Vormaraþon FM 2019 - 1 & 2 sætið

Var mættur hjá Rafstöðinni í Elliðaárdal kl. 7:40 á laugardagsmorgun. Fáir hlauparar mættir og stemningin afslöppuð. Spjallaði aðeins við mannskapinn áður en ég hitaði smá upp og fór svo að gera mig til. Veðurspáin var ágæt, átti að vera smá rok úr austri um morguninn og svo lægja eftir því sem leið á daginn, það var samt nokkuð meira rok nærri höfuðborgarsvæðinu og því var maður með varann á. Það var ekki mikill vindur við startið sem plataði mann nokkuð en hafði skoðað veðurstöð við Reykjavíkurflugvöll sem sagði 3 m/s kl 7 og 7,5°C, sem sagt allt í toppmálum.
Ég ákvað að vera í compression stuttbuxum og háum sokkum, í þunnum langermabol og venjulegum bol yfir langerma. Fékk hælsæri af Adidas maraþon skónum mínum á æfingu fyrir mánuði og hafði því ekkert hlaupi í þeim, ákvað því að vera í Nike Pegasus skóm sem mér finnst mjög góðir. Fékk mér 1 GU gel ca. 10 mín fyrir start og var búinn að drekka ca. 500 ml af GU blönduðum orkudrykk.

Var búinn að taka mikið af gæða æfingum á bretti og þegar nær dróg hlaupi þá fannst mér ég ekki alveg vera í formi til að hlaupa á 3:55 pace-i sem er maraþon tími uppá ca. 2:45. Setti því miðið frekar á ca. 4:00 pace sem gefur maraþon tíma undir 2:50. Ætlaði samt ekki að festa mig á neinum hraða heldur frekar vinna eftir púls og tilfinningu svipað og ég gerði 2016. Þessi hlaupaleið er nokkuð berskjölduð fyrir vindi og oft mjög mikill vindur í kringum flugvöllinn og því erfitt að hlaupa á jöfnum hraða. Sigurjón Ernir var með svipaðar pælingar með tíma og ákváðum við að rúlla saman af stað og sjá hvernig þetta myndi þróast.

Við startið (mynd Félag maraþonhlaupara)

0 km - 5 km (Rafstöð-HR)
Um 35 hlaupara voru mættir á startlínuna. Búið var að breyta byrjuninni á hlaupinu aðeins, startið og endamarkið var komið hjá nýju brúnni sunnan við Rafstöðvarhúsið. Fín breyting, maður byrjar 200m frá markinu þannig að km merkingar virka réttar. Við förum svo af stað kl. 8:00, ég og Sigurjón tókum strax forustu, Birgir Már ætlaði undir 3 klst ásamt nokkrum öðrum sprækum hlaupurum sem komu í kjölfarið. Fyrstu km voru frekar auðveldir í meðvindi og ég og Sigurjón vorum smá á spjallinu og fannst mér eðlilegt að hlaupa aðeins hraðar í meðvindi til að eiga fyrir hægari km á bakaleiðinni í mótvindi. Tilfinningin var líka góð og púlsinn í góðum málum. Vissi að ég væri í lagi ef ég myndi halda mér í kringum 150 - 155 í púls. Fengum mér 1 vatnglas við drykkjarstöðina við HR.
km -  tími  - púls
1 km - 3:51 - 152
2 km - 3:56 - 155
3 km - 3:51 - 154
4 km - 3:53 - 153
5 km - 3:56 - 155
Fórum í gegnum 5 km 19:27 (3:53 min/km)

5 km - 10 km (HR-Ægissíða)
Héldum áfram og allt frekar þægilegt, smá spjall og tilfinning áfram mjög góð. Oft furðulega mikill munur á að hlaupa á ca. 150 púls á æfingum og í keppnum. Eitthvað sem maður telur vera erfið æfing á 150 í púls finnst manni þægilegt í keppni þegar maður hefur náð að hvíla smá og í keppnis umhverfi. Maður fann þegar við vorum að kára 7 km og við tókum smá lúppu við Nauthólsvík að það væri nú meiri vindur en við höfðum gert okkur grein fyrir, tilfinning var að það væri logn úti en líklega var það útaf því að við vorum í meðvindi. Héldum svo áfram út fyrir flugvöll og áfram út að Ægissíðu.
km -  tími  - púls
6 km - 4:00 - 153
7 km - 3:56 - 153
8 km - 3:54 - 150
9 km - 3:58 - 150
10 km - 3:58 - 150
Fórum í gegnum 10 km á 39:23 eða 5 km á 19:46 (3:57 min/km)

10 km - 15 km (Ægissíða-snú-Nauthólsvegur)
Fékk mér 1 GU gel fyrir snúningspunktinn og sömuleiðis 1 vatnsglas að drekka. Snérum svo við þegar við vorum komnir á enda Ægissíðu eftir ca. 10,7 km og þá fann maður að mótvindurinn var heldur meiri en maður vildi en héldum ágætlega hraða þrátt fyrir það. Þegar við vorum að nálgast flugvöllinn þá fórum við að skiptast á að leiða í gegnum vindinn sem hjálpaði talsvert en hraðinn datt niður í mesta mótvindinum við flugbrautarendann og var því gott að beygja frá Nauthólsvík í átt að Loftleiðum til að fá frí frá mótvindi.
km -  tími  - púls
11 km - 4:02 - 150
12 km - 3:57 - 154
13 km - 4:02 - 152
14 km - 4:09 - 147
15 km - 4:02 - 152
Fórum í gegnum 15 km á 59:40 eða 5 km á 20:12 (4:02 min/km), hraðinn búinn að detta niður í mótindinum eins og við var búist eins og pace í 13, 14 og 15 km sýna. Vindurinn var 6 m/s og fór upp í 11 m/s í hviðum.

15 km - 20 km (Nauthólsvegur-Fossvogsskóli)
Héldum áfram að rúlla vel og náðum hraðanum aftur upp framhjá HR og að Fossvogi. Fékk mér vatn og powerade á drykkjarstöðinni við HR. Duttum aftur í mótvind þegar við komum framhjá kirkjugarðinum og sömuleiðis var leiðinlega mikill vindur í Fossvogi, en við vorum ekkert að streða of mikið í mótvindinum og rúlluðum þetta bara vel þó svo maður missti aðeins hraðann niður.
km -  tími  - púls
16 km - 4:00 - 153
17 km - 3:57 - 152
18 km - 3:59 - 153
19 km - 4:01 - 153
20 km - 4:03 - 153

20 km - 25 km (Fossvogsskóli-snú-Kirkjugarður)
Hraðinn aukinn að snúningspunk, fékk mér 1 gel fyrir snúningspunkt og smá vatn og powerade. Hraðinn datt þá aðeins niður bæði við snúning og einnig er smá uppímóti upp í Fossvoginn. En þá tóku við mjög fínir 3km að Kirkjugarðinum með meðvind í bakið og rúllað auðveldlega með púls í fínu standi.
km -  tími  - púls

21 km - 3:54 - 152
22 km - 4:04 - 152
23 km - 3:54 - 152
24 km - 3:52 - 151
25 km - 3:53 - 150
Fórum í gegnum 25 km á 1:39:27 eða 5 km á 19:37 ( 3:55 min/km). Gekk mjög vel á þessum hluta.

