Altmuligman

Á mánudaginn fór fram mín fyrsta alvöru bílaviðgerð, ég þurfti nenfilega að skipta um bremsur á bílnum.
Ég tók mig til og fór niður í Toyota umboðið hérna í Þrándheimi og keypti bremsuklossa, var næstum því búinn að kaupa bremsudiska vegna smá tungumálaerfiðleika en það er önnur saga.
Var búinn að fá smá ráðgjöf um hvernig þetta ætti að fara þannig að maður henti sér bara út í djúpu lögina, búinn að púsla nokkrum tölvum saman þannig að ekki gat þetta verið mikið mál!

Hélt fyrst að þetta væri allt ryðgað í rassgat en svo náði ég með hjálp vina minna í WD-40 að losa þetta í sundur. Að setja þetta saman var svo aðeins meira mál! Eftir nokkur símtöl til Íslands og ferð út í Rema að kaupa þvingur þá hófst þetta allt saman þó svo með einni ferð úta bensínstöð að kaupa bremsuvökva. Þannig að tveimur tímum seinna var ég búinn að skipta um bremsuklossa á öðru dekkinu og orðið of dimmt til að skipta á hinu. En það skiptir ekki öll máli þar sem þetta var dekkið sem farið var að ískra í.

Ég verð nú að viðurkenna eftir þessa reynslu mína að púsla saman bíl er aðeins erfiðara fyrir mig en að púsla tölvum saman en þetta hefst allt ef maður bara reynir.

Stars : In Our Bedroom After the War

Stars eru komnir með nýja plötu sem hefur verið í spilun hjá mér og heitir In Our Bedroom After the War. Eins og Tegan and Sara koma þeir frá Kanada og ég byrjaði líka að hlusta á þá 2004 þegar þau gáfu út plötuna Set Yourself on Fire.

Hérna eru tvö lög eitt á Youtube og hitt í download-i, verði ykkur af góðu.
Stars - The Night Starts Here

Kári eins árs í dag!

Kári 06.08.06

Kári er eins árs í dag og vildi ég óska honum til hamingju með daginn og bjóða öðrum uppá að gera hið sama. Kári fær því miður enga afmælisveilsu hérna í Norge því hún var haldinn með pompi og prakt á Íslandi fyrr í vikunni (eða í seinustu viku).

Kári 05.08.07

Þetta ár hefur liðið alveg ótrúlega hratt og margt gerst síðan hann kom í heiminn. Þetta er kannski ekki alveg kjörinn afmælisdagur því Kári er veikur og hefur það því ekkert sérlega gott, hann lætur það samt eftir sér að vera hress inná milli. Með þessari færslu eru tvær myndir með ca. árs milli bili.

Svo er Anna aftur komin á skrið í myndunum á Barnalandi. Myndir úr afmælinu og margt fleira.

Sól ug sumar

Sól og sumar í Þrándheimi, 20 til 25°c stiga hiti út alla vikuna, fer aðeins eftir hvað þú skoðar. Ekki slæmt það, verst að Kári er veikur og ég að læra!

If You're Into It

Ég sett inn eitt myndband með þessum snillingum fyrir stuttu en ég bara get ekki hætt að hlusta á þá.

Þeir eru með sjónvarpsþátt á HBO sem ég hef ekki getað náð í en nú er maður kominn út og því ættu þeir bráðlega að verða komnir inná tölvuna hjá manni í boði internetsins.

Flight Of The Conchords - If You're Into It

Þá er ég farinn...

Seinasta bloggið frá Íslandi í bili. Fljúgum til Þrándheims í nótt og verðum mætt í Móholtið klukkan ca. 8 í fyrramálið (á íslenskum tíma).

Bless í bili!

No I in threesome

Ég er búinn að vera að hlusta á nýju Interpol plötuna í vinnunni. Á ennþá eftir að mynda mér skoðun á henni en las einn dóm um hana sem er svona helvíti fyndinn.

Engin hljómsveit nema Interpol kemst upp með að semja hádramatískt lag um tilraunir söngvara sveitarinnar til að fá kærustuna sína til að koma í trekant. „Elskan, það er kominn tími á breytingar,“ syngur Paul Banks í No I in Threesome, sem er svo dramatískt að það gæti alveg eins fjallað um um ástandið í Darfur-héraði eða fjöldamorð í bandarískum háskólum.

Þetta lag er allavega nokkuð gott og þá sérstaklega með tilliti til textans.

Það er hann Alti Fannar sem skrifaði dóminn í blaðinu.

Hérna er lagið á Youtube

Tegan and Sara

Tegan and Sara áttu eina bestu plötu ársins 2004 að mínu mati og nú er að fara koma ný plata frá þessum eineggja tvíburum. Hérna er fyrsta "smáskífan" af plötunni, lofar góðu.

Eyjavitleysa!

