Powerade vetrarhlaup #1

Fyrsta Powerade hlaup vetrarins var í kvöld. Frábært veður, hiti um 1-3°C og nánast logn. Tók létta upphitun í myrkrinu og mætti svo á startlínuna. Svo virðist sem að nánast allir bestu hlauparar landsins voru mættir í kvöld í að ég myndi halda eitt mest "competitive" hlaup ársins í 10km. Kári Steinn, Sæmi, Guðni, Valur, Bjössi Margeirs, Benoit, Þórólfur, Sigurjón, Reynir og margir fleiri sem eiga tíma undir og í kringum 35 mín.

Fór hratt af stað með fremsta hóp. Kári, Sæmi, Guðni og Valur á undan mér, eftir um 1 km sló ég aðeins af og þegar verið fórum yfir brúna við Breiðholtsbraut þá voru Hugi og Benoit komnir við mig. Hélt þeim fyrir aftan mig upp að Suðurfelli en svo komu þeir framúr mér og náði ekki að halda í við þá. Þeir fóru því hægt og rólega framúr en ég hélt sæmilega dampi. Var nokkuð hár í púls og því lítið að hægt að gera en að halda áfram. Heyrði svo aldrei eða varð var við neinn fyrir aftan mig alla leið niður að stokkinum. Þegar við erum komnir hjá gamla Boot Camp þá sá ég einhverja fyrir aftan mig, sýndist ég sjá Sigurjón og átti sömuleiðis von á að Þórólfur væri ekki langt frá. Reyndi að minnka forskotið á Benoit og Huga upp rafstöðvarbrekkuna en það tóks ekki og bilið hélt alveg þar til í lokin. Kom því í mark á mínum öðrum besta tíma í Poweradehlaupi 36:25.

Er í mínu besta formi og því svekkjandi að ná ekki betri tíma en þetta. En þar sem það er langt síðan að maður tók hraðaæfingar og tæplega 2 vikur frá maraþoni þá er það kannski skiljanlegt. Október verður svo tekinn rólega til að ná góðri hvíld fyrir næsta tímabil. En gaman að taka þátt í Powerade og stefnan tekin á að reyna að mæta í þessi hlaup í vetur.

Berlin marathon - PB 2:44:30

Við Anna flugum út til Berlínar með góðum vinahópi snemma á föstudagsmorgni. Vorum komin upp á hótel rétt fyrir kl. 2 og fórum svo fljótlega af stað út marathon expo-ið sem var í Berliner Luftbrucke (sem er sögufrægur flugvöllur). Allt troðið af fólki og mikið um að vera. Fórum og náðum í númerin okkar og náðum bæði að láta færa okkur í rétt hólf, ég í 2:40-2:50 og Anna í 3:50-4:15. Smá léttir en eftirá óþarfi þar sem lítið eftirlit var með hólfunum. Við röltum svo um svæðið aðeins áður en við fórum upp á hótel. Pizza um kvöldið og snemma í háttinn enda þreytt eftir að hafa vaknað um kl. 3 á íslenskum tíma. Á laugardeginum reyndum við að taka því mjög rólega. Kíkt á eitt safn um DDR og svo aðeins skoðað svæðið um kring. Pössuðum okkur að taka því rólega og dugleg að sitja og liggja, enda frábært veður og því kjörið að liggja í grasinu og slappa af. Hópurinn fór svo í pasta hleðslu um kvöldið og sömuleiðis reynt að fara snemma að sofa. Gekk fínt að sofna og svaf nokkuð vel miðað við oft áður.

 
Við vöknuðum svo kl. 6 og fórum niður í morgunmat. Hafragrauturinn klikkaði eitthvað smá og ég fékk mér því rúnstykki með osti og sultu, vatn og smá djús. Fórum aftur upp og gerðum okkur tilbúin, farið í hlaupagallann og líkamspartar smurðir. Um 15-20 mín rölt með hópnum niður í startið og þar var maður aðeins að drekka GU steinefna blöndu og fékk mér einn banana.

Kristinn, Gummi, Anna og Stebbi á leið í startið

Vorum komin inná svæðið um 70 mín fyrir start. Hópurinn tvístraðist svo til að komast á dolluna og setja bakpokana með auka dóti á sinn stað. Kvaddi Önnu ef ég myndi ekki hitta hana aftur fyrir startið. Fór í röðina á dolluna og átti eftir að gera lítið annað en að bíða þar. Fannst mjög miklar klósett raðir miðað við td Boston. Var í röð í ca. 50 mín og þurfti að hafa fyrir því að halda ró minni. Fólk var mis heppið með klósett röð en virðist hafa valið illa. Þegar ég var búinn að fara með pokann minn á sinn stað voru um 20 mín í start. Tók mjög litla upphitun og ákvað svo að koma mér á minn stað í hólfi B. Fannst mjög leiðinlegt að ná ekki að hitta neinn aftur og sérstaklega að geta ekki verið með Önnu. Fór fyrst í vitlaust hólf (síðasta hólfið) og tók svo sinn tíma að komast í rétt hólf (B). Náði að finna hólfið og troða mér yfir girðinguna um 3 mín fyrir start. Náði svo að koma hausinum í réttan gír fyrir startið.

Markmiðið hjá mér var C: Að bæta tímann minn frá mínu öðru maraþoni sem er 2:55:13 (tími frá 2011) - B: Komast undir 2:50 (helst 2:48:48 sem er 4:00 mín/km hraði) og svo A: Að komast undir 2:45, sem var draumamarkmiðið. Var búinn að taka nokkrar maraþon æfingar á 3:55 pace-i (lokatími 2:45:17) og alveg niður í 3:52. Var búinn að því vegna þess að mér finnst oftast vera munur á GPS og raunverulegri mældri vegalengd í keppnum. Finnst þessi munur oft vera um 2-3 sek per km, sem eru um 2 mínútur yfir maraþon vegalengdina. Það var því markmið að fara út á 2:55 en vera með það hugfast að fara yfir á ca. 2:52 ef hlutirnir gengju vel. Annað var að vera í kringum 160 í púls.

 0-5 km

Var vel pakkaður inn í start hóp B þegar skotið reið af og hópurinn lagði af stað.  Ótrúlega gaman að leggja af stað í öllu þessu mannhafi, blöðrurnar yfir manni og fólkið æddi áfram niður Str. des 17. juni. Var um 1 mín að koma mér yfir marklínu og náði að hlaupa strax eftir að maður var kominn yfir línuna en hópurinn var þéttur og mikið af fólki að fara hægar af stað. Grunar að all margir hafi svindlað sér í hærra start hóp.
Fyrstu 5km liðu ansi hratt og var ég að passa mig að fara ekki of hratt af stað en samt að reyna að vera undir 3:55. Úrið var með meðalhraða undir 3:50 en í raun var meðal hraðinn á þessum kafla 3:53 og púlsinn 160 slög. Aðeins of hraður en samt gengu hlutirnir vel fyrir sig. Nokkuð mikið að hreyfa mig sikk sakk til að sviga framhjá fólki og svo hægðist í fyrstu alvöru begjunni eftir um 2,5km. Fór í gegnum 5km á 19:26 eða um 9 sek hraði en ég ætlaði en "close enough".
5 km: 19:26 (00:19:26) - 00:03:53 - 160 

 5-10 km

Áfram hélt maður að reyna að halda hraða og þurfti töluvert að sviga til að gera það. Þegar ég nálgaðist hótelið okkar fór ég hægra megin í brautina til að ná að hitta stuðningshópinn. Ótrúlega fjör að sjá allt fólkið sem var að styðja. Eftir þetta þegar maður beygði inná Torstrasse fór að verða auðveldara að hlaupa beint og á réttum hraða. Flestir vitleysingar sem fóru alltof hratt af stað eða byrjuðu of framarlega frá og fór að verða auðveldara. Var aftur kannski aðeins of hraður skv. gps en á fínum raunhraða. Fór í gegnum 10km á 38:51 mín. Áætlun var uppá 39:10 og ég því um 20 sek á undan áætlun. Fannst mér líða vel og ráða vel við hraðann, rúllaði gekk vel og brautin alveg mar flöt, aldrei neitt streð við mishalla á götunum.
10 km: 38:51 (00:19:25) - 00:03:53 - 160
  
