Rólegt í kringum Vatnið

Rólegt í kringum vatnið og Norðlingholt. Var orðinn eitthvað þreyttur eftir smíðadag á pallinum og varla að nenna út eftir mat... en var svo nokkuð laus við þreytu þegar maður var kominn af stað og endaði í þægilegu kvöld skokki í mildu veðri.
Fyrsta stuttbuxna hlaup sumarsins og var það gott að komast úr síðbuxunum þó svo það hefði verið ennþá betra ef maður hefði komist út fyrr um daginn í sólinni.

Stór fræðsluhringurinn

Vor í lofti og ég ákvað að skella mér út eftir kvöldmat og fara stóra fræðsluhringinn í Heiðmörkinni. Frábært að vorið/sumarið sé loksins að detta í hús, langt síðan að maður hefur hlaupið meðfram vatninu í svona blíðu og svo að koma aftur af heiðinni og sjá yfir vatnið í kvöldsólinni og kyrrðinni var magnað.
Smá þreyta eftir Esju gærkvöldsins en maður rúllaði þetta nokkuð rólega.
16,5km á 1:19 klst.

Esja nr. 2 2013

Var frekar slappur á sunnudaginn og tók því auka hvíldardag til að ná kvefinu úr mér. Var því mættur ferskur út á Esjumela í kvöld í logni.
Skokkaði smá upphitun að Esjurótum og svo var reynt að skokka eins langt og maður komst, fór "hlaupandi" að fyrstu brúnni í gilinu og var þá farinn að finna fyrir í kálfunum, gekk svo upp tröppurnar í gilinu og náði svo að skokka sæmilega þangað til að slóðarnir skiptust. Þá tók kraftganga við og þá voru kálfarnir orðnir eins og grjót og lítið þægilegt við það, skánaði svo smá saman eftir því sem ofar dróg. Mikið af drullu þegar maður fór af stígnum yfir á "grasið".

Ennþá smá snjór fyrir neðan stein og náði ég að klöngrast þangað á 30:05, fólkið sem var að hvíla sig við steininn hefur ekki vitað sitt rjúkandi ráð þegar andsetinn maður æðir í átt að steininum bara til að renna í seinustu skrefunum og ná ekki undir 30 mín :).
Fór svo eftir smá hvíld upp á topp og það allt í snjó, gekk vel og datt ekki oft í gegn. Frábært útsýni uppá topp og aðeins smá gola fór þennan legg á 10:40.

Fór samt í gormana og fór varlega niður klettana og svo tók maður til fóta. Lærin fengu að kenna á því á leiðinni niður 6:xx niður að steini og tæpar 17 frá steini alveg niður að brú við Esjuskálann.
Flott æfing í frábæru veðri. Nú má þetta vor fara láta sjá sig.

Vika 18 - 29.04-5.5

Sæmileg vika að baki. Var frekar mikið stífur í kálfum á mánudaginn, eitthvað betri á þriðjudaginn og tók þá fyrstu Esju ársins sem var gott að ná svona snemma í maí. Fór svo frekar þéttan 17km hring í Heiðmörkinni á miðvikudaginn sem tók greinilega kraftinn úr mér. Var virkilega þreyttur fimmtudag og föstudag og sæmilega sprækur á laugardaginn en líklegast hlaupið aðeins of lengi í bleytunni og sló svo niður á sunnudeginum með kvef. Hvíld því í allavega tvo daga til að ná þessu úr mér.
Vikan endaði í 84 km og 7:21 klst + tvö fjöll, Esjan og Helgafell sem er góð æfing fyrir Laugaveginn.

Endurance: Shackleton's Incredible Voyage

Rakst á þessa bók þegar ég var að vefra um Goodreads.com, varð forvitinn um hana sérstaklega vegna ferðar Vilborgar til suður skautsins og einnig vegna eldri bróðir míns sem hefur lesið mjög mikið af bókum um ævintýrin á suðurskautinu.

Alveg hreint ótrúleg bók um magnað ferðalag Ernest Shackleton um suðurskautið. Endurance er virklega gott nafn á þessari bók og gefur orðin vosbúð aðra merkingu.
Búinn að hlusta á hana í hlaupatúrum í roki og rigningu á Esjuna og Helgafellið og því lítið hægt að kvarta yfir sínum "þrekraunum" þegar maður hlustar á þessa bók.
Svona bækur ættu að vera skildu lesning.

