Editors

Mæli með Smokers Outside The Hospital Doors með hljómsveitinni Editors. Þetta lag er tekið af plötunni An End Has a Start sem kom út á þessu ári.


Hérna er svo mp3 skrá með laginu:
Editors - Smokers Outside The Hospital Doors

Maður verður aðeins að rokka þetta upp eftir James Blunt.

Pósturinn Páll

eða svona næstum því, þetta er bara hjemmesykepleier hún Anna. Eigum við eitthvað að ræða þessi föt?

Anna er byrjuð að vinna og þá breytist heimilslífið aðeins.
Í gærkvöldi var Anna á kvöldvakt og ég og Kári einir heima allan eftirmiðdaginn og því einnig einir heima í kvöldmat. Það er ekki það auðveldasta í heimi að elda með Kára viðstaddan því hann vill taka mikinn þátt í þessu öllu saman og það helst ofan í pottunum. Nema hvað að Anna tók sig til og eldaði fyrir okkur feðgana í hádeginu. Þannig að þegar ég og Kári komum þreyttir heim eftir erfiðan skóladag þá beið okkur kvöldmatur inní ísskáp, já það er gott að eiga góða konu/mömmu :)

Öbbi Fel og harðsperrur

Afslöppunar helgi af baki, alltaf fínt að slappa aðeins af eftir svona góðar heimsóknir.

Ég fór ásamt þeim Stebba og Jóa í Skvass á föstudaginn, alveg frábært að komast í einhverja aðra hreyfingu en að hlaupa úti. Jói er semi pro í þessu sporti og rúllaði okkur Stebba upp en við tveir erum á þessi venjulega amature level-i, þetta mun samt allt koma hjá okkur, Jói is going down. Helvíti gaman allt saman og stefnt á að gera þetta vikulega.
En djöfulsins harðsperrur var maður með um helgina og allt á einhverjum stöðum þar sem maður vissi ekki að maður var með vöðva (segi svona). Alveg að drepast aftan í lærinu, rasskinnunum og neðra bakinu, þetta var það slæmt að það var vont að setja niður á sandkassann þegar fjölskyldan var í sínum vikulegu sandkassaleikjum.

Annars tók ég mig til á sunnudaginn og sýndi hæfileika mína í eldhúsinu. Ég hef nú alltaf staðið mig nokkuð vel í eldamennskunni en aftur á móti ekki í bakstrinum. Það var svo á sunnudaginn sem ég bjó til þessar ljúfengu muffins og ekki nóg með það heldur var svo boðið uppá Royal búðing í eftirrétt (með kvöldmatinum).
Usss, svona er maður klár. Það tekur mikla hæfileika að hella smá vökva í skál og svo dufti útí og hræra, volla = bakari

Fleiri myndir

Þá er ég búinn að setja myndir frá september á netið.
Hægt að finna þær hér:
http://picasaweb.google.com/orvars/September2007/

Það eru einnig komnar nokkrar myndir frá Október mánuði en það er enn sem komið er bara myndir frá leik Rosenborg og Schalke í meistaradeildinni.
http://picasaweb.google.com/orvars/OktBer2007/

Þá bjó ég til linka hægra megin á síðunni á þessi myndaalbúm. Bæði Picasa og flickr.

Góðar stundir.

Myndir á netið

Búinn að setja myndir frá heimsókn mömmu og pabba hennar Önnu á Picasa. Svo koma fleiri myndir frá sept. bráðum á netið.

Myndirnar er hægt að finna hér:
http://picasaweb.google.com/orvars/KambHeimsKn/
Mæli með að fólk skoði þetta í "slideshow".

Fer svo að setja link á Picasa síðuna hérna hægra megin.

Jesú

Er þetta ekki aðal brandarinn í dag?

Músíka

Er maður alveg glataður ef manni finnst þetta lag skemmtilegt? Og það sem verra er að diskurinn er bara nokkuð góður.

Djöfull er maður að verða mjúkur.

Haust eða vetur?