25 km - 30 km (Kirkjugarður-Skerjafjörður)
Áfram héldum við góðum hraða og sömuleiðis var púlsinn mjög rólegur og því "leyfilegt" að fara aðeins hraðar. Vatn og powerade við HR þó svo maður drekki mikið úr þessum glösum þá telur þetta að fá smá vökva í sig, hægði svo aðeins á mér þar sem Sigurjón fékk sér smá meira að drekka á drykkjarstöðvunum. Þegar við komum aftur að Nauthólsvík þá fann maður að vindurinn var frekar að bæta í frekar en að lægja eins og veðurspáin gaf til kynna fyrst.
km -  tími  - púls

26 km - 3:59 - 151

27 km - 3:55 - 151

28 km - 3:57 - 150

29 km - 3:52 - 149

30 km - 3:56 - 149

Fórum í gegnum 30 km á 1:59:11 eða 5 km á 19:39 (3:55 min/km) síðustu km mjög jafnir.

30 km -35 km ( Skerjafjörður-snú-Nauthólsvík)

Tók annað gel rétt fyrir snúningspunkt, snérum við í ca. 31,7 km og þá fengum við vindinn beint á móti okkur og það tók strax meira á en við héldum samt hraða sæmilega. Voru því rúmlega 3 km af mótvindi, mesti vindurinn var svo við dælustöðina og flugbrautarendann að Nauthólsvík. Strax við snúningspunkt fórum við að mæta öðrum maraþon hlaupurum, þá sá maður að Birgir Már var kominn í 3 sætið og svo Freyr í 4 sætinu. Alltaf gaman að mæta öðrum hlaupurum í keppninni og hvetja og fá hvatningu. Þessa þrjá km tóku við svo aftur samvinnu með að brjóta vindinn.

km -  tími  - púls

31 km - 3:54 - 150

32 km - 4:02 - 149

33 km - 4:01 - 151

34 km - 4:05 - 153

35 km - 4:02 - 151

Fórum í gegnum 35 km á 2:19:20 eða 5 km á 20:04 (4:00 min/km)

Stuttu eftir snúning í ca. 32 km (mynd Geir Ómarsson)

35 km - 40 km (Nauthólsvík-Fossvogur)

Gott að fá frí frá vindum og klára 35-36 km og enginn veggur ennþá, allt mjög jákvætt og þarna datt maður í gærinn og fór að rúlla vel þegar við fórum að mæta öllum í hálfu maraþon-i, mikil hvatning frá öllum sem við vorum að mæta frá Nauthólsvík að HR og að Kirkjugarðinum, þá tók aftur við mótvindur 39 km og 40 km. Tók líka 1 gel fyrir síðustu drykkjarstöðina við HR og fékk mér svo vatn og powerade. Mjög jákvætt að vera bara smá stífur en orkan var mjög góð og því engar áhyggjur að rúlla í mark þegar maður var kominn þetta langt.

km -  tími  - púls

36 km - 4:01 - 152

37 km - 3:56 - 152

38 km - 3:56 - 152

39 km - 4:04 - 151

40 km - 4:01 - 153

Kláruðum 40 km á 2:39:23 og þá sá maður að við værum alltaf að fara undir 2:50 eins og markmiðið var, þó svo að ef eitthvað smávægilegt kæmi uppá. Kláruðum þarna 5 km á 19:58 (3:59 km/klst)

40 km - 42,2 km (Fossvogur-Rafstöð)

Vorum þarna komnir inn í Fossvog og ennþá að rúlla vel, fyrst við vorum þarna ennþá saman þá spyr ég Sigurjón hvort við eigum ekki bara að rúlla saman alla leið. Vorum báðir meira að horfa á þetta sem æfingu frekar en kepnni og erum sömuleiðis að fara keppa saman eftir 6 vikur og því var ekki stemning í því að fara í einhverja dauða keyrslu í lokin. En Þarna var nú meiri mótvindur en maður hefði viljað en líka mjög lítið eftir og því bara gaman að rúlla þarna og hægt að rólega eftir því sem var nær í markið juku við hraðann.
km -  tími  - púls
41 km - 4:01 - 156
42 km - 3:49 - 156
42,2 km - 1:17 - 159
Komum í mark á tímanum 2:48:36 og leiddumst í mark þannig að það færi ekkert á milli mála að við værum saman í 1. og 2. sæti.

Ég og Sigurjón Ernir að koma saman í mark (mynd Simona Vareikaitė)

Sigurjón Ernir og ég í 1. og 2. sæti og svo Birgir Már í 3. sæti (mynd Félag maraþonhlaupara)

Var bara mjög góður eftir að ég kom í mark, þegar maður fór að kólna var maður svo fljótur að fara og skipta um föt. Gaman að vera í marki þegar fólkið fór svo að tínast í mark. Flott hjá Bigga að fara undir 3 klst og vera í 3. sæti. Eftir að hafa komð smá næringu í kroppinn var svo brunað heim og svo á hendboltamót á Selfossi með miðjuna mína.

Búnaður:
Skór: Nike Pegasus 34
Sokkar: CW-X compression sokkar
Buxur: CW-X compression buxur
Peysa: CW-X léttur hlaupa langerma bolur
Bolur: Inov-8 hlaupa bolur

Næring:
5 GU energy gel. 1 fyrir hlaup og svo 4 í hlaupinu.
Drakk á hverri vatnsstöð vatn og orku þar sem það var í boði.

Þakkir:
Félagar maraþonhlaupara fá bestu þakkir fyrir að halda úti þessari hlaupa seríu, frábært að það sé í boði að hlaupa alvöru maraþon bæði að vori og að hausti á Íslandi. Þá var einnig brautarvarsla og merkingar alveg til fyrirmyndar fannst mér og sömuleiðis góðar drykkjastöðvar, ekki hægt að biðja um meir.
Sömuleiðis fær fjölskyldan mín ævinlega þakkir fyrir að þola æfingar í tíma og ótíma.

Bestu erlendu lög ársins 2018

Þá er komið að bestu erlendu lögum ársins 2018. Árið sem ég uppgötvaði Drake en allt annað er mikið bland í poka.