Þar sem ég er mikill mótmælandi þess að það verði gerð göng til Eyja er ég mjög svo sammála þessari grein hérna um þessa frétt.

Efast nú um að hann Jói nái að sannfæra mig um ágæti þessara ganga en það má alveg rannsaka þetta fyrir mér enda þá fær bróðir minn og Þrándheimsbræður eitthvað að gera!

Markið fræga

Ég sá markið í sjónvarpinu og horfði svo á bæði Ísland í dag og einnig Kastljós. Það sem ég held er að:

Bjarni hafi skorað óvart, held að það sé alveg á hreinu. Aftur á móti þoli ég ekki þegar lið sparkar boltanum útaf á vallarhelming andstæðinga og er svo skilað boltanum upp við hornfána á sínum eigin vallarhelming og andstæðingurinn pressar eftir á. Held að það sé það sem Bjarni hafi ætlað sér.

Auðvitað átti Guðjón að skipa sínu liði að skora sjálfsmark, þó svo að Keflvíkingar hafi brugðist reiðir við. Tek þessa afsökun ekki gilda.

Hvað ætluðu þessir Keflvíkingar að gera við Bjarna þegar þeir hlaupa á eftir honum upp í klefa, lá þeim svona mikið á að tala við hann? Setja þessa menn í bann og ekkert annað.

Báðir þjálfarar koma einstaklega illa frá þessu máli, hver lýgur meira veit ég ekki.

Þannig að sá sem kemur út úr þessu með mestri reisn (að mínu mati) er Bjarni Guðjónsson.

Athugasemdir

Ég held svei mér þá að athugasemda kerfið sé bilið, menn hafa alveg verið að missa sig í að kommenta hérna á síðuna. Nei segi bara svona...

El Niño

Þá er það staðfest, Fernando Torres er að koma til Liverpool. Hef ekki verið svona spenntur yfir kaupum Liverpool í langan tíma, jússímía.
Hann virðist samt ekkert vera raða mörkunum inn á Spáni en held samt að hann eigi eftir að vera góður fyrir Liverpool. Maður er samt alltaf smeikur þegar menn eru að koma í nýtt land og nýja deild en vonandi verður hann fljótur í gang og við fáum að sjá eitthvað af svona mörkum...


Nú er bara að vona að það fari að detta einhver kantari inn og þá erum við að tala saman.

Svalasti karakter kvikmyndasögunnar?

Gerast þeir eitthvað svalari en John McClane? Held að svarið sé nei.

Ég og Árni fórum í nostalgíu ferð á Die Hard 4.0 í gærkvöldi og báðir með varan á gagnvart þeirri nýju, því hinar þrjár eru náttúrulega tær meistaraverk.

En þegar við gengum út úr Regnboganum vorum við sælir og glaðir eins og 16 ára unglingar 1995 þegar við löbbuðum heim úr Mjóddinni eftir að hafa séð Die Hard with a Vengeance. Ég var mjög ánægður með þessa mynd og var John McClane svalari en svalt og harðari en hart. Hafði áhyggjur að Mac gaurinn myndi ekki passa þarna inn en hann var nokkuð fyndinn og svo voru bæði Kevin Smith og vondi gaurinn góðir.

Eitt atriði sem gekk ekki alveg upp og svo hefði James Bond aðeins mátt missa sig í þotu atriðinu en það hafði samt ekki áhrif á gæði myndarinnar.

Fyrst þegar ég heyrði um Die Hard fjögur var ég mjög smeikur en eftir að hafa séð hana get ég alveg sagt að hún á alveg heima með hinum þremur meistaraverkunum og er alveg pottþétt ein skemmtilegasta hasarmynd sem maður hefur séð í langan tíma.

Einkunn: Die Hard 4.0 fær 9

Nýtt í horfi

Smokin' Aces (2006)
Töff mynd, langt síðan að maður hefur séð svona svala krimma mynd.
Einkunn: Smokin' Aces fær 8

Pan's Labyrinth (2006)
Mjög svo skrítin mynd en samt góð.
Einkunn: Pan's Labyrinth fær 7

Crank (2006)
Hrein AST (Allt sprent í tætlur) mynd en er samt ekki að gera sig. Mæli frekar með The Transporter.
Einkunn: Crank fær 5

Employee of the Month (2006)
Heimsk grínmynd sem hægt er að hafa gaman af.
Einkunn: Employee of the Month fær 5

Next (2007)
Sama gildir hér og um Ghost Rider, Nicolas Cage er bara ekki svalur.
Einkunn: Next fær 5

Ghost Rider (2007)
Hvenær ætlar Nicolas "Why couldn't you put the bunny back in the box?" Cage að átta sig á því að hann er ekki hasarmyndahetja, hann á að leika fyllibyttu og aumingja. Reyndar var þessi snillingur í myndinni, man einhver eftir Road House :)
Einkunn: Ghost Rider fær 4

Business Time

Hérna er eitthvað til að koma ykkur af stað eftir helgina.