10-15 km

Fór að detta betur og betur inn í hópa sem voru að hlaupa á svipuðum hraða og ég þá hægðist kannski aðeins á manni, var líka með pínu áhyggjur að ég var oft yfir 160 í púls. Sló því aðeins af vitandi að maraþon er mjög löng vegalengd og mikið sem getur klikkað ef maður hleypur of hratt í byrjun. Fékk mér mitt fyrsta gel eftir 45 mín og var duglegur að grípa vatn og orkudrykk á vantsstöðum sem voru oft á um 3km fresti. Maður drekkur lítið í einu og hélst maginn því góður allan tímann. Heildartími í gegnum 15km var 58:36 en áætltun 58:45 (ennþá 9 sek inni, þó svo ég hafi ekki vitað millitímann þarna).  Skv gps var meðalhraði um 3:53 en 3:57 í raun. Hægði kannski full mikið á mér á þessum kafla, aftur á móti var púlsinn lægri sem var betra.
15 km: 58:36 (00:19:45) - 00:03:57 - 158

 15-20  km

Hélt áfram svipuðum hraða og púlsinn ennþá í góðum málum undir 160 slögum. Þarna fór brautin svo úr stórstrætum yfir í venjulegar úthverfa húsagötur. Ennþá var stuðnignurinn frábær og göturnar þétt settnar af fólki sem var að styðja. Fann aðeins meira fyrir hlutunum þarna og fann að hraðinn var eitthvað að minnka hjá manni. í kringum 18 km fannst ég allt í einu heyra nafnið mitt, lít aftur og sé Söru og Sólveigu á harða sprett á eftir mér. Fékk fréttir af Önnu sem var rosalega gott og hjálpaði mér mikið. Vitandi að hún hafi komist í gegnum kraðakið í byrjun hlaups og væri á góðu rúlli.
Þarna var kominn mikill munur á gps og brautinni og munaði strax einhverjum 400-500 m  sem mér fannst fullmikið. Fór í gegnum 20 km á 1:18:21 og sá að ég var alveg á áætlun og það gaf manni sjálfstraust þrátt fyrir að gps-ið væri ónákvæmt. Ennþá var púlsinn í góðum málum. Tók svo annað gel eftir 1:15 klst eða um 30 mín frá síðasta geli.
20 km: 1:18:21 (00:19:45) - 00:03:57 - 157

20-25 km

Gott rúll í ágætum hóp, var farinn að elta einn þjóðverja sem var greinilega heimamaður og mikið að gefa fimmur og virkaði mjög sprækur. Fór í gegnum hálf maraþon á 1:22:40 sem er alveg spot on á áætlun og var ánægður með það.  Fannst ég eiga fullt inni og orkan og lappir ennþá í lagi. Enná í úthverfum og skemmtileg stemning í brautinni. Það var svo í kringum 25 km sem ég allt í einu varð "léttur" í hausnum og fékk léttvægan svima, varð nokkuð hræddur að hlaupið væri að fara misheppnast á þessum tímapunkti. Sló því aðeins af hraðanum og lét þjóðverjann fara. Tók stöðu tékk og fannst einnig lappirnar vera eitthvað þreyttar. Fékk mér að drekka og náði aftur að komast í gírinn. Tók þessa 5 km á 19:38 og fór í gegnum 25 km á 1:37:59 eða um 4 sek á eftir áætlun (var reyndar ekki með 25 km splitt skrifuð og vissi því ekki hvað ég átti að vera á)
25 km: 1:37:59 (00:19:38) - 00:03:56 - 160

25-30 km

Fljótlega eftir þetta hræðslu kast kom svo einn hlaupari sem virtist vera að hlaupa mjög vel. Ég hengdi mig á hann sem átti eftir að reynast vel. Lappirnar voru góðar og ég hætti að fylgjast mikið með hraðanum og fór bara að elta gaurinn fyrir framan mig. Fannst effort-ið vera fínt og ég náði að halda vel í við hann. Þarna fór maður svo að byrja að taka fram úr fólki sem veitti manni sjálfstraust. Kílómetrarnir héldu áfram að tikka og allt gekk vel. Hélt áfram að drekka vatn og orkudrykk þar sem það var í boði og reyndi yfirleitt að fá mér eitthvað á hverri drykkjarstöð. Hitinn var bara góður og hafði ekki mikil áhrif. Fór í gegnum 30 km á 1:57:33 og áætlun var 1:57:30 þarna sá ég að hlaupið var að ganga vel og ég var á góðu rólu sama þótt að gps-ið væri komið aðeins lengra í km. Púlsinn farinn að skríða aðeins upp enda kominn á aðeins meira efford.
30 km: 1:57:33 (00:19:34) - 00:03:55 - 161

30-35 km

Við félagarnir héldum áfram að síga framúr fólki sem gaf manni gott sjálfstraust, ekkert að fylgjast með klukkunni og rúllaði þetta vel. Einn belgi kom svo inn í hópinn og við vorum því þrír sem héldum hópinn. Alltaf gott að km var farið að fækka en samt nóg eftir. Lappirnar voru ennþá góðar og allt gekk vel. Fórum úr úthverfunum yfir í meiri miðbæ. Allt í einu fannst ég mér sjá Reyni félaga minn en hélt að hann væri fyrir aftan mig. Við höfðum ætlað að hlaupa fyrri hlutann saman en höfuðum ekki fundið hvorn annan í startinu. Vorum hægt og rólega að éta fólk upp og sá þegar nær dróg að þetta var Reynir. Fórum svo eiginlega saman í gegnum 35 km hliðið og hann sagði mér að hann hefði ælt í 30km og var farið að slá aðeins af honum. Ég sagði honum að reyna að hanga í þessum hóp því við vorum á góðu rúlli.
Síðustu 5km á 19:22 (hraðasti kaflinn hingað til) og heildar tími 2:16:55, vissi ekki á hvaða tíma ég átti að vera en hefði litlar áhyggjur því við vorum á flottu róli.
35 km: 2:16:55 (00:19:22) - 00:03:52 - 161

35-40 km

Sá fljótt að Reynir var ekki að ná að fylgja okkur og skömmu síðar datt beglinn líka úr hópnum. Vorum á þessum punkti að fara framúr mjög mörgum og vorum aldrei í neinum hóp því við fórum hratt framúr þeim. Tók mitt síðasta gel í um 37 km þrátt fyrir að það var stutt síðan að ég hefði tekið gel. Þarna var maður farin að reyna aðeins meira á sig og hraðinn var sömuleiðis meiri. Lappirnar héldu vel en fór að verða lengra og lengra milli km í haustnum á manni. Frábært að keyra í gegnum 40 km á góðu rólu og ennþá enginn veggur og ekkert að manni. Hafði skrifað eitthvað vitlaust á höndina á mér og vissi því ekki alveg hvað ég átti inni en gat reiknað gróflega að ég væri í séns á sub 2:45. Síðustu 5km á 19:27 og í heildina 2:36:22.
40 km: 2:36:22 (00:19:27) - 00:03:53 - 163

40-42,2 km

Þarna fór maður svo að gefa í og reyna enn meira á sig, frábært að eiga nægilega mikið inni á þessum kafla til að pressa og ekki verra að vera rúlla  framúr fólki. Heyrði aftur stuðningsliðið og í þetta skipti voru það Katrín, Hrafnildur, Silla og Stella. Ruglaðist aðeins og fannst ég sjá Brandenborgarhliðið þegar ég var kominn í 41,6 á gps og fór að gefa hressilega í en sá svo að ég hefði ruglast og sló aðeins af, þó ekki mikið. Mjög gaman að taka síðustu beygjuna og sjá loks Brandenborgarhliðið og markið nálgast óðfluga. Hljóp mjög vel og gaf vel í síðustu metrana. Sá að ég var að komast undir 2:45 klst sem var mitt drauma markmið. Rúllaði svo í gegnum markið á 2:44:30 og var gríðarlega sáttur með mitt hlaup, þakkaði vini mínum sem hefði leitt mig áfram frá kílómetra 25. Tók smá geðkast í markinu og alveg frábær tilfinning að drauma markmiðið var náð.
Reynir om fljótlega í markið og sömuleiðis frábært hlaup hjá honum.
Fór síðustu 2,2km á 8:08 sem gerir meðalhraða uppá 3:42 (rétt yfir besta hálfamaraþon tímanum mínum). Tók seinni helminginn á 1:21:51 sem gerir negatíft splitt uppá 50 sek.
42,2km: 2:44:30 (00:08:08) - 00:03:42 - 166

Official úrslit með tímanum mínum

 
Lokatími skv. flögu var því 2:44:30 sem er meðalhraði uppá 3:53 min/km eða 15,39 km/klst. Ég endaði í 459 sæti í heildina og í 123 sæti í aldursflokki M35.

