tónleika lag með henni.
Emiliana Torrini - Heartstopper (Live At Hamburg)

Mercury tilnefningar

Hérna er listinn með Mercury tilnefningunum, ég raðaði hljómsveitinum upp eftir mínu mati á besta diskinum, ekkert heilagt samt.
Bloc Party – Silent Alarm
Coldplay – X&Y
Antony And The Johnsons – I Am A Bird Now
Kaiser Chiefs – Employment
The Go! Team – Thunder, Lightning Strike
KT Tunstall – Eye To The Telescope
Maximo Park – A Certain Trigger
Hard-Fi –Stars Of CCTV
MIA – Arular
The Magic Numbers – The Magic Numbers
Seth Lakeman – Kitty Jay
Polar Bear – Held On The Tips Of Fingers
Þær hljómsveitir sem ég hef heyrt eru allar mjög góður. Hef ekki heyrt í The Magic Numbers, Seth Lakeman og Polar Bear.
Besti diskurinn að mínu mati er Bloc Party. Frábær diskur og er Bloc Party í efsta sæti á autioscrobbler listanum mínum. Coldplay diskurinn mjög góður eins og einnig Antony sem var nú á Nasa í seinustu viku. Þá mæli ég með samt að fólk tékki á Kaiser Chiefs, annars skýrir listinn sig sjálfur. Búinn að heyra nokkur lög með Hard-Fi og eru þau mjög góð. Annars bara nokkuð ánægður með þessar tilnefningar.

Þá var Liverpool að kaupa Peter Crouch frá Southampton á 7 milljónir punda. 7 MILLJÓNIR??? Er ekki allt í lagi, var Owen ekki seldur á 8? Kom mér reyndar á óvart að Portsmouth keypti hann á 5 millur. Ekki ánægður með þessi kaup og djöfull vona ég samt að hann eigi eftir að verða okkar Koller.
Þetta hlýtur að þýða endalok Baros hjá Liverpool.

Frábært að vera vinna inni í dag...er alltaf að átta mig betur og betur á því að maður eigi bara vera í byggingarvinnu á sumrin.

Weekend at Bernie's XI

Alveg ágætis helgi þrátt fyrir að fara ekkert út úr bænum né niður í bæ...

Náði að torga nokkrum myndum um helgina. Fyrst var það Shark Tale. Ágætis mynd þó svo hún eigi ekki mikið í myndir eins og The Incredibles og Shrek.
Shark Tale fær 7 Örlish!
Fór á laugardaginn í bíó í fyrsta skipti í langan tíma en þá sá ég Mr. and Mrs. Smith og fannst mér hún bara nokkuð góð, kom mér svo lítið á óvart hversu góð hún var. Fyndin og spennandi þó svo að grínið hafi nú verið betra en spennan. Ekki skemmir að Jolie er nú alveg þokkalega...
Mr. and Mrs. Smith fær 7,5 Örlish!
Þá sá ég einnig Hitch og var hún einnig fínasta mynd. Kevin James góður (Doug í Kings of Queens).
Hitch fær 7 Örlish!

Þá náði ég loksins að kaupa mér "sumar" jakka þegar sumarið er meira en hálfnað eftir mikla leit allt sumarið...til hamingju með það...takk

Hins vegar gekk ekki nógu vel í boltanum um helgina og datt TLC út úr bikarnum með 2-1 tapi á móti Melsteð...ekki nógu gott það.

The Postal Service

Held reyndar að það sé enginn að download-a þessu en allaveganna er hérna er næsta grúbba.

Þetta eru lög með hljómsveitinn The Postal Service sem eru frægastir fyrir lagið sitt Such Great Heights sem er jú mjög gott lag en ég hef reyndar ekki heyrt það hérna á Íslandi en það er mjög vinsælt á netinu.
Svo er það Against All Odds sem er gamalt Phil Collins lag það er í myndinni Wicker Park.
The Postal Service - Such Great Heights
The Postal Service - Against All Odds (Phil Collins Cover)
Mæli með að þið náið ykkur í þetta.
Ég uppgötvaði þetta lag í gegnum audioscrobbler sem er snilld fyrir þá sem vilja fylgjast með því sem þeir eru að hlusta á og einnig kynnast nýrri tónlist.

Þá var Egill Einars aka. Gillzenegger í Ísland í dag til að fræða fólk um Metró menn...alveg magnaður að þessi maður hafi verið svona 40 kg fyrir innan við 10 árum og nú er annar upphaldleggurinn svipað þungur. Hérna er þetta.

