Ríkið

Ég horfði á fyrsta þáttinn af Ríkinu í gærkvöldi. Þetta eru grínþættir sem byrjuðu í ágúst á stöð 2 og eru t.d. með Sveppa, Audda Blö og Víkingi Krisjáns í aðalhlutverkum. Held að handritið sé eftir Silju Hauks og Sigurjón Kjartansson þó svo að leikarar koma líka inní þann pakka.

Var búinn að sjá stiklu (e. Trailer) úr þessum þáttum, þeir virkuðu vel á mann og var maður því orðinn nokkuð spenntur að sjá þessa þætti. Ég hélt að það væri meiri söguþráður í þessu en þetta er meira svona sketsar sem gerast fyrir sama fólkið.

Það er einstaka atriði sem var fyndið annað var eiginlega bara vandræðalegt. Sést alltof vel hverjir eru leikarar og hverjir ekki. Það vita það allir að Auðunn Blöndall kann ekki að leika þó svo að hann geti komið einstaka hlutverki frá sér.
Þannig að þessi þáttur flokkast undir vonbrigði þó svo maður eigi eftir að kíkja á hina þættina í von um að þetta batni eitthvað.

Hér er ein stikla sem er nú nokkuð góð:


og ein sem er nokkuð léleg:

Júróvísa

Rífandi stemmning í Moholti

Það var merkilegur dagur í Moholti á laugardaginn, þá var nefnilega haldið fyrsta partýið í Herman Krags veg 30. Ákveðið var að efna til Júróvisjon samkomu og voru þeir íslendingar sem við þekkjum boðaðir.

Þessi laugardagslög fóru alveg framhjá manni en maður mátti nú ekki missa af þessu stórviðburði. Ég hélt auðvitað með fyrverandi flokkstjóranum hennar Önnu (Barða) og vinum hans í Merzedes Club en söngkonan náði alveg að klúðra þessu með vægast sagt hörmulegum söng. Dr. Gunna lagið kom mér reyndar á óvart og hefði einnig varið gaman að sjá þá áfram. Get nú ekki sagt að ég búist við miklu frá þessu sigur lagi og reikna ég fastlega með því að þetta verði enn eitt árið sem Íslendingar komast ekki í aðalkeppnina. Finnur kom reyndar með snilldar hugmynd að sameina Ho ho ho we say hey hey hey með This is my life, prufðum þetta live og þetta smell passaði, nú þarf bara einhver góður remix-er að taka sig til og splæsa þessu saman.

Þar sem ekki er hlaupið af því að redda pössun fyrir drenginn er fín lausn fá partýið til sín. Líka undarlega staða að vera með stærstu íbúðina af hópnum sem mættu og dugar heilir 51 fm til þess, það var líka hálf sorglegt, en uppörvandi, að vita til þess að við eigum ekki ljótasta sófann, til hamingju með það Magni :).

En gott kvöld og skemmtilegur félagsskapur, held reyndar að fæstir hafi eitthvað verið að hlusta á lögin, slík var málgleðin hjá hópnum, en þau fengu að hljóma undir.

Verst að Kári vaknaði á slaginu 7 bara nokkuð hress...

Verkfall

Eins og einhverjir vita eru handritshöfundar í Bandaríkjunum í verkfalli. Þetta hefur mjög mikil áhrif á þáttagerð þar í landi og eru margir þættir strax komnir í vandræðum sökum þessa. Hérna er hægt að finna lista um alla þætti og hversu langt þeir eru komnir í framleiðslu.

Hérna eru svo nokkrir af þeim þáttum sem horft er á mínu heimili:
Desperate Housewives: 10 þættir
Grey's Anatomy: 11 þættir
Lost: 8 þættir
Ugly Betty: 13 þættir
How I Met Your Mother: 11 þættir
24: 8 þættir en seríunni verður frestað um eitt ár.
House: 12 þættir
Prison Break: 13 þættir
Nip/Tuck: 14 þættir
ER : 9 þættir
Heroes: 11 þættir
Medium: 9 þættir

Sem betur fer eigum við slatta á lagar en það er ljóst að upp úr áramótum munu þessir þættir ekki vera lengur á dagskrá, allavega þangað til að þetta verkfall hættir.

Mér þykir alveg hryllilegt að 24 verði ekki þessa önnina og næst á eftir Prison Break, en við erum búin að horfa á 3 þætti af þeim. Finn reyndar ekkert um Dexter þarna en vona að það sé búið að gera alla seríuna þar.
Þá vonar maður bara að það verði ekki hætt framleiðslu alfarið á einhverjum af uppáhalds þáttunum mínum, þá verður maður nú fúll.

