Vormaraþonið FM - 1. sæti á 2:45:40

Vaknaði kl. 5:45 og fékk mér minn hefðbundna morgunmat. Harfragrautur, með chia, döðlum, bláberjum og banana. Vatn og smá GU drykkur.

Var mættur niður við Stokkinn um 30 mín fyrir hlaup. Rok og rigning lýsa aðstæðum þennan morguninn best eins og veðurspáin var búin að gera ráð fyrir, en það er alltaf erfiðara að mæta og staðinn og upplifa veðrið. Ætlaði upphaflega að vera í stuttbuxum og háum sokkum en eftir upphitun (í auka fötum) þá skipti ég úr stuttbuxum í CWX hlaupa buxurnar mínar, þar sem ég var með áhyggjur af kuldanum og þá sérstaklega í mótvindi út á nes.  Var svo í þunnum CWX langermabol og einum bol yfir það og með buff. Tók stutta upphitun en náði aðeins að koma púlsinum af stað og smá liðleika í lappirnar. Eins og oft áður þá fannst manni lítið að þessu veðri þegar maður var komin út og búinn að hita upp.

Brautin er sett upp þannig að hún byrjar við Rafveituhúsið í Elliðaárdal og svo fer maður eins og leið liggur í gegnum Fossvoginn alveg útá Ægissíðu með lúppu frá HR að Loftleiðum og svo veginn tilbaka niður að Nauthól. Úti á Ægissíðu er svo snúningspunktur og þaðan er svo hlaupin sama leið tilbaka. Þessi "hringur" er svo farinn tvisvar í heilu maraþoni og einu sinni í hálfu maraþoni.

Maraþon hlauparar leggja af stað við Rafveituhúsið

Um 20 hlauparar voru mættir á start línuna þennan morguninn. Spáin var búin að gera ráð fyrir um 7-10 m/s úr vestri og rigningu á köflum. Það var því mótvindur Fossvoginn og út á Ægissíðu og svo meðvindur tilbaka. Það er mjög erfitt að hlaupa á jöfnum hraða við þessar aðstæður og því ákvað ég að ekki vera spá of mikið í hraðann heldur að reyna að einbeita mér að því að vera með púslinn í lagi og reyna að láta mér líða vel í brautinni. Búinn að reyna að taka æfingar á einhverjum jöfnum ákveðnum hraða í miklum vindi og er það mjög erfitt.

0 km  - 5 km (Stokkur-HR)
Talið niður og hópurinn lagði svo af stað á slaginu 8. Gekk fínt að rúlla í byrjun út að Víkingsheimilinu en þá fór púlsinn eitthvað af stað, brautin aðeins  upp á við og svo mótvindur og hægði því á mér reyndi svo að rúlla þetta sæmilega áfram. Leið vel og var að passa að halda púlsinum niðri. Tók 1 vatnsglas hjá HR og reyndi að drekka aðeins. 
 1 km split og púls voru:
3:50 - 155
4:04 - 160
3:57 - 158
3:55 - 157
4:00 - 158
Kláraði fyrstu 5 km á 19:46

 5 km - 10 km (HR - Ægissíða)
Hélt áfram að rúlla sæmilega og púlsinn hélst niðri, ef ég fór yfir160 í púsl þá fannst mér ég vera að erfiða of mikið og var því kannski meira að hlaupa eftir tilfinningu. Var sæmilegur mótvindur í skóginum fyrir ofan HR en svo fékk maður meðvind niður í áttina að Nauthólsvík, fínt að breyta aðeins um takt og hlaupa hraðar og fá smá hvíld frá mótvindi. Eftir það voru svo erfiðir rúmir 3 km að snúningspunkti úti á Ægissíðu. Líðan góð þrátt fyrir mótvind og rigningu.
3:57    157
3:49    155
3:51    156
4:01    158
3:59    158
Kláraði næstu 5 km á 19:37 og 10 km á 39:23

10 km - 15 km (Ægissíða - Loftleiðir)
Snúningspunkturinn var svo í tæplega 11 km, tók eitt gel rétt áður en ég kom að snúningspunktinum og greip tvö glas og reyndi að koma niður smá vökva. Eftir þetta kom meðvindur og maður rúllaði vel af stað, þá fór hraðinn úr tæplega 4 mín pace niður í 3:50, fann mig mjög vel á þessum kafla en vildi samt ekki fara of hratt því það var svo mikið eftir af hlaupinu. Þarna byrjaði maður að mæta öðrum maraþon hlaupurum sem var gaman og ekki eins einmannalegt. Ég var með forustu um að giska 500m - 700m á næsta mann. Kom svo mótvindur frá Nauthólsvík að Loftleiðum.
3:58    157
3:48    156
3:50    153
3:53    152
3:57    156
5 km á 19:26 og 15 km á 58:49

15 km - 20 km (Loftleiðir - Víkinsheimilið)
Auðvelt að rúlla þennan kafla allan í meðvindi og púlsinn mjög lár á þessum tíma. Var samt farinn að stífna í kálfum. Var að rúlla á 3:53-3:55 og púls aðeins 151-155 slög. Eftir á hefði maður hugsanlega geta nýtt sér meðvindinn eitthvað betur á þessum kafla en þarna fann ég aðeins fyrir kálfum og sömuleiðis nóg eftir. Reyndi að drekka á vatnsstöðinni við HR.
3:55    155
3:53    151
3:55    154
3:53    154
3:53    153
5 km á 19:29 og 20 km á 1:18:18

20 km - 25 km (Víkinsheimilið - Stokkur - Kirkjugarður)
Fór í gegnum hálft maraþon á tímanum 1:23:00 og leið bara mjög vel. Fékk mér 1 gel áður en ég kom að snúningspunktinum og greip svo tvö glös að drekka og reyndi að koma einhverjum vökva niður. Guðni fylgdi mér svo ca. 1 km að Víkinsheimilinu í sinni upphitun. Hann var allan tímann fyrir aftan mig og ég passaði mig á að láta hann alls ekki taka vind eða hjálpa til á neinn hátt. Var ennþá með góða orku og rúllaði þennan kafla bara mjög vel, gaman að mæta aftur maraþonhlaupurunum í Fossvoginum.
3:48    153
3:56    155
3:56    157
3:54    157
3:55    154
5 km á 19:29 og 25 km á 1:37:47

25 km - 30 km (Kirkjugaður - Skerjafjörður)
Mótvindur áfram og leið vel. Fékk mér vökva við HR. Rúllaði vel frá Loftleiðum og út fyrir endabraut en þá tók mótvindurinn aftur í. Orkan fín og lappirnar góðar þrátt fyrir stífa kálfa.
4:06    156
4:01    154
3:55    152
3:52    153
4:07    155
5 km á 20:01 og 30 km á 1:57:48

30 km - 35 km (Ægissíða - Nauthólsvík)
Fann fyrir þreytu í mótvindinum úti á nesi og tók fljótt gel til að reyna að ná orkunni upp, fannst það nauðsynlegt þrátt fyrir að fá ekki að drekka strax eins og er best. Var samt áfram rólegur og ekkert að streða of mikið í mótvindinum. Gott að snúa svo við og vera á leiðinni tilbaka. Bæði andlega og svo einnig í meðvindi. Fékk mér sömuleiðs að drekka á vatnsstöðinni. Sá að ég var kominn með góða forustu á 2 sætið og þyrfti líklega ekki að hafa áhyggjur að hann myndi ná mér, nema ef eitthvað kæmi uppá. Gaman að mæta aftur öllum maraþon hlaupurunum.
4:06    154
4:04    154
3:50    153
3:51    154
3:52    153
5 km á 19:43 og 35 km  á 2:17:31

35 km - 40 km (Nauthólsvík - Fossvogur)

Búinn með 39 km að koma inn í Fossvoginn

Stutt eftir, um 3 km eftir

 Fékk svo aftur mótvind frá Nauthólsvík að Loftleiðum en þarna var minna eftir og maður þorði meira að reyna að sig, var farið að styttast í þetta og gekk bara mjög vel á þessum kafla. Mætti svo fyrstu hálfmaraþon hlaupurunum fljótlega og restinni sem var mjög gaman. Datt svo aðeins niður hraðinn og orkustigið frá Kirkjugarðinum inn í Fossvoginn  en náði svo aftur að koma mér af stað því það var stutt eftir.
3:55    158
3:53    157
3:55    154
3:59    153
3:52    156
5 km á 19:34 og 40 km á 2:37:05

40 km - 42,2 km (Fossvogur - Stokkur)
Mjög stutt eftir, meðvindur og aðeins niður á við og því gekk þessi kafli mjög vel en auðvitað var maðurinn farinn að erfiða aðeins. Lappirnar voru ótrúlega góðar og fannst ég ráða vel við hraðann. Skipti þarna í fyrsta skipti yfir á heildar tímann og sá að ég gæti fræðilega bætt PB mitt frá því í Berlín í haust. Áttaði mig ekki alveg á hvað langt væri eftir en að það yrði líklega erfitt. Gaf samt vel í en áttaði mig svo á því þegar ég kom inn í Elliðaárdal að þetta væri líklega ekki að nást (þeas að bæta PB tímann minn). Var samt ótrúlega ánægður á hvaða tíma ég væri að klára á miðað við að væntingar fyrir hlaup voru ekki miklar. Gaman sömuleiðis að vita að Anna væri í markinu með strákana. Óttar og Kári komu svo hlaupandi með mér í lokin og var það mjög gaman. Kom svo í mark á tímanum 2:45:40 og í fyrsta sæti.
3:53    157
3:35    159
1:07    163
2,2 km á 8:36 og 42,2 km á 2:45:40

Nýkominn í mark

 Var ótrúlega góður eftir að ég kom í mark. Tók því rólega og reyndi að koma einhverri næringu í mig. Svo var maður lengi að spjalla við aðra hlaupara og bíða eftir verðlaunaafhendingu.  Ólafur Austmann Þorbjörnsson lenti í öðru sæti og náði undir 3 klst og svo var Daníel Reynisson í 3 sæti og náði sínu besta maraþoni.

Ólafur Austmann Þorbjörnsson í 2 sætði, Örvar Steingrímsson í 1 sæti og Daníel Reynisson í 3 sæti.