1. Drake - Nice For What
2. The Weeknd, Kendrick Lamar - Pray For Me
3. Young Fathers - In My View
4. Asaf Avidan - The Study On Falling
5. A$AP Rocky - Praise The Lord (Da Shine)
6. John Mayer - New Light
7. Vance Joy - Lay It On Me
8. Kendrick Lamar, SZA - All The Stars
9. Cardi B - I Like It
10. Lady Gaga, Bradley Cooper - Shallow (A Star Is Born)
11. Nathaniel Rateliff & The Night Sweats - You Worry Me
12. Hozier - Nina Cried Power - edit (featuring Mavis Staples)
13. Tom Odell - Half As Good As You (feat. Alice Merton)
14. Post Malone - Better Now
15. Ramz - Barking
16. Dynoro - In My Mind
17. Calvin Harris - One Kiss (with Dua Lipa)
18. MØ - Sun In Our Eyes (Don Diablo Remix)
19. Villagers - A Trick of the Light
20. MGMT - Little Dark Age
21. Lord Huron - When the Night is Over
22. Big Red Machine - I Won't Run From It
23. St. Paul & The Broken Bones - Apollo
24. The Tallest Man On Earth - An Ocean
25. Santigold - Run the Road
26. Kanye West - All Mine
27. First Aid Kit - Fireworks
28. Arctic Monkeys - Four out of Five
29. Eminem - Lucky You (Feat. Joyner Lucas)
30. Childish Gambino - This Is America
31. Leon Bridges - Beyond
32. Blossoms - I Can't Stand It
33. Frank Ocean - Moon River
34. Lily Allen - Trigger Bang (feat. Giggs)
35. Maroon 5 - Girls Like You (feat. Cardi B)
36. Sia - Helium
37. SZA x Calvin Harris - The Weekend (Funk Wav Remix)
38. Calpurnia - Blame
39. Interpol - The Rover
40. James Bay - Wild Love
41. Alice Merton - Lash Out
42. The Revivalists - All My Friends
43. Kylie Minogue - Dancing
44. Okkervil River - Pulled Up The Ribbon
45. Mumford & Sons - Guiding Light
46. Lykke Li - Time In A Bottle
47. The Ting Tings - Blacklight
48. Sade - Flower of the Universe
49. Gorillaz - Tranz
50. Her's - Under Wraps
51. Maverick Sabre - Drifting
52. Death Cab for Cutie - Gold Rush
53. Kygo - Remind Me to Forget
54. Cheat Codes - Only You (with Little Mix)
55. Rubblebucket - Fruity
56. Belle & Sebastian - The Same Star
57. Beach House - Lemon Glow
58. Lana Del Rey - Mariners Apartment Complex
59. Shannon Shaw - Broke My Own
60. Elle King - Shame
61. Jack White - Connected By Love
62. Paul McCartney - Fuh You
63. Passenger - Runaway
64. Florence + The Machine - Hunger
65. Still Woozy - Goodie Bag
66. Dan Auerbach - Up on a Mountain of Love
67. Robyn - Missing U
68. The Vaccines - I Can't Quit
69. Muse - Thought Contagion
70. The Smashing Pumpkins - Silvery Sometimes (Ghosts)
71. Snow Patrol - What If This Is All The Love You Ever Get
72. Justin Timberlake - Say Something (feat. Chris Stapleton)

Bestu íslensku lög ársins 2018

Með hverju nýju ári fylgja allir árslistarnir frá gamla árinu. Ég ætla að halda í gamlar hefðir og gefa út minn topplista yfir tónlist á árinu. Byrjum á þeim íslenska.
Hef haft fyrir reglu að vera aðeins með eitt lag með hverjum listamanni og held því áfram. Fyrir neðan listann er svo Spotify playlistinn.

Bestu íslensku lög ársins 2018

1. Aron Can - Aldrei Heim
2. Herra Hnetusmjör - Upp Til Hópa
3. Huginn - Veist af mér (Live)
4. Birnir - Út í geim
5. Logi Pedro - Dúfan mín
6. Teitur Magnússon ásamt dj. flugvél og geimskip - Lífsspeki
7. JóiPé - 04:51
8. Auður - HEIMSKUR OG BREYSKUR (feat. Birnir)
9. Valdimar - Blokkin
10. Unnsteinn - Hjarta
11. Ásgeir Trausti - Myndir
12. GDRN - Hvað ef (feat. Auður)
13. Arnór Dan - Stone By Stone
14. Axel Flovent - Years
15. Hjálmar - Hættur að anda
16. Arnar Úlfur - Bronco
17. Prins Póló - Líf ertu að grínast
18. Árný - Nowhere Id Rather Be
19. Vök - Autopilot
20. Amabadama - Gróðurhúsið
21. Moses Hightower - Ellismellur
22. Emmsjé Gauti - Steinstjarna, Pt. 2
23. Sturla Atlas - No Tomorrow (feat. Logi Pedro)
24. Floni - OMG
25. ClubDub - Clubbed Up
26. BRÍET - In Too Deep
27. Friðrik Dór - Hata að hafa þig ekki hér (feat. Bríet)
28. Dream Wife - Somebody
29. Haukur Heiðar - Draumaland
30. Júníus Meyvant - High Alert
31. Jón Jónsson - Lost
32. Elín Sif - Make You Feel Better
33. KARiTAS - All The Things You Said
34. RAVEN - Sweet Lovin'
35. Between Mountains - Into the Dark
36. Hildur Vala - Geimvísindi
37. Jónas Sig - Dansiði
38. Baggalútur - Sorrí með mig
39. 200.000 naglbítar - Og ég man
40. Gísli Pálmi - Frosin
41. Warmland - Nicest
42. BLISSFUL - Find A Way
43. Heimilistónar - Kúst og fæjó
44. GusGus - Fireworks

Plötur ársins 2017

Frábært tónlistarár 2017 lokið og hérna koma mínar topp plötur ársins. Frábært íslenskt tónlistarár og ekki var það erlenda verra.

1. Úlfur Úlfur - Hefnið okkar
2. JóiPé, Króli - GerviGlingur
3. Mammút - Kinder Versions
4. Ásgeir - Afterglow
5. Sturla Atlas - 101 Nights
6. Moses Hightower - Fjallaloft
7. HAM - Söngvar um helvíti mannanna
8. Kiriyama Family - Waiting for...
9. Aron Can - Ínótt
10. Biggi Hilmars - Dark Horse

Aðrar góðar:
Auður - Alone, Herra Hnetusmjör - KBE kynnir: KÓPBOI, Asa - Paradise of Love, Sóley - Endless Summer, Nýdönsk - Á plánetunni Jörð

1. The National - Sleep Well Beast
2. Arcade Fire - Everything Now
3. The War On Drugs - A Deeper Understanding
4. Wolf Parade - Cry Cry Cry
5. Lorde - Melodrama
6. Dan Auerbach - Waiting On a Song
7. Stormzy - Gang Sign & Prayer
8. Cold War Kids - La Divine
9. Royal Blood - How Did We Get So Dark?
10. The xx - I See You

Aðrar góðar:
K.Flay - Every Where Is Some Where, Ed Sheeran - ÷, Kasabian - For Crying Out Loud, Spoon - Hot Thoughts, Milky Change - Blossom

Árslistinn 2017

Nú eru komin 10 ár síðan ég tók saman fyrsta tónlistar árslistann minn. Finnst þetta vera skemmtileg hefð sem vonandi einhverjir aðrir en ég hafa gaman af.
Búinn að hlusta mikið á tónlist á árinu, fyrst þegar ég var að teikna Dalaþingið og svo seinna þegar ég var að vinna í húsinu, Rás 2 og Xið voru í aðalhlutverki og svo datt Bylgjan inn stundum. Auðvitað hlusta ég einnig mikið í vinnunni.

Hef fylgt þeirri reglu að lagið hafi komið út á árinu og aðeins eitt lag með hverjum höfundi fer á listann, þó svo að mörg lög með sama höfundi hafa verið vinsæl hjá mér. Stundum smá svindl ef plata hefur komið út árinu áður en lagið verður "smáskífa" þá dettur það stundum á listann.

