Fóstbræður

Þetta á nú ekki að vera youtube blogg en þetta atriði er bara of fyndið...

Hjem alene

Anna og Kári fóru í viku heimsókn til Íslands í gær. Ekki allir vissu af þessari heimsókn því um óvænt heimsókn var að ræða. Tengdó öll í þessu óvænta og eftir að hafa komið óvænt í heimsókn á afmælinu hennar Önnu í fyrra var ákveðið að Anna & Kári kæmu óvænt heim í afmælið hjá pabba sínum.

Ég komst ekki með í þetta skiptið því maður þarf jú að hugsa um skólann og verður reynt að nota þessa viku í lærdóm því svo koma Mamma og Pabbi með Önnu og Kára hingað til Noregs og verða í 6 daga.

Anna var búinn að tala um að ég fengi nú að sofa út um helgina því ekki væri eitt stykki Kári til að vekja mann. En þar sem maður er nú nokkuð vanafastur ákvað ég að vakna um kl. 5 bara því þá er Kári vanur að vakna og svo aftur kl. 7 því þá er Kári vanur að vakna. Endaði svo með því að ég skrölti framúr um kl. 9 eftir að hafa dormað upp í rúmmi í ca. 2 tíma.

Er þetta svona þegar maður er orðinn gamall?

Lost

Jæja þá var byrjað að horfa á Lost í gærkvöldi. Það var með ráðum gert að byrja svona seint að horfa á þessa seríu þar sem þetta eru svona óþolandi en samt áhugaverðir þættir, sérstaklega þar sem maður er búinn að eyða slatta af klukkutímum í fyrri seríur þá fer maður ekki að hætta núna!
Ágætt samt að þurfa ekkert að bíða neitt alltof mikið eftir þessu. Þættirnir fara rólega af stað og virðist þetta vera svipað og með hinar seríurnar með að teygja lopann endalaust.

Prison Break er á dagskrá í Moholti í kvöld, spennó...

Styrkur?

Það hefur borið á því að ýmis fólk sé ósátt við að hafa misst tölvuviðgerðamanninn sinn út úr landi. Mamma hefur t.d. verið að fá mann vinkonu sinnar og Gumma frænda til að reyna að hjálpa henni með eitthvað af þessum ótal tölvuvandræðum sem hún nær að koma sér í, og þau eru sko ekki fá skal ég segja ykkur. Held reyndar að mamma gæti ráðið mann í ca 50% vinnu við að hjálpa henni en það er annar handleggur. Þá virðist sem tölvurnar upp í Kambó sé andsettar því þær ná alltaf að hraka með ótrúlegum hraða. Þetta er bara það helsta!

Ég er að reyna að finna lausn á þessu máli og held ég sé kominn með ágæta hugmynd. Nú gefst fólki tækifæri á að leggja inná mig pening fyrir flugfari heim til íslands og þá skal ég leggja vinnu í það að laga tölvurnar þeirra! Er þetta ekki bara fín hugmynd!

Svo er líka spurning hvort að ég myndi svo fjármagna heimsókn Gísli til Noregs því það er hann sem ég leita til þegar allt er í volli hjá mér, spurning hver hann leitar til :)

Í spilun

Það hefur komið út alveg ótrúlega mikið af góðri tónlist á þessu ári. Í sjálfu sér ekki mikið um ný bönd sem ég er að hlusta á heldur eru sveitir sem ég byrjaði að hlusta á frá árinu 2004-2006 að koma með nýjar plötur.
Þá góða við að fylgjast vel með hvað er að gerast í tónlistinni er að þá getur maður hlustað á miklu meira af nýrri góðri tónlist en maður myndi heyra í útvarpinu.
Hérna eru svo nokkrir diskar sem eru búnir að renna ansi mikið í gegnum itunes/ipod undanfarnar vikur. Þetta er svo mikið að ég ákvað að skipa þessu í A-plötur og B-plötur, þeas A eru mjög góðar og B eru aðeins lakari.

A-plötur:
The Arcade Fire - Neon Bible
Væntingarnar voru mjög miklar og kannski ekki alveg jafn góð og fyrirrennari hennar en ansi góð og verður betri með hverri hlustun.
The Arcade Fire - Ocean Of Noise

Modest Mouse
Ég uppgötvaði Modest Mouse 2004 þegar ég vann plötu með þeim á X-inu. Hef svo eftir það hlustað mikið á efni frá þeim, bæði nýtt og gamalt, þeir eru í 8 sæti á last.fm listanum mínum. Finnst reyndar að þeir mættu sleppa svona 4 lögum á hverri plötu og þá myndu þær verða algjört gull, en frábær tónlist engu að síður.
Modest Mouse - Missed the Boat