Búnaður:
Skór: Adidas Adios Boost 2
Sokkar: CW-X compression sokkar
Buxur: CW-X compression buxur
Peysa: CW-X léttur hlaupa langerma bolur
Bolur: Nike hlaupa bolur

Næring:
5 GU energy gel. 1 fyrir hlaup og svo 4 í hlaupinu.
Drakk á hverri vatnsstöð vatn og orku þar sem það var í boði.

Þakkir:
Félag maraþonhlaupara fær frábærar þakkir fyrir vel útfært hlaup og sömuleiðis allir sjálfboðaliðarnir sem hjálpuðu til. Ekkert smá gott að geta boðið uppá Vor- og haustmaraþon til að þurfa ekki að fara alltaf til útlanda til að hlaupa á þessum árstíma.
Anna og fjölskyldan fær sömuleiðis þakki fyrir að leyfa mér að stunda þetta sport eins mikið og ég get. Óendanlega þakklátur fyrir það.
 T-mark fyrir stuðninginn við næringu og búnað. Var að drekka salt og steinefna blöndu dagana fyrir hlaup til að halda næringu og vökva málum í lagi. Hef verið að nota GU energy gel sem eru bæði bragðgóð og fara mjög vel í magann. CW-X fatnaðurinn sem styðja mjög vel við alla vöðvahópa og veita góðan stuðning í svona þrekraun.

Strava:

Hamarshlaup #1 - 2. sæti

Ég og Guðni eftir hlaup

Ég og Guðni fórum saman til Hveragerðis að keppa í fyrsta Hamarshlaupi ársins. 19 km utanvegahlaup með hækkun upp alla Kambana.
Fékk einhverja kvef drullu í mig í lok vikunnar og var að spá í gærkvöldi og nótt hvort ég ætti ekki bara að hætta við þetta hlaup. Ákvað samt að prufa og sjá hvernig myndi ganga. Hefðbundinn hafragrauts morgunmatur og tók svo GU drykkjarblöndu með mér í bílinn til að fá mér á leiðinni.

Tókum 3 km í upphitun og fannst mér öndunin eitthvað aðeins off en annars kvefið mest fyrir ofan háls sem er sæmilega jákvætt. Fékk mér eitt gel um 10 mín. fyrir start.Rigning og rok voru aðstæður dagsins en um ca. 50 manns voru mætt til að taka þátt. Guðni fór fyrstu af stað og ég svona rétt á eftir, hann jók svo bilið hægt og rólega. Fyrsti hlutinn var erfiðari en ég hélt með rúllandi hæðum áður en maður kom að snúningspunktinum rétt hjá Sogni. Sló aðeins af eftir það og gekk betur með öndun eftir það. Fékk mér eitt gel áður en ég kom að byrjunarpunktinn sem var sömuleiðis vatnsstöð.

Rúllaði svo sæmilega að Kömbunum en var smá að spara mig fyrir klifur upp ca. 250m. Nokkuð erfiður halli, of "sléttur" til að labba en alveg krefjandi að hlaupa allan tímann þarna upp, gekk samt vel að halda takt og púlsinum nokkuð jöfnum þarna upp. Eftir mestu hækkunina kom smá sléttur kafli eða með minni upphækkun og svo smá rúllandi hæðir í lokin áður en maður snéri við. Fínt að hafa Guðna í augnsýn upp Kambana til að fá stærðar hlutföllin á brekkunni rétt og eitthvað til að keppa við annað en tímann. Rúllaði svo hratt niður og reyndi að passa að misstíga mig ekki og stíga illa á grjót. Gaman að fara mæta öllum hlaupurunum sem voru á uppleið. Gekk vel að halda hraða niður Kambana en svo skrítið að þurfa að byrja að hlaupa aftur sléttan kaflann þegar maður var kominn niður. Tók svo annað gel fyrir síðustu 2 km til að geta haft orkustigið hátt allan tímann. Rúllaði vel í lokin meðfram ánni og kom svo í mark á 2 maður á tímanum 1:18:50 mín eða um 2:30 á eftir Guðna.
Létt niðurskokk og svo brunað heim.
Flott keppni hjá Hamarsfólkinu og vil ég þakka þeim fyrir mjög flott og skemmtilegt hlaup. Kjörið hlaup fyrir þá sem ætla eitthvað af stærri utanvega hlaupum sumarsins.

Powerade #5 - 4. sæti

Mynd af undir 40 mín hópnum. Frá vinstri. Hilmar, Sindri, xx, Biggi, Benoit, Örvar, Þórólfur og Ívar
(mynd. Powerade Vetrarhlaup)

Vikan búin að ganga vel og sömuleiðis æfingar undanfarið. Tók interval á mánudag og rólegt bæði á þriðjudag og miðvikudag. Ætlaði því að mæta sæmilega sprækur til leiks í Powerade. Ekki búinn að vera nægilega ánægður með framistöðuna í síðustu 2-3 Powerade hlaupum og langaði að gera betur núna. Var reyndar eitthvað stífur í ökklanum á miðvikudaginn og fann aðeins áfram fyrir því. Líklega létt tognun í frostinu.
Var sæmilega sprækur í upphitun og rúllaði vel og fannst ökklinn strax betri eftir 1-2 km. Frost og stilla úti og aðstæður sæmilegar. Frostinn snjór og klaki á stígum en aðeins laus sumstaðar.

Kári, Þórólfur, Valur fóru fyrstir af stað og Benoit þar rétt fyrir aftan. Ég kom svo en enginn virtist hafa elt mig og ég því einn frá byrjun. Passaði mig á því að fara ekkert of hratt af stað og var því ekkert að reyna að hanga í fremsta hóp, var alltaf með sjónir á Benoit en varð aldrei var við neinn fyrir aftan mig. Tók því rólega upp Brekkuna upp í Bakka og reyndi svo að gefa aðeins í eftir það. Loksins fannst mér ég vera að rúlla vel og ekki sprunginn eftir 3-5 km. Benoit var svona 2 ljósastaurum á undan mér og eftir því sem við komum neðar í Elliðarárdalinn því meiri nálgaðist ég hann. Átti von á því að Sindri yrði nálægt mér en heyrði aldrei í honum en hann var um 1 mín fyrir aftan mig. Þegar við vorum búnir með stokkinn og um 2,5 km eftir var ég ennþá nærri Benoit. Hélt svo áfram að reyna að minnka bilið eitthvað en gekk hægt. Fórum í gegnum undirgöngin og með um 1 km eftir var þetta komið niður í einhverja 20-30m, tók þá þetta í nokkrum áhlaupum og náði að minnka bilið. Gaf mér styrk að hafa loksins einhvern til að keppa við síðustu km í hlaupinu. Þegar um 300-400m voru eftir tók ég svo góðan sprett og náði að fara framúr og skilja Benoit eftir. Hljóp svo þétt í mark án þess að Benoit reyndi að elta. Kom í mark á 37:27 sem er meira en mínútu hraðar en í síðasta mánuði. 4 sætið og ég mjög sáttur við hlaupið. Benoit hafði svo verið að drepast úr hlaupasting sem var að valda honum óþægindum.
Tókum svo nokkrir saman niðurskokk.

Samanburður á milli jan og feb

Atlantsolíuhlaup FH #1 - 3. sæti

Fyrsta hlaupið í hlauparöð Atlantsolíu og FH. Í fyrsta skipti síðan 2011 sem ég mæti í þetta hlaup. Langar að vera duglegri að mæta í þessi styttri hlaup og þetta var liður í því.

Það var frekar kalt úti, um -4°C en lítill vindur. Skokkaði aðeins brautina í upphitun og sá að nagla skórnir myndu líklega ekki duga og fór því í LaSportiva Helios utanvega skónum mínum. Léttir og þægilegir með gott grip í snjónum. Snjórinn var þétt pakkaður en nokkuð laus til hliðanna og á nokkrum köflum.
Sæmilega þétt samkeppni í þessu hlaupi og vissi að það yrði barátta að komast í topp 3. Þórólfur var fljótur að taka forustuna og var fljótur að stinga af. Á eftir honum komu 4-5 keppendur. Ég, Ingvar Hjartar, Sindri, Bjarni Ármann (ungur frjálsíþrótta strákur) og líklega Ívar Trausti. Ég var í öðru sæti ca. fyrstu 1,5 km en þá kom Ingvar framúr mér og hinir tveir skammt á eftir. Þegar við beygðum frá standlengjunni og upp í átt að Hrafnistu þá kom sæmileg brekka sem var nú aðeins brattari og lengri en ég hélt. Ég náði þó að hanga í Ingvari og svo kom mjög erfiður kafli á götunni áður en var snúið við. Laus saltaður snjór og erfitt að gefa einhvern kraft í skrefin. Þórólfur var kominn einhverja 200m fyrir framan okkur við snúningspunkt en ég alveg aftan í Ingvari og 1-2 skammt á eftir mér. Þetta var nokkuð þétta upp í 3km en þá náði Ingvar ca. 10m á mig og ég sömuleiðis hætti að heyra í þeim fyrir aftan mig.
Síðustu 2 km voru erfiðir og ég vissi að ég mætti ekkert gefa eftir því þá væri menn fljótir að ná manni, Ingvar hélt sömuleiðis aðeins að breikka bilið. Röðin á mönnum hélst nokkurnveginn svona þangað til í lokin. Hefði verið gaman að komast nær Ingvari í endasprettinum en ég var orðinn vel þreyttur í snjónum. Kom 3 í mark á 18:17 mín um 10 sek á eftir Ingvari, Þórólfur vann á 17:04, mjög öflugt hlaup hjá honum. Frjálsíþrótta strákurinn kom í 4 og Sindri í 5 sæti. Hélt að þetta væri Sindri allan tímann fyrir aftan mig en svo var víst ekki.

Ég, Þórólfur og Ingvar í verðlauna afhendingu. (Mynd: Þórólfur)

Skemmtilegt hlaup og alltaf gaman að vera úti í kuldanum að keppa og reyna á sig. Frábært að sjá hvað margir voru mættir. Gaman að komast á pall og mjög sáttur við 3 sætið.