Fjernsyn

Nú er haustið komið með öllum tilheyrandi sjónvarpsþáttum en þó svo að lítið sem ekkert af þáttum hafi verið á dagskrá í sumar var lagerinn fullur af góðu efni. Það er nefnilega þannig að tíminn sem fer í þessa yðju fer alltaf minnkandi, barn og skólaganga eiga þar stóran hlut. Þannig að við áttum gott safn af uppsöfnuðu efni til að horfa á frá maí til lok sept. Já vhs spólurnar taka mikið pláss,; hóst, hóst :)

Tveir helstu þættir sem við höfum horft á í sumar/haust eru Heroes og Studio 60. Var búinn að heyra góða hluti um þessa þætti en geymdi þá þar sem við áttum nóg með að horfa á alla hina þættina sem á dagskrá voru seinasta vetur.

Vorum að klára Heroes í vikunni og var ég mjög ángæður með fyrstu seríuna af þessum þáttum. Þetta eru svona ofurhetju þættir, kannski svipuð pæling og X-men án þess að það sé komið útí þær öfgar. Það góða við þetta er að nú þurfum við ekkert að bíða eftir næstu seríu, því hún byrjaði í seinustu viku í USA.

Við erum svo ennþá að horfa á fyrstu seríu af Studio 60 eru grín/dramaþættir með Matthew Perry í einu af aðalhlutverkunum. Góðir þættir sem fjalla um lífið í tv bransanum. Það er reyndar búið að "cancel-a" þeim og við það urð þeir aðeins óáhugaverðari hjá manni. En skemmtilegir þættir engu að síður.

Þá hafa fleiri þættir verið á dagskrá hjá okkur. Kláruðum meðal annars 3 seríu af Lost í gærkvöldi og eru þeir þættir eitthvað að skána aftur, allavega betri sería en nr. 2. Verst er að þeir byrja ekki aftur fyrr en í febrúar á næsta ári.

En þetta er gott í bili af hvað er á dagskrá hjá okkur í Moholti.

Dexter

Ég mæli með Dexter.

Dexter is a forensic blood spatter expert for the Miami Dade Police Department. He is the main support for his sister. He has a steady girlfriend, with two kids who adore him. He also has an active "night life". Based on a code instilled in him by his foster father,...

Var að klára fyrstu seríuna í gærkvöldi og er hún mjög góð. Þetta er 12 þættir og svo er búið að ákveða að halda áfram með þá næsta haust, að ég held!

Svo verður byrjað að horfa á Heroes í sumar, þeas ef maður hefur tíma :)

Lost

Jæja þá var byrjað að horfa á Lost í gærkvöldi. Það var með ráðum gert að byrja svona seint að horfa á þessa seríu þar sem þetta eru svona óþolandi en samt áhugaverðir þættir, sérstaklega þar sem maður er búinn að eyða slatta af klukkutímum í fyrri seríur þá fer maður ekki að hætta núna!
Ágætt samt að þurfa ekkert að bíða neitt alltof mikið eftir þessu. Þættirnir fara rólega af stað og virðist þetta vera svipað og með hinar seríurnar með að teygja lopann endalaust.

Prison Break er á dagskrá í Moholti í kvöld, spennó...

I´m back

Já ég er svona að spá í að byrja að blogga aftur! Svona fyrst Gummi er að skíta á sig í þeim málum!

Var að horfa á nýju Friends seríuna í gær. Hún er bara nokkuð góð, ég var alveg dottinn út úr þessu eftir 7 seríu eða eitthvað! Var að horfa á þætti 9.11-9.15. Fínt að ná í þetta á netinu og horfa á þetta langt á undan Stöð 2 og líka nokkra í einu.

Annars er það að frétta að ég er að passa hundinn minn Emblu þessa dagana þar sem Das Family er úti á skíðum í Austurríki. Það væri nú ekki frá sögum færandi nema hvað að ég hleypti henni út í gær kvöldi, svona rétt áður en ég fór að sofa. Ég vaknaði svo í morgun um 6 leitið við lítið væl úti. Það var Embla búin að standa og bíða úti í svona 6 klst. á meðan ég var í góðum fíling sofandi.

Ég bið bara um að láta foreldra mína ekki vita af þessu!