Ánægð hjón eftir hlaup, Anna að klára sitt fyrsta maraþon

 Eftir hlaup vorum við svo lokaðir inni í markinu útaf einhverjum öryggisástæðum og lostnuðum fljótlega. Frábært að hitta aðra íslendinga og svo komast í símann sinn og geta farið að fylgjast með öðrum hlaupurum í gegnum appið og heyra hvernig Önnu var að ganga. Biðum svo með öllum íslendingunum sen týndust einn af öðrum í mark. Allir skiluðu sér og var ég ótrúlega stoltur og glaður þegar ég hitti Önnu sem var að klára sitt fyrsta maraþon og gerði það með stæl. Frábær dagur með alveg frábæru fólki og mitt drauma hlaup.

Hópurinn eftir hlaup, frá vinstri: Reynir, Kristinn, Stebbi, Örvar, Anna og Gummi

Brautin:
Brautin var frábær í alla staði, smá óskipulegt í byrjun með start hópana en yfirleitt var brautin breið og góð og ekkert vesen að  halda hraða. Get ekki ímyndað mér flatari braut því manni fannst yfirleitt maður vera hlaupa niður brekku fyrir utan einstaka mislæg gatnamót eða árþverun sem vegurinn lyftist eitthvað aðeins.

Búnaður:
Skór: Adidas Adios Boost 2
Sokkar: Þunnir hlaupa sokkar (eitthvað noname merki)
Kálfahlífar: CW-X compression hlífar
Stuttbuxur: CW-X compression buxur
Bolur: Léttur Nike ermalaus bolur (Liðsbúningur Kaldbakur Running)

Næring:
6 GU energy gel. 1 fyrir hlaup og svo 5 í hlaupinu.
Drakk á hverri vatnsstöð vatn og orku þar sem það var í boði.

Þakkir:
 T-mark fyrir stuðninginn. Erum með frábærar vörur, allt frá næringu og drykkjar búnaði upp í mjög góðan compression fatnað. GU energy gelið er frábært og það besta sem ég hef smakkað, óendanlega margar bragðtegundir og mjög gott í maga. CW-X fatnaður sem virkar mjög vel og ég er sannfærður um að compression fatnaður hjálpi til við að minnka vöðva þreytu í svona löngum hlaupum.
Að öðru vil ég þakka fólkinu í kringum mig fyrir að þola þessi endalausu hlaup. Anna og strákarnir fyrst og fremst, frábært að hafa Önnu með í svona undirbúningi og ganga í gegnum þetta saman. Auðvitað fá ömmurnar og afarnir líka miklar þakkir fyrir að vera mjög dugleg að passa strákana svo maður komist út að hlaupa í tíma og ótíma.

Strava info:


Takk fyrir mig
Örvar

Fossvogshlaupið 3 sæti - PB á 35:03

Mynd: Vikingur.is

Sæmilega ferskur þegar ég mætti í Fossvoginn, líklega ennþá smá þreyta eftir hálft á laugardaginn og svo tók ég einnig sæmilega þétta æfingu á þriðjudaginn.
Tók létta upphitun og drillur og var tilbúinn að reyna undir 35 mín, eða í versta falli á ná nýju PB. Gamla PB-ið var alltof gamalt eða frá áramótum 2011/2012 sem var 35:51.

Arnar Péturs, Guðni voru í 10km og svo Valur, Sigurjón og Ívar Trausta í 5km. Fór af stað með þessum hóp og rúlluðum 1 km aðeins of hratt var fyrstu 500m á ca. 3:06 pace-i og fyrsta km á 3:14. Komst samt fljótt á minn hraða sem var nálægt 3:30. Arnar fyrstur, svo Guðni, svo Valur og Sigurjón sem voru að fara í 5km. Ég þar rétt fyrir aftan. Fann fyrir nokkurri þreytu í fyrsta hring og brekkan upp hjá Skógræktarsvæðinu í lokin á fyrsta hring var fjandi erfið. Fór í gegnum 5km á 17:19 sem er nýtt PB í 5km.

Náði að rúlla sæmilega eftir það þangað til snúningspunkturinn í hinum endanum sem var erfiður og fannst "heimleiðin" nokkuð erfið og farið að hægja full mikið á mér. 8 og 9 km voru hægastir hjá mér og í kjölfarið kom aftur síðasta brekkan, erfitt en maður þraukaði og svo var gott rúll niður að Víkingsheimilinu þar sem maður gaf vel í. Var einhvernveginn búinn að ákveða að ég væri ekki að fara undir 35 mín en var öruggur að fara í gegn á nýju PB. Gleymdi einfaldleg að horfa á heildarklukkuna en þegar um 50m voru í markið kallaði Ívar Trausti á mig að ná undir 35 mín, þá tók ég alvöru endasprett en dugði ekki til því ég kom í mark 35:03. Grátlega nærri því að komast undir 35 mín en maður má ekki taka of stór stökk með metin sín.

Bætti mig um 48 sek sem er bara ansi gott. Seinni 5km voru á 17:44 eða um 5 sek hægari hvern km á þeim hring.
3 sæti og nýtt PB og allir sáttir. Þarf að reyna að nota formið og ná undir 35 mín fljótlega.

Frábært hlaup hjá Víkingum, skemmtileg stemning og allt til fyrirmyndar. Góð hvatning í brautinni, vel merkt og nægar veitingar. Fullt hús hjá Fossvogshlaupinu.

Strava info:

IAU World Trail Championship 2015

Hlaupaleiðin í kringum Annecy vatnið

Hérna kemur nokkuð ítarleg samantekt af ferðinni okkar út í IAU World Trail Championship sem er heimsmeistaramót í utanvegahlaupi, haldið í Annecy í Frakklandi. Þetta var bæði liða og einstaklingskeppni og þurfti 3 aðila til að keppa í liðakeppninni. Ég, Guðni Páll Pálsson og Þorbergur Ingi Jónsson kepptum fyrir Íslands hönd. Hlaupaleiðin er 85km löng í fjöllunum í kringum Annecy vatnið og er heildar hækkun 5300m.

Hæðarprófíll fyrir hlaupaleiðina, 85 km og 5300 í hækkun og lækkun

Við flugum til Genf í gegnum London miðvikudaginn 27. maí, svo var um 45 mín keyrsla yfir til Annecy sem er nálægt Svissnesku og Ítölsku landamærunum. Strax þegar við komum á hótelið, sem var með útsýni yfir stærstan hluta brautarinn, sáum við hvurslags fjöll þetta voru sem við vorum að fara hlaupa í. Ótrúlega fallegt umhverfi en sömuleiðis allt annar skali en við erum vanir frá Íslandi, allt miklu stærra og brattara en litla fallega Ísland. Tókum léttan skokk túr aðeins til að kanna nánasta umhverfi hótelsins en svo var það kvöldmatur og fljótlega í háttinn þar sem við ætluðum að reyna að snúa sólhringnum eins mikið okkur í hag eins og við gátum.

Örvar, Guðni, Sævar og Tobbi með Mt. Baron og Roc Lancrenaz í baksýn.