Helgafell

Fór að heiman og hélt að það væri betra veður úti eftir að hafa verið að horfa á fótboltamót í víkinni fyrr um daginn. Sem betur fer fór ég nú í jakka og var með puff og griflur því annars hefði ég líklegast snúið við eftir einhverja km. Ætlaði upphaflega að fara í Heiðmörkina en svo breytti ég og ákvað að reyna að finna einhverja sæmilega leið upp á Helgafellið.
Gleymdi svo að kveikja á gps-inu fyrr en ég var kominn lang leiðina af Vífilstaðahlíð. Hljóp þaðan upp að Búrfellsgjá en var svo týndur út í móa eftir það. Búinn að sjá einhverja merkingar á kortum um að það sé slóð þaðan að Helgafelli en er alveg fyrirmunað að finna hana. "Hljóp" því eins og leið lá í áttina að Helgafelli, þveraði svo Valahnjúka og þá loksins birtist slóð sem lá beinustu leið uppá topp. Smá bratti fyrst en svo var þetta hæfilegt. Gekk allan tímann með mikinn vind og slyddu í andlitið. Alveg kominn með nóg af þessari vetrarfærð á vormánuðum. Hljóp svo niður með vindinn í bakið. Vissi að ég kæmist á slóða frá Kaldárseli og fór þá í þá átt eftir Helgafellið. Beygði svo frá veginum á réttum stað og datt inn á hestaslóðann sem liggur alla leið út í Heiðmörk og fór sem leið lá heim.
Frekar þreyttur í lokin enda búinn að vera 2:30 klst með þessa 26 km sem ég fór. Fann fyrir smá eymslum í hægri hæl eftir hlaupið.
Virkilega kaldur og blautur eftir þetta hlaup og endaði svo með því að ég var orðinn hálf slappur á sunnudeginum með einhverja kvefdrullu.

Aftur þreyttir 10km

Fór aftur úr vinnunni en í þetta skiptið eftir vinnu og áður en það var boðað til afmælisveislu í vinnunni. Akkúrat ekkert skárri en á fimmtudaginn og bara þreyttir ef eitthvað var. Einn af þessum hlaupatúrum sem maður hefði betur átt að sleppa. 10 km á 49 mín.

Þreyttir 10km

Frekar þreyttur, eftir Esjuna á þriðjudag og 17km í Heiðmörk á miðvikudag. Lullaði í hádeginu hringinn inn í Elliðaárdal og tók einn hring í Eyjunni og svo aftur í vinnuna, mikið rok úti og kalt. Ennþá vetur 2. maí. Fór 10 km á 47 mín.

Stóri fræðsluhringurinn í Heiðmörk

Fór út að hlaupa um kl. 17 og stefnan tekin á Heiðmörk. Ísköld norðan átt fyrstu 4 km meðfram vatninu og svo hlýnaði nú eitthvað þegar maður fór fram hjá Helluvatni og inn í Heiðmörk. Var með merkilega lítið af harðsperrum eftir Esju gærkvöldsins en fann þó alveg fyrir því. Rúllaði stór fræðsluhringinn og gekk það vel. Frekar mikill vindur og hiti um -1°C.
Fór 16,5km á 1:17.

Fyrsta Esja ársins

Fyrsta Esja ársins. Fór eftir kvöldmat upp að Esjumelum og lagði þar. Hljóp svo í mótvindi í-4°C í átt að Esjustofu. Mótvindur alla leið upp en skjól á köflum, prófaði að fara vinstra megin upp og því lítið hægt að hlaupa þar. Hljóp aðeins í byrjun en lítið eftir það, snjór þegar maður fór að nálgast steininn og nokkuð hálft, var ekki á broddum og rann nokkuð. Var 32:39 upp að steini og nokkuð sáttur við það.

Hljóp svo niður hægri leiðina, þar var frekar hálft í efri hlutanum en slapp til, var næstum því runninn á rassinn 1x en það slapp. Lærin fengu svo að finna fyrir því á leiðinni niður og tók það 20 mín. Skokkaði svo aftur upp að Esjumelum og endaði æfingin í 9,65km á 1:09. Fínasta æfing og frábært útsýni þó svo að það hafi mátt vera aðeins hlýrra og minni vindur. Nú verður reynt að fara 1x í viku á Esjuna.