Gamlárshlaup ÍR - 6. sæti

 Skráði mig á síðustu stundu og mætti um kl. 11:20 niður í Hörpu að ná í gögnin. Tók létta upphitun og var ekki alveg að finna mig, kalt og smá vindur. Ákvað að vera í negldum skóm þrátt fyrir að flestar götur væru auðar, aðalega smá slabb á Sæbrautinni.
Hitti Michael Wardian í startinu og fannst það mjög gaman. Mjög frægur ultra hlaupari sem keppir alveg fáranlega oft.
Var í frekar stórum hóp í startinu á eftir fyrstu 3 (Guðni, Wardian og Daníel sem vann hlaupið). Rúllaði með Benoit og Þórólfi og svo slatta af öðrum hlaupurum. Eftir um 4 km fór Benoit að slíta sig frá hópnum, þegar við beygðum niður í Vatnagarða þá tók Þórólfur á rás á eftir Benoit og var fljótur að nálgast hann. Slitnaði þá fljótt á milli manna fyrir aftan mig en það náði einn að hanga í mér og gerði það alveg næstu 3-4km upp í 8km þegar ég gaf aðeins í og náði að stinga hann af (það reyndist vera Pétur, sem vann rvk maraþonið fyrir einhverjum árum). En náði að halda sæmilega haus og keyra vel síðustu 2-3km og var virkilega ánægður með það. Sæmilega vel útfært hlaup og náði að halda orkustiginu nokkuð jöfnu allan tímann.
Endaði á 36:13 sem er líklega mitt 3 besta 10 km hlaup og í 6. sæti. Sáttur við það miðað við að hafa misst aðeins dampinn í meiðslum í haust.
Frábær endir á alveg frábæru hlaupa ári

Úrslitin eru hérna: Hlaup.is
 

Powerade #3 í 7. sæti - Kaldur raunveruleiki í kuldanum

Sindri, Sigurjón, Guðni, Benoit og Örvar (Ljósmynd Powerade Vetrarhlaup)

Þriðja Powerade hlaup vetrarins var á dagskrá í kvöld. Frábært veður, kalt og mikil kyrrð. Aðstæður sæmilegar miðað við desember, klaki og smá snjór. Komst ekki í seinasta hlaup þar sem ég var í veseni með kálfann á mér. En gott að mæta og taka smá stöðutékk. Hef ekki náð nægilega góðum æfingakafla eftir Berlin því ég meiddist akkúrat þegar ég ætlaði að fara keyra upp magnið.

Tók létta upphitun og hitnaði nú ekki mikið við það. Fjöldinn allur mættur og góð stemning í þessu aðventu hlaupi. Kári, Guðni og Valur fóru fyrstir af stað í næstu grúbbu voru svo Ég, Benoit, Sigurjón, Sindri og Ívar. Vorum allir saman að brúnni og þá slitnaði aðeins í sundur og ég og Benoit vorum saman næsta 1-2 km en þó fór ég að gefa eftir og Sigurjón og Sindri náðu mér og rúlluðu hægt og rólega fram úr mér. Missti aðeins hausinn og gaf því aðeins eftir. Var sannfærður að nú gæti ég bara tekið því "rólega" og var ekki að nenna þessu. Eftir 6-7 km fer ég svo að heyra í einhverjum öðrum nálgast mig (sem var Ívar) og þá reyndi ég aðeins að sparka í rassinn á mér og gaf aðeins í, vildi ekki fá fleiri framúr mér. Rúllaði þetta svo nokkuð jafnt þaðan og í mark. Kom í mark á 38:11 sem er allt í lagi en finnst leiðinlegt að hafa ekki náð að halda forminu síðan í haust.
Púlsinn var sæmilegur allan tímann en fannst þetta frekar vera tengt hvað ég hef hlaupið lítið undanfarið og því einhverskonar vöðva þreyta frekar.

En gott að vera mættur aftur og vonandi nær maður sæmilega góðu æfingartímabili á næstu mánuðum.

Strava gögn:

Powerade vetrarhlaup #1

Fyrsta Powerade hlaup vetrarins var í kvöld. Frábært veður, hiti um 1-3°C og nánast logn. Tók létta upphitun í myrkrinu og mætti svo á startlínuna. Svo virðist sem að nánast allir bestu hlauparar landsins voru mættir í kvöld í að ég myndi halda eitt mest "competitive" hlaup ársins í 10km. Kári Steinn, Sæmi, Guðni, Valur, Bjössi Margeirs, Benoit, Þórólfur, Sigurjón, Reynir og margir fleiri sem eiga tíma undir og í kringum 35 mín.

Fór hratt af stað með fremsta hóp. Kári, Sæmi, Guðni og Valur á undan mér, eftir um 1 km sló ég aðeins af og þegar verið fórum yfir brúna við Breiðholtsbraut þá voru Hugi og Benoit komnir við mig. Hélt þeim fyrir aftan mig upp að Suðurfelli en svo komu þeir framúr mér og náði ekki að halda í við þá. Þeir fóru því hægt og rólega framúr en ég hélt sæmilega dampi. Var nokkuð hár í púls og því lítið að hægt að gera en að halda áfram. Heyrði svo aldrei eða varð var við neinn fyrir aftan mig alla leið niður að stokkinum. Þegar við erum komnir hjá gamla Boot Camp þá sá ég einhverja fyrir aftan mig, sýndist ég sjá Sigurjón og átti sömuleiðis von á að Þórólfur væri ekki langt frá. Reyndi að minnka forskotið á Benoit og Huga upp rafstöðvarbrekkuna en það tóks ekki og bilið hélt alveg þar til í lokin. Kom því í mark á mínum öðrum besta tíma í Poweradehlaupi 36:25.

Er í mínu besta formi og því svekkjandi að ná ekki betri tíma en þetta. En þar sem það er langt síðan að maður tók hraðaæfingar og tæplega 2 vikur frá maraþoni þá er það kannski skiljanlegt. Október verður svo tekinn rólega til að ná góðri hvíld fyrir næsta tímabil. En gaman að taka þátt í Powerade og stefnan tekin á að reyna að mæta í þessi hlaup í vetur.

Berlin marathon - PB 2:44:30

Við Anna flugum út til Berlínar með góðum vinahópi snemma á föstudagsmorgni. Vorum komin upp á hótel rétt fyrir kl. 2 og fórum svo fljótlega af stað út marathon expo-ið sem var í Berliner Luftbrucke (sem er sögufrægur flugvöllur). Allt troðið af fólki og mikið um að vera. Fórum og náðum í númerin okkar og náðum bæði að láta færa okkur í rétt hólf, ég í 2:40-2:50 og Anna í 3:50-4:15. Smá léttir en eftirá óþarfi þar sem lítið eftirlit var með hólfunum. Við röltum svo um svæðið aðeins áður en við fórum upp á hótel. Pizza um kvöldið og snemma í háttinn enda þreytt eftir að hafa vaknað um kl. 3 á íslenskum tíma. Á laugardeginum reyndum við að taka því mjög rólega. Kíkt á eitt safn um DDR og svo aðeins skoðað svæðið um kring. Pössuðum okkur að taka því rólega og dugleg að sitja og liggja, enda frábært veður og því kjörið að liggja í grasinu og slappa af. Hópurinn fór svo í pasta hleðslu um kvöldið og sömuleiðis reynt að fara snemma að sofa. Gekk fínt að sofna og svaf nokkuð vel miðað við oft áður.

 
Við vöknuðum svo kl. 6 og fórum niður í morgunmat. Hafragrauturinn klikkaði eitthvað smá og ég fékk mér því rúnstykki með osti og sultu, vatn og smá djús. Fórum aftur upp og gerðum okkur tilbúin, farið í hlaupagallann og líkamspartar smurðir. Um 15-20 mín rölt með hópnum niður í startið og þar var maður aðeins að drekka GU steinefna blöndu og fékk mér einn banana.

Kristinn, Gummi, Anna og Stebbi á leið í startið

Vorum komin inná svæðið um 70 mín fyrir start. Hópurinn tvístraðist svo til að komast á dolluna og setja bakpokana með auka dóti á sinn stað. Kvaddi Önnu ef ég myndi ekki hitta hana aftur fyrir startið. Fór í röðina á dolluna og átti eftir að gera lítið annað en að bíða þar. Fannst mjög miklar klósett raðir miðað við td Boston. Var í röð í ca. 50 mín og þurfti að hafa fyrir því að halda ró minni. Fólk var mis heppið með klósett röð en virðist hafa valið illa. Þegar ég var búinn að fara með pokann minn á sinn stað voru um 20 mín í start. Tók mjög litla upphitun og ákvað svo að koma mér á minn stað í hólfi B. Fannst mjög leiðinlegt að ná ekki að hitta neinn aftur og sérstaklega að geta ekki verið með Önnu. Fór fyrst í vitlaust hólf (síðasta hólfið) og tók svo sinn tíma að komast í rétt hólf (B). Náði að finna hólfið og troða mér yfir girðinguna um 3 mín fyrir start. Náði svo að koma hausinum í réttan gír fyrir startið.

Markmiðið hjá mér var C: Að bæta tímann minn frá mínu öðru maraþoni sem er 2:55:13 (tími frá 2011) - B: Komast undir 2:50 (helst 2:48:48 sem er 4:00 mín/km hraði) og svo A: Að komast undir 2:45, sem var draumamarkmiðið. Var búinn að taka nokkrar maraþon æfingar á 3:55 pace-i (lokatími 2:45:17) og alveg niður í 3:52. Var búinn að því vegna þess að mér finnst oftast vera munur á GPS og raunverulegri mældri vegalengd í keppnum. Finnst þessi munur oft vera um 2-3 sek per km, sem eru um 2 mínútur yfir maraþon vegalengdina. Það var því markmið að fara út á 2:55 en vera með það hugfast að fara yfir á ca. 2:52 ef hlutirnir gengju vel. Annað var að vera í kringum 160 í púls.