Fimmtudagurinn byrjaði með sól í heiði og um 20°C hita. Eftir morgunmat var Tobbi svo kallaður í blóðprufu, en um 80 hlaupara voru prófaðir í það heila. Fór svo fljótlega að skoða brautina, var á dagskrá að ná að keyra allan hringinn og ná þeim stöðum þar sem vegir krossuðu brautina. Gekk vel til að byrja með en tók lengri tíma en við áætluðum, þurftum því að snúa heim þegar við vorum komnir á 53 km og náðum því ekki að skoða seinustu 30 km í brautinni. Náðum aðeins að hlaupa smá kafla af brautinni en það hjálpaði að sjá hversu tæknilegir stígarnir voru og mikill bratti. Fórum uppá hótel og svo keyrt á setningarathöfn keppninnar. Skrúðganga og setningarathöfnin fólst mest í bið og að standa í skrúðgönguröð fyrir utan sjálfa setningarathöfnina. Enduðum svo með að yfirgefa franskar ræður og stangastökk sýningu og fá okkur eitthvað að borða til að komast sem fyrst í háttinn. Smá labb um kvöldið í gamla bænum í Annecy og pizza á Little Italy var mjög skemmtileg.

Föstudagurinn hófst svo á tæknifundi þar sem kom í ljós nokkrar breytingar á reglum. Gátum sleppt því að vera með síma eins og fyrir fram stóð í reglunum en þurftum að vera með flautu og taka einnig með vindheldan jakka. Seinni parturinn fór því að útvega þessa hluti og klára að raða í töskurnar sem Sævar myndi vera með á drykkjarstöðvunum. Aftur fórum við svo í mat til Annecy til að vera aðeins fyrr á ferðinni en hótelið. Lasagna í gamla bænum var carbo hleðsla dagsins og var kominn nokkur spenna í mannskapinn enda aðeins örfáir tímar í hlaup. Fórum svo í háttinn um kl. 20 og náðum svo að sofa til kl. 23 þegar við heyrðum í þrumuveðri og rigningu (eins og spáin gerði ráð fyrir). Eitthvað dormað til kl. 00:30 en þarna var hausinn kominn á flug og við Guðni fórum því í morgunmat. Kom með minn eigin hafragraut, fékk mér svo te og smá brauð. Klæddum okkur og fórum í startið um kl. 02:30. Það var búið að vera nokkuð stress á manni daga á undan en strax þegar maður kom í startið varð þetta meira spenna og stressið fjaraði út og tilhlökkun tók við. Mjög gaman að hitta á nokkrar hetjur úr USA liðinu á meðan við vorum að bíða eftir að komast á kamrana.

Tobbi, Örvar og Guðni við startið

Annecy - Semnoz 

Ég og Guðni komum okkur fyrir nokkuð aftarlega í hópnum. Startið var mjög flott, hlaupið var í gegnum haf af blysum í myrkrinu. Rúlluðum vel fyrstu 3 km sem voru meðfram vatninu og út úr bænum, tókum strax framúr mörgum og gaman að sjá að allar gerðir af fólki var að taka þátt. Nokkrar eftirlegu kindur voru ennþá í miðbænum og var góður stuðningur í þeim. Pössuðum okkur í brekkunum í byrjun og furðuðum okkur á ákvefðinni í nokkrum keppendum sem voru móðir og másandi í fyrstu brekkunum. Var skemmtilegt að komast svo út á skógarstíginn sem lá í um 15 km brekku upp á Semnoz í 1650m hæð. Voru rúllandi brekkur til að byrja með og nokkuð um að stöðubreytingar eftir halla. Tókum því rólega upp brekkur og misstum þá nokkra á undan okkur, svo fór smá vinna í að taka framúr á sléttu köflunum þar sem við vorum hraði en fólkið í kringum okkur. Nokkuð um tæknilega erfiða kafla en einnig mikið um þægilega og auðvelda. Svipað og í Laugarveginum 2013 voru við félagarnir í skemmtilegum hlaupatúr og mikið um spjall um líðan og upplifun okkar. Gaman að komast uppfyrir trjálínu og sjá að sólin var að koma upp. Ég og Guðni komum svo samferða inná fyrstu drykkjarstöðina. Fylltum á vatn og gel, tók 3 gel á þessum kafla og kláraði báða brúsana mína (2x500ml). Var með vatn í einum og powerade í hinum, fyllti þá báða. Fórum útaf fyrstu stöðinni á 2:09 og í 105 sæti, búnir með 18km af 85km. Vorum strax talstvert á eftir áætlun en höfðum skotið gróft á að vera á fyrstu stöð á 1:50-2:00. Vorum samt alveg slakir yfir þessu enda að passa að fara ekki of geyst af stað enda nóg eftir af hlaupinu. Þetta var klárlega auðveldasti kaflinn í brautinni þrátt fyrir um 1400m hækkun og 200m lækkun.

Semnoz - Doussard

Eftir drykkjarstöðina tók við mjög þægilegt hlaup niður aflíðandi brekku, það var þó aðeins í 1-2 km og eftir það tók við mjög brattur kræklóttur skógar stígur með rótum, drullu og nóg af grjóti sem endaði í smá sveitarþorp í lokin eftir í um 9 km af niðurhlaupi, tæpir 1000m. Fyllti þar á einn vatnsbrúsa. Þarna var strax farið að hitna og maður fann að maður var að svitna mikið. Smá rúll áður en ein brattasta brekkan tók við upp á Col del la Cochetta. Mjög mikil drulla og stundum var auðveldara að vera fyrir utan stíginn. Líðan var góð og allt eins og það átti að vera. Vorum að byrjaðir að taka gal á 30 mín fresti og passa að drekka nóg. Gaman að hitta nokkra úr danska liðinu og spjalla aðeins við þá. Fann mig mjög vel upp brekkurnar og það gekk vel upp þær án þess að maður væri að streða of mikið. Komumst uppá topp á Cochetta hryggnum kl. 7:20 eftir 3:50 klst og í 95 sæti. Við tók svo mjög tæknilegt hlaup niður af hryggnum. Ennþá gekk vel og vorum við að fara nokkuð rólega niður enda tæknilega erfitt. Gaman að hitta vin minn úr USA liðinu Yassine Diboun og gaf það manni smá auka orku, hann kom þó fljótlega aftur framúr okkur og mikilli siglingu. Eftir seinni vatnsstöðina (36,5km) kom nokkuð rúllandi kafli, þó með nokkrum góðum brekkum. Þarna fór allt í einu að draga af Guðna og hægðum við því aðeins ferðina. Kom svo gott bratt niðurhlaup þar sem við gátum rúllað sæmilega og svo 2km rúll á malbiki þangað til að við duttum inná drykkjarstöð nr. 2 í Doussard. Þarna var ég farinn að finna til svengdar enda með garnagaul. Var smá kaos inná stöðinni því Sævar mátti ekki taka neitt af því sem var í boði á drykkjarstöðinni yfir á borðið okkar. Ég þurfti því að hlaupa tilbaka og fylla á Gatorade, grípa mér snakk og pizzusneið og smá banana til að fylla magann. Þarna var líðan góð, fyllti á vatn og gatorade og tók ný gel. Tók á þessum kafla líklega um 5 gel. Fórum svo samferða útaf stöðinni 5:00 klst og í 97 sæti. Í Doussard var maður hálfnaður, 43,5km af 85km. Leggurinn milli drykkjarstöðvana tveggja var 9 km með um 800m í hækkun og lækkun. Svo kom 6 km kafli með 200m hækkun og 400m lækkun.

Doussard - Menthon-St-Bernard

Við vorum búnir að skipuleggja að fara af þessari stöð með stafi enda gríðarlegt klifur á þessum kafla, um 1500m hækkun uppá Roc Lancrenaz á um 14km kafli. Það var um 1km sléttur kafli að Col de la Forclaz brekkunni. Fór hægt af stað í byrjun til að slíta ekki Guðna af mér en það dugði ekki og hann var greinilega kominn í einhvern erfiðleika. Misstum eitthvað af liði framúr okkur í byrjun brekkunar en svo hægt og rólega missti ég sjónir af Guðna og ákvað eftir smá tíma að hlaupa bara mitt eigið hlaup. Ég gæti sömuleiðis lent í vandræðum og þá myndi hann bara ná mér aftur. Klifrið upp Col de la Forclaz (um 700m hækkun) gekk vel og eftir það tók svo við um 1,5km niðurhlaup.