Bright Eyes - Four Winds [EP]
Bright Eyes er í toppsætinu hjá mér yfir mesta spilun á Last.fm listanum. Hann gaf út tvær plötur í byrjun árs 2005 og þá byrjað ég sem sagt að hlusta á hann. Hann hefur reyndar gefið út fáránlega mikið efni miðað við aldur. En þetta er sem sagt stutt skífa frá honum og svo er breiðskífa væntanlega seinna á árinu. Góður forsmekkur af því.
Bright Eyes - Reinvent The Wheel

Kings of Leon - Because of the Times
Svipað og með Modest Mouse þá hef ég aldrei hlustað mikið á alveg heilan disk með þeim. En mörg mjög góð lög frá þeim og með nútíma tækni sleppir maður því bara lélegri lögunum.
Kings of Leon - Knocked Up

Klaxons - Myths of the Near Future
Ný sveit sem hefur BBC spáði að myndi slá í gegn á árinu. Svipar nokkuð til Bloc Party og er bara helvíti góð. Svipað og með Bloc Party eru mörg "mix" af lögunum frá þeim á netinu og er það góð viðbót við plötuna. Það er reyndar þannig að ég er byrjaður að fá leið á sumum lögunum. Veit ekki hvað það segir eitthvað um gæðin þó.
Klaxons - Atlantis To Interzone (Metronomy Remix)

Hérna koma svo mjög góðar plötur sem ég nenni bara ekki að skrifa um, Kári er líka orðinn pirraður á pabba sínum.
B-plötur:
Bloc Party - A Weekend in the City
Of Montreal - Hissing Fauna, Are You the Destroyer?
The Shins - Wincing the Night Away
Clap Your Hands Say Yeah - Some Loud Thunder
Kaiser Chiefs - Yours Truly, Angry Mob
Mika - Life In Cartoon Motion

Þó svo að ég viti að fólk er ekki brjálæðislega áhugasamt um að skrifa eitthvað í comment kerfinu væri gaman að heyra skoðanir fólks á þessum sveitum (þeas ef þær eru einhverjar).

Snjór

Stundum er tímanum manns betur varið í eitthvað annað en að horfa á fótbolta. Má ég fá þessa tvo tíma sem þetta tók aftur?

Kári úti á róló (18. mars 2007)

Helgin er búin að vera mjög fín, ekki gert neitt of mikið sem er bara flott inná milli. Búið að fara í nokkra göngutúra og svo var okkur boðið í mat í gær til Stebba og Hildar. Borðaður góður matur, drukkið rauðvín og spilað Trivial.

Moholt á kafi í snjó (18. mars 2007)

Í dag er svo ekki búið að hætta að snjó og er því allt komið á kaf. Í tilefni þess var farið í fjölskyldu ferð út á róló og fundum við snjóþotu niðri í geymslu sem við fengum lánaða. Kári var nú ekkert að kippa sér mikið upp við snjóþotu ferðalagið og skemmtu foreldrararnir sér mun betur (held ég).

Aldrei að vita nema að maður skelli sér svo á skíði í vikunni. Læt einnig fylgja eina mynd frá gærdeginum (svona til að sjá mun á milli daga).

Anna í göngutúr um Moholt hverfið (17. mars 2007)

iRak

Þar sem maður hefur nú ekki frá neinu að segja þá er alveg eins gott að setja eitt skemmtilegt myndband hérna inn. Smá grín af Steve Job (Apple) og George Bush. Sá þetta í Experts in Teams í gær og skemmti mér vel yfir þessu.

Veðurfréttir og Stubbarnir

Veðrið út um eldhúsgluggan (10. mars 2007)

Veðrið þessa dagana er ekki mikið til að hrópa húrra fyrir. Búið að vera hláka í ca. 2 vikur og var komin þétt klaka brynja yfir flesta göngustíga en núna er búið að rigna í nokkra daga og mesti klakkinn farinn. Ekki oft sem maður fagnar rigningu en fyrst það var ekki að snjó þá er bara ágætt að það rigni svo þessi blessaði klaki fari að fara.
Það kom reyndar einn dagur í seinustu viku þar sem veðrir var eins og komið væri vor veður, gaf manni smá forsmekk af vorinu.
Maður hefur komist svo mikið á skíði undanfarið að það liggur við að maður sé mettaður fyrir veturinn. Vonandi kemur samt páskahret svo maður komist í nýjan snjó í góða veðrinu um páskana. Mér fannst alltaf einna skemmtilegast í gamla daga þegar maður gat verið á skíðum um páskanam, liðin tíð (allavega í Bláfjöllum).