Öll umræðan um að netið myndi drepa tónlist er ekki alveg að ganga eftir því ég hef aldrei haft svona mörg lög á lista. Oft hef ég stoppað í einhverri klassískri tölu en leyfði bara öllu dótinu að fyljga með núna.73 íslenskir flytjendur og 76 erlendir, hef oft verið í stökustu vandræðum að berja saman 25 lista yfir íslensk lög.

Spotify playlisti er þarna fyrir neðan sem hægt er að fylgja.

Bestu íslensku lög ársins 2017



1. Joey Christ - Joey Cypher (feat. Herra Hnetusmjór, Birnir & Aron Can)
2. JóiPé x KRÓLI - B.O.B.A
3. Úlfur Úlfur - Engar hendur
4. Mammút - The Moon Will Never Turn On Me
5. Aron Can - Ínótt
6. Birnir - Já ég veit (feat. Herra Hnetusmjör)
7. Ásgeir Trausti - I Know You Know
8. Sóley - Never Cry Moon
9. Chase, JóiPé - Ég vil það
10. HAM - Þú lýgur
11. Sin Fang, Sóley & Örvar Smárason - Random Haiku Generator
12. Sturla Atlas - One Life
13. Kiriyama Family - About You
14. ASA - Always
15. Cell7 - City Lights
16. Moses Hightower - 02 - Fjallaloft
17. Bjartmar Guðlaugsson - Þegar þú sefur
18. Daði Freyr Pétursson - Hvað með það
19. Auður - I'd Love
20. Friðrik Dór - Hringd'í mig
21. Herra hnetusmjör - Spurðu um mig
22. Icy G - (Hugo ft. $LEAZY)
23. Trausti~ - Elska það
24. Nýdönsk - Á plánetunni Jörð
25. Júníus Meyvant - Mr. Minister Great
26. Hildur - Would You Change
27. Biggi Hilmars - Dark Horse
28. Vök - BTO
29. Védís Hervör - Blow my mind
30. Steinar - Simple Life
31. Sigurður Guðmundsson og Memfismafían - Orðin mín
32. Svala - Paper
33. Snorri Helgason - Eyvi
34. Teitur Magnússon - Hringaná
35. Shakes - Tonight
36. Axel Flóvent - City Dream
37. GKR - UPP
38. Ólafur Arnalds - Take My Leave Of You ft. Arnór Dan
39. Dísa - Reflections
40. HATARI — X
41. Hjálmar - Græðgin
42. Soffía Björk - Grateful
43. JFDR - Airborne
44. AFK - Black
45. Birgir - Can You Feel It
46. Amabadama - Gangá eftir þér
47. Baggalútur - Grenja (ásamt Sölku Sól)
48. Karl Orgeltríó og Raggi Bjarna ásamt Sölku Sól - I've Seen It All
49. FM Belfast - All My Power
50. DIMMA - Villimey
51. LEGEND - Captive
52. Kíruma  How Did We Get Here
53. Sólstafir - Ísafold
54. 200.000 naglbítar - Allt í heimi hér
55. Bubbi Morthens - Sól Bros þín
56. Jón Jónsson - Þegar ég sá þig fyrst
57. Young Karin - Peakin' ft. Logi Pedro
58. Emmsjé Gauti - Hógvær
59. Landaboi$ - Matrix
60. Högni - Moon Pitcher
61. Sycamore Tree - Bright New Day
62. Jón Ólafsson - Ég græt það
63. Páll Óskar - Ég elska þig til baka
64. GANGLY - Whole Again
65. Starbright  - Starbright
66. One Week Wonder - Angel Eyes
67. Birth Ctrl - Forgery
68. Ragnar - Aldrei Nóg
69. Rythmatik - Good Health (Demo)
70. Una Stef - Like Home
71. Reykjavíkurdætur - Kalla Mig Hvað prodBNGRBOY
72. XXX Rottweiler Hundar - KIM JONG-UN
73. Alexander Jarl - Hvort Annað




 Bestu erlendu lög ársins 2017



1. The National - Guilty Party
2. Wolf Parade - You're Dreaming
3. Arcade Fire - Everything Now
4. The War On Drugs - Holding On
5. CocoRosie - Smoke 'em Out (feat. ANOHNI)
6. Milky Chance - Ego
7. Stormzy - Big For Your Boots.m4a
8. Future - Mask Off
9. Dan Auerbach - Shine On Me
10. Lord Huron - The Night We Met
11. Young Fathers - Only God Knows (feat. Leith Congregational Choir)
12. Lorde - Green Light
13. Lana Del Rey - Lust For Life
14. Blossoms - Charlemagne
15. Migos - Bad and Boujee (feat. Lil Uzi Vert)
16. K.Flay - Blood In The Cut
17. The Killers - The Man
18. Soft Hair - Lying Has To Stop
19. Harry Styles - Two Ghosts
20. Rag'n'Bone Man - As You Ar
21. Portugal. The Man - Feel It Still
22. Sam Smith - Too Good At Goodbyes
23. Calvin Harris feat. Pharrell Williams, Katy Perry & Big Sean - Feels
24. Luis Fonsi & Daddy Yankee ft. Justin Bieber - Despacito (Remix)
25. Conor Oberst - Till St. Dymphna Kicks Us Out
26. Baron Bane - How Does It Feel To Let Go
27. Circa Waves - Wake Up
28. Queens Of The Stone Age - The Way You Used to Do
29. Rihanna - Love On The Brain
30. Ed Sheeran - Shape Of You
31. The Chainsmokers & Coldplay - Something Just Like This
32. Cold War Kids - Love Is Mystical
33. Kasabian - You're In Love With A Psycho
34. Spoon - Hot Thoughts
35. The xx - A Violent Noise
36. Zayn and Taylor Swift - I Don't Wanna Live Forever
37. Ryan Gosling, Emma Stone - City Of Stars
38. Imagine Dragons - Thunder
39. Miley Cyrus - Malibu
40. Sigrid - Don't Kill My Vibe
41. Nothing But Thieves - Sorry
42. Wolf Alice - Beautifully Unconventional
43. Radiohead - I Promise
44. First Aid Kit - You are the Problem Here
45. Grizzly Bear - Mourning Sound
46. Alice Merton - No Roots
47. Future Islands - Ran
48. JD McPherson - Lucky Penny
49. Iron & Wine - Call It Dreaming
50. Salvador Sobral (Portugal) - Amar Pelos Dois
51. Beck - Dear Life
52. Weezer - Feels Like Summer
53. Foo Fighters - The Sky Is A Neighborhood
54. Frank Ocean - Chanel
55. Kendrick Lamar - Humble.
56. Blanche (Belgium) - City Lights
57. Fleet Foxes - Fool's Errand
58. Greta Van Fleet - Highway Tune
59. The Amazons - Black Magic
60. George Ezra - Don't Matter Now
61. Father John Misty - Ballad of the Dying Man
62. The Shins - Half a Million
63. Gorillaz - We Got the Power (feat. Jehnny Beth)
64. Bonobo - No Reason
65. P!nk - What About Us
66. Francesco Gabbani (Italy) - Occidentali's Karma
67. Robin Bengtsson (Sweden) - I Can't Go On
68. JOWST (Norway) - Grab the Moment
69. ZAYN - Dusk Till Dawn (feat. Sia)
70. Jamiroquai - Superfresh (Official Video)
71. Maroon 5 - Cold (Audio) ft. Future
72. Justin Bieber & BloodPop® - Friends
73. Camila Cabello - Havana (feat. Young Thug)
74. Dua Lipa - New Rules
75. The Script - Rain
76. Charlie Puth - How Long

Plötur ársins 2016

Hérna er smá samantekt yfir bestu plötur ársins 2016. Nokkuð erfitt að velja bestu plötuna því þrjár efstu voru allar með mikið af "gömlum" lögum inná.