Að hlaupa niður frá Col de la Forclaz  - Mynd: Claude Eyraud

 Þarna var maður kominn út úr skóginum og sólin var að steikja mann. Reyndi að kæla mig með vatni á drykkjarstöðinni og fyllti á alla brúsa og drakk vel. Þarna var vel heitt í næsta klifri og engin tré til að skýla manni. Á þessum kafla fór ég framúr 4-5 manns og fannst ég öflugur í brekkunum, mjög þægilegt að klifra með stafina. Frábært að koma uppá Roc Lancrenaz og klára mjög bratt klifur þar upp umkringdur fjallageitum. Aðstæður sem ég gleymi aldrei og frábær upplifun.
Eftir þetta tók svo við mjög svo erfiður kafli, um 6,5km niðurhlaup þar sem var hlaupið niður grófan slóða með um 1.000m lækkun. Fann fljótt að maginn var fullur af vatni og skoppaði til þegar maður byrjaði að hlaupa niður brekkuna. Þessi brekka ætlaði aldrei að hætta og náði því miður ekki að rúlla þetta eins vel og ég vildi. Hitinn fór fljótlega að hafa áhrif eftir því sem maður lækkaði sig í hæð og maginn farin að vera til vandræða. Þurfti að pína mig í að taka gel. Var orðinn alveg vatnslaus á kafla en kom að læk þar sem ég gat kælt mig og fyllt vatnið. Stuttu seinna kom svo vatnsstöðin. Næsti kafli hélt ég sömuleiðis að yrði auðveldari. Vorum sannfærðir að þetta væri rúllandi hæðir sem maður gæti hlaupið. Brekkurnar voru brattar upp og var mikið um sikk sakk, upp og niður. Var frekar erfitt andlega að hlaupa niður í St-Bernard vitandi að maður þyrfti að fara strax upp aftur úr þorpinu. En gríðarlega ánægður að komast á drykkjarstöðina og heyra í Sævari kalla og hvetja mann áfram. Fékk mér Coke sem bjargaði algjörlega deginum og helstu mistökin mín voru að fara ekki af stað með coke og meira vatn. Maginn orðinn frekar erfiður þarna og hitinn var alveg að fara með mig. Kældi mig vel fyrir utan drykkjarstöðina, fyllti á allt og rúllaði af stað. Þarna var maður búinn með 70 km af 85 km og tíminn var 8:37 og ég var í 99 sæti.

Menthon-St-Bernard - Annecy

Fyrsta brekkar upp að kastalanum gekk vel og sömuleiðis rúllið að fjallinu, hitinn hafði áhrif en ég var ennþá að virka. Hitti þarna einn gamlingja frá Suður Afríku, einn Portúgala og hvort að það var ekki líka einn Belgi. Ég nýi vinur minn Graeme McCallum spjölluðum nokkuð saman, sem fólst mest í því að bölva þessari brjáluðu braut og brekkunni sem við vorum að reyna að drösla okkur upp ásamt auðvitað að dásama landslagið. Hægt og rólega kláraði ég vatnið og á sama tíma kom ég engu ofan í mig. Þegar ég hélt að ég væri að koma upp frétti ég frá starfsmanni að við værum um 2 km frá aflíðandi kafla fyrir síðasta klifrið og því aðeins um hálfnaðir upp brekkuna. Náði að koma ofan í mig 2 gúmmi köllum sem eru tæplega eitt gel og hélt áfram. Mikið orkuleysi í gangi og ég búinn með vatnið. Missti svo þessa vini mína framúr mér og sá á eftir þeim upp síðasta klifrið sem var snar bratt. Frábært að komast uppá Mont Baron með rugl útsýni yfir vatnið og Annecy. Hélt ég væri að fara hlaupa strax niður en við tók um 1,5 km langur tæknilega mjög erfiður kafli “alveg” uppá topp á fjallinu. Spurðu um vatn uppá topp en hefði þurft að taka á mig 15 mín tíma refsingu ef ég hefði fengið vatn, vildi það ekki og hélt þvi áfram. Niðurleiðin var tæknilega mjög erfið og var maður einhvern veginn að staulast þarna niður en gekk ágætlega þar sem lappirnar virkuðu alveg. Tók framúr einni stelpu og um svipað leiti dó úrið mitt, nýlega búinn að hlaupa framhjá skilti þar sem stóð 5 km í mark. Ég fer eitthvað að reyna að fikta með að kveikja aftur á því en gefst fljótlega upp. Held áfram en allt í einu fjarar stígurinn út sem ég var á....fokkk. Það sem flaug ekki í gegnum hausinn á mér þarna. Gat ekki hugsað mér að klifra aftur upp þessa brekku og tek því mjög svo vitlausa ákvörðun í panic kasti að halda áfram niður og finn stíginn þannig. Þetta endaði þannig að ég var hlaupandi fram og tilbaka í hlíðum fjallsins að reyna að ákvað hvort ég ætti að fara til hægri eða vinstri, vatnslaus og farinn að hræðast það að eitthvað kæmi fyrir mig sökum þreytu, hita og þorsta. Kom svo að lokum að stíg þar sem ég þurfti að velja vinstri eða hægri...tók vinstri beygju og stígurinn fór að klifra upp fjallið, var ekki alveg viss með það en ákvað að halda mig við þennan stíg. Get ekki lýst því þegar ég sá gulan lokunarborða sem lokaði inngöngu inná þennan stíg. Smeigði mér því aftur inná brautina og hélt þessari skemmtilegu niðurferð áfram. Reiknast til að ég hafi misst um 10-15 mín á þessum kalfa og um 6-10 sæti. Kom svo loksins niður þessa 800m snarbröttu brekku og gat því rúllað síðustu km örugglega í mark, algjörlega að drepast úr þorsta. Mjög gaman að rúlla síðustu km og gaman að hitta strákana og frétt að Tobbi hafi klárað hlaupið með engri smá framistöðu. Kom svo loksins í mark á tímanum 11:04:58 og í 104 sæti í heildina. Hljóp beint að vatninu og sturtaði í mig vökva. Frábært að vera loksins kominn í mark.

Eftir hlaupið vorum við svo að koma í okkur vökva og einhverjum mat ásamt því að taka kælingu í vatninu. Mjög gaman að vera við markið og spjalla við fólkið og slappa af.  Þurfti svo að labba slatta langt í bílinn til að ná í símann minn og hringja heim í Önnu. Biðum svo spenntir eftir Guðna og var frábært að sjá hann skila sér í mark þrátt fyrir mjög erfitt hlaup þar sem hann lenti í miklum vandræðum með krampa. Var mikið að hugsa um gengi strákana á meðan hlaupinu stóð og það skipti mig mjög miklu máli að við kæmum allir í mark. Það var ein helsta ástæðan að ég var alveg að missa það þegar ég var týndur í skóginum, hafði áhyggjur af því að ég myndi DNF-a og Ísland myndi ekki komast á blað í liða keppninni.

Það sem ég lærði af þessu er að maður getur fært mörkin á því hvað maður telur að líkami manns getur gert. Maður var kominn í mikið orkuleysi, mikla þreytu og maginn á hliðinni en samt hélt maður áfram. Það kom aldrei inn í myndina að hætta keppni og ótrúlegt hvað ég tók við mér þegar ég var týndur í skóginum. Maður skipti leiðinni upp í litla hluta og setti fókusinn í að klára eitt verkefni af öðru og smám saman komst maður í gegnum þetta. Hitinn hafði að ég tel mikil áhrif á mig í keppninni. Við vorum aðalega búnir að æfa í -5°C til 5°C og vökva inntaka er allt öðru vísi við þær aðstæður en við 25°C hita og sól. Maginn var því ekki vanur öllum þessum vökva og fór því að ég tel á hliðina.

Búnaður:

Skór: Lasportiva Helios - Léttir utanvegaskór með frábæru gripi, virkuðu fullkomnlega.

Sokkar:og stuttbuxur: CW-X  - Sokkarnir hæfalega þykkir til að verja yljarnar og úr léttu efni og héldu vel við kálfa.

Stuttbuxur: CW-X - Buxurnar héldu vel við mjaðmir og læri. Mjög þægilegt og virkar hiklaust. Vorum búnir að æfa mikið í síðbuxum sem hjálpuðu greinilega við erfiðar æfingar.

Bolur: Keppnisbolur frá 66 norður - Léttur og þægilegur bolur.