 0-5 km

Var vel pakkaður inn í start hóp B þegar skotið reið af og hópurinn lagði af stað.  Ótrúlega gaman að leggja af stað í öllu þessu mannhafi, blöðrurnar yfir manni og fólkið æddi áfram niður Str. des 17. juni. Var um 1 mín að koma mér yfir marklínu og náði að hlaupa strax eftir að maður var kominn yfir línuna en hópurinn var þéttur og mikið af fólki að fara hægar af stað. Grunar að all margir hafi svindlað sér í hærra start hóp.
Fyrstu 5km liðu ansi hratt og var ég að passa mig að fara ekki of hratt af stað en samt að reyna að vera undir 3:55. Úrið var með meðalhraða undir 3:50 en í raun var meðal hraðinn á þessum kafla 3:53 og púlsinn 160 slög. Aðeins of hraður en samt gengu hlutirnir vel fyrir sig. Nokkuð mikið að hreyfa mig sikk sakk til að sviga framhjá fólki og svo hægðist í fyrstu alvöru begjunni eftir um 2,5km. Fór í gegnum 5km á 19:26 eða um 9 sek hraði en ég ætlaði en "close enough".
5 km: 19:26 (00:19:26) - 00:03:53 - 160 

 5-10 km

Áfram hélt maður að reyna að halda hraða og þurfti töluvert að sviga til að gera það. Þegar ég nálgaðist hótelið okkar fór ég hægra megin í brautina til að ná að hitta stuðningshópinn. Ótrúlega fjör að sjá allt fólkið sem var að styðja. Eftir þetta þegar maður beygði inná Torstrasse fór að verða auðveldara að hlaupa beint og á réttum hraða. Flestir vitleysingar sem fóru alltof hratt af stað eða byrjuðu of framarlega frá og fór að verða auðveldara. Var aftur kannski aðeins of hraður skv. gps en á fínum raunhraða. Fór í gegnum 10km á 38:51 mín. Áætlun var uppá 39:10 og ég því um 20 sek á undan áætlun. Fannst mér líða vel og ráða vel við hraðann, rúllaði gekk vel og brautin alveg mar flöt, aldrei neitt streð við mishalla á götunum.
10 km: 38:51 (00:19:25) - 00:03:53 - 160
  
10-15 km

Fór að detta betur og betur inn í hópa sem voru að hlaupa á svipuðum hraða og ég þá hægðist kannski aðeins á manni, var líka með pínu áhyggjur að ég var oft yfir 160 í púls. Sló því aðeins af vitandi að maraþon er mjög löng vegalengd og mikið sem getur klikkað ef maður hleypur of hratt í byrjun. Fékk mér mitt fyrsta gel eftir 45 mín og var duglegur að grípa vatn og orkudrykk á vantsstöðum sem voru oft á um 3km fresti. Maður drekkur lítið í einu og hélst maginn því góður allan tímann. Heildartími í gegnum 15km var 58:36 en áætltun 58:45 (ennþá 9 sek inni, þó svo ég hafi ekki vitað millitímann þarna).  Skv gps var meðalhraði um 3:53 en 3:57 í raun. Hægði kannski full mikið á mér á þessum kafla, aftur á móti var púlsinn lægri sem var betra.
15 km: 58:36 (00:19:45) - 00:03:57 - 158

 15-20  km

Hélt áfram svipuðum hraða og púlsinn ennþá í góðum málum undir 160 slögum. Þarna fór brautin svo úr stórstrætum yfir í venjulegar úthverfa húsagötur. Ennþá var stuðnignurinn frábær og göturnar þétt settnar af fólki sem var að styðja. Fann aðeins meira fyrir hlutunum þarna og fann að hraðinn var eitthvað að minnka hjá manni. í kringum 18 km fannst ég allt í einu heyra nafnið mitt, lít aftur og sé Söru og Sólveigu á harða sprett á eftir mér. Fékk fréttir af Önnu sem var rosalega gott og hjálpaði mér mikið. Vitandi að hún hafi komist í gegnum kraðakið í byrjun hlaups og væri á góðu rúlli.
Þarna var kominn mikill munur á gps og brautinni og munaði strax einhverjum 400-500 m  sem mér fannst fullmikið. Fór í gegnum 20 km á 1:18:21 og sá að ég var alveg á áætlun og það gaf manni sjálfstraust þrátt fyrir að gps-ið væri ónákvæmt. Ennþá var púlsinn í góðum málum. Tók svo annað gel eftir 1:15 klst eða um 30 mín frá síðasta geli.
20 km: 1:18:21 (00:19:45) - 00:03:57 - 157

20-25 km

Gott rúll í ágætum hóp, var farinn að elta einn þjóðverja sem var greinilega heimamaður og mikið að gefa fimmur og virkaði mjög sprækur. Fór í gegnum hálf maraþon á 1:22:40 sem er alveg spot on á áætlun og var ánægður með það.  Fannst ég eiga fullt inni og orkan og lappir ennþá í lagi. Enná í úthverfum og skemmtileg stemning í brautinni. Það var svo í kringum 25 km sem ég allt í einu varð "léttur" í hausnum og fékk léttvægan svima, varð nokkuð hræddur að hlaupið væri að fara misheppnast á þessum tímapunkti. Sló því aðeins af hraðanum og lét þjóðverjann fara. Tók stöðu tékk og fannst einnig lappirnar vera eitthvað þreyttar. Fékk mér að drekka og náði aftur að komast í gírinn. Tók þessa 5 km á 19:38 og fór í gegnum 25 km á 1:37:59 eða um 4 sek á eftir áætlun (var reyndar ekki með 25 km splitt skrifuð og vissi því ekki hvað ég átti að vera á)
25 km: 1:37:59 (00:19:38) - 00:03:56 - 160

25-30 km

Fljótlega eftir þetta hræðslu kast kom svo einn hlaupari sem virtist vera að hlaupa mjög vel. Ég hengdi mig á hann sem átti eftir að reynast vel. Lappirnar voru góðar og ég hætti að fylgjast mikið með hraðanum og fór bara að elta gaurinn fyrir framan mig. Fannst effort-ið vera fínt og ég náði að halda vel í við hann. Þarna fór maður svo að byrja að taka fram úr fólki sem veitti manni sjálfstraust. Kílómetrarnir héldu áfram að tikka og allt gekk vel. Hélt áfram að drekka vatn og orkudrykk þar sem það var í boði og reyndi yfirleitt að fá mér eitthvað á hverri drykkjarstöð. Hitinn var bara góður og hafði ekki mikil áhrif. Fór í gegnum 30 km á 1:57:33 og áætlun var 1:57:30 þarna sá ég að hlaupið var að ganga vel og ég var á góðu rólu sama þótt að gps-ið væri komið aðeins lengra í km. Púlsinn farinn að skríða aðeins upp enda kominn á aðeins meira efford.
30 km: 1:57:33 (00:19:34) - 00:03:55 - 161

30-35 km

Við félagarnir héldum áfram að síga framúr fólki sem gaf manni gott sjálfstraust, ekkert að fylgjast með klukkunni og rúllaði þetta vel. Einn belgi kom svo inn í hópinn og við vorum því þrír sem héldum hópinn. Alltaf gott að km var farið að fækka en samt nóg eftir. Lappirnar voru ennþá góðar og allt gekk vel. Fórum úr úthverfunum yfir í meiri miðbæ. Allt í einu fannst ég mér sjá Reyni félaga minn en hélt að hann væri fyrir aftan mig. Við höfðum ætlað að hlaupa fyrri hlutann saman en höfuðum ekki fundið hvorn annan í startinu. Vorum hægt og rólega að éta fólk upp og sá þegar nær dróg að þetta var Reynir. Fórum svo eiginlega saman í gegnum 35 km hliðið og hann sagði mér að hann hefði ælt í 30km og var farið að slá aðeins af honum. Ég sagði honum að reyna að hanga í þessum hóp því við vorum á góðu rúlli.
Síðustu 5km á 19:22 (hraðasti kaflinn hingað til) og heildar tími 2:16:55, vissi ekki á hvaða tíma ég átti að vera en hefði litlar áhyggjur því við vorum á flottu róli.
35 km: 2:16:55 (00:19:22) - 00:03:52 - 161

35-40 km

Sá fljótt að Reynir var ekki að ná að fylgja okkur og skömmu síðar datt beglinn líka úr hópnum. Vorum á þessum punkti að fara framúr mjög mörgum og vorum aldrei í neinum hóp því við fórum hratt framúr þeim. Tók mitt síðasta gel í um 37 km þrátt fyrir að það var stutt síðan að ég hefði tekið gel. Þarna var maður farin að reyna aðeins meira á sig og hraðinn var sömuleiðis meiri. Lappirnar héldu vel en fór að verða lengra og lengra milli km í haustnum á manni. Frábært að keyra í gegnum 40 km á góðu rólu og ennþá enginn veggur og ekkert að manni. Hafði skrifað eitthvað vitlaust á höndina á mér og vissi því ekki alveg hvað ég átti inni en gat reiknað gróflega að ég væri í séns á sub 2:45. Síðustu 5km á 19:27 og í heildina 2:36:22.
40 km: 2:36:22 (00:19:27) - 00:03:53 - 163

40-42,2 km

Þarna fór maður svo að gefa í og reyna enn meira á sig, frábært að eiga nægilega mikið inni á þessum kafla til að pressa og ekki verra að vera rúlla  framúr fólki. Heyrði aftur stuðningsliðið og í þetta skipti voru það Katrín, Hrafnildur, Silla og Stella. Ruglaðist aðeins og fannst ég sjá Brandenborgarhliðið þegar ég var kominn í 41,6 á gps og fór að gefa hressilega í en sá svo að ég hefði ruglast og sló aðeins af, þó ekki mikið. Mjög gaman að taka síðustu beygjuna og sjá loks Brandenborgarhliðið og markið nálgast óðfluga. Hljóp mjög vel og gaf vel í síðustu metrana. Sá að ég var að komast undir 2:45 klst sem var mitt drauma markmið. Rúllaði svo í gegnum markið á 2:44:30 og var gríðarlega sáttur með mitt hlaup, þakkaði vini mínum sem hefði leitt mig áfram frá kílómetra 25. Tók smá geðkast í markinu og alveg frábær tilfinning að drauma markmiðið var náð.
Reynir om fljótlega í markið og sömuleiðis frábært hlaup hjá honum.
Fór síðustu 2,2km á 8:08 sem gerir meðalhraða uppá 3:42 (rétt yfir besta hálfamaraþon tímanum mínum). Tók seinni helminginn á 1:21:51 sem gerir negatíft splitt uppá 50 sek.
42,2km: 2:44:30 (00:08:08) - 00:03:42 - 166

Official úrslit með tímanum mínum

 
Lokatími skv. flögu var því 2:44:30 sem er meðalhraði uppá 3:53 min/km eða 15,39 km/klst. Ég endaði í 459 sæti í heildina og í 123 sæti í aldursflokki M35.