Kári dáleiddur að horfa á uppáhalds sjónvarpsefnið sitt, Stubbana (12. mars 2007)

Það sem er það að frétta af fjölskyldunni er að Kári er orðinn veikur og ekki er hann stór strákur þá, þarf að sinna honum mun meir en venjulega. Alltaf vinsælt þegar maður vill halda honum rólegum er að setja Stubbana á. Held að minn uppáhalds Stubber sé Dipsy, grænn og eini karlkyns stubburinn sem er ekki samkynhneigður. Slúðrið um Stubbana segir allavega að Tinky Winky sé hommi, sel það ekki dýrara en ég keypti það...
En vonandi nær Kári sér fljótlega af þessum veikindum, þá þarf maður ekki að horfa á eins mikið af stubbunum.

DVD uppfærsla

Það nýjasta sem horft hefur verið á í Moholti.

Fritt Vilt (2006)
Fritt Vilt er norsk hryllingsmynd. Við horfum á hana með Jón Hauki og Margréti og var viðeigandi að horfa á norska mynd með þeim. Þetta svipar svolítið til íslenskra mynda, svona með landskynning í byrjun og manni finnst leikararnir vera eitthvað svo heimilislegir. Gaman að horfa á norska mynd og æfa sig í norskunni í leiðinni, alveg ágætis spennu/horror hérna á ferð.
Fritt Vilt fær 5 stjörnur.

Flags of Our Fathers (2006)
Mig hefur langað að sjá þessa mynd alveg frá því að tökur byrjuðu á Íslandi. Nokkrir úr vinnunni voru aukaleikarar í þessari mynd og þá var ég einnig búinn að vinna á þessum slóðum. Þetta er ekki alveg þessi týpíska stríðsmynd heldur er hún meira róleg og gengur eiginlega útá að útskýra söguna á bakvið eina frægustu ljósmynd í heimi. Persónulega fannst mér þetta skemmtileg mynd en Anna hraut nú við hliðina á mér í lokin. Einnig gaman að sjá íslenska landslagið úti á Reykjanesskaga.
Þá er næst að horfa á Letters from Iwo Jima sem er um sama bardaga/stríð nema sagt frá sjónarhóli Japana, hún fær einnig góða dóma.
Flags of Our Fathers fær 7 stjörnur.

John Tucker Must Die (2006)
Já ég horfði á þessa mynd í gærkvöldi. Ég var búinn að ákveða að horfa á The Departed en þá tók Kári til sinna mála og ákvað að vera á öskrinu í ca. klst upp í rúmmi. Eftir það var ákveðið að horfa á eitthvað léttmeti sem tæki ekki meira en eina og hálfa klukkustund. John Tucker Must Die var fyrir valinu enda vitað að þar var ekki um mjög flókna mynd um að ræða.
Frekar döpur mynd en maður fékk alveg það sem maður átti von á, heimskuleg gelgjumynd. En maður verður nú stundum að horfa á þannig lagað, er það ekki?
John Tucker Must Die fær 3 stjörnur.

Skíðaferð til Oppdal

Jón Haukur, Margrét og Guðrún fóru heim til Íslands á miðvikudaginn eftir mjög skemmtilega viku heimsókn hérna í Þrándheimi.
Það fyrsta sem Guðrún gerði var að vilja faðm frá frænda sínum og kúrði sig hjá manni, ekki leiðinlegt að fá svona mótökur hjá litlu frænku. Þá var mjög gaman að fylgjast með Kára og Guðrúnu "leika" sér saman. Kári lét stóru frænku ekki vaða yfir sig og barðist fyrir sínu, þó svo að stóra frænka hans hafi nú haft yfirhöndina í flestum tilfellum.

Við fórum svo í skíðaferð til Oppdal frá föstudegi til mánudags. JHS var búinn að leigja íbúð alveg í einni skíðabrekkunni. Maður þurfti að labba ca. 10 m og þá var maður kominn í brekkuna.
Kynni mín við gönguskíði voru endurnýjuð á föstudeginum og eftir brösótta byrjun gekk ferðin vel. Á laugar- og sunnudeginum var svo skíðað og voru skiptst á að vera á barnavaktinni, þannig að allir komust á skíði. Á mánudeginum var svo tekinn stuttur skíðadagur þar sem við vorum búin að skila húsinu og því ekki með góða aðstöðu til að sinna tveimur börnum.

Oppdal er alveg frábært skíðasvæðið og ekkert smá gaman að komast loksins í almennilega aðstöðu til að stunda skíði. Veðrið um helgina var líka mjög gott en svo á mánudeginum var komið íslenskt rok og ekkert sérstakt skíðaveður.

Mjög skemmilegt heimsókn og ekkert smá gaman að komast aðeins í burtu á skíði. Nú tekur svo alvaran við og maður þarf að leggjast í bækurnar. En annars búið að vera gott frí hjá okkur einnig.