Vesti: Camelbak Circuit  - Létt hlaupavesti með 2x500ml brúsum. Hefði þurft að vera með 1,5 ml blöðruna á bakinu og 500ml brúsa að framan. Of lítill vöxvi hjá mér og greinilega vanáætlað í þessum hita. Vestið virkaði mjög vel, situr vel á manni og er sömuleiðis létt, gott aðgengi í vasa framan á því til að geyma næringu.

Stafir: Black Diamond stafir frá Fjallakofanum. Z-fold stafir um 500gr. Virkuðu mjög vel.

Gleraugu: Rudy Project gleraugu. Létt hlaupagleraugu með frábærum útskiftanlegum glerjum.

Úr: Suunto Ambit3 Run úr - Frábært hlaupa úr í svona langa túra, hægt að stilla það og fá rosalega mikið af nothæfum upplýsingum. Klikkaði á því að stilla það á aðeins lakara GPS merki sem hefði gefið mér lengra batterýs líf.

Næring:

GU Energy og Clif bar gel. Næringar áætlunin gekk útá að taka gel á 30 mín fresti fyrir utan fyrstu tvö með 45 mín á milli. Tók einnig eitt um 15 mín fyrir hlaup. Var með vatn í einum brúsa og orkudrykk í öðrum. Byrjaði að taka Koffínlaus gel en á 4-5 geli fór ég að taka koffín gelin. Voru með fullt af bragðtegundum til að velja úr og fínt að ná að velja sér aðeins hvaða bragð manni langaði í. Tók svo í lokin 2 Clif bar hlaupkalla en hefði þurft að pína mig í að taka meiri okru á síðasta leggnum, sömuleiðis á seinni hlutanum á legg 3. Búnir að æfa vel með þessum gelum og þau gjörsamlega nauðsynleg í svona löngum æfingum og hlaupum. GU gelin hafa einnig reynst mér ótrúlega vel í Laugaveginum og á æfingum.

Þetta var í alla staði alveg ótrúleg lífsreynsla. Bara það að fara út í keppni fyrir Íslands hönd var óendanlegur heiður og eitthvað sem ég hafð aldrei áður dottið í hug að ég myndi gera. Maður æfði meira en áður og það var mjög svo auðvelt að halda aga í erfiðustu aðstæðum því maður vissi að þetta tækifæri er eitthvað sem kemur ekki oft á ævinni. Stuðningurinn sem ég fékk heimafyrir var alveg frábær. Anna studdi mig alveg ótrúlega vel, hjálpað mikið að vita að maður var með fjölskylduna 100% á bakvið sig í þessu öllu. Mamma og pabbi og tengdó voru svo mjög dugleg að passa strákana svo maður kæmist í allar þessar æfingar og var sá stuðningur einnig óendanlega góður. Vil svo einnig þakka strákunum fyrir frábæra ferð. Sævar stóð sig eins og hetja sem liðsstjóri og alveg ómetanlegt að hafa hann í brautinni að hjálpa til. Sömuleiðis voru Guðni og Tobbi frábærir félagar og heiður að fá að hlaupa með þeim.

Hérna er svo hlaupið í Strava:


Takk fyrir mig
Örvar

Esjan endilöng

Ég og Guðni fórum eftir vinnu og ætluðum rólegar 2 ferðir upp að Steini, eitt leiddi af öðru...
Byrjuðum við Esjustofu, hlaupum Esju Ultra Marathon leiðina í átt að Kerhólakambi og fórum þar upp. Hef aldrei áður farið þarna og er þetta mjög skemmtileg leið, gefur öðruvísi útsýni en af Þverfellshorni. Þegar við vorum komnir upp voru aðstæður fínar uppi og við ákveðum að hlaupa yfir að Þverfellshorni.

Ég og Guðni uppá Kerhólakambi

Fórum að Kambshorni (851 mys) þar sem var mjög flott útsýni og því langaði okkur að fara á hæsta pkt á Esjunni. Á leiðinni þangað stingur Guðni uppá að kíkja á Móskarðshnjúka, ég var fyrst ragur en slógum svo til. Vissi að það væri einhver erfiður kafli að komast á milli Esju og Móskarðshnjúka. Vorum á broddum og það gekk mjög vel að hlaupa þarna uppi, skiptist á harðfeni og mjúkum klaka. Meira landslag þarna uppi en maður átti von á en við fundum rétta leið, þrátt fyrir að taka ranga stefnu nokkrum sinnum.
Þegar við komum að Laufskörðum sáum við fljótt að við kæmumst ekki lengra. Keðjan á kafi og of mikill snjór, reyndi að komast þarna yfir en snérum fljótt við. Fundum leið niður norðan megin við Esjuna niður í Suðurárdal, tókum þar um 300m lækkun og fórum svo norðanmegin upp Móskarðshnjúka, á hæsta tindinn.

Sólin að setjast yfir Suðurárdal

Erfitt að vera í miklum bratta í hliðarhalla á þessum hlaupa broddum og voru nokkrir staðir þar sem var óþægilega bratt, hefði verið gott að vera með litla hlaupa ísöxi eins og ég hef oft spáð í að útvega mér. Fórum svo upp á hæsta tindinn af Móskarðshnjúkum og þaðan loksins niður.

Uppá Móskarðshnjúkum

Fórum að Blá- og Gráhnúk og að skátaskálanum Þrist. Alltaf gaman að koma að gamla skátaskálanum. Rúlluðum svo veg og slóða tilbaka að Esjustofu.
Vorum báðir með um 4 GUenergy gel og rétt yfir um 1l af vatni. Kláruðum alla næringu og vorum orðnir frekar "léttir" í hausnum á leiðinni tilbaka. Magnaður túr sem gekk alveg ótrúlega vel. Hef lengi langað að hlaupa Esju endilega og gaman hvað það gerðist óvænt.

Gleymdi að kveikja á úrinu á einum stað þar sem ég stoppaði þar, vantar því um 2km og 10mín á trackið. Leiðin endar því í ca. 37 km og vorum um 4:30 klst með ferðina.

Tónlistinn 2014

Þá er komið að því sem alheimurinn hefur verið að bíða eftir. Árslistinn 2014 er hér. Það hefur verið árleg hefð hjá mér að taka saman þá tónlist sem mér hefur fundið það besta á árinu, bæði íslensk og erlend. Sú regla er að ég er aðeins með eitt lag frá hverjum flytjanda.

Bestu íslensku lög árins 2014

 1. Prins Póló - París Norðursins
2. Júníus Meyvant - Color Decay
3. Nýdönsk - Uppvakningar
4. Kaleo - All The Pretty Girls (Official Video)
5. Valdimar - Ryðgaður dans
6. AmabAdamA - Hossa Hossa
7. Ylja - Light As A Stone
8. Mono Town - Two Bullets
9. Allir - Ég er Eggerz
10. Rökkurró - Blue Skies
11. Hjálmar - Lof
12. FM Belfast - Brighter Days
13. Agent Fresco - Dark Water
14. Kiriyama Family - Apart
15. Ásgeir Trausti - Stormurinn
16. Hjaltalín - Everything is Gonna Be Like Everything Will Ever Be (Anyways)
17. Uniimog - Adam átti 7
18. Mani Orrason - Fed All My Days
19. Ólöf Arnalds - 01 - Turtledove
20. GusGus - Obnoxiously Sexual
21. Young Karin  - Hearts
22. Uni Stefson - Manuel
23. Pollapönk - Enga fordóma
24. Orðbragð - S. T. A. F. R. Ó. F.
25. Hafdis Huld - Queen Bee


Best erlendu lög ársins 2014


 1. Milky Chance - Stolen Dance
2. Hozier - Take Me to Church
3. Vance Joy - Riptide
4. The War On Drugs - Red Eyes
5. Lykke Li - Love Me Like I'm Not Made Of Stone
6. FKA twigs - Two Weeks
7. The New Pornographers - Champions of Red Wine
8. Jack White - Would You Fight For My Love
9. Spoon - Rainy Taxi
10. Ben Howard - Rivers in Your Mouth
11. The Black Keys - Fever
12. First Aid Kit - My Silver Lining
13. Weezer - Da Vinci
14. Broken Bells - No Matter What You're Told
15. Conor Oberst - Zigzagging Toward the Light
16. Royal Blood - Figure It Out
17. Damien Rice - Colour Me In
18. Bombay Bicycle Club - Carry Me
19. Bon Iver - Heavenly Father
20. Future Islands - Seasons (Waiting On You)
21. Kendrick Lamar - i
22. ScHoolboy Q - Man of the Year
23. Tom Odell - Real Love
24. Sia - Chandelier
25. Pharrell Williams - Happy
26. Interpol - All the Rage Back Home
27. The Kooks - Around Town
28. Sam Smith - Money On My Mind
29. Passenger - Rolling Stone
30. Beck - Country Down