Ánægð hjón eftir hlaup, Anna að klára sitt fyrsta maraþon

 Eftir hlaup vorum við svo lokaðir inni í markinu útaf einhverjum öryggisástæðum og lostnuðum fljótlega. Frábært að hitta aðra íslendinga og svo komast í símann sinn og geta farið að fylgjast með öðrum hlaupurum í gegnum appið og heyra hvernig Önnu var að ganga. Biðum svo með öllum íslendingunum sen týndust einn af öðrum í mark. Allir skiluðu sér og var ég ótrúlega stoltur og glaður þegar ég hitti Önnu sem var að klára sitt fyrsta maraþon og gerði það með stæl. Frábær dagur með alveg frábæru fólki og mitt drauma hlaup.

Hópurinn eftir hlaup, frá vinstri: Reynir, Kristinn, Stebbi, Örvar, Anna og Gummi

Brautin:
Brautin var frábær í alla staði, smá óskipulegt í byrjun með start hópana en yfirleitt var brautin breið og góð og ekkert vesen að  halda hraða. Get ekki ímyndað mér flatari braut því manni fannst yfirleitt maður vera hlaupa niður brekku fyrir utan einstaka mislæg gatnamót eða árþverun sem vegurinn lyftist eitthvað aðeins.

Búnaður:
Skór: Adidas Adios Boost 2
Sokkar: Þunnir hlaupa sokkar (eitthvað noname merki)
Kálfahlífar: CW-X compression hlífar
Stuttbuxur: CW-X compression buxur
Bolur: Léttur Nike ermalaus bolur (Liðsbúningur Kaldbakur Running)

Næring:
6 GU energy gel. 1 fyrir hlaup og svo 5 í hlaupinu.
Drakk á hverri vatnsstöð vatn og orku þar sem það var í boði.

Þakkir:
 T-mark fyrir stuðninginn. Erum með frábærar vörur, allt frá næringu og drykkjar búnaði upp í mjög góðan compression fatnað. GU energy gelið er frábært og það besta sem ég hef smakkað, óendanlega margar bragðtegundir og mjög gott í maga. CW-X fatnaður sem virkar mjög vel og ég er sannfærður um að compression fatnaður hjálpi til við að minnka vöðva þreytu í svona löngum hlaupum.
Að öðru vil ég þakka fólkinu í kringum mig fyrir að þola þessi endalausu hlaup. Anna og strákarnir fyrst og fremst, frábært að hafa Önnu með í svona undirbúningi og ganga í gegnum þetta saman. Auðvitað fá ömmurnar og afarnir líka miklar þakkir fyrir að vera mjög dugleg að passa strákana svo maður komist út að hlaupa í tíma og ótíma.

Strava info:


Takk fyrir mig
Örvar

Fossvogshlaupið 3 sæti - PB á 35:03

Mynd: Vikingur.is

Sæmilega ferskur þegar ég mætti í Fossvoginn, líklega ennþá smá þreyta eftir hálft á laugardaginn og svo tók ég einnig sæmilega þétta æfingu á þriðjudaginn.
Tók létta upphitun og drillur og var tilbúinn að reyna undir 35 mín, eða í versta falli á ná nýju PB. Gamla PB-ið var alltof gamalt eða frá áramótum 2011/2012 sem var 35:51.

Arnar Péturs, Guðni voru í 10km og svo Valur, Sigurjón og Ívar Trausta í 5km. Fór af stað með þessum hóp og rúlluðum 1 km aðeins of hratt var fyrstu 500m á ca. 3:06 pace-i og fyrsta km á 3:14. Komst samt fljótt á minn hraða sem var nálægt 3:30. Arnar fyrstur, svo Guðni, svo Valur og Sigurjón sem voru að fara í 5km. Ég þar rétt fyrir aftan. Fann fyrir nokkurri þreytu í fyrsta hring og brekkan upp hjá Skógræktarsvæðinu í lokin á fyrsta hring var fjandi erfið. Fór í gegnum 5km á 17:19 sem er nýtt PB í 5km.

Náði að rúlla sæmilega eftir það þangað til snúningspunkturinn í hinum endanum sem var erfiður og fannst "heimleiðin" nokkuð erfið og farið að hægja full mikið á mér. 8 og 9 km voru hægastir hjá mér og í kjölfarið kom aftur síðasta brekkan, erfitt en maður þraukaði og svo var gott rúll niður að Víkingsheimilinu þar sem maður gaf vel í. Var einhvernveginn búinn að ákveða að ég væri ekki að fara undir 35 mín en var öruggur að fara í gegn á nýju PB. Gleymdi einfaldleg að horfa á heildarklukkuna en þegar um 50m voru í markið kallaði Ívar Trausti á mig að ná undir 35 mín, þá tók ég alvöru endasprett en dugði ekki til því ég kom í mark 35:03. Grátlega nærri því að komast undir 35 mín en maður má ekki taka of stór stökk með metin sín.

Bætti mig um 48 sek sem er bara ansi gott. Seinni 5km voru á 17:44 eða um 5 sek hægari hvern km á þeim hring.
3 sæti og nýtt PB og allir sáttir. Þarf að reyna að nota formið og ná undir 35 mín fljótlega.

Frábært hlaup hjá Víkingum, skemmtileg stemning og allt til fyrirmyndar. Góð hvatning í brautinni, vel merkt og nægar veitingar. Fullt hús hjá Fossvogshlaupinu.

Strava info:

Hálf maraþon í Reykjarvíkur maraþoni

30. Reykjavíkur maraþonið var haldið á Laugardaginn og eins og undanfarin 2 ár var ég skráður í hálft maraþon. Finnst alltaf gaman að taka þátt í Reykjavíkur maraþoni og var snemma í sumar búinn að ákveða að fara í hálft maraþon. Fór því strax eftir Laugaveginn aðeins að reyna að vinna í hraðanum sem ég vissi að kæmi sér einnig vel fyrir Jökulsárhlaupið. Eftir ágætis æfingavikur var maður því mættur niður á Lækjargötu vongóður um að nú kæmist maður loksins undir 1:20 klst í hálfu maraþoni. Seinustu 4 hálf maraþon sem ég hef tekið þátt í hafa endað á 1:20:xx.

Það var aðeins kalda en ég hélt svona fyrst þegar maður fór út um morguninn en maður fann lítið fyrir því þegar maður hitaði sig upp. Tók hefðbundna upphitun og kom mér svo fyrir á marklínunni. Fór af stað með fremsta hóp. Kári Steinn var fyrstur, einn smá á eftir honum og svo kom okkar hópur sem var bæði maraþon og hálsmaraþon hlauparar. Friðleifur og einn annar slitu sig fljótt frá hópnum en annars var þessi ca. 10 manna hópur saman alveg í gegnum 10km hliðið. Það var mjög þægilegt að hlaupa í þessum hóp, var fínt skjól þegar mestu vindurinn kom á mann á leið útá nes og hraðinn var jafn og góður. Það sleit einn hlaupari sig aðeins frá hópnum útá Eiðsgranda. Vorum aðeins undir 3:40 hraða fyrstu 3km og svo fór þetta að vera meira í kringum 3:41-3:43. Þetta er hraðinn skv. úrinu og gera má ráð fyrir að bæta 2-3 sek við þennan hraða útaf brautinni.

 Þá var lítið mál að hlaupa á þessum hraða sem kom aðeins á óvart. Þegar við hlupum svo allir í gegnum 10km hliðið á 37:27 þá tók einn maraþon hlauparinn af stað og datt allt í einu niður á 3:30 pace og þá fórum við hálfmaraþon hlaupararnir 5 í þessum hóp að elta hann, sáum fljótt að við áttum ekkert í þennan hraða og hægðum aftur á okkur. Sá það svo eftirá að þetta var sá sem vann maraþonið á 2:33:45. Eftir að hann fór vorum við eiginlega 5 hálfmaraþon hlauparar sem vorum saman í hóp. Maður fór að finna fyrir þreytu hjá Kirkjusandi og þeirri hækkun sem er þar. Svo var ágætt rúll Klettagarðana og Vatnagarðana, þar fór einn þjóðverji aðeins frá okkur. Ég og Guðni héldum svo áfram að leiða upp Sæbrautina og þegar hæsta punkti var náð þar þá fór svo hraðinn aftur að aukast. Fórum 18 km á 3:34 pace-i en svo kom meiri mótvindur eftir það og hægðist aðeins aftur á okkur km 19 og 20. Seinustu km fór maður að finna mikinn mun á því að leiða hópinn (ég, Guðni og Geir + einn Englendingur) en reyndum að skipta þessu aðeins á milli okkar. Áfram var pakkinn þéttur en þegar um 1 km var í mark þá tók Guðni af skarið og skipti um gír. Sá það fljótt að ég myndi ekki ná að hanga í honum en var ákveðinn að reyna að ná í Þjóðverjanum sem var búinn að vera aðeins fyrir framan okkur. Bilið hélst svo að aukastt í Guðna en ég náði Þjóðverjanum í beygjunni inná Lækjargötuna. Gaf þar í og fór framúr honum, þá tók við hressandi endasprettur og hafði ég hann á endanum. Ekkert smá sáttur við að koma í mark í 6. sæti og á tímanum 1:18:41 sem er bæting um 1:20 mín. Endaði í 4. sæti af Íslendingum en Kári Steinn var fyrstur, Friðleifur í 2. sæti og svo Guðni í 3. sæti.

Vel heppnað hlaup þó svo maður hafi aðeins misst sig eftir 10km að reyna að elta upp 3:30 pace. Alltaf gaman að taka þátt í Reykjavíkurmaraþoninu og sérstaklega gaman að ná sínum besta tíma í hálfu maraþoni.