Heimsókn #2

Þá er heimsókn númer tvö á árinu að detta í land. Jón Haukur, Margrét og Guðrún eru lent í Osló og vonandi að hlaupa yfir í flugvélina til Þrándheims.
Þau ætla að vera hér í viku og skoða gamla bæinn sinn, því þau bjuggu hér eitthvað í kringum 1998-2000 (man það ekki nákvæmlega). Það verður svo gaman að hitta Guðrúnu frænku sem stækkar og stækkar, verður frólegt að sjá þau frændsystkinin leika sér saman.

Við erum svo búin að leigja Hyttu uppí Oppdal og er planið að fara í alvöru skíðaferð þangað, ekki slæmt að geta skíðað frá skíðasvæðinu í Hyttuna.

Þorrablót

Íslendinga félagið Kjartan hélt Þorrablót fyrir Íslendingana hérna í Þrándheimi á laugardaginn. Okkur Önnu (og Kára) var boðið í kokteilboð á undan til Stebba og Hildar (sjá hægra megin á mynd). Fínt að fá sér nokkrar bjóra og snittur áður en maður mætti í þorramatinn. Anna fór svo heim en ég á Þorrablótið. Mjög gaman að komast út og hitta aðra íslendinga hérna í Noregi, þó svo maður hafi nú mest haldið sig við "gamla" kjarnann. Afrekaði það að smakka hákarl í fyrsta skipti, veit ekki afhverju ég hef verið að draga lappirnar í þeim málum því hann var eiginlega bragðlaus en menn voru reyndar að tala um að hann væri eitthvað bragðdaufur. Annars mjög skemmtilegt og vel heppnað kvöld.
Góða við þetta er að ég slapp mjög vel með sunnudaginn (ekki hægt að segja það um alla, hóst Jói, hóst...).

Nú er ég svo kominn í Tiltaksuka í skólanum sem er tveggja vikna "frí". Er reyndar eitthvað af fyrirlestrum og námskeiðum en samt mjög þægilegt að fá svona "frí". Jón Haukur, Margrét og Guðrún koma svo á miðvikudaginn og þá verður fjör...meira um það seinna.

Góða nótt

Sameiginlegt

Hvað eiga ég, Ronaldinho og Ronalda sameiginlegt fyrir utan að vera góðir í fótbolta?

Heimsókn

Vikan sem leið er búin að vera mjög skemmtileg. Kambó gegnið komu í heimsókn á laugardaginn eftir að hafa misst af vélinni í Osló á föstudagskvöldinu. Þá var farið strax á skíði og einnig á sunnudeginum. Anna kom einnig með þá og var Rut heima að passa Kára. Mjög gaman að koma loksins á skíði og er ég bara mjög ánægður með Vassfjellet sem skíðasvæði, langar og góðar brekkur og nóg af stökkbrettum.
Það var búið að vera mjög mikið frost undanfarnar vikur hérna í Þrándheimi en hitastigið virðist hafa rokið upp um leið og Kambó gengið steig upp í flugvélina til Þrándheims. Og að sjálfsögðu lækkaði það aftur þegar ég var að keyra til baka frá flugvellinum eftir að hafa skutlað Arnari útá völl. Það var svo einnig farið á skíði á miðvikudagskvöldið með Herði og þá var frostið komið aftur og var eitthvað um -14° upp í fjalli og alveg skítkalt.
Það var stíf dagskrá allan tíman sem tengdó voru hér og var náð að gera alveg fullt sem verður ekki útlistað nánar. Veislumáltíð á hverjum degi og mjög gaman að hafa þau í heimsókn.

Takk fyrir komuna, þið eruð alltaf velkomin

Heimsóknir

Það er von á fullt af heimsóknum til okkar hingað til Þrándheims þessa önnina. Fyrst í röðinni eru tengdó sem eiga að koma "í dag". Jón Haukur, Margrét og Guðrún koma svo 28 feb. og mamma og pabbi koma 30 mars.

Ég segi "í dag" með tengdó því þau áttu að lenda kl. 00:30 en fluginu frá Íslandi seinkaði um einhverja 2 tíma þannig að þau missa að öllum líkindum af fluginu frá Oslo til Þrándheims.
Það er vonandi að það rætist úr þessi og bæði þau og skíðin okkar komist á leiðarenda (í nótt). Leiðinlegt ef þau þurfa að gista í Osló því þetta er stutt heimsókn og sérstaklega fyrir Arnar (bróðir Önnu) sem fer til baka á mánudaginn.

Sakna skíðanna minna nokkuð og sé nokkuð eftir því að hafa ekki komið með þau núna í janúar. En sem sagt aldrei að vita nema að maður komist á skíði um helgina nema hvað að núna er auðvitað kominn hiti. Vonandi helst snjórinn samt.

Nóg að rófli í bili.