Þetta haust er nú búið að vera frekar lélegt hérna í Þrándheimi, í fyrra var sól og sumar langt frameftir hausti en í ár var það rigning og kuldi. Haustið toppað sig svo alveg í morgun þegar það bauð uppá snjókomu.

Þannig að fyrsti "snjórinn" í ár kom 11. okt, þó svo að þessi snjór hafi nú bráðlega breyst í rigningu. En það var hressandi að hjóla í skólanum á móti snjó/slyddunni, maður er allavega vakandi þegar maður mætir í tíma.

Það er bara að vona að úrkomu magnið verði álíka mikið þegar er komið inní veturinn.

Helgin

Löng helgi að baki og mættur í skólann aftur. Haustið tók ansi hressilega á móti manni í morgun, rok, rigning og ekkert alltof hátt hitastig mætti manni á leiðinni í skólann.

Annars var helgin mjög góð. Tók mér frí frá lærdóminum á föstudaginn og þá var skundað upp í Estenstadhyttu með tengdó. Þetta er mjög fallegur skógur með tveimur vötnum (uppistöðulónum) og veðrið var alveg frábært. Set einhverjar myndir við þessar færslu þegar ég kem heim.

Seinna um daginn var svo farið upp að skíðastökkpallinum í Granåsen og þrammað þar upp, fólkinu var nú ekkert alltof sama um að ég var með Kára á bakinu en hann skemmti samt vel.

Á laugardaginn var brunað upp Røros en Røros er mjög fallegur námubær sem er á heimsminjaskrá. Aksturinn tók ca. 2,5 klst en var samt mjög skemmtilegur því haustið skartaði sínum fallegustu litum. Þá náðum við að fara niður í Olavsgruva sem er gömul koparnáma, en það var lokað í vetur þegar við ætuðum þangað með mömmu og pabba.

Í gær var það svo sundferð út í Pirbadet. Kára fannst ekkert smá gaman að komast í sund og var farið í rennibrautina, öldulaugina og einnig í straumlaugina/hringinn. Maður myndi kannski fara oftar ef það kostaði ekki fjölskylduna ca. 3500 kr að fara.

Þannig að nú er það bara skólinn hjá mér á meðan Anna fer með gengið í búðir.

Lofa svo myndum bráðlega.

Meistaradeildin

Það var stemmning á meistaradeildar leiknum þó svo að úrslitin hafi ekki verið sérlega góð, en Rosenborg tapaði 0-2 fyrir Schalke. Rosenborg komst mjög nálægt því að skora snemma leiks, þegar einn leikmaður Schalke skallaði boltann til baka til markmannsins sem missti hann yfir sig en náði að moka boltanum í stöng og út. Leikurinn hefði nú verið skemmtilegra ef þessi bolti hefði endað í netinu. Annars er ég á því að Schalke hafði skorað ólöglegt markt, það sem sóknarmaður Schalke hafi verið rangstæður þegar hann fékk boltann í fyrsta markinu.

En fúlt að horfa á tapleik og sjá ekki einu sinni mark hjá Rosenborg en gaman engu að síður, og við vorum rosalega góðir í seeeen-inu í Roooooo...seeeeeen...boooooorg.

Ekki hjálpaði til að vita til þess að Liverpool tapaði fyrir Marseille 0-1, um leið og þeir geta eitthvað smá í deildinni þá hverfur öll geta í meistaradeildinni.

En nóg um fótbolta

Afmælisbarn dagsins

Afmælisbarn dagsins heitir Guðrún Jónsdóttir (yngri) og er 2 ára í dag. Fjölskyldan í Þrándheimi vildi óska þeirri stuttu til hamingju með afmælið og þykir það mjög leitt að geta ekki komist í afmælisveisluna. Aldrei að vita nema að maður láti bara í sér heyra í staðinn.

Þá er fyrsta heimsóknin staðreynd þessa önnina. Tengdó komu í gærkvöldi/nótt og munu vera hérna í viku. Nóg að skoða og gera með þeim og alltaf gaman að fá heimsókn.
Ekki skemmir allur fíni maturinn sem þau komu með, ég er samt ánægðastur með íslensku hamborgarana því þeir norsku eru mjög svo vondir.