Time    Distance    Sp. time    Sp. dis.    Sp. pace    Avg.HR
0:03:38    1    03:38    1.00    03:38    165
0:07:13    2    03:35    1.00    03:35    171
0:10:52    3    03:39    1.00    03:40    170
0:14:36    4    03:43    1.00    03:44    170
0:18:20    5    03:43    1.00    03:43    169
0:21:59    6    03:39    1.00    03:40    169
0:25:41    7    03:41    1.00    03:42    168
0:29:23    8    03:42    1.00    03:43    167
0:33:04    9    03:40    1.00    03:40    167
0:36:52    10    03:48    1.00    03:49    167
0:40:25    11    03:32    1.00    03:32    168
0:44:04    12    03:39    1.00    03:39    169
0:47:46    13    03:42    1.00    03:42    167
0:51:29    14    03:42    1.00    03:43    167
0:55:13    15    03:44    1.00    03:45    167
0:59:05    16    03:51    1.00    03:52    168
1:02:56    17    03:51    1.00    03:51    168
1:06:31    18    03:34    1.00    03:35    168
1:10:13    19    03:41    1.00    03:42    168
1:13:58    20    03:45    1.00    03:45    169
1:17:30    21    03:32    1.00    03:32    172
1:18:42    21.36    01:11    0.36    03:17    175

Keppnissaga: Jökulsárhlaupið 2013

Lagt var af stað um kl. 10 á föstudagsmorgni og stefnan tekin á Ásbyrgi til að taka þátt í Jökulsárhlaupinu í fyrsta skipti. Hef lengi langað að taka þátt en þetta hlaup hefur sjaldan passað inn í dagskránna og því hefur það dregist að taka þátt. Stutt stop á Akureyri til að skreppa í sund og svo vorum við komin í Ásbyrgi um kl. 18. Tjaldað í rigningu og svo var elduð þessi fína pasta kássa að hætti bróður míns. Svo var spjallað og morgundagurinn undirbúinn.
Vaknaði um kl. 7:30 og hafragrauturinn tæklaður. Fórum svo og skráðum okkur inn og fengum gögnin afhend. Vorum svo aftur mætt á svæðið rétt yfir 9 til að fara í rúturnar upp að Dettifossi. Eftir smá bið fór rútan og við tók um 1 klst akstur upp að Dettifossi. Fínt veður var í byrjun hlaups, bæði ágætlega hlýtt og svo sól á milli skýjanna. Eftir stutta upphitun kom maður sér svo fyrir í startinu.

Fór af stað í fremsta hópi. Kári Steinn tók vitanlega forustuna á fyrstu metrunum, Friðleifur var svo næstur og svo komu ég og Biggi Sævars. Ég tók framúr Bigga áður en við fórum uppá bílaplanið og á malbikaða kaflann. Það fór strax að draga á milli fremstu manna. Þegar við beygjum útaf veginum var Kári Steinn fyrstur, strax kominn vel frá Friðleifi, sem var í öðru, og ég ca. 100m á eftir honum í 3 sæti, eitthvað aðeins styttra var svo í Bigga fyrir aftan mig í 4 sæti.
Þá tók við frekar grófur kafli. Stígurinn frekar óljós á þessum kafla og mjög grýttur, maður þurfti að horfa vel í kringum sig til að fara ekki út af leið. Áfram hélt að draga á milli manna en maður hafi sjónir á Friðleifi svona 200m framar. Hægði viljandi á mér því ég vissi að ég væri ekki að fara hlaupa þetta á hraða undir 4 min/km. Fljótlega kom svo úrhellis rigning sem var nú eiginlega ekkert nema hressandi. Smá mótvindur var á þessum kafla. Áfram hélt svo svipað landlag alveg þangað til að maður fór að detta niður í Hólmatungur. 

Fór í gegnum Hólmatungur á 45:11 sem var alveg á plani. Eftir það breyttist landslagið aðeins og leiðin var meira á stígum og í fyrstu á blautum moldar stígum þar sem maður þurfti að fara varlega. Á þessum kafla þurfum maður að þvera eina á (Stallá) og ég stökk út í hana og lenti frekar illa á steini. Fann strax að hæll/yl myndu bólgna eitthvað upp við þetta en pirraði mig samt ekki mikið á meðan hlaupinu stóð. Það kom brött brekka fljótlega eftir Stallá og þá sá ég Friðleif í síðasta sinn í hlaupinu. Hann var að klára brekkuna þegar ég var við rót hennar. Þegar ég er svo kominn upp kíki ég niður og sé Bigga Sævars vera að byrja á brekkunni. Eftir þetta sá ég svo engann annan keppanda. Þá kom svo auðveldasti og mest hlaupanlegi kafli leiðarinnar. Kom svo í gegnum Vesturdal/Hljóðakletta 1:20:32 eða 35:21 frá Hólmatungum. Þarna var ég aftur eiginlega alveg á áætlun. Ég var búinn að horfa á 45:00 í Hólmatungum og 1:20:00/35:00 í Vesturdal.

Hljóp svo í gegnum Hljóðkletta og við tók svo sæmileg brekka upp Rauðhóla en hún var vel hlaupanleg. Eftir það fór svo landslagið aftur að verða erfitt. Fyrst var laus sandur og svo eftir það mjög þröng moldar kindagata. Allt sikksakkið á þessum kafla og bleytan á stígnum fór að gera manni þetta erfiðara fyrir og þá fór maður að finna fyrir þreytu. Erfitt að þurfa hægja á sér í öllum beygjum og vera forðast alla drullupollana. Þarna var einnig smá mótvindur. Gaman að koma í botn Ásbyrgis og sjá yfir svæðið. Þá breyttist landslagið aftur í grófar klappir sem maður þurfti að hoppa og klifra í gegnum. Það er nokkuð erfitt þegar lappirnar eru orðnar þreyttar, getur verið erfitt að breyta úr hlaupaskrefinu yfir í stærri stökk á milli steina. Þarna lenti ég líka nokkrum sinnum að hlaupa næstum því út úr leið en fann hana nú fljótt með að líta smá í kringum mig.
Þarna var orðið stutt eftir og maður reyndi bara að halda áfram á nokkuð þéttri keyrslu. Var búinn að sjá að ég ætti að halda ca. 4:30 pace-i til að komast þennan hluta á undir 1 klst. Þó svo að það sé stundum erfitt fyrir úrin að koma með rétta vegalengd í þessum utanvega hlaupum. Var farinn að finna til smá seiðings í kálfa og aftanílæri þegar um 1 km var í mark en það var ekkert sem tafði mann. Það var svo mjög gaman að koma inná túnið í lokin og sjá að 3. sætið var að detta í höfn og einnig að komast undir 2:20 klst. Endaði svo hlaupið á 2:19:28.

Bræðurnir í lok hlaups, JHS í 12. sæti og ég í 3. sæti

Gaman að komast á pall með Kára Steini ólympíufara sem vann hlaupið á nýju brautarmeti 2:03:54 og Friðleifi sem endaði í öðru sæti á 2:15:02, ekki amalegur félagsskapur það.

Búnaður og drykkir:
Ákvað að hafa þetta bara svipað og í Laugaveginum en sleppti þó drykkjar bakpokanum.
Skór: Brooks PureGrit. Virkuðu ekkert voða vel. Gleymdi að reima þá nógu fast á mig og var orðinn bínu sárfættur strax í byrjun á öllu sikksakkinu og hoppinu. Það voru þeir einnig nokkuð sleipir í drullunni á moldarstígunum.
Sokkar: Compressport doppu sokkar.
Kálfahlífar: CEP. Líklegast óþarfar en maður veit þó aldrei.
Stuttbuxur: Asics. Venjulegaar þröngar hlaupabuxur.
Bolur: Adidas. Léttur hlaupabolur. Fékk í fyrsta skipti smá geirvörtusár sem var nú ekkert sérstaklega gott. Slapp þó við að koma með blóðugar geirvörtur í mark :)
Gel: 3xGU gel + 1 High Five gel fyrir hlaup. Aftur virkuðu GU gelin vel. Tók fyrsta gelið aðeins fyrir Hólmatungur (40 mín), annað rétt fyrir Vatnsdal (1:15) og svo seinasta líklega um (1:45) þannig að ekki vantaði mig orkuna.
Drykkir: Sleppti drykkjar bakpokanum þar sem mér fannst aðeins og heitt að vera með hann. Stoppaði á hverri vatnsstöð og fékk mér annað hvort 1-2 glös af Powerade eða vatni, eftir því hvernig stemningin var og einnig nokkuð tilviljunarkennt hvað maður greip í flýti.
Morgunmatur: Fékk mér hefðbundinn morgunmat sem er hafragrautur með döðlum, möndlum, Chia fræjum, hnetusmjöri og banana.

Frábærlega staðið af þessu hlaupi og skemmtileg stemning í kringum það. Leiðin alveg frábær og vel merkt þar sem slóðin skiptist upp. Leiðin er mjög krefjandi og kom það aðeins á óvart hversu mikið það tekur á allt þetta sikksakk á stígunum og hopp á milli steina.
Mun mæta aftur í þetta þó svo maður nennir kannski ekki að keyra þessa vegalengd á hverju ári.

Keppnissaga: Laugavegurinn Ulta maraþon 2013

Veðrið var ágætt um morguninn. Giska á hita uppá ca. 5°C og nánast logn í Landamannalaugum. Það fór svo að rigna þegar maður var að taka sig  til og var maður því óviss hvernig maður ætti að klæða sig.  Þegar maður sá svo allt liðið koma úr rútunum og flestir voru mjög vel klæddir þá fór maður að endurskoða aðeins útbúnaðinn. Ákvað svo að vera bara í stuttbuxum með kálfahlífar, í bol og svo langerma bol yfir og með hanska og buff. Var svo með Salomon bakpokann sem ég hafði keypt nokkrum dögum áður. Í honum var ég með 1 l af powerade og setti svo 500 ml af vatni til að þynna powerade-ið aðeins. Tók með 10x GU gel og 1x GU hlaupkalla (sama og gelið). Var svo með nokkrar salt töflur til vara.