Mynd af mér í Runners World

The number of ultramarathons has doubled in the last decade. http://t.co/fab05kv8gP pic.twitter.com/Ra2ooO13pa
— Runner's World (@runnersworld) November 7, 2014

Powerade 2014-2015 #1

PB í Powerade um að ég held meira en 1 mín. Var í 6. sæti og 4. af Íslendingum. Kjör aðstæður í dalnum í kvöld, mjög lítill vindur, auðir stígar og um 5°C.
Búinn að vera að vinna aðeins í að bæta hraðann í haust og því fínt að mæta og taka smá powerade test.
Mjög gaman að sjá hvað margir voru mættir og gaman að sjá fullt af gamla liðinu var mætt aftur. Reynir, Guðmundur Guðna, Siggi Tomm, Jósep og aðrar hetjur.

Fór af stað með fyrsta hóp, Kári fyrstur, svo tveir norðmenn, Arnar Péturs, ég og Friðleifur. Kári fljótur að stinga af út í myrkrið og norðmennirnir eitthvað að reyna að elta hann. Ég var svo stutt á eftir Arnari fyrsta km áður en hann fór að gefa í. Ég og Friðleifur vorum saman fyrstu 2 km og svo fór hann aðeins og auka eða ég að gefa smá eftir. Hann jók svo bilið hægt og rólega. Var með hann í augnsýn að rafstöðvarbrekkunni.
Leið nokkuð vel allan tímann og fann mig vel, var léttur á mér og náði að rúlla þetta vel. Hægðist aðeins á manni neðst í dalnum og í rafstöðvarbrekkunni en gat svo keyrt aðeins hraðann upp í lokin þó svo að það hafi ekki verið neinn að keppa við. Datt samt í hug að ég væri að ná mínum PB í Powerade. Var lítil keppni enda Friðleifur of langt á undan og svo heyrði maður aldrei í neinum fyrir aftan sig.

Kom í mark á 36:23 mín sem er minn 3 besti 10 km tími að ég held. Mjög sáttur við þetta hlaup og PB í Powerade.

Hálft maraþon í Rvk maraþoni

Eftir Laugaveginn tók ég mér ca. 2 vikur í rólegar æfingar en svo reyndi ég að fara vinna í að fá smá hraða í lappirnar með interval og sprett æfingum. Æfingar höfði gengið fínt og var ég að stefna á að komast undir 1:20 klst þó svo ég vissi ekki alveg hvar ég var staddur því ég hef mjög lítið keppt undanfarið í götuhlaupum.

Aðdragandinn fyrir þetta hlaup var ekki eins og best verður á kostið. Fyrir tveimur vikum keypti ég mér nýja skó sem ég ætlaði að nota í þessu hálfa maraþoni. Fór 20km túr í þeim með 12 km tempó kafla. Eftir hlaupið var ég aumur í táberginu og svo í framhaldinu versnaði það hægt og rólega þangað til á mánudaginn þegar mér var virkilega illt eftir interval æfingu. Táinn var eitthvað bólgin í framhaldinu og ég eitthvað tæpur með að mæta í þetta hlaup. Ákvað samt að skrá mig á fimmtudaginn og hlaupa frekar í þyngri skóm með meiri dempun. Hausinn var samt ekki alveg þar sem hann á að vera fyrir svona keppni.

Eftir létt upphitun var löppun orðin betri og ég gerði mér vonir að hlaupa með og í kringum nokkra aðra íslendinga sem voru mættir. Bendedikt Jónsson hjólari, Geir og Rúnar þríþrautarar og svo Sigurjón Bootcampari voru þeir helstu.
Flautan gall og hópurinn rúllaði af stað. Eins og oft áður byrjar maður frekar hratt en svo fer yfirleitt að hægjast aðeins á mönnun. Fyrstu tveir km voru á 3:33 og 3:31 og þá bjóst ég við því að menn myndi aðeins hægja á sér en hraðinn hélt bara áfram en var nær 3.35 eftir þetta. Púlsinn hjá mér var kominn upp 170 og var einhvernveginn að bíða eftir að strákarnir myndu hægja eitthvað en þeir gáfu ekkert eftir, Benedikt, Geir og Rúnar ásamt tveimur öðrum héldu bara áfram að rúlla á ca. 3:35. Eftir ca. 7km ákvað ég að gefa eftir og detta á minn áætlaða keppnishraða (3:45), um svipað leiti datt svo Rúnar eitthvað aðeins á afturúr. Fór í gegnum 10km á 36:50 en fannst þetta eitthvað niðurdrepandi að missa hópinn svona langt á undan mér.

Hélt áfram að rúlla einn og var á ágætis ferð en hausinn ekki í lagi. Þegar við fórum svo út af Sæbrautinni og niður í Klettagarða missti ég svo tvo útlendinga framúr mér og þá var ég mikið að spá í að hætta, lappirnar eitthvað lélegar og hausinn eitthvað léttur. Náði svo aðeins að taka mig smá taki en var dottinn aðeins niður í hraða frá Vatnagörðum og upp að Laugarásbíó hélt ég hefð þá einhverja orku til að gefa í en þá kom smá vindur á mann og áfram var hraðinn um og yfir 3:50. Þegar fór svo að styttast í markið fór aðeins að birta yfir og þegar ég sá að ég kæmist undir 1:20 (sem var markið dagsins) þá var maður aðeins sáttari. Náði fínum endaspretti og endaði í 11. sæti (7. íslendingur) á 1:19:21 sem er minn 2. besti árangur í hálfu maraþoni.

Veit ekki alveg hvað gerðist með hausinn þennan dag en náði þá að klára þetta og var bara sáttur í lokin með tímann. Endaði svo með því að vera alveg frábær dagur þar sem flestir í fjölskylduni tóku þátt í einhverri vegalengd og var mikið fjör að vera niðri í bæ og fylgjast með öllu. Flottur stuðningur frá mörgum sem ég þekkti sem hjálpaði mikið.

Fékk mér minn hefðbundna morgunmat, hafragrautur með döðlum, möndlum og banana. Drakk svo GU blöndu og fékk mér hálfan banana um klst fyrir hlaup. Eitt GU gel fyrir hlaup og eitt GU-gel eftir ca. 11 km.





0:03:32    1.00    3:32    1.00    3:32    176
0:07:03    2.00    3:31    1.00    3:31    188
0:10:43    3.00    3:40    1.00    3:41    183
0:14:24    4.00    3:40    1.00    3:40    171
0:18:05    5.00    3:41    1.00    3:41    169
0:21:42    6.00    3:37    1.00    3:37    169
0:25:17    7.00    3:35    1.00    3:35    168
0:29:00    8.00    3:42    1.00    3:43    167
0:32:41    9.00    3:41    1.00    3:41    169
0:36:29    10.00    3:47    1.00    3:47    168
0:40:10    11.00    3:41    1.00    3:42    168
0:43:59    12.00    3:49    1.00    3:49    167
0:47:44    13.00    3:44    1.00    3:45    167
0:51:28    14.00    3:44    1.00    3:45    169
0:55:14    15.00    3:45    1.00    3:45    166
0:59:12    16.00    3:58    1.00    3:59    167
1:03:08    17.00    3:56    1.00    3:56    167
1:06:57    18.00    3:48    1.00    3:49    167
1:10:49    19.00    3:51    1.00    3:51    168
1:14:43    20.00    3:54    1.00    3:55    168
1:18:28    21.00    3:45    1.00    3:45    170
1:19:25    21.28    0:56    0.28    3:19    174

Esja nr. 2

Esja nr. 2 árið 2014. Fór eftir kvöldmat af stað og lagði eins og vanalega við Esjumela og tók létta upphitun að Esjurótum. Ágætt veður, frekar hlýtt en talsvert rok sem kom úr austri og var mikið til á móti manni á stærstum hluta leiðarinnar. Hljóp upp að Þvergili sem tók vel í, gekk svo gilið og reyndi svo að hlaupa sléttu kaflana eftir það. Aðeins ferskari en í síðustu viku og náði að hlaupa meira núna en vindur á móti gerði manni nokkuð erfitt fyrir. Fékk góðan meðvind eftir skriðuna og fauk hreinlega upp seinasta kaflann. Náði í stein 32:17. Tók smá útsýnispásu, flott veður þrátt fyrir rok og gaman að sjá sólina vera að setja og skína rauðri birtu yfir höfuðborgina. Tók því sæmilega rólega niður á 17:35. Flott kvöld á Esjunni.
Kláraði 10 km á 1:09 klst.