8000?

Verður maður ekki að henda bjór á nr. 8000, ég held það...

Hefðbundinn sönnun dugar...

Clap Your Hands Say Yeah

Þá er komið að fyrsta mp3 blogginu. Ég ætla að byrja á hljómsveit sem heitir Clap Your Hands Say Yeah og var að gefa út plötu með sama nafni. Hún fékk alveg frábær dóma hjá Pitchfork.

Þessi grúbba kemur frá New York og spilar indie rokk, ef einhver veit um góða þýðingu á þessu orði má hann láta heyra í sér.

Hérna eru tvö lög af plötunni, það þarf að smella á linkinn, ekki nóg að gera "save as".
Clap Your Hands Say Yeah - Details Of The War
Clap Your Hands Say Yeah - Let The Cool Goddess Rust Away

Jæja vona að þetta virki og endilega látið vita ef ykkur finnst þessi grúbba skemmtileg.

Kveðja Öbbi Indie

Emiliana Torrini

Emiliana Torrini er með tónleika á Nasa á fimmtudaginn eftir viku, þeas 21. júlí, og ætli maður verði nú ekki að kíkja á þá. Svona útaf því hún er Kópavogsbúi og bjó nú við hliðina á Ömmu í Skólagerðinu :). Er búinn að ná í tónleika og stöff hér til að undirbúa tónleikana. Þarna er tónleikar bæði mp3 og einnig video af heilum tónleikum. Einnig svo stutt heimildarmynd um gerð Fisherman's Woman og annað góðgæti.
Mæli með að þið kíkið á þetta. Þetta er reyndar erlent niðurhal en samt góður undirbúningur ef þið ætlið á tónleikana.

Annars er svo Liverpool að byrja tímabilið með Evrópuleik á móti TNS og næ ég vonandi að horfa á fyrri hálfleik áður en ég fer sjálfur í tuðruspark. Ekki vanur því að fótboltasjónvarpsglápið byrji svona snemma á sumrinu. En það er bara fínt.

Breiðablik

Tónleikarnir í gær með Antony and the Johsnons voru mjög góðir þó svo að ég sé svekktur yfir útgáfunni af "For Today I Am A Boy", útgáfan á plötunni er mun betri. Annars voru mörg góð lög og gott "spuna" lag um að hann hafi verið Cavewomen í fyrra lífi. Mjög fyndið þó svo að sumir hverjir hafa nú hlegið full mikið, samanber nördið við hliðina á mér, en ekki Anna sko.
Þá var fína og fræga fólkið að sýna sig og sjá aðra þarna og voru Mugison, Hildur Vala og Páll Óskar þar á meðal. En góðir tónleikar og mæli ég með nýju plötunni hans "I Am a Bird Now" og einnig eldri plötunni.

Þá gerðu Breiðablik og hk 1-1 jafntefli og eru hk menn eitthvað óánægðir með það. Þá sýnir gulli markmaður hk mikinn þroska og segir að hk hafi tapað stigum á móti miðlings fótboltaliði. Ef Breiðablik er miðlungsfótboltalið með 23 stig efst í fyrstu deildinni ósigraðir, hvað er hk þá þegar þeir eru með 10 stig?

Kveðja Örlish and the Johnsons...

Antony and the Johnsons

Þá er maður kominn aftur eftir smá frí í kringum landið. Mjög gaman að ferðast um Ísland og hvet ég alla til að gera það. Ekki alltaf horfa til útlanda.
En búinn að vera vinna í myndunum sem ég tók í ferðinni og loksins búinn að því. Set það inná síðuna einhver tíman bráðlega. Annas ætla ég einnig að koma með smá ferðasögu, bara svona fyrir mig til að eiga í minningunum.

Annars er það Antony and the Johnson tónleikarnir í kvöld og Hudson Wayne sem hita upp. Búinn að hlakka mikið til að fara á þessa tónleika enda mjög góðir diskar hjá honum. En veit því miður bara mjög lítið um Hudson Wayne. Á bara eitt lag með þeim.

Þá ætlaði ég að reyna að byrja á svona mp3 bloggi en síðan sem ég ætlaði að vista lagið á er eitthvað að klikka, enda svona ókeypis dót, þannig að það verður að bíða betri tíma. Ef einhver á gott pláss sem ég get vistað lög á má hann/hún endilega láta mig vita.

Örlish and the Johsnons biður að heilsa...þó að ég sé nú ekki klæðskiptingur.

og Ívar haltu þú bara kjafti.