Jæja loksins hefur maður eitthvað að segja! Fór á tónleika með Mínus og Brain Police á Gauknum í gærkvöldi!
Ég, Ívar og Gummi Árna ákváðum að skella okkur á 5 ára afmælistónleika þessara hljómsveita! Vorum nokkuð seinir þar sem við vorum í fótbolta til kl. 11 en við vorum komnir svona 11:30! Náðum seinasta laginu með Brain Police og voru þeir bara nokkuð góðir! Samt nokkuð fúlt að missa næstum alveg af þeim!
Næst var komið að Mínus! Þeir voru helvíti flottir það sem Krummi og Bassafanturinn voru í essinu sínu berir á ofan og í einhverjum öðrum heimi en við lifum í! Þetta var nú frekar stutt gigg en samt gaman af því, sérstaklega þegar þeir tóku Nice Boys sem Guns N´ Roses tóku um árið!
Annars var Krummi (söngvari, sonur Bjögga Halldórs) frekar slappur, skyldist lítið af því sem hann söng og sagði á milli laga! En hann bætir það upp með mjög líflegri sviðsframkomu!
Það var nokkuð skondið að Gummi Árna skildi koma með þar sem hann er nú ekki frægur fyrir að hlusta á tónlist í þyngri kantinum en hann talaði um að þetta hefði verið skemmtileg upplifun, eða allavegana upplifun!
Annars er alltaf stuð að fara sofa með skemmtilegt bíííííí í eyrunum!
Gerast áskrifandi að:
Birta ummæli (Atom)
Engin ummæli:
Skrifa ummæli