Bestu íslensku plötur ársins 2016

1. Kaleo - A/B
2. Júníus Meyvant - Floating Harmonies
3. Emmsjé Gauti - Vagg & Velta
4. Mugison - Enjoy!
5. Emmsjé Gauti - Sautjándi nóvember
6. Aron Can - Þekkir stráginn
7. GKR - GKR EP
8. Sturla Atlas - Season2 (Mixtape)
9. Skálmöld - Vögguvísur Yggdrasils
10.  Pascal Pinon

Retro Stefson hætti í lok árs sem er mikill missir og gáfu út stutta EP plötu sem ég áttaði mig ekki á fyrr en á nýju ári.



Bestu erlendu plötur ársins 2016

 1. The Last Shadow Puppets - Everything You've Come to Expect
2. Sia - This Is Acting
3. Santigold - 99 Cents
4. Kanye West - The Life of Pablo
5. Michael Kiwanuka - Love & Hate
6. Wolf Parade - EP 4
7. Conor Oberst - Ruminations
8. Kings of Leon - Walls
9. Tom Odell - Wrong Crowd
10. Weezer - Weezer (White Album)

Árslistinn 2016

Eins og undanfarin ár set ég saman árslista með bestu tónlist ársins að mínu mati. Hef gert þetta frá að ég held árinu 2006. Finnst bæði gaman að taka þetta saman og sömuleiðis að eiga þetta seinna meir. Fylgi þeirri reglu að lagið hafi komið út á árinu og aðeins eitt lag með hverjum höfundi fer á listann.
Vonandi hafa einhverjir gaman af þessu og finni eitthvað við sitt hæfi. Læt fylgja með playlista í Spotify sem fólk getur "follow-að".

Bestu íslensku lög ársins 2016


 1. Valdimar - Slétt og fellt
2. Úlfur Úlfur - Ofurmenni
3. Emmsjé Gauti - Silfurskotta (feat. Aron Can)
4. Mugison - I'm A Wolf
5. Retro Stefson - Skin
6. Kaleo - Save Yourself
7. Júníus Meyvant - Neon Experience
8. Ólafur Arnalds - Particles (feat. Nanna Bryndís Hilmarsdóttir)
9. Sturla Atlas - Talk
10. Herra Hnetusmjör - 203 stjórinn
11. Friðrik Dór - Fröken Reykjavík
12. Ljúfur Ljúfur - A-A-A
13. Skálmöld - Niðavellir
14. AmabAdamA - Ai Ai Ai
15. Aron Can - Lítur vel út
16. Hjálmar & Mr. Silla - Er hann birtist
17. Mani Orrason - Wake Me Up
18. Pascal Pinon - 53
19. Prinspóló - Sandalar
20. GKR - Meira
21. Hildur - Would You Change_
22. Glowie - No Lie
23. Vök - Waiting
24. Samaris - Wanted 2 Say
25. Páll Óskar - Þá mætir þú til mín
26. Moses Hightower - Trúnó
27. SXSXSX - Up Down (feat. Milkywhale)
28. Snorri Helgason - Einsemd
29. Starwalker - Blue Hawaii

 
 Bestu erlendu lög ársins 2016


1. The Last Shadow Puppets - Aviation
2. Kanye West - FML (feat. The Weeknd)
3. Elliphant - Where Is Home (feat. Twin Shadow)
4. Michael Kiwanuka - One More Night
5. Wolf Parade - Automatic
6. Santigold - Who Be Lovin Me (feat.  Ilovemakonnen)
7. Rae Sremmurd - Black Beatles ft. Gucci Mane
8. Sia - The Greatest
9. Conor Oberst - Next of Kin
10. The Tallest Man On Earth - Rivers
11. Kings of Leon - Eyes On You
12. The Strokes - Oblivius
13. Tom Odell - Here I Am
14. Twenty One Pilots - Heathens
15. Beck - Wow
16. The Weeknd - Starboy (feat. Daft Punk)
17. Frank Ocean - 02 - Ivy
18. The xx - On Hold
19. Edward Sharpe & the Magnetic Zeros - No Love Like Yours
20. David Bowie - Lazarus
21. Jack Garratt - Worry
22. Beyoncé - Sorry
23. Red Hot Chili Peppers - Sick Love
24. The Lumineers - Ophelia
25. Rag'n'Bone Man - Human
26. Royal Blood - Where Are you Now
27. M83 - Do It, Try It
28. Bloc Party - The Love Within
29. Yeasayer - I Am Chemisitry
30. Weezer - King of the World
31. The Strumbellas - Spirits
32. Bon Iver - 29 #Strafford Apts
33. Band of Horses - Even Still
34. Coldcut - Only Heaven (feat. Roots Manuva)
35. James Blake - I Need A Forest Fire (feat. Bon Iver)
36. Justin Timberlake - CAN'T STOP THE FEELING!
37. Miike Snow - Genghis Khan
38. Chance The Rapper - All Night (feat. Knox Fortune)
39. Radiohead - Burn The Witch
40. Lil Wayne - Sucker For Pain (with Logic, Ty Dolla $ign & X Ambassadors)
41. G-Eazy - Me, Myself & I (feat. Bebe Rexha)
42. Bruno Mars - 24K Magic [Official Video]
43. Die Antwoord - Gucci Coochie (feat. Dita Von Teese)
44. Drake - One Dance (feat. Wizkid & Kyla)
45. Rihanna - Work (feat. Drake)
46. ANOHNI - Drone Bomb Me

Vormaraþonið FM - 1. sæti á 2:45:40

Vaknaði kl. 5:45 og fékk mér minn hefðbundna morgunmat. Harfragrautur, með chia, döðlum, bláberjum og banana. Vatn og smá GU drykkur.

Var mættur niður við Stokkinn um 30 mín fyrir hlaup. Rok og rigning lýsa aðstæðum þennan morguninn best eins og veðurspáin var búin að gera ráð fyrir, en það er alltaf erfiðara að mæta og staðinn og upplifa veðrið. Ætlaði upphaflega að vera í stuttbuxum og háum sokkum en eftir upphitun (í auka fötum) þá skipti ég úr stuttbuxum í CWX hlaupa buxurnar mínar, þar sem ég var með áhyggjur af kuldanum og þá sérstaklega í mótvindi út á nes.  Var svo í þunnum CWX langermabol og einum bol yfir það og með buff. Tók stutta upphitun en náði aðeins að koma púlsinum af stað og smá liðleika í lappirnar. Eins og oft áður þá fannst manni lítið að þessu veðri þegar maður var komin út og búinn að hita upp.