Landmannalaugar-Hrafntinnusker
Ég og Guðni hituðum okkur  aðeins upp með að skokka um svæðið og ná mestu spennunni úr kerfinu. Komum okkur svo í startið og komum okkur fyrir fremst. Hópurinn taldi saman niður frá 5 og svo var hlaupið af stað. Hef aldrei verið svona  framarlega og lenti því ekki í neinni biðröð á stígnum upp hraunkantinn. Stefán Viðar og einn útlendingur voru fyrstir og svo ég og Guðni þar fyrir aftan. Eftir ca. 500m í hrauninu  tók ég framúr útlendinginum og  þegar við nálguðumst Brennisteinsöldu þá fórum við framúr Stefáni, Biggi Sævars fylgdi okkur svo skammt undan. Við Brennisteinsölduna var strax logn og manni orðið heitt. Við hlupum það sem var hægt og gengum svo bröttustu brekkurnar og fórum rólega í niður kaflana. Sáum fljótt að þetta yrði líklegast keppni okkar á milli og höfðum við svo smá áhyggjur af Bigga, þó svo að hann hafi ætlað að hlaupa áfram út í Skóga. Það virtist ekki vera neinn úber öflugir útlendingar eins og við vorum búnir að óttast.
Fljótlega fór svo að kólna og vindurinn að aukast. Það var svo eftir ca. 7 km sem snjórinn byrjaði. Maður var búinn að heyra um snjóinn en gerði ekki ráð fyrir að hann myndi byrja svona snemma. Þegar ég hljóp 2011 var miklu meiri snjór en 2010 en þetta var allt annað. Þá var snjórinn meiri við Hrafntinnuskerið en núna náði hann svo langt niður í átt að Landamannalaugum. Það er líka auðveldara að hlaupa í snjó á jafnsléttu en upp brekkur og því varð þetta ennþá erfiðara. Þá var snjórinn frekar blautur og laus í sér og var erfitt að hlaupa í honum, eiginlega erfitt að labba í honum líka.  Við gerðum okkur fljótt grein fyrir að þessi snjór myndi hægja eitthvað á okkur við myndum verða aðeins lengur upp í Sker en vorum samt rólegir yfir þessu því allir aðrir þurfti líka að fara í gegnum snjóinn.  Komum svo upp í Hrafntinnusker á tímanum 1:03:53 sem var ca. 2 mín á eftir áætlun. Fékk mér 1 gel eftir ca. 45 mín.

Hrafntinnusker-Áfltavatn
Við stoppuðum varla í Hrafntinnuskeri, fékk mér smá vatnsopa úr einu glasi og svo héldum svo strax áfram. Allt á kafi í snjó og ennþá var hann nokkuð erfiður og þá kom mótvindur líka á þessum kafla. Reyndum áfram að hlaupa það sem við gátum en þurftum oft að skipta yfir í göngu til að þola snjóinn. Á þessum kafla sleppur maður þó við nokkuð lítil gil og því græðir maður einnig smá á snjónum á þessum kafla. Vorum næstum því búnir að hlaupa útúr leið eftir ca. 14 km en vorum fljótir að átta okkur á vitleysunni. Aðeins öðruvísi að vera fremstur og þurfa að „finna“ leiðina en ekki elta eins og ég hef vanalega gert. Var samt gott að vera tveir og geta kastað á milli hvað væri nú „rétta“ leiðin. Snjórinn hætti svo loks fyrir stærstu brekkuna og var alveg frábært að vera laus við hann. Þá loksins náðum við að komast í smá hlaupa gír. Fljótlega fórum við að rúlla niður og vorum báðir mjög tæpir í einu gilinu sem var svo hált að það munaði litlu að myndi enda illa. Á hverasvæðinu var mikið um blautan leir og því passaði maður sig vel á þeim stöðum. Fórum svo varlega niður Jökultungurnar til að fara vel með lærin. Þarna var ég með smá áhyggjur og fannst ég vera orðinn þreyttari en ég var þegar ég hljóp þetta árið 2011. Kannski eitthvað samspil af snjó og kulda en maður var kominn með smá þreytu í lærin og einhvern veginn ekki kominn almennilega í gang sökum þess að maður var lítið búinn að hlaupa langann kafla. Þarna fór maður samt aðeins að fá að rúlla. Frábært að það var búið að setja tvö borð á stigann yfir fyrstu ánna/lækin eftir jökultungurnar. Datt þarna frekar illa árið 2011 og því mikil bót. Héldum áfram saman ég og Guðni og var mjög þægilegt að hlaupa þetta tveir saman. Voru aldrei einhvern veginn að toga hvorn annan áfram heldur var þetta bara vinalegur hlaupatúr. Aftur tók ég varla stopp í Álftavatni, fékk mér aftur smá vatnssopa og Guðni fyllti á vatnið sitt og var mjög snöggur að því og því fljótur að ná mér aftur. Vorum í Álftavatni á 2:03:36 og fórum við því þennan legg á 59:43 sem var alveg á áætlun en í heildina aðeins á eftir áætlun. Ég fór að halda að það yrði erfitt að toppa 2011 tímann með þessu áframhaldi og miðað við að lappirnir voru minna ferskar á þessum tíma punkti heldur en 2011.

Álftavatn-Emstrur
Áfram héldum við og sáum Bigga ekki langt fyrir aftan okkur þegar við vorum að hækka okkur upp eftir ferskvatnsánna eftir Álftavatn. Þarna var ég áfram með smá áhyggjur, frekar kalt með mótvind í fangið og Guðni hljóp upp smá brekku sem ég labbaði frekar. Náði honum samt fljótlega. Renndum í gegnum Hvanngil og þar var alveg einn að taka á móti okkur J Veðrið eitthvað að hafa áhrif því 2011 var þarna mikill hópur og margir sem ég þekkti. Fljótlega eftir það var það svo Bláfjallakvíslin. Lappirnar vel frosnar þegar maður hélt áfram en var fljótur að jafna sig á á kuldanum og þarna fór maður loksins að geta hlaupið. Vindurinn snéri sér aðeins þannig að hann kom á hlið og frekar í bakið en á móti. Fann það fljótt að maður var að jafna sig á Jökultungunum og snjónum og lærin voru að lifna við. Þarna var einnig gott að hafa Guðna því við ræddum mikið saman um líðan og það hjálpaði að vita að við vorum í svipuðum málum. Þarna náðum við mjög góðum kafla og rúlluðum á ca. 4:30 pace-i í einhverja 7 km. Sandurinn var fínn en var þungur þar sem hann er laus í sér, alveg sama hvort hann er blautur eða ekki. Slepptum alveg vatnsstöðinni hjá veginum og héldum áfram að rúlla vel. Fínt að fara í gegnum skarðið við Útigönguhöfða, aðeins að fá að labba upp og rúlla niður. Þá fundum við að lærin voru komin í gang aftur og báðir nokkuð ferskir. Einnig gott að vita að maður átti „bara“ 20km eftir. Svæðið fyrir Emstrur kom smá á óvart, mundi ekki alveg nógu vel af því en ég vissi samt að við værum vel á áætlun. Komum svo í Emstrur á 3:21:22 (split 1:17:46). Náði eiginlega ekki að kíkja á klukkuna því þarna stoppuðum við loksins og ég fyllti á vatnsbrúsann í bakpokanum. Var búinn að hafa smá áhyggjur að ég myndi vera lengi að fylla hann en það gekk vel. Fékk starfsmenn til að hjálpa við að hella nokkrum glösum af Powerade-i ofan í pokann og svo rukum við aftur af stað. Þarna vorum við komnir aðeins á undan áætlun án þess að ég gerði mér fyllilega grein fyrir því. Var alltaf að horfa á hvert split fyrir sig en aldrei heildar tímann.

Emstrur-Húsadalur
Vorum báðir nokkuð ferskri en fundum það fljótlega að skrefin vorum farinn að þyngjast upp brekkurnar. Náðum ennþá að rúlla vel niður og hlaupið sæmilega. En sandurinn var erfiður á köflum og hægði hann á og tók smá úr manni. En þarna er farið að styttast í endann og það hjálpar manni mikið. Brekkan upp úr gilinu eftir  Markarfljótsbrúnna var vel erfið. Fínt að komast aftur í að hlaupa og fannst mér á tíma auðveldara að hlaupa upp brekkur en að labba þær. Næst var það svo Slyppugil og Bjórgil og þá fór maður að mæta gönguhópunum sem er alltaf gaman. Það var svo eftir Bjórgilið að maður fór að rúlla niður á við og þá tók ég smá skyndiákvörðun að aðeins að gefa í og sjá hvort að ég gæti slitið Guðna af mér. Einhverstaðar urðum við að fara keppa og þetta var alveg jafn góður staður og hver annar. Vissi ekki alveg hvort að Guðni væri að gefa eftir eða væri límdur við mig en þegar ég fór að nálgast Ljósánna þá mættum við góðum gönguhóp sem var búinn að stilla sér upp og hvatti okkur vel. Þá heyrði ég að það var slatti á milli þess að þau fögnuðu mér og svo Guðna.

Ég hélt samt áfram að þrýsta hraðann en fann ég var orðinn mjög tæpur með að fá krampa aftan í læri en hélt samt áfram að hlaupa af krafti. Fékk mér smá kóksopa við Ljósánna sem var gott því ég var orðinn nokkuð „léttur“ í hausnum og það hjálpaði kannski að laga blóðsykurinn. Fyrsta skipti í 11 ár sem ég fæ mér kók J.
Næst var það Kápan góða og þá sá ég bilið sem ég hafði náð að mynda á þessum ca. 3km og var kominn með nokkuð öruggt forskot. Hélt samt áfram að hlaupa eftir Kápuna og var nokkuð góður niður brekkuna. Fór yfir Þröngá og þá fyrst setti ég á heildar tímann og sá ca. 4:34 og þá fyrst áttaði ég mig á því að ég færi vel með það að komast undir 5 klst. Fékk mér svo aftur kókglas á vatnsstöðinni eftir Þröngá. Lenti í smá geðshræringu í skóginum þegar ég áttaði mig á að þetta væri að verða búið og að ég væri í 1. sæti og það væri fátt sem gæti komið í veg fyrir það. Alltaf gaman að hlaupa niður í átt að Húsadal en seinustu brekkurnar voru nokkuð sleipar og því fór maður varlega þar. Að taka svo seinustu beygjuna og sjá markið og heyra í áhorfendum er alveg ólýsanleg tilfinning. Það var ekkert smá gaman að koma loks í mark og hvað þá að vera í 1. sæti. Fann strax Kára og var þetta alveg frábært. Enda tíminn var 4:48:08 og fór ég seinasta legginn á 1:26:46.

