Ég horfði á fótbolta í gær...

Ég horfði á fótbolta í gær, sem betur fer horfði ég á Chelsea vs. Rosenborg í staðinn fyrir Porto vs. Liverpool. Þessi Liverpool leikur var víst einn sá leiðinlegasti í langan tíma og var það aðalega vegna slakrar frammistöðu Liverpool. En djöfull voru Rosenborg flottir að ná jafntefli á Stamford Bridge. Verst að Sheva náði að jafna, hefði nú verið skemmtilegra að taka öll 3 stigin af Chelsea.

Vonbrigði

Engin smá vonbrigði á fimmtudaginn þegar við Stebbi ætluðum að kaupa miða á meistaradeildarleiki Rosenborg.

Miðarnir áttu að fara í sölu kl. 12 og vorum við mættir við tölvurnar á refresh takkanum á slaginu. Það hafa greinilega margir verið tilbúnir líkt og við og var því ómögulegt að komast inn til að kaupa miða. Þannig að eftir nokkra klukkutíma og mörg hundruð refresh þá komumst við af því að allir miðar voru uppseldir.

Mikil vonbrigði því það var eitt sem var alveg bókað að ég ætlaði að gera ef ég byggi í Þrándheimi og það var að fara á meistaradeildarleik.

Næsta í stöðunni er að reyna að fara fyrir utan og kaupa miða "svart" en er í sjálfu sér ekki bjartsýnn að það takist.

En eitthvað er Rosenborg farið að hugsa um leikinn á móti Chelsea á þriðjudaginn því þeir töpuðu á móti Start um helgina. En manni er svona minna sama um gengi liðsins núna því ekki kemst ég á meistaradeildarleik að ári :(

Rigning

Það er í sjálfu sér ekki mikið að frétta héðan úr Þrándheimi.

Það er búið að rigna núna í einhverjar 2 til 3 vikur en það virðist samt vera komið gott veður núna. Er samt bara bíða eftir því að rigningin byrji. Það sem verra er við þetta haust er að hitinn hefur nú ekki verið mjög svo hár. Í fyrra var algeng sjón að sjá ca. 12°C til 18°C stiga hita en núna hefur þetta verið meira 8°C til 12°C, sem er bara skít kalt og þá sérstaklega þegar sólin skín ekki. Þannig að þetta haust er búið að vera drasl, öfugt á við í fyrra.

Skólinn kominn á fullt og ég er kominn með fasta lesaðstöðu niðri í skóla, nema hvað að lykill að lesaðstöðunni er ekki tilbúinn. Það þýðir að maður getur ekki skilið neitt eftir þar því maður veit aldrei hvenær maður kemst inn næst. En vonandi reddast það sem fyrst.

jæja hef þetta nóg í bili.

Oppdal 2007

Jón Haukur, Margrét og Guðrún komu í heimsókn hingað til Noregs í mars á þessu ári og við skelltum okkur öll á skíði í Oppdal. Hérna er smá myndband sem ég gerði um ferðina. Flott fyrir þá sem eru áhugasamir að kíkja til Noregs á skíði :)

Myndir frá ágúst

Ágúst 2007

Nú er ég búinn að setja myndir frá ágúst inná Picasa. Þetta eru myndir frá því að við komum út til Noregs og út ágúst.

Þið getið nálgast þær hér:
http://picasaweb.google.com/orvars
Eða með því að smella á myndina af Kára.

Júdas

Veit nú ekki hvort að þessi auglýsing hefur verið lengi í gangi heim en ég verð nú að vera ósammála Biskup Íslands með hana. Hann sagði að hún væri ósmekkleg en mér finnst hún bara alveg mjög svo smekkleg og fyndin.

Nóg að gera í sjónvarpinu...

Lítið að gera í skólanum = nóg að gera í sjónvaprinu. Hérna er það sem maður er búinn að vera að horfa á undanfarna daga.

Zodiac (2007)
Mynd byggð á sannsögulegum atburðum um raðmorðingja í San Francisco. Góð mynd með góðum leikurum, heldur löng en heldur manni alveg við efnið.
Einkunn: Zodiac fær 8

Sometimes in April (2005)
Vinafólk okkar hérna í Þrándheimi sem kemur frá Rúanda lánaði okkur þessa mynd. Þau sögðu að hún lýsir betur þjóðarmorðunum í Rúanda heldur en Hotel Rwanda. Alveg ótrúleg mynd í alla staði, maður trúir þessu varla að svona geti átt sér stað án þess að nokkur maður geri neitt. Erfitt að horfa á svona myndir en eitthvað sem allir hafa gott af.
Árið 1994 var ég 15 ára unglingur og horfa á Pulp Fiction á meðan tæpum treföldum fjölda íslendinga var slátrað á 100 dögum og vesturlöndin gerðu ekki neitt. Þarf eiginlega skrifa þessa mynd til að leyfa öðrum að sjá hana.
Einkunn: Sometimes in April fær 8