Brautin er sett upp þannig að hún byrjar við Rafveituhúsið í Elliðaárdal og svo fer maður eins og leið liggur í gegnum Fossvoginn alveg útá Ægissíðu með lúppu frá HR að Loftleiðum og svo veginn tilbaka niður að Nauthól. Úti á Ægissíðu er svo snúningspunktur og þaðan er svo hlaupin sama leið tilbaka. Þessi "hringur" er svo farinn tvisvar í heilu maraþoni og einu sinni í hálfu maraþoni.

Maraþon hlauparar leggja af stað við Rafveituhúsið

Um 20 hlauparar voru mættir á start línuna þennan morguninn. Spáin var búin að gera ráð fyrir um 7-10 m/s úr vestri og rigningu á köflum. Það var því mótvindur Fossvoginn og út á Ægissíðu og svo meðvindur tilbaka. Það er mjög erfitt að hlaupa á jöfnum hraða við þessar aðstæður og því ákvað ég að ekki vera spá of mikið í hraðann heldur að reyna að einbeita mér að því að vera með púslinn í lagi og reyna að láta mér líða vel í brautinni. Búinn að reyna að taka æfingar á einhverjum jöfnum ákveðnum hraða í miklum vindi og er það mjög erfitt.

0 km  - 5 km (Stokkur-HR)
Talið niður og hópurinn lagði svo af stað á slaginu 8. Gekk fínt að rúlla í byrjun út að Víkingsheimilinu en þá fór púlsinn eitthvað af stað, brautin aðeins  upp á við og svo mótvindur og hægði því á mér reyndi svo að rúlla þetta sæmilega áfram. Leið vel og var að passa að halda púlsinum niðri. Tók 1 vatnsglas hjá HR og reyndi að drekka aðeins. 
 1 km split og púls voru:
3:50 - 155
4:04 - 160
3:57 - 158
3:55 - 157
4:00 - 158
Kláraði fyrstu 5 km á 19:46

 5 km - 10 km (HR - Ægissíða)
Hélt áfram að rúlla sæmilega og púlsinn hélst niðri, ef ég fór yfir160 í púsl þá fannst mér ég vera að erfiða of mikið og var því kannski meira að hlaupa eftir tilfinningu. Var sæmilegur mótvindur í skóginum fyrir ofan HR en svo fékk maður meðvind niður í áttina að Nauthólsvík, fínt að breyta aðeins um takt og hlaupa hraðar og fá smá hvíld frá mótvindi. Eftir það voru svo erfiðir rúmir 3 km að snúningspunkti úti á Ægissíðu. Líðan góð þrátt fyrir mótvind og rigningu.
3:57    157
3:49    155
3:51    156
4:01    158
3:59    158
Kláraði næstu 5 km á 19:37 og 10 km á 39:23

10 km - 15 km (Ægissíða - Loftleiðir)
Snúningspunkturinn var svo í tæplega 11 km, tók eitt gel rétt áður en ég kom að snúningspunktinum og greip tvö glas og reyndi að koma niður smá vökva. Eftir þetta kom meðvindur og maður rúllaði vel af stað, þá fór hraðinn úr tæplega 4 mín pace niður í 3:50, fann mig mjög vel á þessum kafla en vildi samt ekki fara of hratt því það var svo mikið eftir af hlaupinu. Þarna byrjaði maður að mæta öðrum maraþon hlaupurum sem var gaman og ekki eins einmannalegt. Ég var með forustu um að giska 500m - 700m á næsta mann. Kom svo mótvindur frá Nauthólsvík að Loftleiðum.
3:58    157
3:48    156
3:50    153
3:53    152
3:57    156
5 km á 19:26 og 15 km á 58:49

15 km - 20 km (Loftleiðir - Víkinsheimilið)
Auðvelt að rúlla þennan kafla allan í meðvindi og púlsinn mjög lár á þessum tíma. Var samt farinn að stífna í kálfum. Var að rúlla á 3:53-3:55 og púls aðeins 151-155 slög. Eftir á hefði maður hugsanlega geta nýtt sér meðvindinn eitthvað betur á þessum kafla en þarna fann ég aðeins fyrir kálfum og sömuleiðis nóg eftir. Reyndi að drekka á vatnsstöðinni við HR.
3:55    155
3:53    151
3:55    154
3:53    154
3:53    153
5 km á 19:29 og 20 km á 1:18:18

20 km - 25 km (Víkinsheimilið - Stokkur - Kirkjugarður)
Fór í gegnum hálft maraþon á tímanum 1:23:00 og leið bara mjög vel. Fékk mér 1 gel áður en ég kom að snúningspunktinum og greip svo tvö glös að drekka og reyndi að koma einhverjum vökva niður. Guðni fylgdi mér svo ca. 1 km að Víkinsheimilinu í sinni upphitun. Hann var allan tímann fyrir aftan mig og ég passaði mig á að láta hann alls ekki taka vind eða hjálpa til á neinn hátt. Var ennþá með góða orku og rúllaði þennan kafla bara mjög vel, gaman að mæta aftur maraþonhlaupurunum í Fossvoginum.
3:48    153
3:56    155
3:56    157
3:54    157
3:55    154
5 km á 19:29 og 25 km á 1:37:47

25 km - 30 km (Kirkjugaður - Skerjafjörður)
Mótvindur áfram og leið vel. Fékk mér vökva við HR. Rúllaði vel frá Loftleiðum og út fyrir endabraut en þá tók mótvindurinn aftur í. Orkan fín og lappirnar góðar þrátt fyrir stífa kálfa.
4:06    156
4:01    154
3:55    152
3:52    153
4:07    155
5 km á 20:01 og 30 km á 1:57:48

30 km - 35 km (Ægissíða - Nauthólsvík)
Fann fyrir þreytu í mótvindinum úti á nesi og tók fljótt gel til að reyna að ná orkunni upp, fannst það nauðsynlegt þrátt fyrir að fá ekki að drekka strax eins og er best. Var samt áfram rólegur og ekkert að streða of mikið í mótvindinum. Gott að snúa svo við og vera á leiðinni tilbaka. Bæði andlega og svo einnig í meðvindi. Fékk mér sömuleiðs að drekka á vatnsstöðinni. Sá að ég var kominn með góða forustu á 2 sætið og þyrfti líklega ekki að hafa áhyggjur að hann myndi ná mér, nema ef eitthvað kæmi uppá. Gaman að mæta aftur öllum maraþon hlaupurunum.
4:06    154
4:04    154
3:50    153
3:51    154
3:52    153
5 km á 19:43 og 35 km  á 2:17:31

35 km - 40 km (Nauthólsvík - Fossvogur)

Búinn með 39 km að koma inn í Fossvoginn

Stutt eftir, um 3 km eftir

 Fékk svo aftur mótvind frá Nauthólsvík að Loftleiðum en þarna var minna eftir og maður þorði meira að reyna að sig, var farið að styttast í þetta og gekk bara mjög vel á þessum kafla. Mætti svo fyrstu hálfmaraþon hlaupurunum fljótlega og restinni sem var mjög gaman. Datt svo aðeins niður hraðinn og orkustigið frá Kirkjugarðinum inn í Fossvoginn  en náði svo aftur að koma mér af stað því það var stutt eftir.
3:55    158
3:53    157
3:55    154
3:59    153
3:52    156
5 km á 19:34 og 40 km á 2:37:05