Rólegt mánudagshlaup

Rólegt á meðan strákurinn var í fimleikum. Tók frí í gær sökum þess að ég gat varla gengið vegna harðsperra í kálfum.
Var aðeins að skána í kálfunum eftir því sem leið á daginn. Hálf aumur í kálfum fyrstu 4km og þá fór þetta aðeins að skána. Finn ekkert fyrir þreytu í lærum sem kemur mér smá á óvart, bara kálfarnir.
Hljóp frá Versölum yfir í Breiðholtið og þaðan niður í Mjódd, Elliðaárdalur, Víkin, Smiðjuhverfið og þaðan aftur upp í Salahverfið. Hringsólaði aðeins á Versala vellinum upp í 12km - 53:30 mín. Fínt veður en nokkuð kalt. Annars nokkuð góður bara.

Vika 17 - 22.04-28.04

Fín keppnis vika að baki og því voru kílómetrarnir ekkert mjög margir. Vikan samanstóð af tveimur æfingum og tveimur keppnum. Fór 12,5 á mánudag sæmilegt interval hlaup sem gekk hálf illa, var svo að drepast í maganum á þriðjudag, tók létt 4x400m á miðvikudeginum og svo keppt í 5km á fimmtudeginum og 21,1km á laugardeginum. Bæði keppnishlaupin heppnuðust mjög vel og ánægjulegt að maður er að komast í form hægt og rólega.
Nú verður bara haldið áfram og reynt að fara á slóða og uppá fjöll í bland við venjuleg hlaup.
Vikan endaði í 54km á 3:50 klst, heldur lítið en gott að ná þessum góðu stöðu tékkum.

Vormaraþon FM

Ákvað að taka annað keppnishlaupið á þremur dögum og skráði mig á föstudaginn í hálft maraþon í Vormaraþoni félags maraþonhlaupara. Veðurspáin var ekki góð fyrir hlaupið, íslenskt haustveður, rok og rigning en ég vildi taka gott stöðu tékk á forminu og því var ekkert annað en að mæta og taka á því sama hvernig veðrið yrði.

Var mættur niður í Fossvog ca. hálf tíma fyrir hlaup, hálf kalt svona um morguninn, rigning og rok, varla að maður vildi fara út úr bílnum. Maður komast þó af stað og tók 3km upphitun og það hjálpaði aðeins í að losna við mesta stífleikann í kálfunum. Var kominn með frekar miklar harðsperrur í kálfana eftir 5km hlaupið á fimmtudaginn.