Evan Almighty (2007)
Dýrasta grínmynd í heimi var bara allt í lagi, ekkert meira en það. Bjóst ekkert við miklu og því alveg hægt að hafa gaman af henni en þetta er nú samt ekkert meistaraverk.
Einkunn: Evan Almighty fær 7

The Prestige (2006)
Svipar aðeins til myndarinnar The Illusionist en samt ekki eins góð. Ég er náttúrulega svo mikill séní að ég fattaði plottið löngu áður en telst eðlilegt. En góð mynd engu að síður.
Einkunn: The Prestige fær 7

Stranger Than Fiction (2006)
Bara helvíti fín mynd, nokkuð skrítin en góð. Vissi að ég væri ekki að fara horfa á grínmynd þannig að hún olli mér ekki vonbrigðum. Will Ferrell er einn besti gamanleikarinn í dag, ekki spurning og hann stendur sig mjög vel í þessari mynd.
Einkunn: Stranger Than Fiction fær 7

Alpha Dog (2006)
Justin bara nokkuð góður en var ekki að fíla þessa mynd. "Allt í lagi mynd" en mæli ekkert sérstaklega með henni. Margar betri krimma myndir til í dag.
Einkunn: Alpha Dog fær 5

1408 (2007)
Mér hefur alltaf þótt John Cusack góður leikari en þessi mynd flokkast seint með hans bestu myndum. Ekki nógu góð hryllingsmynd, ég myndi ekki mæla með að horfa á hana.
Einkunn: 1408 fær 4

Held að þetta sé allt í bili :)

Meistaradeildin í Lerkandal

Það var dregið í riðlakeppni meistaradeildarinnar áðan og var mikil spenna á heimilu. Svona fyrir fram var ég nú að vonast eftir Liverpool myndi dragast með Rosenborg í riðli en svo varð því miður ekki.
Rosenborg lenti með Chelsea, Valencia og Schalke í riðli og getur maður nú verið nokkuð sáttur með það, sérstaklega að fá tvö stórlið í heimsókn.

Þannig að nú er bara að undirbúa miðakaupin svo maður fái nú miða á leikina.

Kamp 1: Chelsea - Rosenborg tirsdag 18. september
Kamp 2: Rosenborg - Schalke onsdag 3. oktober
Kamp 3: Rosenborg - Valencia onsdag 24. oktober
Kamp 4: Valencia - Rosenborg tirsdag 6. november
Kamp 5: Rosenborg - Chelsea onsdag 28. november
Kamp 6: Schalke - Rosenborg tirsdag 11. desember

Áfram Rosenborg

Steggjun Stebba og brúðkaup

Var að setja myndir frá steggjuninni hans Stebba inná netið. Settið þær inná Picasa síðuna mína.
http://picasaweb.google.com/orvars/SteggjunStebba

Var svo einnig að bæta við brúðkaupinu hjá Stebba og Sillu:
http://picasaweb.google.com/orvars/BrKaupStebbaOgSillu

Er að reyna að vera duglegri að setja myndir inná netið.

Hérna er svo lítið slide show með myndunum en mæli frekar á að fólk skoði þetta í slide show-i á picasa síðunni.

Åre

Við fjölskyldan skelltum okkur til útlanda um helgina, nánar tiltekið til Åre í Svíþjóð. Ekkert voða langt en samt 162 km (skv Google). Búin að ætla að fara þangað í nokkur tíma en einhvernvegin aldrei farið. En nú skelltum við okkur þar sem vikan var nú búin að vera mjög svo róleg. Fyrir þá sem ekki vita er Åre "þekktur" skíðastaður, búin að vera nokkur stórmót þar þó svo ég viti nú ekki alveg hvaða mót.

Ekki vorum við heppin með veður því þegar lagt var af stað var mikið rok hérna í Þrándheimi (sem er óvanalegt) og einnig þegar við komum til Åre. Leiðin sjálf var falleg á köflum þó svo að stór hluti leiðarinnar hafi maður verið að keyra í trjágöngum (ef þið fattið hvað ég meina).

Gaman að koma í þennan skíðabæ en gáfum okkur ekki mikin tíma í að skoða bæinn vegna veðurs. Maður er orðinn of góður vanur þegar maður er farinn að kvarta yfir smá roki.

En núna getum við loks kallað okkur alvöru Norðmenn. Búin að fara yfir til Svíþjóðar í innkaupaleiðangur. 3 kg af kjúklingabringum, 3 svínalundir, 1 nautalund, stór skinka, beikon, ostur og ekki má gleyma áfenginu, 6 léttvín og kassi af bjór. Ágætis árangur þó svo að gróðinn hafi fokið í burtu þegar ég fékk stöðumælasekt fyrir að leggja bílnum fyrir utan húsið allan nóttina, alveg glatað.

En nóg í bili

Í fréttum er þetta helst

Þá er skólinn hægt og rólega að fara af stað. Er búin að vera ákveða hvaða fög ég ætla að taka en það er ekki komið á hreint hvernig "verkefnis" fagið verður, fæ örugglega að vita meira með það í næstu viku. Þannig að þessi vika er mjög svo róleg í skólanum.