40 km - 42,2 km (Fossvogur - Stokkur)
Mjög stutt eftir, meðvindur og aðeins niður á við og því gekk þessi kafli mjög vel en auðvitað var maðurinn farinn að erfiða aðeins. Lappirnar voru ótrúlega góðar og fannst ég ráða vel við hraðann. Skipti þarna í fyrsta skipti yfir á heildar tímann og sá að ég gæti fræðilega bætt PB mitt frá því í Berlín í haust. Áttaði mig ekki alveg á hvað langt væri eftir en að það yrði líklega erfitt. Gaf samt vel í en áttaði mig svo á því þegar ég kom inn í Elliðaárdal að þetta væri líklega ekki að nást (þeas að bæta PB tímann minn). Var samt ótrúlega ánægður á hvaða tíma ég væri að klára á miðað við að væntingar fyrir hlaup voru ekki miklar. Gaman sömuleiðis að vita að Anna væri í markinu með strákana. Óttar og Kári komu svo hlaupandi með mér í lokin og var það mjög gaman. Kom svo í mark á tímanum 2:45:40 og í fyrsta sæti.
3:53    157
3:35    159
1:07    163
2,2 km á 8:36 og 42,2 km á 2:45:40

Nýkominn í mark

 Var ótrúlega góður eftir að ég kom í mark. Tók því rólega og reyndi að koma einhverri næringu í mig. Svo var maður lengi að spjalla við aðra hlaupara og bíða eftir verðlaunaafhendingu.  Ólafur Austmann Þorbjörnsson lenti í öðru sæti og náði undir 3 klst og svo var Daníel Reynisson í 3 sæti og náði sínu besta maraþoni.

Ólafur Austmann Þorbjörnsson í 2 sætði, Örvar Steingrímsson í 1 sæti og Daníel Reynisson í 3 sæti.

Búnaður:
Skór: Adidas Adios Boost 2
Sokkar: CW-X compression sokkar
Buxur: CW-X compression buxur
Peysa: CW-X léttur hlaupa langerma bolur
Bolur: Nike hlaupa bolur

Næring:
5 GU energy gel. 1 fyrir hlaup og svo 4 í hlaupinu.
Drakk á hverri vatnsstöð vatn og orku þar sem það var í boði.

Þakkir:
Félag maraþonhlaupara fær frábærar þakkir fyrir vel útfært hlaup og sömuleiðis allir sjálfboðaliðarnir sem hjálpuðu til. Ekkert smá gott að geta boðið uppá Vor- og haustmaraþon til að þurfa ekki að fara alltaf til útlanda til að hlaupa á þessum árstíma.
Anna og fjölskyldan fær sömuleiðis þakki fyrir að leyfa mér að stunda þetta sport eins mikið og ég get. Óendanlega þakklátur fyrir það.
 T-mark fyrir stuðninginn við næringu og búnað. Var að drekka salt og steinefna blöndu dagana fyrir hlaup til að halda næringu og vökva málum í lagi. Hef verið að nota GU energy gel sem eru bæði bragðgóð og fara mjög vel í magann. CW-X fatnaðurinn sem styðja mjög vel við alla vöðvahópa og veita góðan stuðning í svona þrekraun.

Strava:

Hamarshlaup #1 - 2. sæti

Ég og Guðni eftir hlaup

Ég og Guðni fórum saman til Hveragerðis að keppa í fyrsta Hamarshlaupi ársins. 19 km utanvegahlaup með hækkun upp alla Kambana.
Fékk einhverja kvef drullu í mig í lok vikunnar og var að spá í gærkvöldi og nótt hvort ég ætti ekki bara að hætta við þetta hlaup. Ákvað samt að prufa og sjá hvernig myndi ganga. Hefðbundinn hafragrauts morgunmatur og tók svo GU drykkjarblöndu með mér í bílinn til að fá mér á leiðinni.

Tókum 3 km í upphitun og fannst mér öndunin eitthvað aðeins off en annars kvefið mest fyrir ofan háls sem er sæmilega jákvætt. Fékk mér eitt gel um 10 mín. fyrir start.Rigning og rok voru aðstæður dagsins en um ca. 50 manns voru mætt til að taka þátt. Guðni fór fyrstu af stað og ég svona rétt á eftir, hann jók svo bilið hægt og rólega. Fyrsti hlutinn var erfiðari en ég hélt með rúllandi hæðum áður en maður kom að snúningspunktinum rétt hjá Sogni. Sló aðeins af eftir það og gekk betur með öndun eftir það. Fékk mér eitt gel áður en ég kom að byrjunarpunktinn sem var sömuleiðis vatnsstöð.

Rúllaði svo sæmilega að Kömbunum en var smá að spara mig fyrir klifur upp ca. 250m. Nokkuð erfiður halli, of "sléttur" til að labba en alveg krefjandi að hlaupa allan tímann þarna upp, gekk samt vel að halda takt og púlsinum nokkuð jöfnum þarna upp. Eftir mestu hækkunina kom smá sléttur kafli eða með minni upphækkun og svo smá rúllandi hæðir í lokin áður en maður snéri við. Fínt að hafa Guðna í augnsýn upp Kambana til að fá stærðar hlutföllin á brekkunni rétt og eitthvað til að keppa við annað en tímann. Rúllaði svo hratt niður og reyndi að passa að misstíga mig ekki og stíga illa á grjót. Gaman að fara mæta öllum hlaupurunum sem voru á uppleið. Gekk vel að halda hraða niður Kambana en svo skrítið að þurfa að byrja að hlaupa aftur sléttan kaflann þegar maður var kominn niður. Tók svo annað gel fyrir síðustu 2 km til að geta haft orkustigið hátt allan tímann. Rúllaði vel í lokin meðfram ánni og kom svo í mark á 2 maður á tímanum 1:18:50 mín eða um 2:30 á eftir Guðna.
Létt niðurskokk og svo brunað heim.
Flott keppni hjá Hamarsfólkinu og vil ég þakka þeim fyrir mjög flott og skemmtilegt hlaup. Kjörið hlaup fyrir þá sem ætla eitthvað af stærri utanvega hlaupum sumarsins.

Atlantsolíuhlaup FH #2 - 3. sæti

Ingvar 2. sæti - Þórólfur 1. sæti - Örvar 3. sæti Mynd: Atlantaolíu hlaup FH

Flottar aðstæður í Hafnarfirði í kvöld. Hiti um frostmark, logn og það sem meira er auðir stígar. Það er eitthvað sem maður hefur varla séð í um 3 mánuði. Tók upphitun í negldum skóm en ákvað að skipta eftir að hafa farið að skoða brautina. Smá hálku/slabb kaflar en ekki þess virði að hlaupa á nöglum. Fór því í létta Brooks skó og sá ekki eftir því, tók nokkra spretti rétt áður en hlaupið fór af stað og þvílíkur munum að vera ekki í negldum skóm.