Svo var ég að græða 15 ár :)
Sjá hér

Champions League

Er að fara á Champions League í kvöld. Rosenborg spilar við Schalke í kvöld á Lerkendal Stadion og ég verð þar. Kannski ekki mest áhugaverðasti leikur í heimi en stemmningin mun samt verða góð á Lerkendal.
Áfram Rosenborg, Roooo Seeeen Borg.......

Fjernsyn

Nú er haustið komið með öllum tilheyrandi sjónvarpsþáttum en þó svo að lítið sem ekkert af þáttum hafi verið á dagskrá í sumar var lagerinn fullur af góðu efni. Það er nefnilega þannig að tíminn sem fer í þessa yðju fer alltaf minnkandi, barn og skólaganga eiga þar stóran hlut. Þannig að við áttum gott safn af uppsöfnuðu efni til að horfa á frá maí til lok sept. Já vhs spólurnar taka mikið pláss,; hóst, hóst :)

Tveir helstu þættir sem við höfum horft á í sumar/haust eru Heroes og Studio 60. Var búinn að heyra góða hluti um þessa þætti en geymdi þá þar sem við áttum nóg með að horfa á alla hina þættina sem á dagskrá voru seinasta vetur.

Vorum að klára Heroes í vikunni og var ég mjög ángæður með fyrstu seríuna af þessum þáttum. Þetta eru svona ofurhetju þættir, kannski svipuð pæling og X-men án þess að það sé komið útí þær öfgar. Það góða við þetta er að nú þurfum við ekkert að bíða eftir næstu seríu, því hún byrjaði í seinustu viku í USA.

Við erum svo ennþá að horfa á fyrstu seríu af Studio 60 eru grín/dramaþættir með Matthew Perry í einu af aðalhlutverkunum. Góðir þættir sem fjalla um lífið í tv bransanum. Það er reyndar búið að "cancel-a" þeim og við það urð þeir aðeins óáhugaverðari hjá manni. En skemmtilegir þættir engu að síður.

Þá hafa fleiri þættir verið á dagskrá hjá okkur. Kláruðum meðal annars 3 seríu af Lost í gærkvöldi og eru þeir þættir eitthvað að skána aftur, allavega betri sería en nr. 2. Verst er að þeir byrja ekki aftur fyrr en í febrúar á næsta ári.

En þetta er gott í bili af hvað er á dagskrá hjá okkur í Moholti.

Digranesvegur

Ég reikna með að Gummi Sverris sé ánægður með þetta en ekki þeir 184 sem voru teknir, reikna nefnilega með því að Gummi vilji engann hraðakstur í sinni götu.

Ingó fjallar svo einnig skemmtilega um þetta mál.

Sandkassaleikir

Helgin var nokkuð róleg hjá okkur í Moholti, sem er gott af og til. Það var góð tilbreyting að fara út á róló í þurru veðri þessa helgina og það sem meira var að það var einnig sól.

Ég held að mér finnist skemmtilegra en Kára að fara út á róló og moka í sandkassanum. Síðustu þrjár helgar hefur ég verið að "leika" mér af því að gera sandkastala með misgóðum árangri. Þannig er nefnilega málum háttað að maður á barn sem heldur að ég sé þarna (í sandkassanum) til að leika við sig en það er nefnilega stór misskilningur. Þannig að Kári kemur alltaf og hjálpar mér með kastalana og þar sem hans hjálp er misgóð þá enda kastalarnir yfirleitt sem útkraminn sandhaugur, sem er ágætis bygginar form en ekki það sem ég er að leita eftir.
Þannig að næstu helgi ætla ég að spyrja Jóa hvort hann vilji vera "memm" og við förum einir að leika okkur í sandkassanum.

Já það er gaman að eiga börn og hafa afsökun í að leika sér, get ekki beðið eftir því að fara renna mér á snjóþotu í vetur :)