Spider

Leikstjóri er David Cronenberg en hann hefur meðal annars gert The Fly og Friday the 13th.
Með aðalhlutverk fara:
Ralph Fiennes: Maid in Manhattan (2002), Red Dragon (2002), Strange Days (1995), Quiz Show (1994) og Schindler's List (1993)
Gabriel Byrne: The Usual Suspects (1995), Stigmata (1999), End of Days (1999) og Ghost Ship (2002)
Aðrir eru: Miranda Richardson, Bradley Hall, Lynn Redgrave, John Neville, Gary Reineke, Philip Craig
Ekki þekki ég heldur handritshöfundinn Patrick McGrath!

Ég sá úr þessari mynd einhvertíman þegar það var verið að sýna hana á kvikmyndahátið í Regnboganum. Það var eitthvað sem fékk mig til að vilja setjast niður og prufa svona "kvikmyndahátíðarmyndir". Ég er reyndar búinn að sjá The Good Girl sem var á sömu kvikmyndhátíð og var hún frekar slöpp.

Ralph Fiennes leikur mann sem er nýkominn af geðveikrahæli og flytur í athvarf fyrir geðfatlaða í London. Hún fjallar í megin máli um hann að rifja upp æsku sína. Myndin er mjög hæg og lítið sem ekkert gerist í myndinni. Heilu og hálfu senurnar var hægt að spóla yfir því það var bara svona artí fartí dót að sýna hann setja sykur út í kaffi sitt og svona! Ralp Fiennes og Gabriel Byrne leika vel og aðrir leikarar líka en það er bara ekki nóg! Las grein á Kvikmyndir.is um að þetta væri mynd fyrir vanláta! Djöfulsins kjaftæði, þetta er bara leiðinleg mynd. Mæli eindregið með að halda sér frá þessari mynd. Hún fær 1 örlish hérna á örilsh og er það bara fyrir leikinn!

Ein pæling í lokin.
Hvað eru menn eins og Ralph Fiennes að taka að sér svona myndir og reyna að vera svaka listamannslegir og næsta verkefni sem hann tekur að sér er Maid in Manhattan! Fatta ekki alveg svona gaura en svona er þetta bara!
Kveðja Örvar Steingrímsson, kvikmynda spegúlant.

Farið svo að koma með einhver komment!