Þessi vika búin að vera mjög skrítin. Kári er yfirleitt farinn á leikskólann um 8-8:30 og er alveg til 15:00, þannig að maður er hálf eirðarlaus þennan tíma. Maður var búinn að gleyma hvernig er að hanga heima hjá sér og gera ekki neitt, en maður er samt fljótur að rifja það upp. :)

Þá er Anna komin með vinnu í heimahjúkrun og fær að vita meira um það í næstu viku. Ætlaði að vera vinna á vökudeildinni á St. Olav spítala en það gekk því miður ekki upp. En samt frábært að hún sé kominn með vinnu og fer að vera fyrirvinnan á heimilinu.

Þannig að það fer allt að gerast í næstu viku, við bíðum spennt.

Fórum í smá göngutúr um bæinn í gær eftir að Kári var kominn heim af leikskólnum. Löppuðum af einum besta útsýnisstað Þrándheims í góða veðrinu. Myndirnar eru teknar við það tækifæri. Alltaf sól og blíða hérna í Þrándheimi.

Fótbolti

Þessi helgi hefði orðið fullkomin fótboltalega séð ef þetta fífl hefði ekki dæmt leikinn á með Liverpool. Aldrei vitað um annað eins bull. Chelsea er alveg nógu leiðinlegt lið, það þarf ekki að fá svona hjálp frá dómaranum.

Annars finnst mér þetta mark algjör snilld og vonandi er þetta það sem koma skal.

Áhorf sumarsins

Því miður hef ég ekki horft á margar góðar myndir í sumar. Hérna eru þær nýjustu sem ég hef séð.

The Last King of Scotland (2006)
Frábær mynd byggð á raunverulegum atburðum. Forest Whitaker er frábær sem Idi Amin. Mæli hiklaust með þessari.
Einkunn: The Last King of Scotland fær 8

Shooter (2007)
Horfði á þessa þegar Anna var á kvöldvakt. Flott AST (allt sprent í tætlur) mynd en ekki horfa á hana með frúnni.
Einkunn: Shooter fær 7

Hannibal Rising (2007)
Sæmileg mynd en kemst ekki nálægt fyrri myndunum um Hannibal.
Einkunn: Hannibal Rising fær 6

Spider-Man 3 (2007)
Kláruðum þessa í vikunni og varð fyrir nokkrum vonbrigðum þó svo að ég hafi verið varaður við. Þetta dans atriði út á götu er eitt það versta í kvikmyndsögunni (ásamt einu atriði í The Sweetest Thing). Þá var einnig sorglegt að sjá Spider stökkva og lenda fyrir framan 100 fm (fermetra) Bandarískan fána, úff hvað það var slæmt. Eigum við að fara eitthvað útí Tobey Maguire að reyna að vera cool eða vondur.
Hver var svo vondi kallinn í þessari mynd?
Ekki ánægður með hana þó svo að tæknibrellur og hasaratriðin hafi verið flott.
Einkunn: Spider-Man 3 fær 5

88 Minutes (2007)
Al Pacino ekki að gera góða hluti með að leika í þessari mynd. Allt gert til að þú "fattir" ekki plottið á kostnað myndarinnar. Var bara einhvernveginn ekki að virka.
Einkunn: 88 Minutes 5

Catch and Release (2006)
Ætlaði að vera góður við Önnu og horfa á eina rómantíska gamanmynd. Í stuttu máli var þessi hvorugt rómantísk né fyndin á neinn hátt, algjör leiðindi. Veit ekki hvað Kevin Smith er að spá stundum, og svei mér þá ef Jennifer Garner sé ekki farinn að fara jafn mikið í taugarnar á mér eins og Cameron Diaz.
Einkunn: Catch and Release 3

Þetta er allt í bili, lét svo vita hvað þið eigið að forðast þegar ég er búinn að horfa á eitthvað nýtt.

Lag dagsins

Mikið stuð hjá Calvin Harris í þessu lagi, góð blanda af LCD Soundsystem og Daft Punk. Hérna er lagið "The Girls". Var að uppgötva þennan í dag og búinn að hlusta á diskinn og er það bara fínasta hlustun.



Hérna er svo eitt á mp3 formi í lokin, þetta er nýjasti "Single-inn".
Calvin Harris - Merrymaking At My Place

Leikskólastrákur

Það var stór dagur í lífi Kára í dag. Hann byrjaði nefnilega á leikskóla í dag, eins árs og eins vikna. Var bara tvo tíma í dag ásamt mömmu sinni en allt gekk mjög vel og hann fór strax að leika sér við börnin sem voru á leikskólanum. Ekki mikil hræðsla í mínum manni. Tíminn á leikskólanum verður síðan alltaf aukinn út vikuna og eftir hana ætti hann sem sagt að geta verið á leikskólanum frá 7:30 til 4:30, hvorki meira né minna.

Á myndinni er drengurinn orðinn óþreyjufullur í að komast á leikskólann, gengur ekki að vera ennþá að hanga inni kl. 10!