Heilt yfir var ég mjög ánægður með hlaupið, enda ekki annað hægt. Var búinn að undirbúa mig vel fyrir hlaupið og það hjálpar mikið til. Var búinn að fara vel yfir leiðina og pæla hvernig maður ætti að tækla hvern kafla. Aðstæður voru ekki bestar útaf snjó en veðrið var fínt þó svo að það hafi rignt mikið. Maður er vanur að hlaupa í rigningu og er það betra en í 15°C hita. Vindurinn hafði svo lítil áhrif því oft er maður að hlaupa niður brekkur þegar hann kom í fangið.
Lappirnar héldu vel og lærin líka, það var helst að maður var þreyttur aftan í lærum í brekkunum og enn sínir sig hvað maður verður að vera búinn að tækla brekkurnar vel í undirbúningi. Var alveg frábært að hlaupa þetta langan kafla með Guðna þó svo það hafi ekki verið undirbúið.

Sleppti svo að fá mér kjöt að borða enda er matarlystin ekkert alltof góð eftir svona keppnir. Finnst lélegt að þurfa að borga 2.500 /3.500 fyrir að fá að borða í lok keppni sem maður borgar ansi mikið fyrir að taka þátt í. Annars var allt sem kemur að keppninn i til fyrimyndar og vil ég þakka öllum þeim sem tóku þátt í að skipuleggja og aðstoða við hlaupið. Takk fyrir mig.

Búnaður og drykkir:
Skór: Brooks PureGrit. Virkuðu mjög vel. Eru léttir og góðir þó svo að gripið mætti vera aðeins betra. Var með smá áhyggjur að fá í kálfana því þeir eru svo lágir en fann ekkert fyrir því.
Sokkar: Compressport doppu sokkar. Snilldar sokkar sem verja mann vel. Fékk ekki eina blöðru.
Kálfahlífar: CEP. Farnar að dala en held að þær hjálpi aðeins til við að halda aðeins við.
Stuttbuxur: Asics. Venjulegaar þröngar hlaupabuxur.
Bolur: Adidas. Léttur hlaupabolur.
Langerma: Asics. Léttur hlaupabolur.
Bakpoki: Salomon XT Wings með 1,5l vatnssekk. Algjör snilld að hlaupa með svona og geta fengið sér auðveldlega sopa án þess að neitt vatn fari til spillis. Maður finnur ekkert fyrir því að hafa 1,5 l á bakinu og hrisstist sama sem ekkert. Þá var frábært að koma gelunum í vasana framan á bakpokanum
Gel: 7xGU gel + 1 High Five gel fyrir hlaup. Er alveg að fýla þessu GU gel í botn. Fékk ekkert í magann og veit ég ekki alveg hvort að það sé bara útaf ég hefi drukkið minna en þegar það er heitt eða að þessi gel fari betur í mig ásamt því að ég borðið ekkert af bönunum á vatnsstöðunum eins og hef hef gert undan farin ár. Prófaði líka hlaup kallana og var fínt að skipta aðeins yfir í þá.
Morgunmatur: Fékk mér hefðbundinn morgunmat sem er hafragrautur með döðlum, möndlum, Chia fræjum, hnetusmjöri og banana.

Miðnæturhlaup Suzuki

Miðnæturhlaupið er stemmnings hlaup og hafði mig alltaf langað að taka þátt í því. Fór í fyrsta skipti í fyrra í 10 km hlaupið en núna langaði mig að fara hálft maraþon þrátt fyrir krefjandi braut. Var með strákinn á Akranesmótinu alla helgina og því ekki tími fyrir hlaup þá og var maður því vel hlaupa hvíldur eftir helgina.
Var mættur klukku tíma fyrir hlaup niður í Laugardal og sótti númerið í rólegheitum og fór svo fljótlega að hita upp. Tók hefðbundna upphitun til að vekja líkamann aðeins og búa hann undir það sem koma skal. Smá vindur og hiti ca. 10°C.
Það voru einhverjir 300 útlendingar skráðir í öllum vegalengdum og því datt manni í hug að það yrðu nú einhverjir öflugir útlendingar. Sá strax 1 eða 2 sem litu út fyrir að vera öflugir. Ég og Róbert Gunnars vorum líklegastir af íslendingunum sem voru mættir á ráslínu. Skotið reið af og allir hlupu af stað.
Fór af stað á eftir einum útlendingi en lét hann fara fljótlega, sá að hann var í annarri deild en ég. Ég leiddi hóp af 3-5 fyrsta 1-2 km og svo fóru menn að dragast aftur úr. Ég og Róbert og 1-2 í viðbók, vorum í hóp upp að fyrstu vatnstöð við stífluna en þá datt held ég einn aftur úr. Þegar við vorum komnir upp í Víðidal kemur svo einn hress Kanada maður framúr og spyr okkur hvort við þekkjum leiðina, sögðum að svo væri og hann flaut svo aðeins framfyrir okkur. Ég elti hann upp Víðidalinn og áfram framhjá Árbæ en þessar rúllandi hæðir tóku vel í lærin. Fyrst við hesthúsabyggðina, svo við Selás og svo loks við Hádegismóa (Mogga húsið). Þar var Kanada maðurinn kominn með einhverja 50m á mig og ég missti svo Róbert framúr í brekkunni upp að Mogga húsinu. Eftir það kom smá niðurkafli í átt að golfvellinum og þá fór ég strax aftur fram úr Róberti en náði ekki Kanada manninum. Aftur brekka frá golfvellinum upp í Grafarholt en eftir það var svo brött brekka niður í Grafarvog þar sem maður passaði sig að fara ekki of geyst. Þarna og svo í Grafarvoginum dróst aðeins á milli okkar þriggja sem hélst svo alveg til loka.
Gaman að koma að stokknum í Elliðaárdal og bætast í hóp 10km hlaupara. Þeir voru hæfilegum hraða þannig að maður náði að hlaupa hraðar en þeir og svo vann maður sig áfram hægt og rólega. Missti samt sjónir af Kanada manninum. Þegar ég kom hjá Glæsibæ sá ég að klukkan var 1:17:xx og reyndi ég þá að gefa vel í til að sjá hvort ég kæmist undir 1:20. Þrátt fyrir góðan endasprett þá dugði það ekki og endaði ég á 1:20:20 sem er bæting um heilar 6 sek.
Endaði í 3. sæti og var fyrstur íslendinga. Sáttur við daginn og skemmtilegt hlaup í krefjandi braut. Fékk svo gjafabréf í Reykjavíkur maraþon í verðlaun.

Mikka maraþon

Kári að hlaupa Mikka maraþon. Flott umgjörð utan um þetta hlaup og gaman að sjá hvað allir krakkarnir voru spenntir. Gekk vel hjá Kára, vorum lengi í gengum hliðið í byrjun og smá sikk sakk fyrsta km en svo fór þetta að rúlla. Hljóp vel og svo var labbað inná milli og fannst svakalega gaman að hella vatni yfir sig á vatnsstöðvunum. Gaman að hlaupa með honum. Hann lenti í 23. sæti í sínum aldursflokki (6-8 ára). En hann hafði gaman af þessu og það er fyrir öllu.
4,2 km á 30:18

Hvítasunnuhlaup Hauka

 Var mættur ca. 30 mín fyrir hlaup niður á Ávelli heimavöll Hauka. Ekki tók veðrið vel á móti manni því það kom alveg úrhellisrigning rétt áður en við mættum á svæðið. Biðum veðrið af okkur en eftir það kom þetta fína veður.
Sæmilega ferskur en nokkur óregla á svefninum um helgina. Fyrirfram var ég að velta því fyrir mér hvort maður gæti elt fremstu menn sem mér datt í hug að yrðu Björn Margeirs, Biggi Sævars og Friðleifur. Björn datt út stuttu fyrir hlaup og svo bættist Þórólfur í hópinn. Fór því af stað á eftir Bigga og Friðleif ásamt Þórólfi, Guðna og einum FH-ingi. Friðleifur var fremstur og fór hratt af stað. Þessi hópur hélst alveg fyrstu 5km og var ekki meira en ca. 50m á milli fremsta og síðasta. Svo við Hvaleyrarvatn fór aðeins að teygjast á hópnum. Biggi og Friðleifur fóru aðeins á undan, ég og Þórólfur héldum hóp og svo komu Guðni og FH-ingurinn.

 

Í kringum Stórhöfða gaf Friðleifur aðeins eftir og Biggi tók forustuna. Ég fór svo framúr Friðleifi upp Stórhöfða og þá voru þeir Friðleifur, Þórólfur og Guðni mjög stutt fyrir aftan mig. Gaf vel í á leiðinni niður en þar var enginn stígur til að fara eftir og mikið af grjóti, náði að reka tánna svakalega í einn stein á þessum kafla og var það nokkuð vont en truflaði mig ekki mikið. Hélt svo góðu rúlli áfram í átt að Hvaleyrarvatni, Þórólfur rúllaði framhjá mér á vegkaflanum eftir ca. 12km. Guðni var svo alveg að ná mér í skóginum við Hvaleyrarvatn. Svo var hlaupið meðfram Hvaleyrarvatni og upp aflíðandi brekku þar sem maður skiptist á að hlaupa og labba og var ágætis hvíld í því til að undirbúa sig fyrir loka kaflann á leiðinni.

Náði Þórólfi fljótlega og gaf svo vel í niður síðustu brekkuna fyrir ofan Ástjörn og fór framúr honum, hann var samt fljótt kominn fyrir aftan mig. Við vorum hægt og rólega að vinna á forskot Bigga en án þess að fara ná honum. Þegar við komum út á malbikaða stíginn við Ásbraut þá gaf Þórólfur í og fór framúr mér, hafði ekki í hann á loka sprettinum. Endaði í 3 sæti á tímanum 1:15:05. Þórólfur var í öðru sæti á 1:14:55 og svo Biggi í fyrsta á 1:14:44.

Við fengum allar gerðir af veðri, sól, rigning, næstum því haglél, rok og líka logn. Hlaupaleiðin var mjög skemmtileg og fjölbreytt, malarstígar, grófir kindastígar, malarvegir, brattar brekkur og skógarstígar. Leiðin var skv. mínu gps 17:42km.
Þetta hlaup er komið til að vera og mun ég mæta að ári. Sigurjón Pétursson tók þessar skemmtulegu myndir úr hlaupinu.