Mynd: Atlantaolíu hlaup FH

Þórólfur fór fyrstur af stað, ég í öðru, svo komu Ingvar, Sindri og Sigurjón. Ingvar fór svo framúr mér eftir tæpan 1 km. Fann mig sæmilega og fór fyrsta km á 3:13 sem er aðeins of hratt næstu tveir á 3:37 en í því er brekka og snúningspunkturinn. Færið fínt en maður þurfti að vera að leyta á stígunum hvar besta gripið var. Sá svo við snúningspunktinn að Sindri og Sigurjón voru talsvert á eftir mér. Var frekar óþægilegt að rúlla niður brekkuna og vera að mæta öllu fólkinu þar, þá þurfti maður að vera að hlaupa á hálku hlutanum af stígunum en maður passaði bara að rekast ekki á neinn.
Rúllaði samt frekar þétt tilbaka en vissi að ég myndi líklega ekki ná Ingvari. Fór síðustu tvo á 3:30 og síðan 3:25. Hefði verið gaman að hafa einhvern nærri sér til að keppa við og þá hefði ég líklega náð að kreista einhverjar sek út úr mér. Keyrði samt vel síðustu 500m og var nokkuð sáttur að koma í mark á 17:31 sem er að ég held minn næst besti 5 km tími og endaði aftur í 3 sæti. Sindri kom svo í 4 sæti og Sigurjón í 5 sæti.

Ég að koma í mark á 17:31 Mynd: Atlantaolíu hlaup FH

 En mjög sáttur hvernig gekk og hvernig formið er núna, búinn að ná að æfa mjög vel síðustu tvo mánuði og það skilar sér. Gaman að geta tekið þátt í þessum hraðari hlaupum.
Aðstæður voru mjög góðar miðað við febrúar. Auðir stígar fyrir utan nokkra leiðilega kafla og eins og áður segir logn.
Strava info:

Powerade #5 - 4. sæti

Mynd af undir 40 mín hópnum. Frá vinstri. Hilmar, Sindri, xx, Biggi, Benoit, Örvar, Þórólfur og Ívar
(mynd. Powerade Vetrarhlaup)

Vikan búin að ganga vel og sömuleiðis æfingar undanfarið. Tók interval á mánudag og rólegt bæði á þriðjudag og miðvikudag. Ætlaði því að mæta sæmilega sprækur til leiks í Powerade. Ekki búinn að vera nægilega ánægður með framistöðuna í síðustu 2-3 Powerade hlaupum og langaði að gera betur núna. Var reyndar eitthvað stífur í ökklanum á miðvikudaginn og fann aðeins áfram fyrir því. Líklega létt tognun í frostinu.
Var sæmilega sprækur í upphitun og rúllaði vel og fannst ökklinn strax betri eftir 1-2 km. Frost og stilla úti og aðstæður sæmilegar. Frostinn snjór og klaki á stígum en aðeins laus sumstaðar.

Kári, Þórólfur, Valur fóru fyrstir af stað og Benoit þar rétt fyrir aftan. Ég kom svo en enginn virtist hafa elt mig og ég því einn frá byrjun. Passaði mig á því að fara ekkert of hratt af stað og var því ekkert að reyna að hanga í fremsta hóp, var alltaf með sjónir á Benoit en varð aldrei var við neinn fyrir aftan mig. Tók því rólega upp Brekkuna upp í Bakka og reyndi svo að gefa aðeins í eftir það. Loksins fannst mér ég vera að rúlla vel og ekki sprunginn eftir 3-5 km. Benoit var svona 2 ljósastaurum á undan mér og eftir því sem við komum neðar í Elliðarárdalinn því meiri nálgaðist ég hann. Átti von á því að Sindri yrði nálægt mér en heyrði aldrei í honum en hann var um 1 mín fyrir aftan mig. Þegar við vorum búnir með stokkinn og um 2,5 km eftir var ég ennþá nærri Benoit. Hélt svo áfram að reyna að minnka bilið eitthvað en gekk hægt. Fórum í gegnum undirgöngin og með um 1 km eftir var þetta komið niður í einhverja 20-30m, tók þá þetta í nokkrum áhlaupum og náði að minnka bilið. Gaf mér styrk að hafa loksins einhvern til að keppa við síðustu km í hlaupinu. Þegar um 300-400m voru eftir tók ég svo góðan sprett og náði að fara framúr og skilja Benoit eftir. Hljóp svo þétt í mark án þess að Benoit reyndi að elta. Kom í mark á 37:27 sem er meira en mínútu hraðar en í síðasta mánuði. 4 sætið og ég mjög sáttur við hlaupið. Benoit hafði svo verið að drepast úr hlaupasting sem var að valda honum óþægindum.
Tókum svo nokkrir saman niðurskokk.

Samanburður á milli jan og feb

Atlantsolíuhlaup FH #1 - 3. sæti

Fyrsta hlaupið í hlauparöð Atlantsolíu og FH. Í fyrsta skipti síðan 2011 sem ég mæti í þetta hlaup. Langar að vera duglegri að mæta í þessi styttri hlaup og þetta var liður í því.

Það var frekar kalt úti, um -4°C en lítill vindur. Skokkaði aðeins brautina í upphitun og sá að nagla skórnir myndu líklega ekki duga og fór því í LaSportiva Helios utanvega skónum mínum. Léttir og þægilegir með gott grip í snjónum. Snjórinn var þétt pakkaður en nokkuð laus til hliðanna og á nokkrum köflum.
Sæmilega þétt samkeppni í þessu hlaupi og vissi að það yrði barátta að komast í topp 3. Þórólfur var fljótur að taka forustuna og var fljótur að stinga af. Á eftir honum komu 4-5 keppendur. Ég, Ingvar Hjartar, Sindri, Bjarni Ármann (ungur frjálsíþrótta strákur) og líklega Ívar Trausti. Ég var í öðru sæti ca. fyrstu 1,5 km en þá kom Ingvar framúr mér og hinir tveir skammt á eftir. Þegar við beygðum frá standlengjunni og upp í átt að Hrafnistu þá kom sæmileg brekka sem var nú aðeins brattari og lengri en ég hélt. Ég náði þó að hanga í Ingvari og svo kom mjög erfiður kafli á götunni áður en var snúið við. Laus saltaður snjór og erfitt að gefa einhvern kraft í skrefin. Þórólfur var kominn einhverja 200m fyrir framan okkur við snúningspunkt en ég alveg aftan í Ingvari og 1-2 skammt á eftir mér. Þetta var nokkuð þétta upp í 3km en þá náði Ingvar ca. 10m á mig og ég sömuleiðis hætti að heyra í þeim fyrir aftan mig.
Síðustu 2 km voru erfiðir og ég vissi að ég mætti ekkert gefa eftir því þá væri menn fljótir að ná manni, Ingvar hélt sömuleiðis aðeins að breikka bilið. Röðin á mönnum hélst nokkurnveginn svona þangað til í lokin. Hefði verið gaman að komast nær Ingvari í endasprettinum en ég var orðinn vel þreyttur í snjónum. Kom 3 í mark á 18:17 mín um 10 sek á eftir Ingvari, Þórólfur vann á 17:04, mjög öflugt hlaup hjá honum. Frjálsíþrótta strákurinn kom í 4 og Sindri í 5 sæti. Hélt að þetta væri Sindri allan tímann fyrir aftan mig en svo var víst ekki.

Ég, Þórólfur og Ingvar í verðlauna afhendingu. (Mynd: Þórólfur)

Skemmtilegt hlaup og alltaf gaman að vera úti í kuldanum að keppa og reyna á sig. Frábært að sjá hvað margir voru mættir. Gaman að komast á pall og mjög sáttur við 3 sætið.