Ég var eitthvað hálf utan við mig í startinu og áður en ég vissi af var búið að skjóta og allir fóru af stað, ég ekki búinn að kveikja á úrinu og það tók smá tíma að detta inn. Fórum frekar hratt af stað (~3:40 hraði) og vorum fljótt fjórir í hóp; ég, Siggi Tomm, Róbert og Guðni Páll. Vissum að það yrði gott að halda vel í hópinn í þessum mótvindi (ca. 10m/s) sem yrði alveg út á nes. Héldum áfram að keyra þetta frekar hratt en vorum komnir á ~3:50 hraða á km 3 og 4. Siggi var að keyra þetta full hratt og leyfðum við honum aðeins að sigla á undan eftir HR í Öskjuhlíðinni. Hjá vatnsstöðinni við HR slappaði svo Guðni Páll aðeins á gjöfinni. Ég og Róbert vorum þá tveir og Siggi aðeins á undan, þegar við beygjum svo aftur vestur eftir strax eftir Nauthólsvík þá gaf Siggi aðeins eftir til að leyfa okkur að ná sér. Ég og Siggi skiptumst svo á að leiða til að halda uppi hraðanum í mótvindinum. Gekk vel og var ég alveg gáttaður hvað við náðum að halda góðum hraða í þessum aðstæðum. Við snúnings punktinn fékk maður svo auka orku bæði við að fá vindinn í bakið og svo einnig að mæta öllum hlaupurunum. Fór þennan kafla aðeins of hratt enda að hlaupa á ca. 3:40-3:44 hraða. Eftir 12km gaf ég því aðeins eftir og Siggi tók forustuna í hópnum, þarna var Róbert kominn ca. 100m fyrir aftan okkur. Tók smá á að fá aftur mótvindi þegar maður beygði til norðurs við Nauthólsvík en maður hélt þá svipuðum hraða áfram ca. 3:50. Bilið á milli okkar Sigga jókst svo á þessum kafla í ca. 100m og hélst það svo nokkuð stöðugt þangað til í lokin. Orkan farinn að minnka aðeins og farinn að finna fyrir þreytu þegar maður var kominn aftur niður í Fossvog, því erfitt að hlaupa í gegnum markið og vita að það voru 4km eftir og tveir síðust talsvert uppímóti og einnig með mótvind. Gott að komast á stokkinn og sjá hvar maður var staddur í hlaupinu. Kári Steinn var að leiða hlaupið og Ingvar á eftir og svo Arnar Péturs, Siggi svo ca. 100m á undan mér og Róbert ca. svipað á eftir mér. Svo staulaðist maður bara áfram í lokin dauðþreyttur í mótvindi og uppímóti og fannst ég vera farinn að hægja á mér þó svo að úrið segi ekki þá sögu. Seinustu 400m voru erfiðir en alveg frábært að klára og aðeins 20 sek frá mínum besta tíma á 1:20:38. Vissi ekki alveg á hvaða tíma ég var að hlaupa á allt hlaupið útaf þessu rugli í byrjun og tók þetta meira eftir tilfinningunni.
Fréttum svo þegar við vorum komnir í mark að Siggi hafði lent í 3. sæti og ég því í 4 sæti, því Kári Steinn hafði verið að pace-a Ingvar og Arnar.
Mjög ánægður með tímann og formið á þessum tímapunkti miðað við að hæfingar í vetur hafa ekki gengið nægilega vel. Hefur þó allt verið á uppleið undanfarið og var þetta gott stöðutékk á forminu.

Vil þakka félagi maraþonhlaupara fyrir að halda þessa frábæru keppni. Alltaf gaman að keppa og hitta aðra hlaupara á Íslandi og góð tímasetning á þessum hlaupum til að auka við flóruna í heilu og hálfu maraþoni.

Víðavangshlaup ÍR

Langaði að taka stöðutékk á forminu og skráði mig því í Víðavangshlaup ÍR sem fór fram á sumardaginn fyrsta. Veðrið ekki það besta en það var talsverð rok úr norðri sem hafði áhrif á Sóleyjargötu og Fríkirkjuvegi.
Var mættur niður í Ráðhús ca. 20 mín fyrir hlaup, tók létta upphitun í kringum tjörnina og kom mér svo fyrir í startinu.
Fór slatti af fólki frekar hratt af stað og maður var í grúbbu 2 á eftir fremsti mönnum (og stelpu). Hélt mig í þeim hóp fyrstu 2km og reyndi að finna skjól á móti vindi niður Sóleyjargötu og Fríkirkjuveg. Eftir beygjuna inná Suðurgötu reyndi ég aðeins að gefa í til að fækka aðeins í hópnum og það tókst, eftir það vorum við 4, ég, Geir, Þórólfur og Róbert. Á Skothúsveginum tók Geir forustuna og hélt henni alveg þangað til við vorum aftur komnir á Skothúsveginn, þá vorum við þrír jafnir, ég, Geir og Þórólfur. Eftir beygjuna inn Tjarnargötuna náði Þórólfur forustu og ég stakk mér á undan Geir. Svo var bara allt gefið í botn og allt klárað af tankinum og ég náði rétt svo að stinga mér á undan Geir í mark.
Varð í 7. sæti á 17:41 sem ég var bara mjög ánægður með. Ekki langt frá mínum best 5km tíma.

4x400

Var slæmur í maganum og eitthvað þreyttur á þriðjudaginn þannig að ég tók frí þá. Var búinn að ákveða að skella mér í Víðavangshlaup ÍR (5km) á fimmtudeginum.
Hljóp létt niður í Víðidal og tók þar 4x400m á einhverju sem gæti heitið 5K hraði. Skokkaði svo rólega tilbaka. Flott veður, sól og lítill vindur.