Esja nr. 1 2014

Fyrsta Esja ársins 2014. Var mættur við Esjumela um kl. 6:45. Tók létta upphitun frá Esjumelum að rótum Esjunnar um 1,5 km. Svo var farið beint upp. Veðrið var fínt, smá vindur og blautt úti en engin rigning/snjór. Fínt færi framan af og tveir skaflar nokkuð neðarlega. Fór hægra megin upp og þegar maður þveraði veginn fór að vera mikil ísing þannig að það fór að verða frekar hált á steinunum. Gerði mitt besta að komast upp á skikkanlegum tíma en endaði á 33:14 mín sem er ekkert alltof gott. Fór svo frekar varlega niður sökum hálku en gat gefið aðeins í þegar maður kom neðar, 18:42 niður.
Frábært að vera mættur aftur á Esjuna og finnst það alveg frábær æfing að "hlaupa" þarna upp.
10 km á 1:09 klst.

6x1000 brekkur

Hljóp upp í Elliðaárdal og tók upphitun að Vatnsveitubrúnni við Árbæjarlaug. Tók þar í hlíðinni 6x1000 hring sem byrjar á góðri brekku upp í Breiðholt, stígurinn tekur þá 90° beygju og breytist svo í jafnsléttu með smá brekku uppávið en svo tekur maður einnig bratta brekku niður aftur og svo reiðstíginn tilbaka upp í 1 km. Fínir malarstígar og ekki ósvipað aðstæðum í Vífilstaðahlíðinni. Tók 2 mín í hvíld á milli og fór 6 ferðir. Skokkaði svo rösklega tilbaka. Rok og rigning og frekar leiðinlegur mótvindur á slétta kaflanaum tilbaka.
Byrjaði vel af stað í fyrstu tveimur en datt svo aðeins niður en hélt því ágætlega út.
Sprettur 1: 3:43
Sprettur 2: 3:50
Sprettur 3: 3:59
Sprettur 4: 4:05
Sprettur 5: 4:01
Sprettur 6: 4:01

Janúar

Ekki var hlaupið mikið í janúar. Ætlaði að byrja að keyra upp magnið og gæðin en lítið varð um það. Bæði var mjög mikið að gera í vinnunni og svo bættist við að yngsti strákurinn minn veiktist og fór á spítala og því fór sem fór.
Janúar samantekt

Vika:	Fjöldi æfinga	km
1.1-5.1	4	44
6.1-12.1	0	0
13.1-19.1	3	25
20.1-26.1	3	35
27.1-31.1	1	8
Alls:	11	113 km

 Fór enga langa æfingu, eina sprett æfingu og eina brekku æfingu. Meira var það ekki.

Bestu plötur ársins 2013

 Bestu plötur ársins að mínu mati. Var virklega erfitt að finna bestu íslensku plötuna, efstu 5 allt frekar jafnar plötur og vantar einhvern svona ultra hittara.

Bestu íslensku plötur ársins 2013

1. Mammút - Komdu til mín svarta systir
2. 1860 - Artificial Daylight
3. Sigur Rós - Kveikur
4. Lay Low - Talking About The Weather
5. Kaleo - Kaleo
6. Tilbury - Northern Comfort
7. Drangar - Drangar
8. Sin Fang - Flowers
9. Leaves - See You in the Afterglow
10. Emilíana Torrini - Tookah

Fullt af góðri erlendri tónlist á árinu en Arctic Monkeys með sterkustu plötuna. The National, Tom Odell, Arcade Fire og Vampire Weekend með virkilega góðar plötur.

Bestu erlendu plötur ársins 2013

1. Arctic Monkeys - AM
2. The National - Trouble Will Find Me
3. Tom Odell - Long Way Down
4. Arcade Fire - Reflektor
5. Vampire Weekend - Modern Vampires of the City
6. Lorde - Pure Heroine
7. Cold War Kids - Dear Miss Lonelyhearts
8. Bastille - Bad Blood
9. Eminem - The Marshall Mathers LP2
10. Kings of Leon - Mechanical Bull

Þessar væru á topp 10 ef þær hefðu komið út á árinu, hlustaði mikið á þær.
Ben Howard - Every Kingdom (2011)
Passenger - All The Little Lights (2012)

Bestu lög ársins 2013

Eins og undanfarin ár þá settist ég niður rétt fyrir jól og bjó til lista yfir bestu lög ársins, bæði íslensk og erlend. Hef haft vanann á því að taka einungis eitt lag með hverjum listamann þó svo að það séu nokkur lög sem kæmust annars á listann, gert til að hafa þetta aðeins fjölbreyttara.
Finnst gaman að eiga þessa lista þegar líður á og einnig sem playlista í tölvunni sem gott yfirlit yfir árið.

Bestu íslensku lög árins 2013
1. 1860 - Íðilfagur
2. Ólöf Arnalds - Return Again
3. Ólafur Arnalds - Old Skin
4. Kaleo - Vor í Vaglaskógi
5. Lay Low - I Would If I Could
6. Sigur Rós - Ísjaki
7. Mammút - Blóðberg
8. Sin Fang - What's Wrong with Your Eyes
9. Drangar - Finndu mig
10. Tilbury - Northern Comfort
11. Hjálmar - Skýjaborgin
12. Of Monsters And Men - Silhouettes
13. Múm - The Colorful Stabwound
14. Bloodgroup - Fall
15. Halleluwah feat. Raketa - Blue Velvet
16. Botnleðja - Panikkast
17. Ásgeir Trausti - Frost (Hljómskálinn)
18. Emilíana Torrini - Speed of Dark
19. Prins Póló - Bragðarefir
20. Hymnalaya - Mind Blown
21. Leaves - Ocean
22. FM Belfast - We Run Faster Than You
23. Steindi JR og Laddi - Sigta Salta
24. Friðrik Dór - Glaðasti hundur í heimi
25. Ojba Rasta - Einhvern veginn svona



Önnur ágæt lög:
Vök - Ég bíð þín, Egill Ólafsson og Moses Hightower - Ekkert þras, Snorri Helgason - Summer Is Almost Gone, Hjaltalín - Engill Alheimsins, Dikta - Talking og svo vinsæl lög eins og Eyþór Ingi - Ég á Líf, Baggalútur - Mamma þarf að djamma (ásamt Jóhönnu Guðrúnu) og Bógó & Lóló - Betri en þú.

Best erlendu lög ársins 2013
1. Arctic Monkeys - Do I Wanna Know
2. Ben Howard - Keep Your Head Up*
3. The National - I Need My Girl
4. Arcade Fire - Afterlife
5. Daft Punk - Get Lucky
6. Passenger - Let Her Go*
7. Lorde - Team
8. Cold War Kids - Jailbirds
9. Bastille - Pompeii
10. Frank Ocean - Lost*
11. Eminem - The Monster (feat. Rihanna)
12. Jay-Z - Holy Grail
13. Macklemore and Ryan Lewis - Can't Hold Us*
14. Vampire Weekend - Ya Hey
15. Atlas Genius - Trojans
16. Phosphorescent - Song for Zula
17. Miley Cyrus - We Can't Stop
18. Elliphant - Down On Life
19. Kings of Leon - Wait for Me
20. The Strokes - One Way Trigger
21. Queens of the Stone Age - My God Is the Sun.
22. Crystal Fighters - You & I
23. Foals - My Number
24. One Repulic - Counting Stars
25. A$AP Rocky - 1 Train
* ekki frá 2013